Devara OTT Release Date: ದೇವರ ಒಟಿಟಿ ಪ್ಲಾಟ್‌ಫಾರ್ಮ್, ಸ್ಟೋರಿ, ಕಲಾವಿದರು ಮತ್ತು ಇತರ ಮಾಹಿತಿ ಇಲ್ಲಿದೆ.

ದೇವರ ಸಿನಿಮಾದ ಕಥೆ ತಮಿಳುನಾಡು-ಆಂಧ್ರ ಗಡಿಯ ರತ್ನಗಿರಿಯ ಭಾಗದಲ್ಲಿ ನಡೆಯುತ್ತೆ. ಅಲ್ಲಿನ ನಾಲ್ಕು ಊರುಗಳಿಗೆ ದೇವರ (ಜ್ಯೂ ಎನ್‌ಟಿಆರ್), ಭೈರವ (ಸೈಫ್ ಅಲಿ ಖಾನ್) ದೊಡ್ಡ ದಿಕ್ಕು ಎನ್ನುವಂತಿರುತ್ತಾರೆ. ಜೀವನಕ್ಕಾಗಿ ಸಮುದ್ರವನ್ನೇ ನಂಬಿಕೊಂಡ ಜನರು ಬಳಿಕ ಅಕ್ರಮವಾಗಿ ಸರಕನ್ನು ಕದಿಯಲು ಆರಂಭಿಸುತ್ತಾರೆ. ಒಂದು ಹಂತದಲ್ಲಿ ತಾವು ಮಾಡುತ್ತಿರುವುದು ತಪ್ಪು ಅಂತ ದೇವರರಾಗಿ ತಿಳಿಯುತ್ತೆ. ಆದರೆ, ಅದಕ್ಕೆ ಒಗ್ಗಿಕೊಂಡ ಕೆಲವರು ಭೈರವನ ಜೊತೆ ಅದನ್ನು ಮುಂದುವರೆಸಲು ಹೋಗ್ತಾರೆ. ಇದರಿಂದಾಗಿ ಒಂದು ಕಾಲದಲ್ಲಿ ಸ್ನೇಹಿತರು ಎನ್ನುವಂತಿದ್ದ ಭೈರವ-ದೇವರ ನಡುವೆ ಕಿತ್ತಾಟ ಶುರುವಾಗುತ್ತೆ. ಆದರೆ, ಒಂದು ದಿನ ಇದ್ದಕ್ಕಿಂತದ್ದಂತೆ ದೇವರ ಊರಿನಿಂದ ದೂರವಾಗ್ತಾನೆ. ಭೈರವ ಗ್ಯಾಂಗ್‌ಗೆ ಕಂಟವಾಗುತ್ತಾನೆ. ಸೆಕೆಂಡ್ ಹಾಫ್‌ನಲ್ಲಿ ದೇವರನ ಮಗ ವರನ (ಜ್ಯೂ ಎನ್‌ಟಿಆರ್) ಎಂಟ್ರಿ ಆಗುತ್ತೆ. ತಂದೆ ಧೈರ್ಯವಂತನಾಗಿದ್ರೆ, ಮಗ ದೊಡ್ಡ ಪುಕ್ಕಲನಾಗಿರುತ್ತಾನೆ. ಅಷ್ಟಕ್ಕೂ ದೇವರ ಏನಾದ? ವರ ಯಾಕೆ ಅಷ್ಟು ಪುಕ್ಕಲ? ಎಂಬುದು ಸಿನಿಮಾದ ಕಥೆ.

ಜೂನಿಯರ್ ಎನ್‌ಟಿಆರ್ ನಟನೆಯ ದೇವರ ಸಿನಿಮಾ 2024ರ ನವೆಂಬರ್ 8ರಂದು ಒಟಿಟಿಯಲ್ಲಿ ಬಿಡುಗಡೆಯಾಗದಲಿದೆ. ನೆಟ್‌ಫ್ಲಿಕ್ಸ್‌ ಪ್ಲಾಟ್‌ಫಾಮ್‌ನಲ್ಲಿ ಈ ಸಿನಿಮಾ ತೆಲುಗು, ತಮಿಳು, ಕನ್ನಡ ಹಾಗೂ ಮಲಯಾಳಂ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ. ಈ ಸಿನಿಮಾವನ್ನು ಕೊರಟಾಲ ಶಿವ ಎರಡು ಭಾಗಗಳಲ್ಲಿ ಬಿಡುಗಡೆಗೆ ಪ್ಯ್ಯಾನ್ ಮಾಡಿದ್ದು, ಮುಂದಿನ ವರ್ಷ ಎರಡನೇ ಭಾಗದ ಚಿತ್ರೀಕರಣ ಆರಂಭವಾಗಲಿದೆ.

ದೇವರ  ಸಿನಿಮಾದಲ್ಲಿ ಜೂನಿಯರ್ ಎನ್‌ಟಿಆರ್, ಸೈಫ್ ಅಲಿ ಖಾನ್ ಹಾಗೂ ಜಾನ್ವಿ ಕಪೂರ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಉಳಿದಂತೆ ಪ್ರಕಾಶ್ ರಾಜ್, ಶ್ರೀಕಾಂತ್, ಅಭಿಮನ್ಯು ಸಿಂಗ್, ಮುರಳಿ ಶರ್ಮಾ ಮುಂತಾದವರು ತಾರಾಗಣದಲ್ಲಿದ್ದಾರೆ. ಚಿತ್ರಕ್ಕೆ ಅನಿರುದ್ದ್ ರವಿಚಂದರ್ ಸಂಗೀತ ನೀಡಿದ್ದು, ಸುಧಾಕರ್ ಮಿಕ್ಕಿಲಿನೇನಿ ಮತ್ತು ನಂದಮೂರಿ ಕಲ್ಯಾಣ್ ರಾಮ್ ನಿರ್ಮಿಸಿದ್ದರು.

ಮೊದಲ ದಿನವೇ ದಾಖಲೆಯ ಓಪನಿಂಗ್ ಕಂಡಿದ್ದ ದೇವರ ಸಿನಿಮಾ ಐದು ವಾರಗಳನ್ನು ಪೂರೈಸಿದ ಬಳಿಕ  400 ಕೋಟಿ ರೂ. ಗಳಿಕೆ ಮಾಡಿತ್ತು. ಇದೇ ನವೆಂಬರ್ 8ರಂದು ಸಿನಿಮಾ ಒಟಿಟಿಯಲ್ಲಿ ಬಿಡುಗಡೆಯಾಗಲಿದ್ದು, ನೆಟ್‌ಫ್ಲಿಕ್ಸ್‌ನಲ್ಲಿ ವೀಕ್ಷಿಸಬಹುದು.