ಬಿಗ್‌ಬಾಸ್ ಸ್ಪರ್ಧಿ ಗೋಲ್ಡ್ ಸುರೇಶ್ ವಯಸ್ಸು, ಎಜುಕೇಷನ್, ಕಂಪನಿ ಸೇರಿದಂತೆ ಇಂಟರೆಸ್ಟಿಂಗ್ ವಿಷಯಗಳಿವು!

ಉತ್ತರ ಕರ್ನಾಟಕ ಮೂಲದ ಗೋಲ್ಡ್ ಸುರೇಶ್ ರೈತ ಕುಟುಂಬದ ಹಿನ್ನೆಲೆಯಿಂದ ಬಂದವರು. ಬೆಳಗಾವಿಯ ಅಥಣಿ ತಾಲೂಕಿನ ಪಾರ್ಥನಹಳ್ಳಿಯವರಾದ ಸುರೇಶ್ ಅವರಿಗೆ ಚಿನ್ನ ಅಂದ್ರೆ ಬಹಳ ಅಚ್ಚುಮೆಚ್ಚು.ಸದಾ ಮೈಮೇಲೆ ಚಿನ್ನ ಹಾಕಿಕೊಂಡು ಓಡಾಡುತ್ತಾರೆ. ಅದೇ ಕಾರಣಕ್ಕೆ ಜನರು ಅವರನ್ನು ಗೋಲ್ಡ್ ಸುರೇಶ್ ಎಂದೇ ಕೆಲವರು ಕರೆಯುತ್ತಾರೆ. ಅದೇ ಹೆಸರಿನಲ್ಲಿ ಅವರು ಗುರುತಿಸಿಕೊಂಡಿದ್ದಾರೆ.

ಸುರೇಶ್ ಅವರದ್ದು ಚಿಕ್ಕವರಿದ್ದಾಗ ಬಹಳ ತುಂಟ ಸ್ವಭಾವ. 10ನೇ ತರಗತಿಯವರೆಗೂ ಓದಿರುವ ಇವರು, ಮನೆಯವರು ಎಷ್ಟೇ ಹೇಳಿದ್ರೂ ಪಿಯುಸಿವರೆಗೂ ಓದಲಿಲ್ಲ. 10ನೇ ಕ್ಲಾಸ್ ನಂತರ ಏನಾದರೂ ಸಾಧಿಸಬೇಕು ಎನ್ನುವ ಛಲದಿಂದ ಊರು ಬಿಟ್ಟು ಓಡಿ ಹೋದರಂತೆ. ಬಳಿಕ ಅಲ್ಲಿ-ಇಲ್ಲಿ ಕೆಲಸ ಮಾಡಿರುವ ಇವರು ಆರ್‌ಎಸ್‌ಎಸ್ ಕಾರ್ಯಕರ್ತ ಕೂಡ ಹೌದು.

ಮೊದಲ ಕಟ್ಟಡ ನಿರ್ಮಾಣ ಸಂಸ್ಥೆಯಲ್ಲಿ ಕೆಲಸಕ್ಕೆ ಸೇರಿಕೊಂಡ ಇವರು, ಕನ್ಸ್‌ಟ್ರಕ್ಷನ್ ಸೂಪರ್‌ವೈಸರ್ ಆಗಿ ಕೆಲಸ ಮಾಡಿದ್ದರು. ಆನಂತರ ಖಾಸಗಿ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದ ಸುರೇಶ್ ಬಳಿಕ ಕೆಲಸ ಬಿಟ್ಟು ಕ್ರಿಯೇಟಿವ್ ಇಂಟೀರಿಯರ್ ಸಂಸ್ಥೆ ಸ್ಥಾಪಿಸಿದರು. ಸದ್ಯ Bharata Ledಯ ಫೌಂಡರ್, ಡೈರೆಕ್ಟರ್, ಸಿಇಓ ಆಗಿರುವ ಗೋಲ್ಡ್ ಸುರೇಶ್ ಶ್ರೀಮಂತ ಉದ್ಯಮಿಯಾಗಿದ್ದಾರೆ. ಇತ್ತೀಚೆಗೆ ಜೀ ನ್ಯೂಸ್ ಯುವರತ್ನ ಅವಾರ್ಡ್ ಕೂಡ  ಸುರೇಶ್ ಪಡೆದಿದ್ದರು.

ಗೋಲ್ಡ್ ಸುರೇಶ್ ಅವರಿಗೆ ಮದುವೆಯಾಗಿದೆ. ಇವರು ಓದಿರುವುದು ಕಡಿಮೆಯೇ. ಆದರೆ, ಇವರ ಪತ್ನಿ ಹೆಚ್ಚು ವಿದ್ಯಾಭ್ಯಾಸ ಮಾಡಿದ್ದಾರೆ. ಇವರ ಪತ್ನಿಗೆ ಸುರೇಶ್ ಅವರಂತೆ ಕಾರು ಹಾಗೂ ಚಿನ್ನದ ಕ್ರೇಜ್‌ ಇಲ್ಲವಂತೆ. ಈ ದಂಪತಿಗೆ ಒಂದು ಹೆಣ್ಣುಮಗು ಕೂಡ ಇದೆ. ಸುರೇಶ್ ನಾಲ್ಕೈದು ಬಾಡಿಗಾರ್ಡ್ ಇಟ್ಟುಕೊಂಡಿದ್ದಾರೆ.

ಅಂದಾಜು 2 ಕೋಟಿ ರೂಪಾಯಿ ಮೌಲ್ಯದ ಚಿನ್ನ ಧರಿಸಿ ಬಿಗ್‌ಬಾಸ್‌ ಮನೆಗೆ ಎಂಟ್ರಿಕೊಟ್ಟಿರುವ ಗೋಲ್ಡ್ ಸುರೇಶ್‌ಗೆ ಮುಂದಿನ ವರ್ಷ ಚಿನ್ನದ ಶರ್ಟ್ ಮಾಡಿಸಿಕೊಳ್ಳಬೇಕೆಂಬ ಆಸೆಯಿದೆಯಂತೆ. ಮೈತುಂಬಾ ಗೋಲ್ಡ್ ಹಾಕಿಕೊಳ್ಳುವ ಸುರೇಶ್ ತಮ್ಮ ಶ್ವಾನಕ್ಕೂ ಚಿನ್ನದ ಸರ ಹಾಕಿದ್ದಾರೆ. ಜೊತೆಗೆ ಸಾಕಷ್ಟು ಸೆಲೆಬ್ರಿಟಿಗಳು ಹಾಗೂ ರಾಜಕಾರಣಿಗಳ ಜೊತೆ ಆತ್ಮೀಯತೆ ಹೊಂದಿದ್ದಾರೆ.