ಶ್ವೇತಾ ಚೆಂಗಪ್ಪ ಟು ಸಾನ್ಯಾ ಅಯ್ಯರ್: ತಮ್ಮದೇ ಬಿಸಿನೆಸ್ ನಡೆಸುತ್ತಿರುವ ಜನಪ್ರಿಯ ಕಿರುತೆರೆ ನಟಿಯರಿವರು

ಕಿರುತೆರೆ ನಟಿ ಶ್ವೇತಾ ಚೆಂಗಪ್ಪ ಯಾರಿಗೆ ಗೊತ್ತಿಲ್ಲ ಹೇಳಿ. ಮಜಾ ಟಾಕೀಸ್‌ನಲ್ಲಿ ರಾಣಿ ಪಾತ್ರ ಮೂಲಕ ಗಮನ ಸೆಳೆದ ಶ್ವೇತಾ ಕಾಮಿಕ್ ಸೆನ್ಸ್ ನಿಜಕ್ಕೂ ಅದ್ಭುತ ಅಂತಲೇ ಹೇಳಬಹುದು. ಸದ್ಯ ಈ ನಟಿ ನಿರೂಪಣೆಯಲ್ಲಿ ಬ್ಯುಸಿಯಾಗಿದ್ದಾರೆ. ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಛೋಟಾ ಚಾಂಪಿಯಯನ್ ರಿಯಾಲಿಟಿ ಶೋನ ನಿರೂಪಕಿಯಾಗಿರುವ ಶ್ವೇತಾ, ಯಶಸ್ವಿ ಉದ್ಯಮಿ. ಇವರು ತಾರಾ ಡಿಸೈನರ್ ಕ್ಲೋತಿಂಗ್ ಬ್ರಾಂಡ್ ಎನ್ನುವ ಸಂಸ್ಥೆಯ ಒಡತಿಯಾಗಿದ್ದಾರೆ. ಡಿಸೈನರ್ ಬಟ್ಟೆಗಳನ್ನು ತಯಾರಿಸುವ ಇವರ ಬ್ರಾಂಡ್ ಸಿಕ್ಕಾಪಟ್ಟೆ ಫೇಮಸ್. ಜೊತೆಗೆ ಇವರು ಸೃಜನ್ ಲೋಕೇಶ್ ಪತ್ನಿ ಗ್ರೀಷ್ಮಾ ಜೊತೆಗೂಡಿ ಸಲೂನ್ ಕೂಡ ನಡೆಸುತ್ತಿದ್ದಾರೆ. 

ಲಕ್ಷಣ ಧಾರವಾಹಿಯಲ್ಲಿ ಮಿಲಿ ಪಾತ್ರದ ಮೂಲಕ ಪ್ರೇಕ್ಷಕರ ಮನಗೆದ್ದಿರುವ ಶೃತಿ ರಮೇಶ್, ಬ್ಯುಸಿನೆಸ್‌ನಲ್ಲೂ ಸೈ ಎನಿಸಿಕೊಂಡಿದ್ದಾರೆ. ಮೇಕಪ್ ಆರ್ಟಿಸ್ಟ್ ಆಗಿರುವ ಇವರು, ಕೂದಲು ಆರೈಕೆಗೆ ಸಂಬಂಧಿಸಿದಂತೆ ಉದ್ಯಮವೊಂದನ್ನು ಆರಂಭಿಸಿದ್ದಾರೆ. ರಾಸಾಯನಿಕರಹಿತ ಎಣ್ಣೆ ತಯಾರಿಕೆ ಹಾಗೂ ಮಾರಾಟದ ವಹಿವಾಟು ಮಾಡುತ್ತಿರುವ ಶೃತಿ, ತಮ್ಮ ಉದ್ಯಮಕ್ಕೆ ಗ್ರೊಸೆಲ್ಲಾ ಅಂತ ಹೆಸರಿಟ್ಟಿದ್ದಾರೆ. 

ಬಿಗ್‌ ಬಾಸ್‌ ಖ್ಯಾತಿಯ ನಟಿ ದಿವ್ಯಾ ಉರುಡುಗ ಕೂಡ ಈಗ ಬ್ಯುಸಿನೆಸ್‌ವೊಂದನ್ನು ಆರಂಭಿಸಿದ್ದಾರೆ. ಬಿಗ್ ಬಾಸ್ ನಂತರ ಯಾವುದೇ ಧಾರವಾಹಿಗಳಲ್ಲಿ ಕಾಣಿಸಿಕೊಳ್ಳದ ದಿವ್ಯಾ, ಇದೀಗ ಹೊಸದೊಂದು ಬುಸಿನೆಸ್‌ಗೆ ಕೈ ಹಾಕಿದ್ದಾರೆ. ಇವರು ಬೆಂಗಳೂರಿನಲ್ಲಿ ತಮ್ಮದೇ ಒಂದು ನೇಲ್ ಆರ್ಟ್ ಹಾಗೂ ಲಾಶ್ ಸ್ಟುಡಿಯೋವನ್ನು ತೆರೆದಿದ್ದಾರೆ. ಕಲೆ ಬಗ್ಗೆ ವಿಶೇಷ ಆಸಕ್ತಿಯಿದ್ದ ನಟಿ ದಿವ್ಯಾ ಉರುಡುಗಾಗೆ ನೈಲ್ ಆರ್ಟ್‌ನಲ್ಲಿ ಹೆಚ್ಚು ಪರಿಣಿತಿಯಿತ್ತು. 

'ದೊರೆಸಾನಿ' ಸೀರಿಯಲ್‌ ಮೂಲಕ ಗಮನ ಸೆಳೆದಿದ್ದ ನಟಿ ರೂಪಿಕಾ ಕೂಡ ಯಶಸ್ವಿ ಉದ್ಯಮಿ. ಧಾರವಾಹಿ ಮಾತ್ರವಲ್ಲದೇ ಸಿನಿಮಾಗಳಲ್ಲೂ ಅಭಿನಯಿಸಿರುವ ರೂಪಿಕಾ, ಅದ್ಭುತ ಡಾನ್ಸರ್ ಕೂಡ ಹೌದು. ಇವರು ನಟನೆ ಜೊತೆಗೆ 'ಗೆಜ್ಜೆ ಡ್ಯಾನ್ಸ್ ಸ್ಟುಡಿಯೋ' ನಡೆಸುತ್ತಿದ್ದಾರೆ. ಕಣ್ಣಲ್ಲೇ ಮಾತಾಡೋ ರೂಪಿಕಾ ತಮ್ಮ ಕಲೆಯಿಂದಲೇ ಉದ್ಯಮ ಮುನ್ನೆಡೆಸುತ್ತಿದ್ದಾರೆ.

ಪುಟ್ಟಗೌರಿ ಮದುವೆ ಸೀರಿಯಲ್‌ನಲ್ಲಿ ಬಾಲಕಲಾವಿದೆಯಾಗಿ ಅಭಿನಯಿಸಿದ್ದ ಸಾನ್ಯಾ ಅಯ್ಯರ್, ಬಿಗ್‌ ಬಾಸ್‌ಗೆ ಎಂಟ್ರಿಕೊಡುವ ಮೂಲಕ ಅಪಾರ ಜನಪ್ರಿಯತೆ ಗಳಿಸಿದ್ದಾರೆ. ಇವರು ಕೂಡ ಬ್ಯುಸಿನೆಸ್ ನಡೆಸುತ್ತಿದ್ದಾರೆ.  ಸಾನ್ಯಾ ಅವರು 'ರೂಪಾ ಅಯ್ಯರ್ಸ್ - ರಾಯಲ್ ಕೋರ್ಟ್ (ಸೆಲಬ್ರಿಟಿ ಸಲೋನ್ & ಸ್ಪಾ)'ದ ಕೋ ಓನರ್ (ಸಹ ಮಾಲೀಕ) ಆಗಿದ್ದಾರೆ. ಇದೊಂದು ಐಶಾರಾಮಿ ಸಲೂನ್ ಆಗಿದ್ದು ಉತ್ತಮ ಯಶಸ್ಸು ಗಳಿಸುತ್ತಿದೆ. 

ನಟಿ ಮಯೂರಿ ಕೂಡ ಕಾಸ್ಮೆಟಿಕ್, ಸ್ಕಿನ್ ಹಾಗೂ ಹೇರ್‌ಗೆ ಸಂಬಂಧಪಟ್ಟ ಕ್ಲಿನಿಕ್ ಆರಂಭಸಿದ್ದಾರೆ. ಅಶ್ವಿನಿ ನಕ್ಷತ್ರ ಸೀರಿಯಲ್ ಮೂಲಕ ಖ್ಯಾತಿ ಗಳಿಸಿದ್ದ ಇವರು, ಇಷ್ಟಕಾಮ್ಯ, ಕೃಷ್ಣಲೀಲಾ, ನಟರಾಜ ಸರ್ವೀಸ್, ನನ್ನ ಪ್ರಕಾರ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಾಯಕಿಯಾಗಿ ನಟಿಸಿದ್ದರು. ಮಗುವಾದ ಬಳಿಕ ನಟನೆಯಿಂದ ಕೊಂಚ ಬ್ರೇಕ್ ಪಡೆದಿದ್ದ ಅವರು, ನಂತರ ಬಿಗ್‌ ಬಾಸ್ ಸೀಸನ್ 9ಕ್ಕೆ ಎಂಟ್ರಿಕೊಟ್ಟಿದ್ದಾರೆ. ಸದ್ಯ ನಟನೆ ಹಾಗೂ ಉದ್ಯಮ ಎರಡನ್ನೂ ಮುಂದುವರೆಸಿಕೊಂಡು ಹೋಗುತ್ತಿದ್ದಾರೆ. 

ನಟಿ-ನಿರೂಪಕಿಯಾಗಿರುವ ಚೈತ್ರಾ ವಾಸುದೇವನ್ ತಮ್ಮದೇಯಾದ ಈವೆಂಟ್ ಮ್ಯಾನೇಜ್ಮೆಂಟ್ ಕಂಪನಿಯನ್ನು ಹೊಂದಿದ್ದಾರೆ. ಬಿಗ್‌ ಬಾಸ್‌ ಸೀಸನ್ 7ಕ್ಕೆ ಎಂಟ್ರಿಕೊಟ್ಟಿದ್ದ ಈ ಚೆಲುವೆ ರೆಸ್ಟೋರೆಂಟ್ ಕೂಡ ಹೊಂದಿದ್ದಾರೆ. ಚೈತ್ರಾ ವಾಸುದೇವನ್ ಅವರ ತಂದೆ ಹೋಟೆಲ್ ಉದ್ಯಮಿಯಾಗಿದ್ದು, ಇವರು ಕೂಡ ವೆಜ್‌ ರೆಸ್ಟೋರೆಂಟ್ ನಟಡೆಸಿಕೊಂಡು ಹೋಗುತ್ತಿದ್ದಾರೆ. 

ಕನ್ನಡ ಕಿರುತೆರೆ ಹಿಟ್ ಧಾರವಾಹಿಯಾದ ಲಕ್ಷ್ಮೀ ಬಾರಮ್ಮದಲ್ಲಿ 'ಗೊಂಬೆ' ಪಾತ್ರದ ಮೂಲಕ ಪ್ರೇಕ್ಷಕರ ಮೆಚ್ಚುಗೆ ಗಳಿಸಿದ್ದ ನೇಹಾ ಗೌಡ ಕೂಡ ಸದ್ಯ ಉದ್ಯಮವೊಂದಕ್ಕೆ ಕೈಹಾಕಿದ್ದಾರೆ. ನೇಹಾ ಲೇಟ್ ನೈಟ್ ಪಾರ್ಟಿ ಮಾಡುವವರಿಗೆ ಆಹಾರ ಒದಗಿಸುವ ಕಂಪನಿಯೊಂದನ್ನು ನಡೆಸುತ್ತಿದ್ದಾರೆ. 

ಬಿಗ್‌ ಬಾಸ್ ಕನ್ನಡ ಸೀಸನ್ 6ರ ಖ್ಯಾತಿಯ ಅಕ್ಷತಾ ಪಾಂಡವಪುರ ದೇಸಿ ಅಂಗಡಿ ಆರಂಭಿಸಿದ್ದಾರೆ. ಇವರ ಅಂಗಡಿಯಲ್ಲಿ ದೇಸಿ ಬಟ್ಟೆ ಹಾಗೂ ಆಭರಣ ಸಿಗುತ್ತವೆ. ರಂಗಭೂಮಿ ಕಲಾವಿದೆಯಾಗಿರುವ ಇವರು, ಹಲವು ನಾಟಕ ಹಾಗೂ ಸಿನಿಮಾಗಳಲ್ಲಿಯೂ ನಟಿಸಿದ್ದಾರೆ. `ಪಲ್ಲಟ' ಚಿತ್ರದಲ್ಲಿನ ನಟನೆಗೆ ರಾಜ್ಯ ಪ್ರಶಸ್ತಿ ಪಡೆದಿದ್ದಾರೆ. ದೇಶ-ವಿದೇಶಗಳಲ್ಲೂ ನಾಟಕ ಮಾಡುವ ಬಯಕೆಯ ಹೊಂದಿರುವ ಅಕ್ಷತಾ, `ದಿ ಚಾನಲ್ ಥೇಟರ್ಸ್ 'ಎನ್ನುವ ರಂಗ ತಂಡವನ್ನು ಕಟ್ಟಿದ್ದಾರೆ. 

ಮಂಗಳಗೌರಿ ಮದುವೆ ಹಾಗೂ ಇಂತಿ ನಿಮ್ಮ ಆಶಾ ಧಾರವಾಹಿಗಳ ಮೂಲಕ ಮನೆಮಾತಾಗಿರುವ ತನಿಶಾ ಕುಪ್ಪಂಡ ಅವರಿಗೆ ಮೊದಲಿನಿಂದಲೂ ಬ್ಯುಸಿನೆಸ್ ಬಗ್ಗೆ ಸಿಕ್ಕಾಪಟ್ಟೆ ಆಸಕ್ತಿಯಿತ್ತು. ಅದರಂತೆ ರೆಸ್ಟೊರೆಂಟ್ ಒಂದನ್ನು ನಡೆಸುತ್ತಿದ್ದಾರೆ. ತನಿಶಾ ತಮ್ಮ ರೆಸ್ಟೊರೆಂಟ್‌ಗೆ 'ಅಪ್ಪುಸ್ ಕಿಚನ್' ಅಂತ ಹೆಸರಿಟ್ಟಿದ್ದಾರೆ. 

ಗಟ್ಟಿಮೇಳ ಹಾಗೂ ರಾಧಾ ರಮಣ ಧಾರವಾಹಿ ಖ್ಯಾತಿಯ ನಟಿ ಅಶ್ವಿನಿ, ಮಾಲ್ಟ್ ಬಿಸಿನೆಸ್ ಶುರು ಮಾಡಿದ್ದಾರೆ. ಸಿರಿಧಾನ್ಯ ಹಾಗೂ ಬಗೆಬಗೆ ಕಾಳುಗಳಿರುವ ಪೌಷ್ಟಿಕಾಂಶಯುಕ್ತ ಮಾಲ್ಟ್ ಮಾಡಿ ನಟಿ ಆಶ್ವಿನಿ ಮಾರಾಟ ಮಾಡುತ್ತಿದ್ದಾರೆ.