ಮನುಷ್ಯತ್ವಕ್ಕಿಂತ ರಿವೆಂಜ್‌ ಆಟವೇ ಹೆಚ್ಚಾಯ್ತಾ: ಕೆಮಿಕಲ್ ನೀರಿನಿಂದ ಆಸ್ಪತ್ರೆ ಸೇರಿದ ಸಂಗೀತಾ-ಡ್ರೋನ್ ಪ್ರತಾಪ್

 'ಚೇರ್ ಆಫ್ ಥಾರ್ನ್ಸ್' ಚಟುವಟಿಕೆಯ ಪ್ರಕಾರ ಗಂಧರ್ವರು ತಂಡದ ನಾಲ್ಕು ಜನ ಕುರ್ಚಿಯಲ್ಲಿ ಕೂರಬೇಕು. ಅವರಿಗೆ ರಾಕ್ಷಸರು ನೀರು ಹೊಡೆದು ಕುರ್ಚಿಯಿಂದ ಎಬ್ಬಿಸಬೇಕು. ಕಳೆದ ಸಂಚಿಕೆಯ ಗಂಧರ್ವರು ತಂಡದ ಸಂಗೀತಾ, ಡ್ರೋನ್ ಪ್ರತಾಪ್, ಕಾರ್ತಿಕ್ ಕುಳಿತಿದ್ದರು. ಈ ವೇಳೆ ರಾಕ್ಷಸರ ತಂಡದವರು ಸಂಗೀತಾ ತಲೆ ಬಟ್ಟೆ ಸೋಪಿನ ಪುಡಿ ಸುರಿದು, ಶೇಮಿಂಗ್ ಫೋಮ್ ಹಾಕಿ, ನೀರಿನಲ್ಲೂ ಸೋಪಿನ ಪುಡಿ ಸುರಿದು ತೀರಾ ಹತ್ತಿರದಿಂದಲೇ ಮುಖಕ್ಕೆ ಜೋರಾಗಿ ನೀರು ಎರಚಿದ್ದಾರೆ. ಸಂಗೀತಾ ನಿಲ್ಲಿಸಿ ಅಂದರೂ ಬಿಡದೇ ಕ್ರೂರವಾಗಿ ಎರಚಿದ್ದಾರೆ. ಡ್ರೋನ್ ಪ್ರತಾಪ್ ಅವರಿಗೂ ಅದೇ ರೀತಿ ಮಾಡಿದ್ದಾರೆ.  

ಸೋಪಿನ ಪುಡಿಯಿಂದಾಗಿ ಕಣ್ಣಿಗೆ ಜಾಸ್ತಿ ಉರಿಯಾಗಿದ್ದರಿಂದ ಕುರ್ಚಿ ಮೇಲಿಂದ ಎದ್ದು ಜೋರಾಗಿ ಕೂಗಾಡಿದರು. ನಂತರ ತನಿಷಾ ಅವರ ಮೇಲೆ ನೀರು ಸುರಿದರು. ಆಮೇಲೆ ಸಂಗೀತಾ ಉರಿ ತಡೆದುಕೊಳ್ಳಲಾಗದೇ ಸೀದಾ ಕನ್‌ಫೆಶನ್ ರೂಮ್‌ಗೆ ತೆರಳಿದರು. ಡ್ರೋನ್ ಪ್ರತಾಪ್ ಮೇಲೆ ಕೂಡ ದಾಳಿ ಹೆಚ್ಚಾದಾಗ ಬಿಗ್‌ಬಾಸ್ ಮಧ್ಯಪ್ರವೇಶಿಸಿ ಆಟ ಸ್ಥಗಿತಗೊಳಿಸಿದರು. ಪ್ರತಾಪ್ ಕೂಡಲೇ ಕನ್‌ಫೆಶನ್ ರೂಮ್‌ನೊಳಗೆ ಹೋದರು.  ವರದಿಗಳ ಪ್ರಕಾರ, ಅತಿಯಾದ ಕೆಮಿಕಲ್ ಬಳಕೆಯಿಂದ ಸಂಗೀತಾ-ಪ್ರತಾಪ್‌ ಆರೋಗ್ಯಕ್ಕೆ ಸಮಸ್ಯೆಯಾಗಿದೆ. ಹೀಗಾಗಿ, ಇಬ್ಬರನ್ನೂ ಆಸ್ಪತ್ರೆಗೆ ದಾಖಲಿಸಿ, ಚಿಕಿತ್ಸೆ ಕೊಡಿಸಲಾಗುತ್ತಿದೆ. 

ಈ ಟಾಸ್ಕ್ ನಡೆದದ್ದು ಬುಧವಾರ ರಾತ್ರಿ. ಆದರೆ, ಘಟನೆ ನಡೆದು ಎರಡು ಸಿನಗಳು ಕಳೆದರೂ ಸಂಗೀತಾ-ಪ್ರತಾಪ್ ಬಿಗ್‌ಬಾಸ್ ಮನೆಗೆ ಮರಳಿಲ್ಲ. ಮೂಲಗಳ ಪ್ರಕಾರ, ಆಸ್ಪತ್ರೆಯಲ್ಲಿ ಅಡ್ಮಿಟ್ ಆಗಿರುವ ಸಂಗೀತಾ, ಸದ್ಯ ಬೆಡ್ ರೆಸ್ಟ್‌ನಲ್ಲಿದ್ದು, ಆದಷ್ಟು ಬೇಗ ವಾಪಾಸ್ ಬರಲಿದ್ದಾರೆ ಎನ್ನಲಾಗಿದೆ. ಜೊತೆಗೆ ವೀಕೆಂಡ್‌ನಲ್ಲೂ ಇರ್ತಾರೋ, ಇಲ್ಲವೋ ಎಂಬ ಅನುಮಾನ ಮೂಡಿದೆ.

ರಾಕ್ಷಸರ ತಂಡ ಸಂಗೀತಾರನ್ನೇ ಟಾರ್ಗೆಟ್ ಮಾಡುತ್ತಿದ್ದಾಗ ತನಿಷಾ, ಎಲ್ಲಾದರಲ್ಲೂ ರಿವೆಂಜ್‌. ಯಾಕೆ? ಇನ್ನೂ ಮೂರು ಜನ ಇದ್ದಾರೆ ಅಂತ ಕೂಗಿದರು. ಆದರೂ ಮೈಕಲ್‌ ಪದೇ ಪದೇ ಪೋಸ್‌ ಆಗಿ ನೀರು ಎರಚುತ್ತಿದ್ದರು. ಇತ್ತ ವರ್ತೂರು ಸಂತೋಷ್, ತುಕಾಲಿ ಸಂತು, ಪವಿ, ನಮ್ರತಾ 'ಹಾಕು ಹಾಕು' ಅಂತ ಕಿರುಚುತ್ತಿದ್ದರು.  ವರ್ತೂರು ಸಂತೋಷ್ ಲೈನ್ ಕ್ರಾಸ್ ಮಾಡಿ ಬಂದು, ಹತ್ತಿರದಿಂದಲೇ ಸಂಗೀತಆಗೆ ನೀರು ಎರಚಿದರು. ಇದರಿಂದ ಅವರಿಗೆ ಉಸಿರಾಟದ ಸಮಸ್ಯೆಯಾಯ್ತು. ಇದರಿಂದ ಸ್ನೇಹಿತ್ ತಾಳಿ ಅಂತ ತಡೆದರೂ ಜಿದ್ದಿಗೆ ಬಿದ್ದು ನೀರು ಎರಚಿದರು. ಹೀಗಾಗಿ ತನಿಷಾ 'ಇದು ರಿವೆಂಜ್ ಆಗ್ತಿದೆ ಎದ್ದು ಬನ್ನಿ ಸಂಗೀತಾ' ಎಂದು ಕೂಗಿದರು. 

ಬಿಗ್‌ಬಾಸ್‌ ಮನೆಯಲ್ಲಿ ಸ್ಪರ್ಧಿಗಳು ನಡೆದುಕೊಳ್ಳುತ್ತಿರುವ ರೀತಿಗೆ ಸೋಶಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಆಕ್ರೋಶ ವ್ಯಕ್ತವಾಗುತ್ತಿದೆ. 'ಚೇರ್ ಆಫ್ ಥಾರ್ನ್ಸ್' ಆಟದಲ್ಲಿ ವರ್ತೂರು ಸಂತೋಷ್ ನೇತೃತ್ವದ ರಾಕ್ಷಸರ ತಂಡ ರಿವೆಂಜ್‌ಗೇಮ್ ಆಡಿದ್ದು ಸ್ಪಷ್ಟವಾಗಿತ್ತು. ಈ ಬಗ್ಗ ವೀಕ್ಷಕರು ಟ್ವೀಟ್ ಮಾಡುವ ಮೂಲಕ ಅಸಮಾಧಾನ ಹೊರಹಾಕಿದ್ದಾರೆ. ಟಾಸ್ಕ್ನಲ್ಲಿ ಮನುಷ್ಯತ್ವಕ್ಕಿಂತ ಹಗೆ ಸಾಧಿಸೋದು, ಗೆಲುವು ಪಡೆಯೋದೆ ಮುಖ್ಯವಾಯ್ತಾ? ಬರೀ ನೀರು ಎರಚೋದಕ್ಕೂ, ಸೋಪು ನೀರು ಹಾಕೋದಕ್ಕೂ ವ್ಯಾತ್ಯಾಸ ಇಲ್ಲಾ? ಆಟವಲ್ಲ ಇದು, ಜೀವ(ನ) ಜೊತೆಗೆ ಚೆಲ್ಲಾಟ. ರಿಯಾಲಿಟಿ ಗೇಮ್ ಹೆಸರಿನಲ್ಲಿ ಪರಸ್ಪರ ಥರ್ಡ್ ಡಿಗ್ರಿ ಟ್ರೀಟ್ಮೆಂಟ್ ಕೊಟ್ಟು ಜೀವದ ಜೊತೆಗೆ ಆಡೋ ಈ ಆಟದ ಅವಶ್ಯಕತೆ ಏನಿತ್ತು.? ಅಂತೆಲ್ಲಾ ಕಿಡಿಕಾರಿದ್ದಾರೆ.