ಕನ್ನಡ ಸಿನಿಮಾರಂಗಕ್ಕೆ ಈ ತಾರೆಯರ ಕೊಡುಗೆ ಅಪಾರ...ಆದರೆ ಮನ್ನಣೆ?

ಚಂದನವನದ ಅಪ್ರತಿಮ ಪ್ರತಿಭೆ ಅನಂತ್ ನಾಗ್. ಈವರೆಗೂ 300ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿರುವ ಇವರು, 250ಕ್ಕೂ ಹೆಚ್ಚು ಕನ್ನಡ ಸಿನಿಮಾಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. 1972ರಲ್ಲಿ ಕನ್ನಡದ `ಸಂಕಲ್ಪ' ಮತ್ತು ಶ್ಯಾಮ ಬೆನಗಲ್ ಅವರ ಹಿಂದಿಯ `ಅಂಕುರ್' ಚಿತ್ರದಿಂದ ಸಿನಿಪಯಣ ಶುರುಮಾಡಿದರು.  ಆನಂತರ ಬಯಲು ದಾರಿ, ನಾ ನಿನ್ನ ಬಿಡಲಾರೆ ಎಂಬ ಹಿಟ್ ಸಿನಿಮಾಗಳನ್ನು ನೀಡಿದ ಇವರು, ಆನಂತರ ತಮ್ಮ ಶಂಕರ್ ನಾಗ್ ಜೊತೆ ಸೇರಿ ಮಿಂಚಿನ ಓಟ, ಆಕ್ಸಿಡೆಂಟ್‌ನಂತಹ ವಿಭಿನ್ನ ಸಿನಿಮಾ ಮಾಡಿದ್ರು. ಕನ್ನಡ ಚಿತ್ರರಂಗದಲ್ಲಿ ಒಬ್ಬ ನಾಯಕನಟ ಹಾಸ್ಯಪ್ರಧಾನ ಚಿತ್ರಗಳಲ್ಲಿ ನಟಿಸುವ ಪ್ರವೃತ್ತಿಗೆ ಮುನ್ನುಡಿ ಬರೆದ ಕೀರ್ತಿ ಅನಂತನಾಗ್ ಅವರದ್ದು. ಸಾಲು-ಸಾಲಾಗಿ ಬಂದ ಗಣೇಶನ ಸರಣಿ ಚಿತ್ರಗಳೇ ಇವಕ್ಕೆ ಸಾಕ್ಷಿ. ವಯಸ್ಸು ಮಾಗಿದಂತೆ ಅನಂತನಾಗ್ ನಾಯಕನಟನ ಪಟ್ಟದಿಂದ ಪೋಷಕನಟನ ಪಾತ್ರಗಳಿಗೂ ಕೂಡ ಜೀವತುಂಬಲು ಮೊದಲಾದರು. ಮುಂಗಾರು ಮಳೆ, ಗೋಧಿ ಬಣ್ಣ ಸಾಧಾರಣ ಮೈಕಟ್ಟು, ಸರ್ಕಾರಿ ಪ್ರಾಥಮಿಕ ಪಾಠಶಾಲೆ ಕಾಸರಗೋಡು, ಕೆಜಿಎಫ್-1 ಹೀಗೆ ಅನೇಕ ಸೂಪರ್ ಹಿಟ್ ಚಲನಚಿತ್ರಗಳಲ್ಲಿ ಗಮನಾರ್ಹವಾದ ಪಾತ್ರಗಳ ಮೂಲಕ ಗಮನ ಸೆಳೆದವರು ಅನಂತನಾಗ್. ಇವರಿಗೆ ಇನ್ನೂ ಯಾವುದೇ ನ್ಯಾಷನಲ್ ಲೆವೆಲ್ ಅವಾರ್ಡ್‌ ಆಗಲಿ, ಸಲ್ಮಾನಗಳಾಗಲಿ ಬಂದಿಲ್ಲ. ಇವರಿಗೆ ಚಂದನವನದಲ್ಲಿ ಇನ್ನೂ ಹೆಚ್ಚಿನ ಮನ್ನಣೆ ಸಿಗಬೇಕು. 

ಕನ್ನಡ ಚಿತ್ರರಂಗ ನಾದಬ್ರಹ್ಮ ಹಂಸಲೇಖ ಅವರ ಕಲೆಗೆ ಅವರೇ ಸಾಟಿ. ಮ್ಯೂಸಿಕ್ ಕಂಫೋಸ್ ಮಾಡುವ ಜೊತೆಗೆ ಹಾಡಿನ ಸಾಹಿತ್ಯ ಬರೆಯುವ ಕಲೆಯುಳ್ಳ ಇವರು, 500ಕ್ಕೂ ಹೆಚ್ಚು ಆಲ್ಬಂಗಳಿಗೆ ಸಂಗೀತ ಮಾಡಿದ್ದಾರೆ. ಸುಮಾರು 3500ಕ್ಕೂ ಹಾಡುಗಳಿಗೆ ಸಂಗೀತ ನೀಡಿದ್ದಾರೆ. ಕ್ರೇಜಿ ಸ್ಟಾರ್ ರವಿಚಂದ್ರನ್ ಅವರು ಪ್ರೇಮಲೋಕದಿಂದ ಹಿಡಿದು ಯಶ್ ಅವರ ರಾಜಾಹುಲಿ ವರೆಗೆ ಸಾಕಷ್ಟು ಹಿಟ್ ಸಾಂಗ್ಸ್ ನೀಡಿದ್ದಾರೆ. ಕನ್ನಡ ಚಿತ್ರ ಸಾಹಿತ್ಯದಲ್ಲಿ ಹೊಸ ರೀತಿಯ ಅದರಲ್ಲೂ ಹಾಡು ಭಾಷೆಯ ರೀತಿಯ ಶೈಲಿಯಲ್ಲಿ ಹಾಡುಳನ್ನು ಮೊದಲು ಬರೆದವರು ಇವರೇ. ಜೊತೆಗೆ ಇವರು ಹಲವು ಸಿನಿಮಾಗಳಿಗೆ ಕಥೆ ಬರೆದಿದ್ದಾರೆ. ಕಾಶಿನಾಥ್ ಅವರ ಅವನೇ ನನ್ನ ಗಂಡ ಸಿನಿಮಾಗೆ ಇವರದ್ದೇ ಸ್ಟೋರಿ. ಗಂಧರ್ವ ಚಿತ್ರಕ್ಕೆ ಇವರದ್ದೇ ಸ್ಟೋರಿ, ಸ್ಕ್ರೀನ್ ಪ್ಲೇ ಹಾಗೂ ಡೈಲಾಗ್ಸ್. ಪ್ರೇಮಲೋಕ, ರಣಧೀರ, ರಣರಂಗ, ಹಳ್ಳಿಮೇಸ್ಟ್ರು ಚಿತ್ರಗಳಿಗೆ ಇವರದ್ದೇ ಡೈಲಾಗ್ಸ್‌. 90ರ ದಶಕದಲ್ಲಿ ಹಂಸಲೇಖ ಮತ್ತು ರವಿಚಂದ್ರನ್ ಕಾಂಬೋ ಸಾಕಷ್ಟು ಸೂಪರ್ ಹಿಟ್ ಚಿತ್ರಗಳನ್ನು ನೀಡಿದೆ. ಇಷ್ಟೆಲ್ಲಾ ಕೊಡುಗೆ ನೀಡಿರುವ ಹಂಸಲೇಖ ಅವರಿಗೆ ಮನ್ನಣೆ ಸಿಕ್ಕಿದ್ದು ತುಂಬಾನೆ ಕಡಿಮೆ.

ಉಮಾಶ್ರೀ ಕನ್ನಡ ಚಿತ್ರರಸಿಕರ ಮನಸ್ಸಿನಲ್ಲಿ ತಮ್ಮ ಅದ್ಬುತ ನಟನೆಯ ಮೂಲಕ ವಿಶೇಷ ಸ್ಥಾನ ಪಡೆದಿದ್ದಾರೆ. ಹಾಸ್ಯ ನಟನೆಯಿಂದ ಹಿಡಿದು ಆಳವಾಗಿ ಪ್ರಭಾವ ಬೀರುವ ಪಾತ್ರಗಳಲ್ಲಿ ಲೀಲಾ ಜಾಲವಾಗಿ ಅಭಿನಯಿಸುವ ಅದ್ಭುತ ಕಲಾವಿದೆ. ಬಂಗಾರದ ಜಿಂಕೆ ಅವರ ಮೊದಲ ಸಿನಿಮಾ. ಪುಟ್ನಂಜ ಸಿನಿಮಾದಲ್ಲಿನ ಪುಟ್ಮಲ್ಲಿ ಪಾತ್ರ, ಕೋತಿಗಳು ಸಾರ್ ಕೋತಿಗಳು ಮತ್ತು ಕುರಿಗಳು ಸಾರ್ ಕುರಿಗಳು ಸರಣಿಯ ಪಾತ್ರಗಳು, ರಂಗ ಎಸ್‌ಎಸ್‌ಎಲ್‌ಸಿ, ಮಣಿ, ರತ್ನನ್ ಪ್ರಪಂಚ ಸಿನಿಮಾಗಲ್ಲಿ ಅದ್ಭುತ ಅಭಿನಯ ನೀಡಿದ್ದಾರೆ. ಸದ್ಯ ಇವರು ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಪುಟ್ಟಕ್ಕನ ಮಕ್ಕಳು ಧಾರವಾಹಿಯಲ್ಲಿ ಲೀಡ್‌ ರೋಲ್‌ನಲ್ಲಿ ನಟಿಸುತ್ತಿರುವ ಇವರಿಗೆ 'ಕಲಾವಿದೆಯಾಗಿ' ಇನ್ನೂ ಹೆಚ್ಚಿನ ಮನ್ನಣೆ ಸಿಗಬೇಕಿತ್ತು. 

ಕೆ.ವಿ.ರಾಜು ಚಂದನವನದ ಅತ್ಯುತ್ತಮ ನಿರ್ದೇಶಕ. ಸಂಗ್ರಾಮ ಸಿನಿಮಾ ಮೂಲಕ ನಿರ್ದೇಶನಕ್ಕಿಳಿದ ಇವರು, ಇಂದ್ರಜಿತ್, ಯುದ್ಧಕಾಂಡ, ಬೆಳ್ಳಿ ಕಾಲುಂಗುರ, ಬೆಳ್ಳಿ ಮೋಡಗಳು, ಹುಲಿಯಾಗಳಂತಹ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಜೊತೆಗೆ ರೈಟರ್ ಆಗಿ ಸಿ.ಬಿ.ಐ ಶಂಕರ್, ಕಲಾಸಿಪಾಳ್ಯ, ಗಜ, ರಾಜಧಾನಿ ಕೆಲಸ ಮಾಡಿದ್ದಾರೆ. ಪಕ್ಕಾ ಕಮರ್ಶಿಯಲ್ ಸಿನಿಮಾಗಳನ್ನುನ ಕೊಟ್ಟ ನಿರ್ದೇಶಕರಿವರು. ಅಮಿತಾಭ್ ಅಂತಹ ನಟರಿಗೆ ಮತ್ತೊಂದು ಟೇಕ್ ಕೇಳಿದಂತಹ ಡೇರಿಂಗ್ ಡೈರೆಕ್ಟರ್. ಇವರಿಗೆ ಕೂಡ ಚಿತ್ರರಂಗದಲ್ಲಿ ಸಿಗಬೇಕಾದ ಮನ್ನಣೆ ಸಿಗಲಿಲ್ಲ. 

ಡಾ.ರಾಜ್‌ಕುಮಾರ್ ಅವರ ಸಹೋದರ ವರದರಾಜ್ ಕನ್ನಡ ಚಿತ್ರರಂಗಕ್ಕೆ ತಮ್ಮದೇಯಾದ ಕೊಡುಗೆ ನೀಡಿದ್ದಾರೆ. ಚಂದನವನವನ್ನು ಉತ್ತುಂಗಕ್ಕೆ ತೆಗೆದುಕೊಂಡು ಹೋಗಿದ್ದು ಆಣ್ಣಾವ್ರು ಅದರೆ, ಅವರ ಹಿಂದೆ ಇದ್ದಿದ್ದು ವರದಪ್ಪ ಹಾಗೂ ಚಿ. ಉದಯ್ ಶಂಕರ್ ಅಂದರೆ ತಪ್ಪಾಗಲ್ಲ. ಇವರು ಬಾಲನಟನಾಗಿ ಕಷ್ಣಲೀಲಾ ಹಾಗೂ ಮಕರಂಧ ಸಿನಿಮಾಗಳಲ್ಲಿ ನಟಿಸಿದ್ದರು. ರಾಜ್‌ಕುಮಾರ್ ಅವರು ಬೇಡರ ಕಣ್ಣಪ್ಪ ಚಿತ್ರ ಮಾಡಿದ ಮೇಲೆ ಅವರ ಬೆನ್ನಹಿಂದೆ ನಿಂತು ಕಥೆಗಳ ಆಯ್ಕೆ, ಸ್ಕ್ರೀನ್ ಪ್ಲೇಯಲ್ಲಿ ಭಾಗಿಯಾಗುವುದರಲ್ಲಿ ಇವರ ಪಾತ್ರ ದೊಡ್ಡದು.  ಆಣ್ಣಾವ್ರು ಮಾತ್ರವಲ್ಲ, ಶಿವಣ್ಣ, ರಾಘಣ್ಣ, ಅಪ್ಪು ಸಿನಿಮಾಗಳ ಕಥೆಗಳ ಆಯ್ಕೆ, ಸ್ಕ್ರೀನ್ ಪ್ಲೇಯಲ್ಲೂ ವರದಪ್ಪ ಭಾಗಿಯಾಗುತ್ತಿದ್ದರಂತೆ. ಅಷ್ಟೇ ಅಲ್ಲ, ಸಾಕಷ್ಟು ಕನ್ನಡ ನಿರ್ಮಾಪಕರಿಗೆ ಇಂತಹ ಸ್ಟೋರಿ ಮಾಡಿ ಅಂತ ಸಜೆಸ್ಟ್ ಮಾಡಿ, ಸಿನಿಮಾ ಗೆಲ್ಲೋದಕ್ಕೆ ಹೆಲ್ಫ್ ಮಾಡಿರುವಂತಹ ಮೇರು ವ್ಯಕ್ತಿಯಿವರು. ಇವರು ಭೂತಯ್ಯನ ಮಗ ಅಯ್ಯ, ಹೇಮಾವತಿ ಸಿನಿಮಾ ನಿರ್ಮಿಸಿದ್ದಾರೆ. ಇವರಿಗೂ ಕೂಡ ಹೆಚ್ಚಿನ ಮನ್ನಣೆ ಸಿಕ್ಕಿಲ್ಲ.