ಶ್‌ ಟು ಮೂಕನಾಯಕ: ಕುಮಾರ್ ಗೋವಿಂದ್ ನಟನೆಯ ಟಾಪ್ 5 ಸಿನಿಮಾಗಳ ಪಟ್ಟಿ ಇಲ್ಲಿದೆ.

1993ರಲ್ಲಿ 'ಶ್‌' ಸಿನಿಮಾ ಮೂಲಕ ಸಿನಿಪಯಣ ಆರಂಭಿಸಿದ ಕುಮಾರ್ ಗೋವಿಂದ್, ಮೊದಲ ಸಿನಿಮಾದಲ್ಲಿಯೇ ಭರ್ಜರಿ ಯಶಸ್ಸು ಗಳಿಸಿದರು.  ಈ ಸಿನಿಮಾದಲ್ಲಿದಲ್ಲಿ ನಾಯಕನಾಗಿ ಮಾತ್ರವಲ್ಲದೇ ನಿರ್ಮಾಪಕನಾಗಿಯೂ ಕೆಲಸ ಮಾಡಿದರು. ಈ ಚಿತ್ರದಲ್ಲಿ ಕಾಶಿನಾಥ್, ಉಪೇಂದ್ರ, ಸಾಧುಕೋಕಿಲ, ಬ್ಯಾಂಕ್ ಜನಾರ್ಧನ್, ಮೈಕಲ್‌ ಮಧು, ಬಿರಾದರ್ ಸೇರಿದಂತೆ ಹಲವರು ಅಭಿನಯಿಸಿದ್ದರು. 

ಕುಮಾರ್ ಗೋವಿಂದ್ ನಟನೆಯ ಎರಡನೇ ಸಿನಿಮಾ ಅನುರಾಗ ಸಂಗಮ. ಈ ಚಿತ್ರದಲ್ಲಿ ಸುಧಾರಾಣಿ ನಾಯಕಿಯಾಗಿ ಅಭಿನಯಿಸಿದ್ದು, ರಮೇಶ್ ಅರವಿಂದ್ ಮತ್ತು ಕುಮಾರ್ ಗೋವಿಂದ್ ನಾಯಕನಾಗಿ ಕಾಣಿಸಿಕೊಂಡಿದ್ದರು. ಚಿತ್ರದಲ್ಲಿ ಕುಮಾರ ಗೋವಿಂದ್ ಅಂದ ಹುಡುಗಿ (ಸುಧಾರಾಣಿ)ಯನ್ನು ಪ್ರೀತಿಸುತ್ತಿರುತ್ತಾರೆ. ಆದರೆ, ಆಕೆಗೆ ಶಸ್ರಚಿಕಿತ್ಸೆಯ ಬಳಿಕ ಕಣ್ಣು ಬಂದ ಮೇಲೆ ಕುಮಾರ್ ಗೋವಿಂದ್ ನನ್ನ ಶ್ರೀಮಂತ ಗೆಳೆಯ ರಮೇಶ್‌ಗೆ ಆಕೆಯನ್ನು ಮದುವೆಯಾಗುವಂತೆ ಒತ್ತಾಯಿಸುತ್ತಾರೆ. ಈ ಸಿನಿಮಾ ಸೂಪರ್ ಹಿಟ್ ಆಗಿತ್ತು. 

ಮೃತ್ಯು ಬಂಧನ ಸಿನಿಮಾದಲ್ಲಿ ಕುಮಾರ್ ಗೋವಿಂದ್ ನಾಯಕನಾಗಿ ಮತ್ತು ಸಂಗೀತ ನಾಯಕಿಯಾಗಿ ಅಭಿನಯಿಸಿದ್ದರು.  ಕುಮಾರ್ ಗೋವಿಂದ್ ಬರಹಗಾರನಾಗಿ ಕಾಣಿಸಿಕೊಂಡಿದ್ದ ಈ ಸಿನಿಮಾದಲ್ಲಿ, ಓರ್ವ ನಿಗೂಢ ಯುವತಿ ಕುಮಾರ್ ಗೋವಿಂದ್ ಜೀವನಕ್ಕೆ ಬರುತ್ತಾಳೆ. ಬಳಿಕ ಒಂದು ಕೊಲೆಯ ಆರೋಪ ಆತನ ಮೇಲೆ ಬರುತ್ತಿದ್ದಂತೆ ತಪ್ಪಾಗಿ ಭಾವಿಸಿ, ಅಲ್ಲಿಂದ ಕಣ್ಮರೆಯಾಗುತ್ತಾಳೆ. ಬರಹಗಾರ ತಾನು ಕೊಲೆ ಮಾಡಿಲ್ಲ ಎಂಬುದನ್ನು ಸಾಭೀತುಪಡಿಸಲು ಅವಳ ಜಾಡು ಹಿಡಿದು ಹೋದಾಗ, ಹಲವು ರಹಸ್ಯಗಳು ಬೆಳಕಿಗೆ ಬರುತ್ತವೆ. ಈ ಸಿನಿಮಾ ಅಷ್ಟೇನು ಯಶಸ್ಸು ಗಳಿಸಲಿಲ್ಲ. 

ಚಂದನ ಚಿಗುರು ಸಿನಿಮಾದಲ್ಲಿ ಕುಮಾರ್ ಗೋವಿಂದ್ ನಾಯಕನಾಗಿ ಮತ್ತು ಸುಧಾರಾಣಿ ನಾಯಕಿಯಾಗಿ ಅಭಿನಯಿಸಿದ್ದರು. ಚಿತ್ರವನ್ನು ಅಬ್ದುಲ್ ರೆಹಮಾನ್ ಪಾಷಾ ನಿರ್ದೇಶನ ಮಾಡಿದ್ದರು. ಇದೊಂದು ಪ್ರೇಮಕತೆ ಹೊಂದಿದ್ದ ಸಿನಿಮಾವಾಗಿದ್ದು, ಇದು ಕೂಡ ಹೇಳಿಕೊಳ್ಳುವಷ್ಟು ಯಶಸ್ಸು ಕಂಡಿಲ್ಲ. 

ಬರಗೂರು ರಾಮಚಂದ್ರಪ್ಪ ನಿರ್ದೇಶನದ ಮತ್ತು ಎಂ ಬಾಲರಾಜ್ ನಿರ್ಮಿಸಿದ 'ಮೂಕನಾಯಕ' ಚಿತ್ರದಲ್ಲಿ ಕುಮಾರ್ ಗೋವಿಂದ್ ನಾಯಕನಾಗಿ  ಅಭಿನಯಿಸಿದ್ದರು. ಈ ಸಿನಿಮಾವೂ ಮಾತು ಬಾರದ ಚಿತ್ರಕಲಾವಿದನ ಬದುಕಿನ ಸುತ್ತ ಸಂಯಜಿಸಿದ ಕಥೆಯಾಗಿತ್ತು. ಸಮಾಜದ ಆಗು-ಹೋಗುಗಳನ್ನು ತನ್ನ ಚಿತ್ರದ ಮೂಲಕ ಅಭಿವ್ಯಕ್ತಿಸುವ ಕಾಳಜಿಯ ಕಲಾವಿದನಾಗಿ ಕುಮಾರ್ ಗೋವಿಂದ್ ಕಾಣಿಸಿಕೊಂಡಿದ್ದರು. ಈ ಸಿನಿಮಾದ ನಟನೆಗಾಗಿ ಅಮೆರಿಕ ಡಲ್ಲಾಸ್ ಅಂತರರಾಷ್ಟ್ರೀಯ ಚಿತ್ರೋತ್ಸವದಲ್ಲಿ ಕುಮಾರ್ ಗೋವಿಂದ್ ಅವರಿಗೆ ಅತ್ಯುತ್ತಮ ನಟ ಪ್ರಶಸ್ತಿ ಲಭಿಸಿದೆ.