ಇಂದಿನಿಂದ ಆರಂಭವಾಗ್ತಿರುವ ವಧು ಸೀರಿಯಲ್‌ನ ಕಥೆ ಹಾಗೂ ಕಲಾವಿದರ ಲಿಸ್ಟ್ ಇಲ್ಲಿದೆ.

ಲಕ್ಷಣ ಸೀರಿಯಲ್‌ನಲ್ಲಿ ಮೌರ್ಯ ಪಾತ್ರದ ಮೂಲಕ ಗಮನ ಸೆಳೆದಿದ್ದ ಅಭಿಷೇಕ್ ಶ್ರೀಕಾಂತ್ 'ವಧು' ಸೀರಿಯಲ್‌ನ ನಾಯಕ. ಈ ಧಾರಾವಾಹಿಯಲ್ಲಿ ಅವರು ಉದ್ಯಮಿ ಸಾರ್ಥಕ್ ಎಂಬ ಪಾತ್ರ ನಿರ್ವಹಿಸುತ್ತಿದ್ದು, ಈಗಾಗಲೇ ಮದುವೆಯಾಗಿರುತ್ತದೆ. ಆದರೆ, ದಾಂಪತ್ಯದಲ್ಲಿ ಸೋತು ಡಿವೋರ್ಸ್‌ಗಾಗಿ ನಾಯಕಿ ವಧು ಬಳಿ ಬರುತ್ತಾನೆ.

ಈ ಹಿಂದೆ ಉದಯ ವಾಹಿನಿಯಲ್ಲಿ ಪ್ರಸಾರವಾಗಿದ್ದ 'ನೇತ್ರಾವತಿ' ಸೀರಿಯಲ್‌ನಲ್ಲಿ ನಾಯಕಿಯಾಗಿ ನಟಿಸುವ ಮೂಲಕ ಕನ್ನಡ ಕಿರುತೆರೆ ಕಾಲಿಟ್ಟಿದ್ದ ನಟಿ ದುರ್ಗಾಶ್ರೀ, ನಂತರ ಪರಭಾಷಾ ಧಾರಾವಾಹಿಗಳಲ್ಲಿ ಮಿಂಚಿದ್ದರು. ಇದೀಗ  'ವಧು' ಧಾರಾವಾಹಿಯಲ್ಲಿ ನಾಯಕಿಯಾಗಿ ನಟಿಸುವ ಮೂಲಕ ಕಂಬ್ಯಾಕ್ ಮಾಡಿದ್ದಾರೆ. ಈ ಸೀರಿಯಲ್‌ನಲ್ಲಿ ಸಂಬಂಧಗಳನ್ನು ಪ್ರೀತಿಸುವ ಹಾಗೂ ಅಷ್ಟೇ ಗೌರವಿಸುವ ಅವಿವಾಹಿತೆಯಾಗಿ ಕಾಣಿಸಿಕೊಂಡಿರುವ ಇವರು, ವೃತ್ತಿಯಲ್ಲಿ ಡಿವೋರ್ಸ್‌ ಲಾಯರ್ ಆಗಿರುತ್ತಾರೆ.

ಸಂಬಂಧಗಳನ್ನು ಪ್ರೀತಿಸುವ ಹಾಗೂ ಅಷ್ಟೇ ಗೌರವಿಸುವ ವಧು, ವೃತ್ತಿಯಲ್ಲಿ ಡಿವೋರ್ಸ್‌ ಲಾಯರ್. ಆದರೆ, ಮನುಷ್ಯ ಸಂಬಂಧಗಳ ಬಗ್ಗೆ ಅವಳಿಗಿರುವ ಗೌರವವೇ ಅವಳನ್ನು ತನ್ನ ವೃತ್ತಿಯಲ್ಲಿ ಹಿಂದುಳಿಯುವಂತೆ ಮಾಡಿದೆ. ದಾಂಪತ್ಯದಲ್ಲಿ ಬಿರುಕು ಮೂಡಿ, ದಂಪತಿಯೇನಾದರೂ ವಧು ಬಳಿ ಬಂದರೆ ಅಂಥಹ ಜೋಡಿಗಳ ನಡುವೆ ಸಾಮರಸ್ಯ ಮೂಡಿಸಿ ಅವರನ್ನು ಒಂದುಗೂಡಿಸುವುದರಲ್ಲಿ ಆಕೆ ಸದಾ ಮುಂದು. ಹೀಗಿರುವಾಗ ಸೀರಿಯಲ್‌ನ ನಾಯಕ ಸಾರ್ಥಕ್, ತನ್ನ ದಾಂಪತ್ಯದಲ್ಲಿ ಸೋತು, ಪತ್ನಿ ಪ್ರಿಯಾಂಕಾಳಿಂದ ಡಿವೋರ್ಸ್ ಬೇಕೆಂದು ಕೇಸ್ ಫೈಲ್ ಮಾಡುತ್ತಾನೆ. ಡಿವೋರ್ಸ್‌ಗಾಗಿ ವಕೀಲೆ ವಧು ಬಳಿ ಬರುತ್ತಾನೆ. ಇಲ್ಲಿಂದ ಈ ಸೀರಿಯಲ್‌ನ ಕುತೂಹಲಕಾರಿ ಟರ್ನ್ ಪಡೆದುಕೊಳ್ಳುತ್ತದೆ.

ಸೋನಿ ಮುಲೇವಾ ಈ ಧಾರಾವಾಹಿಯಲ್ಲಿ ನಾಯಕ ಸಾರ್ಥಕ್ ಪತ್ನಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ಹಿರಿಯ ನಟಿ ವಿನಯಾ ಪ್ರಸಾದ್, ಸುಧಾ ಬೆಳವಾಡಿ, ರವಿ ಭಟ್, ರವಿ ಕುಮಾರ್ ಹಾಗೂ ರೇಖಾ ಸಾಗರ್ ಮುಂತಾದವರು ತಾರಾಗಣದಲ್ಲಿದ್ದಾರೆ. ಸೋಮವಾರದಿಂದ-ಶುಕ್ರವಾರದವರೆಗೆ ರಾತ್ರಿ 9.30ಕ್ಕೆ ಪ್ರಸಾರವಾಗುತ್ತಿರುವ ಈ ಧಾರಾವಾಹಿಗೆ ದಿಲೀಪ್ ರಾಜ್ ದಂಪತಿ ಬಂಡವಾಳ ಹೂಡಿದ್ದಾರೆ.