'ಬಿಗ್‌ಬಾಸ್‌ ಮನೆಯಲ್ಲಿವೆ ಮೂರು ಶನಿಗಳು, ಇವರು ಪ್ರಭಾವ ಬೀರೋಕೆ ಆರಂಭಿಸಿದ್ರೆ ಮುಗೀತು'

ಕಾರ್ತಿಕ್‌ ಬಿಗ್‌ಬಾಸ್‌ ಮನೆಯಲ್ಲಿ ಮೂರು ಶನಿಗಳಿವೆ. ಅವು ಯಾವವು? ಅಂತ ವರ್ತೂರು ಸಂತೋಷ್ ಬಳಿ ಕೇಳಿದ್ದಾರೆ. ಇದಕ್ಕೆ ವರ್ತೂರು ಅವರು, ಮೊದಲು ವಿನಯ್ ಹೆಸರು ತೆಗೆದುಕೊಂಡರು. ನಂತರ ನಮ್ರತಾ ಎಂದರು. ಕೊನೆಗೆ ಸ್ವಲ್ಪ ಯೋಚಿಸಿ ಸಂಗೀತಾ ಹೆಸರು ಹೇಳಿ, ಈ ಶನಿಗಳು ಪ್ರಭಾವ ಬೀರೋಕೆ ಆರಂಭಿಸಿದ್ರೆ ಮುಗೀತು ಅಂದರು. ಈ ಮಾತನ್ನು ಕಾರ್ತಿಕ್ ಕೂಡ ಒಪ್ಪಿಕೊಂಡರು. ವಿನಯ್ ಹೆಸರಿನ ಶನಿಯ ಪ್ರಭಾವ ಮೊದಲಿನಿಂದಲೂ ಇತ್ತು. ಇತ್ತೀಚೆಗೆ ಸಂಗೀತಾ ಕೂಡ ಪ್ರಭಾಚ ಕೂಡ ಹೆಚ್ಚುತ್ತಿದೆ ಎಂದಿದ್ದಾರೆ. 

ವಿನಯ್ ಹಾಗೂ ಮೈಕಲ್ ಬೀನ್ ಬ್ಯಾಗ್ ಮೇಲೆ ಕುಳಿತು ನಿದ್ರಿಸುತ್ತಿದ್ದರು. ಹೀಗಾಗಿ ಬಿಗ್‌ಬಾಸ್‌ ನಾಯಿ ಬೊಗಳುವ ಸೌಂಡ್ ಹಾಕಿ ಎಚ್ಚರಿಸಿದರು. ತಕ್ಷಣ ಕ್ಯಾಪ್ಟನ್ ತನಿಷಾ ಬಂದು, ನಿದ್ದೆ ಮಾಡಿದ್ದಕ್ಕೆ ಮೂರು ಬಾರಿ ಸ್ವಿಮ್ಮಿಂಗ್‌ ಪೂಲ್‌ನಲ್ಲಿ ಮುಳುಗೆದ್ದು ಬನ್ನಿ ಅಂತ ಶಿಕ್ಷೆ ವಿಧಿಸಿದರು. ಇದಕ್ಕೆ ಅವರಿಬ್ಬರು ಡೋಂಟ್ ಕೇರ್, ಮಾಡಲ್ಲ ಹೋಗು ಎಂದರು. ಕೊನೆಗೆ ತನಿಷಾ ಬೇರೆ ಶಿಕ್ಷೆ ವಿಧಿಸಿದರು. ಅದನ್ನು ಮಾಡಲು ಒಪ್ಪದ ಮೈಕಲ್, ಏನು ಮಾಡುತ್ತೀಯಾ? ಕ್ಯಾಪ್ಟನ್‌ ಆದಾಗ ನೇರವಾಗಿ ನಾಮಿನೇಟ್ ಮಾಡುವ ಅವಕಾಶ ಸಿಗುತ್ತೆ. ಆಗ ನನ್ನ ನಾಮಿನೇಟ್ ಮಾಡಿ ಅಂತ ದುರಂಕಾರ ತೋರಿದರು. ತನಿಷಾ ಅಲ್ಲಿಂದ ಹೊರಹೋಗುತ್ತಿದ್ದಂತೆ ಮೈಕಲ್, ವಿನಯ್ ಬಳಿ ಇನ್ನೊಂದು ಸ್ವಲ್ಪ ಹೊತ್ತು ಮಲಗಿ ಮನೆಯ ಪರಿಸ್ಥಿತಿಯನ್ನು ಹಾಳು ಮಾಡೋಣ ಎಂದರು.    

ಇನ್ನೂ ಮೈಕಲ್ ಪಾತ್ರೆ ತೊಳೆಯುವ ತಮ್ಮ ಜವಾಬ್ದಾರಿಯನ್ನು ನಿಭಾಯಿಸಿರಲಿಲ್ಲ. ತನಿಷಾ ಪದೇ-ಪದೇ ಕೇಳಿಕೊಂಡರೂ ಮಾಡಿರಲಿಲ್ಲ. ನಂತರ ನಿಧಾನಕ್ಕೆ ಬಂದು ಪಾತ್ರೆ ತೊಳೆಯುತ್ತಿದ್ದರು. ಅದನ್ನು ಪ್ರಶ್ನಿಸಿದಾಗ ನನ್ನಿಷ್ಟ ಬಂದಾಗ ಮಾಡ್ತೀನಿ. ಇದೆಲ್ಲಾ ಮಾಡಬೇಕು ಅಂತ ಎಂದು ಎಲ್ಲಿ ಬರೆದಿದೆ. ನನಗೆ ಮಾಡೋಕೆ ಇಷ್ಟವೇ ಇಲ್ಲ ಎಂದರು. ಅದಕ್ಕೆ ತನಿಷಾ, ಮಲಗಿದ್ದಕ್ಕೆ ನಿಮಗೆ ಶಿಕ್ಷೆ ನೀಡಿದೆ. ಅದನ್ನು ಮಾಡದೇ ನೀವು ದುರಹಂಕಾರ ತೋರಿಸಿದ್ರಿ. ಅದಕ್ಕೆ ನಾನೇನು ಮಾಡೋಕಾಗಲ್ಲ. ನೀವು ನಿದ್ದೆ ಮಾಡುತ್ತಿದ್ರಿ, ಉನ್ನಷ್ಟು ನಿದ್ದೆ ಮಾಡಿ ಅಂತ ಹೇಳಬೇಕಾ? ಅಂತ ಪ್ರಶ್ನಿಸಿದರು. ಅದಕ್ಕೆ ಮೈಕಲ್, ನಾನು ನಿದ್ದೆ ಮಾಡಿದ್ರೆ ನಿಂಗೆ ಶಿಕ್ಷೆ ಬರುತ್ತದೆಯೇ? ನೀನು ಹೇಳೋದನ್ನು ಕೇಳಬೇಕು ಅಂದಿಲ್ಲ ಎಂದರು. 

ಮಾತು ಮುಂದುವರೆಸಿದ ಮೈಕಲ್, ನೀನು ಡಿಕ್ಟೇಟರ್ ಅಲ್ಲ. ಕ್ಯಾಪ್ಟನ್ಸಿ ಟಾಸ್ಕ್‌ನಲ್ಲಿ ಮೂರು ಬಾಲ್ ಹಾಕಿದ್ದೀಯಾ ಅಷ್ಟೇ. ನೀನು ದೊಡ್ಡ ಸಾಧನೆ ಮಾಡಿಲ್ಲ. ನಿನ್ನ ಧ್ವನಿಯನ್ನು ಕೇಳಿ ಮೊದಲಿನಿಂದಲೂ ಇರಿಟೇಷನ್ ಆಗುತ್ತಿದೆ ಅಂತ ಸಿಟ್ಟಲ್ಲಿ ಹೇಳಿದರು. ಕಿಚ್ಚ ಸುದೀಪ್ ಈ ಹಿಂದೆ ಕ್ಯಾಪ್ಟನ್‌ಗೆ ಗೌರವ ನೀಡಬೇಕು ಅಂತ ಸೂಚಿಸಿದ್ದರು. ಆದ್ರೀಗ ಮೈಕಲ್ ಮತ್ತು ವಿನಯ್ ಇಬ್ಬರು ಅದನ್ನು ಫಾಲೋ ಮಾಡಿಲ್ಲ. ಹೀಗಾಗಿ ಈ ವಾರ ಈ ವಿಷಯ ಬಗ್ಗೆ  ಕ್ಲಾಸ್ ತೆಗೆದಕೊಳ್ಳುವ ಸಾಧ್ಯತೆಯಿದೆ. 

ಈ ವಾರದ ನಾಮಿನೇಷನ್ ಪ್ರಕ್ರಿಯೆ ಐದು ಸುತ್ತುಗಳಲ್ಲಿ ನಡೆದಿದೆ. ಮೊದಲನೇ ಸುತ್ತಿನಲ್ಲಿ ವರ್ತೂರು ಸಂತೋಷ್, ಎರಡನೇ ಸುತ್ತಿನಲ್ಲಿ ಡ್ರೋನ್ ಪ್ರತಾಪ್, ಮೂರನೇ ಸುತ್ತಿನಲ್ಲಿ ಮೈಕಲ್, ನಾಲ್ಕನೇ ಸುತ್ತಿನಲ್ಲಿ ಕಾರ್ತಿಕ್ ಹಾಗೂ ಐದನೇ ಸುತ್ತಿನಲ್ಲಿ ತುಕಾಲಿ ಸಂತು ನಾಮಿನೇಟ್ ಆಗಿದ್ದಾರೆ. ನಿಮ್ಮ ಪ್ರಕಾರ ಈ ವಾರ ಯಾರು ಮನೆಯಿಂದ ಆಚೆ ಬರಲಿದ್ದಾರೆ ಎಂಬುದನ್ನು ಕಾಮೆಂಟ್ ಮೂಲಕ ತಿಳಿಸಿ.