ಗುಂಪು ಕಟ್ಟಿಕೊಂಡು ಗೆಲ್ತೀವಿ ಅಂದೊರೆಲ್ಲಾ ಒಬ್ಬೊಬ್ಬರೆ ಬಿಗ್‌ಬಾಸ್‌ ಮನೆಯಿಂದ ಔಟ್: ಇನ್ನಾದ್ರೂ ಬದಲಾಗ್ತಾರಾ ವಿನಯ್ & ನಮ್ರತಾ

ಬಿಗ್‌ಬಾಸ್ ಆರಂಭದಲ್ಲಿ ಅಸಮರ್ಥರು ಹಾಗೂ ಸಮರ್ಥರು ಎಂಬ ಎರಡು ಗುಂಪು ಮಾಡಲಾಗಿತ್ತು.  ಸಮರ್ಥರ ಸಾಲಿನಲ್ಲಿ ವಿನಯ್, ನಮ್ರತಾ, ಸ್ನೇಹಿತ್ ಸೇರಿದಂತೆ ಹಲವರಿದ್ದರು. ನಂತರ ಬಿಗ್‌ಬಾಸ್ ವಾರದ ಟಾಸ್ಕ್ ಆಡಲು ತಂಡಗಳನ್ನು ರಚಿಸಿದರು. ಈ ತಂಡದಲ್ಲಿ ವಿನಯ್, ನಮ್ರತಾ, ಸ್ನೇಹಿತ್, ರಕ್ಷಕ್ ಬುಲೆಟ್, ಇಶಾನಿ, ನೀತು ವನಜಾಕ್ಷಿ ಹಾಗೂ ತುಕಾಲಿ ಸಂತೋಷ್ ಇದ್ದರು. ಈ ವೇಳೆ ವಿನಯ್ ಎಲ್ಲರನ್ನು ಕರೆದು,  ಸ್ಟ್ರೆಟಜಿ ಮಾಡೋಣ. ನಮ್ಮ ಟೀಂ ವಿರುದ್ಧ ತಂಡದವರನ್ನು ನಾಮಿನೇಟ್ ಮಾಡೋಣ. ಹೀಗಿಯೇ ಒಬ್ಬೊಬ್ಬರನ್ನು ಹೊರಗೆ ಹಾಕುತ್ತಾ ಬರೋಣ. ಫಿನಾಲೆಯಲ್ಲಿ ನಾವು ಐದು ಜನರೇ ಇರೋದು ಅಂತ ಹೇಳಿದ್ದರು. ಇದೀಗ ಅವರ ಪ್ಲ್ಯಾನ್ ಉಲ್ಟಾ ಆಗಿದ್ದು, ಅವರ ತಂಡದವರೇ ಒಬ್ಬೊಬ್ಬರಾಗಿ ಎಲಿಮಿನೇಟ್ ಆಗಿದ್ದಾರೆ. 

ವಿನಯ್‌ ತಂಡದವರ ಪೈಕಿ ಮೊದಲು ಬಿಗ್‌ಬಾಸ್ ಮನೆಯಿಂದ ಹೊರಹೋಗಿದ್ದು ರಕ್ಷಕ್ ಬುಲೆಟ್. ರಕ್ಷಕ್ ದೊಡ್ಮನೆಯಲ್ಲಿ ಸ್ಟ್ರಾಂಗ್ ಸ್ಪರ್ಧಿ ಎನಿಸಿಕೊಂಡರೂ ಕೂಡ ಒಂದೇ ತಿಂಗಳಿಗೆ ಎಲಿಮಿನೇಟ್ ಆದರು. ನಂತರ ಇಶಾನಿ ಎಲಿಮಿನೇಟ್ ಆದರು. ಆನಂತರದಲ್ಲಿ ತಂಡ ಬದಲಾಯಿಸಿದ ನೀತು, ಟಾಸ್ಕ್‌ಗಳಲ್ಲಿ ಉತ್ತಮವಾಗಿ ಆಡಿದ್ದರೂ ಕಡಿಮೆ ವೋಟ್ ಪಡೆದು ಮನೆಯಿಂದ ಹೊರಬಂದರು. ಇನ್ನು ತುಕಾಲಿ ಸಂತೋಷ್ ತಂಡ ಬದಲಿಸಿ ಬಚಾವ್ ಆದರು. 9ನೇ ವಾರ ಸ್ನೇಹಿತ್ ಗೌಡ ಕೂಡ ಎಲಿಮಿನೇಟ್ ಆಗಿದ್ದಾರೆ. 

ಟಾಪ್‌ 5ನಲ್ಲಿ ನಾವೇ ಇರೋಣ ಎಂದಿದ್ದ ವಿನಯ್ ಟೀಂನಲ್ಲಿ ಸದ್ಯ ಉಳಿದುಕೊಂಡಿರುವುದು ನಮ್ರತಾ ಮಾತ್ರ. ಬಿಗ್‌ಬಾಸ್‌ ಮನೆಗೆ ಬಂದಾಗಿನಿಂದಲೂ ನಮ್ರತಾ  ಹೇಳಿಕೊಳ್ಳುವಂತಹ ಪರ್ಫಾರ್ಮಮೆನ್ಸ್ ನೀಡಿರಲಿಲ್ಲ. ೮ನೇ ವಾರ ಮಾತ್ರ ಉತ್ತಮವಾಗಿ ಆಡಿ, ಕಿಚ್ಚನ ಚಪ್ಪಾಳೆ ಪಡೆದಿದ್ದರು. 9ನೇ ವಾರ ಮತ್ತೆ ಗ್ಯಾಂಗ್ ಕಟ್ಟಿಕೊಂಡು ಕಳಪೆ ಪ್ರದರ್ಶನ ನೀಡಿದ್ದರು. ಹೀಗೆ ಮುಂದುವರೆದರೆ ಅವರು ಕೂಡ ಮನೆಯಿಂದ ಹೊರಹೋಗುವ ಸಂಭವವಿದೆ. ಇನ್ನು ವಿನಯ್‌ ವಿಚಾರಕ್ಕೆ ಬರುವುದಾದರೆ, ಅವರು ಟಾಸ್ಕ್‌ಗಳಲ್ಲಿ ಸಾಕಷ್ಟು ಅಗ್ರೆಸ್ಸಿವ್‌ನೆಸ್ ತೋರಿಸುತ್ತಾರೆ. ಇದು ಬಿಗ್‌ಬಾಸ್‌ ವೀಕ್ಷಕರಿಗೆ ಇಷ್ಟವಾಗುತ್ತಿಲ್ಲ. ಹೀಗಾಗಿ ಅವರು ಕೂಡ ಇನ್ಮುಂದೆ ಎಚ್ಚರಿಕೆಯಿಂದ ಆಡಬೇಕು. ಇಲ್ಲವಾದರೆ ಅವರು ಕೂಡ ಮನೆಯಿಂದ ಹೊರಹೋಗಬಹುದು. 

ಸ್ನೇಹಿತ್ ಬಿಗ್‌ಬಾಸ್‌ ಮನೆಯಿಂದ ಹೊರಹೋಗಿದ್ದಕ್ಕೆ ನಮ್ರತಾ ಹಾಗೂ ವಿನಯ್ ಕಣ್ಣೀರು ಹಾಕಿದ್ದಾರೆ. ನನ್ನ ಜೊತೆ ಸ್ನೇಹಿತ್ ಆಡಿದ್ದು ಕಾಣಿಸಲೇ ಇಲ್ವಾ? ಅವಿನಾಶ್ ಹಾಗೂ ಬೇರೆಯವರಿಗಿಂತ ಕೆಟ್ಟದಾಗಿ ಆಡಿದ್ರಾ? ಅವರು ಒಳ್ಳೆಯ ಹುಡುಗ. ಜನರಿಗೆ ಕಾಣಿಸಿಲ್ವಾ? ಸ್ವಲ್ಪ ಗೊಂದವಿದ್ದರೂ ಚೆನ್ನಾಗಿ ಆಡಿದ್ರೂ ಎಂದರು. ಅದಕ್ಕೆ ವಿನಯ್, ತನಿಷಾ, ಸಂಗೀತಾ ಫ್ರೆಶರ್ ಹಾಕಿ ಗೊಂದಲ ಮಾಡಿದ್ರು. ಪ್ಲ್ಯಾನ್ ಪ್ರಕಾರ ಅವನ್ನು ಚೆನ್ನಾಗಿ ಆಡ್ತಿದ್ದ. ಎರಡು ದಿನ ಏನು ಮಾಡ್ಬೇಕು ಅಂತ ಅವನಿಗೆ ಗೊತ್ತಾಗಲಿಲ್ಲ. ಸೈಕ್ ಆಗಿ ಬಿಟ್ಟ. ಯಾವುದು ಸರಿ, ತಪ್ಪು ಅಂತ ಗೊತ್ತಾಗಲಿಲ್ಲ ಅಂದರು. ಅದಕ್ಕೆ ನಮ್ರತಾ, ಬಿಡಬಾರದು ಅವರನ್ನ (ತನಿಷಾ, ಸಂಗೀತಾ) ಎಂದರು. ಅದಕ್ಕೆ ವಿನಯ್, ಬಿಡೋದೆ ಇಲ್ಲ ಎಂದರು. 

ಈ ವಾರ ಮನೆಯಿಂದ ಹೊರಹೋಗಲು ಪವಿ, ಸಿರಿ, ವಿನಯ್, ಮೈಕಲ್, ಸಂಗೀತಾ, ತನಿಷಾ, ವರ್ತೂರು ಸಂತೋಷ್, ತುಕಾಲಿ ಸಂತೋಷ್, ಕಾರ್ತಿಕ್ ನಾಮಿನೇಟ್ ಆಗಿದ್ದಾರೆ. ನಿಮ್ಮ ಪ್ರಕಾರ, ಈ ಬಾರಿ ಎಲಿಮಿನೇಟ್ ಆಗುವವರು ಯಾರೆಂಬುದನ್ನು ಕಾಮೆಂಟ್ ಮೂಲಕ ತಿಳಿಸಿ.