ಬಿಗ್‌ಬಾಸ್‌ ಮನೆಗೆ ಇನ್ನೂ ಮರಳದ ಡ್ರೋನ್ ಪ್ರತಾಪ್: ನಿಜಕ್ಕೂ ಆಗಿದ್ದೇನು?

ಶುಕ್ರವಾರದ ಸಂಚಿಕೆಯಲ್ಲಿ ಉತ್ತಮ ಹಾಗೂ ಕಳಪೆ ಪ್ರಕ್ರಿಯೆ ನಡೆಸುವಾಗ ಬಿಗ್‌ಬಾಸ್‌ ಕಡೆಯಿಂದ ಸ್ಪರ್ಧಿಗಳಿಗೆ ಪತ್ರವೊಂದು ಬಂತು. ಅದರಲ್ಲಿ ಡ್ರೋನ್ ಪ್ರತಾಪ್‌ ಬಗ್ಗೆ ಮಾಹಿತಿಯಿತ್ತು. ಡ್ರೋನ್ ಪ್ರತಾಪ್ ಎರಡ್ಮೂರು ದಿನದಿಂದ ಸರಿಯಾಗಿ ಊಟ ಮಾಡದೇ ದುರ್ಬಲರಾಗಿದ್ದಾರೆ. ಪ್ರತಾಪ್ ಅವರಿಗೆ ಫುಡ್ ಪಾಯ್ಸನ್ ಆಗಿದೆ ಅಂತ ವೈದ್ಯರು ಸ್ಪಷ್ಟೀಕರಣ ನೀಡಿದ್ದಾರೆ. ಹಾಗಾಗಿ ಮನೆಯ ಸ್ಪರ್ಧಿಗಳು ಪ್ರತಾಪ್ ಅನ್ನು ಹೊರತುಪಡಿಸಿ, ಉತ್ತಮ ಹಾಗೂ ಕಳಪೆ ಪ್ರಕ್ರಿಯೆ ನಡೆಸಬೇಕು ಅಂತ ಬರೆದಿತ್ತು.

ಇದಾದ ಬಳಿಕ ಕಳಪೆ ನೀಡಿ ಮೈಕಲ್ ಅವರನ್ನು ಜೈಲಿಗೆ ಕಳುಹಿಸಲಾಯಿತು. ಈ ವೇಳೆ ಮೈಕಲ್ ಜೊತೆ ಮಾತನಾಡಿದ ವಿನಯ್, ಪ್ರತಾಪ್‌ಗೆ ಬಹಳ ಫುಡ್ ಪಾಯ್ಸನ್ ಆದಂತಿದೆ. ಅವನು ಸರಿಯಾಗಿ ಊಟವೇ ಮಾಡುತ್ತಿರಲಿಲ್ಲ. ಈಗ ಮಾಡುತ್ತೇನೆ, ಆಗ ಮಾಡುತ್ತೇನೆ ಎನ್ನುತ್ತಲೇ ಇದ್ದ. ಊಟ ಮಾಡುವಾಗ ಸಹ ಹಲವು ಬಾರಿ ಊಟವನ್ನು ವೇಸ್ಟ್ ಮಾಡಿ ಬಿಸಾಡುತ್ತಿದ್ದ. ಮೊನ್ನೆ ಕೊಟ್ಟಿದ್ದ ಕ್ಯಾಬೇಜ್, ಗೀ ರೈಸ್ ಎಲ್ಲವನ್ನೂ ಪೂರ್ತಿಯಾಗಿ ತಿನ್ನದೇ ಬುಟ್ಟಿಗೆ ಎಸೆದಿದ್ದ ಎಂದರು. 

ಮೈಕಲ್ ಅವರು ಈ ವಾರ ಆಲಸ್ಯ ತೋರಿದ್ದರು. ಟಾಸ್ಕ್‌ನಲ್ಲೂ ಅಷ್ಟೊಂದು ಒಳ್ಳೆಯ ಪರ್ಫಾಮೆನ್ಸ್ ನೀಡಿರಲಿಲ್ಲ. ಇದರ ಜೊತೆಗೆ ಕ್ಯಾಪ್ಟನ್‌ಗೆ ಸಹ ಗೌರವ ನೀಡಿಲ್ಲ. ಈ ಎಲ್ಲಾ ಕಾರಣದಿಂದ ಮೈಕಲ್ ಅವರಿಗೆ ಎಲ್ಲರೂ ಕಳಪೆ ನೀಡಿದರು. ಜೈಲಿಗೆ ಹೋಗುವ ಸಂದರ್ಭ ಕ್ಯಾಪ್ಟನ್ ಸಂಗೀತಾ ಬಿಳಿ ಬಟ್ಟೆ ನೀಡಿದಾಗ, ಆ ಜಾಗ ನಿಜಕ್ಕೂ ಸಖತ್ ಆಗಿದೆ. ನಿಮಗೆ ಇಷ್ಟವಾಗುತ್ತದೆ ಎಂದರು. ಬಿಗ್‌ಬಾಸ್‌ಗೆ ಬಂದ್ಮೇಲೆ ಎಲ್ಲವನ್ನೂ ಅನುಭವಿಸಬೇಕು. ಉತ್ತಮ ಪಡೆದಿದ್ದೇನೆ. ಕಿಚ್ಚನ ಚಪ್ಪಾಳೆ ಸಿಕ್ಕಿದೆ. ಎರಡು ಬಾರಿ ಕ್ಯಾಪ್ಟನ್ ಆಗಿದ್ದೇವೆ. ಒಮ್ಮೆ ಹೊರಗೆ ಹೋಗಿ ಬಂದಿದ್ದೇನೆ. ಈಗ ಕಳಪೆ ಅನುಭವಿಸುತ್ತಿದ್ದೇನೆ.  ಇನ್ನು ಬಾಕಿ ಇರುವುದ ಒಂದೇ ಎಂದರು. ಈ ಮೂಲಕ ಕಪ್ ಗೆಲ್ಲುವುದು ಮಾತ್ರ ಉಳಿದುಕೊಂಡಿದೆ ಎಂದು ಪರೋಕ್ಷವಾಗಿ ಹೇಳಿದರು.

 ಮುಂದಿನ ವಾರದ ಕ್ಯಾಪ್ಟನ್ ಆಗಿ ಸಂಗೀತಾ ಶೃಂಗೇರಿ ಆಯ್ಕೆಯಾಗಿದ್ದಾರೆ. ಕ್ಯಾಪ್ಟನ್ ಆಗಲು ತುಕಾಲಿ ಸಂತು ಕೂಡ ಪ್ರತ್ನಿಸುತ್ತಲೇ ಇದ್ದಾರೆ. ಈ ವಾರವೂ ಆವರಿಗೆ ಅದೃಷ್ಟ ಕೈಹಿಡಿದಿಲ್ಲ. ಆದರೆ, ಸಂಗೀತಾ ಕ್ಯಾಪ್ಟನ್ ಆಗಿರುವುದು ತಮಗೆ ಖುಷಿ ಇದೆ ಅಂತ ಸಂತು ಹೇಳಿದರು. 

ಈ ವಾರದ ಬಿಗ್‌ಬಾಸ್‌ ಮನೆಯಿಂದ ಹೊರಹೋಗಲು ವರ್ತೂರು ಸಂತೋಷ್, ಡ್ರೋನ್ ಪ್ರತಾಪ್, ಮೈಕಲ್, ಕಾರ್ತಿಕ್ ಹಾಗೂ ತುಕಾಲಿ ಸಂತು ನಾಮಿನೇಟ್ ಆಗಿದ್ದಾರೆ. ನಿಮ್ಮ ಪ್ರಕಾರ ಈ ವಾರ ಯಾರು ಮನೆಯಿಂದ ಆಚೆ ಬರಲಿದ್ದಾರೆ ಎಂಬುದನ್ನು ಕಾಮೆಂಟ್ ಮೂಲಕ ತಿಳಿಸಿ.