ಬಾರೋ.. ತಗಡು ಎಂದ ವಿನಯ್: ಕೆಟ್ಟಪದ ಬಳಸಿದ್ರೆ ಈ ಕ್ಷಣವೇ ಹೊರಗೆ ಹೋಗ್ತೀನಿ ಅಂತ ಕಣ್ಣೀರಾಕಿದ ಕಾರ್ತಿಕ್

ಕ್ಯಾಪ್ಟನ್ ಸ್ನೇಹಿತ್ ಟಾಸ್ಕ್ ವೇಳೆ ಪರ್ಸನಲ್ ಅಟ್ಯಾಕ್ ಮಾಡಬೇಡಿ ಎಂದರು. ಆಗ ಕಾರ್ತಿಕ್ ನಮಗೂ ಸೆನ್ಸ್ ಇದೆ ಹೊರಡಪ್ಪಾ ಎಂದರು. ಅದಕ್ಕೆ ಹೊರಡು ಅನ್ನೋಕೆ ನೀನ್ಯಾರು? ಇದು ನಿನ್ನ ಮನೆಯಲ್ಲ ಅಂತ ವಿನಯ್ ಖ್ಯಾತೆ ತೆಗೆದರು. ಅದಕ್ಕೆ ಕಾರ್ತಿಕ್ ನಾನು ನಿನ್ನ ಜೊತೆ ಮಾತನಾಡಿಲ್ಲ ಅಂತ ತಿರುಗೇಟು ಕೊಟ್ಟಾಗ, ವಿನಯ್ ಏಯ್ ಹೋಗೋಲೋ ಎಂದರು. ಕಾರ್ತಿಕ್ ಕೂಡ ತಿರುಗಿಸಿ, ಹೋಗೋಲೋ ಅಂದರು. ಅದಕ್ಕೆ ವಿನಯ್ ನೋಡ್ತಾ ಇರು ನಿನಗೆ ಇದೆ ಅಂತ ಧಮ್ಕಿ ಹಾಕಿದರು.     

'ಚೇರ್ ಆಫ್ ಥಾರ್ನ್ಸ್' ಟಾಸ್ಕ್ ನಡೆಯುತ್ತಿದ್ದಾಗ ಕಾರ್ತಿಕ್ ಮತ್ತು ಸಂಗೀತಾ ಅವರು ನೀರು ಎರಚುತ್ತಿದ್ದರು. ಈ ವೇಳೆ ವಿನಯ್ 'ಕರೆಕ್ಟ್ ಆಗಿದೆ ಜೋಡಿ' ಅಂತ ಟಾಂಟ್ ಕೊಡುತ್ತಿದ್ದರು. ಈ ನಡುವೆ ವರ್ತೂರು ಸಂತೋಷ್ ಕುರ್ಚಿ ಮೇಲಿಂದ ಎದ್ದರು. ಆಗ ಪವಿ ಪೂವಪ್ಪ ಅವರನ್ನು ರಾಕ್ಷಸರ ತಂಡ ಟಾರ್ಗೆಟ್ ಮಾಡಿತು. ಆಗ ವಿನಯ್, ಅಯ್ಯೋ ಜೀವನ ಹೆಂಗೆ ಹಾಳು ಮಾಡಿಕೊಳ್ತಾವ್ರೆ ಅಂದ್ರೆ ಎಂದರು. ಆಗ ಕಾರ್ತಿಕ್ ಅಯ್ಯೋ ಹೆದರಿಕೊಂಡಿದ್ದೀನಿ ಎಂದರು. ಮಾತು ಮುಂದುವರೆಸಿದ ವಿನಯ್, ಜಾಸ್ತಿ ದಿನ ಇಲ್ಲ ತಡಿಯಮ್ಮ ಎಂದರು. ಕಾರ್ತಿಕ್ ನೋಡಿದ್ದೀನಿ ಬದನೆಕಾಯಿ ಎಂದರು. ಅದಕ್ಕೆ ವಿನಯ್ ಬಾರೋ ತಗಡು ಎಂದರು.  

ರಾಕ್ಷಸರ ತಂಡಕ್ಕೆ ಪವಿ ಪೂವಪ್ಪ ಟಾರ್ಗೆಟ್ ಆದಾಗ ವಿನಯ್, ಅಲ್ಲಿ ಇಬ್ಬರು ಹುಡುಗರು ಕೂತಿದ್ದಾರೆ. ಅವರದ್ದೀನೂ ಮಾಡೋಕೆ ಆಗಲ್ಲ ಅಂತ ಅವಳಿಗೆ ಟಾರ್ಚರ್ ಕೊಡುತ್ತಿದ್ದೀರಾ ಎಂದರು. ಅದಕ್ಕೆ ಕಾರ್ತಿಕ್, ಹುಡುಗಿಯನ್ನು ಕಳುಹಿಸಿಬಿಟ್ಟು ಅಲ್ಲಿ ಗಂಡಸು ಅಂತ ಚಪ್ಪಾಳೆ ತಟ್ಟಿಕೊಂಡು ಕೂತವ್ನೆ ಎಂದರು. ಅದಕ್ಕೆ ವಿನಯ್ ಏಯ್ ತಗಡು.. ಹೆಣ್ಮಕ್ಕಳಿಗೆ ಆಡೋಕೆ ಬಿಟ್ಟಿದ್ದೀವಿ ಅಂದ್ರೆ ಅವರಿಗೆ ಶಕ್ತಿ ಇಲ್ಲ ಅಂತಲ್ವಾ? ನಿಮ್ಮ ತರಹ ವುಮನ್ ಕಾರ್ಡ್ ಪ್ಲೇ ಮಾಡಲ್ಲ ನಾವು ಎಂದರು. 
ನಮ್ರತಾ- ಹೆಣ್ಮಕ್ಕಳು ಆಡಬಹುದು.
ತನಿಷಾ- ಹೆಣ್ಮಕ್ಕಳು ಎಂಬ ಟಾಪಿಕ್ ಬೇಡ
ವಿನಯ್-ಯಾಕೆ? ಈಕ್ವಲ್ ರೈಟ್ಸ್ ಅಂತ ಬರ್ತಾಳೆ. ಹೆಣ್ಮಕ್ಕಳನ್ನು ಆಡೋಕೆ ಬಿಟ್ಟಿದ್ದೀಯಾ ಅಂದರೆ ಏನರ್ಥ? ಹೆಣ್ಮಕ್ಕಳಿಗೆ ಶಕ್ತಿ ಇಲ್ವಾ ಅಂತ ಇವಳೇ (ಸಂಗೀತಾ) ತಾನೇ ಮಾತಾನಾಡಿದ್ದು? ಎಂದರು.
ಸಂಗೀತಾ- ಹೌದು ಹೇಳ್ದೆ.
ವಿನಯ್-ಹೆಣ್ಮಕ್ಕಳನ್ನು ಬಿಟ್ಟಿದ್ದಾರೆ ಅಂದ್ರೆ ಏನೋ..
ಕಾರ್ತಿಕ್-ಕೈಲಾಗದೇ ಇರೋನು.. ತಗಡು ಅಂತ ಅರ್ಥ ಎಂದರು. 

ಕಾರ್ತಿಕ್ ಕೌಂಟರ್ ಕೊಟ್ಟ ಮೇಲೆ ಸಿಟ್ಟಿನಲ್ಲಿದ್ದ ವಿನಯ್, ಕೆಳಗೆ ಬಿದ್ದಿದ್ದ ನೀರನ್ನು ಸಂಗೀತಾಗೆ ಬೀಳುವಂತೆ ಕಾಲಲ್ಲಿ ಎರಚಿದರು. ಇದರಿಂದ ರೊಚ್ಚಿಗೆದ್ದ ಸಂಗೀತಾ, ಕೈಯಲ್ಲಿ ವಿನಯ್‌ಗೆ ಬೀಳುವಂತೆ ನೀರು ಹಾಕಿ, ಏಕವಚನದಲ್ಲಿ ಮಾತನಾಡಿದರು. ಆಗ ವಿನಯ್, ಅವಳು ಯಾವಳೇ ಅವಳು? ಎಲ್ಲಾದಕ್ಕೂ ಬರ್ತಾಳೆ ಮಧ್ಯದಲ್ಲಿ ಅಂತ ಕಿರುಚಿದರು. ಜೊತೆಗೆ ಹೆಣ್ಮಕ್ಕಳನ್ನು ಬಿಟ್ಟು ಆಡಿಸ್ತಿದ್ದಾನೆ ಅಂದ್ರೆ ಏನರ್ಥ ಅಂತ ಮತ್ತೆ ಮತ್ತೆ ಹೇಳುತ್ತಿದ್ದರು. ಇದರರ ಜೊತೆ ಪದೇ ಪದೇ ಕಾರ್ತಿಕ್‌ಗೆ ತಗಡು ಅಂತ ಕರೆಯುತ್ತಿದ್ದರು. ಕಾರ್ತಿಕ್ ಕೂಡ ಕೈಯಲ್ಲಾಗದೇ ಇರೋನು ಅಂತ ತಿರುಗೇಟು ನೀಡ್ತಿದ್ದರು. ಅದಕ್ಕೆ ವಿನಯ್, ನನ್ನ ಜೀವನದಲ್ಲಿ ನಿನ್ನನ್ನು ಬಿಟ್ಟರೆ ಟಾರ್ಗೆಟ್ ಇಲ್ಲ ಕಣೋ ಅಂತ ಧಮ್ಕಿ ಹಾಕಿದರು.  

ಈ ಸಂದರ್ಭ ನಮ್ರತಾ ಅವರು ವಿನಯ್ ಜೊತೆ ಮಾತನಾಡುತ್ತಾ, ನನಗೆ ಇಂಥವರನ್ನೆಲ್ಲಾ ನೋಡಿ ಹೋಗು, ಬಾ ಅಂತ ಈಸಿಯಾಗಿ ಬರುತ್ತಿದೆ. ನಾನು ಎಲ್ಲರನ್ನೂ ಹೋಗಿ, ಬನ್ನಿ ಅಂತ ಕರೆಯುತ್ತಿದ್ದೆ ಎಂದರು. ಅದಕ್ಕೆ ವಿನಯ್, ಈ ಥರ್ಡ್ ಕ್ಲಾಸ್ ಜನರ ಜೊತೆಗೆ ಸೇರಿ ಹೋಗೇ, ಬಾರೇ... ಇದೆಲ್ಲಾ ಅವರೇ ನಮ್ಮ ಬಾಯಲ್ಲಿ ಬರಿಸೋದು. ಮಾತನಾಡಿಸಿಬಿಟ್ಟು ಕೂತಿರೋದು ನೋಡಿ ಎಂದರು. ಅದಕ್ಕೆ ನಮ್ರತಾ ದೇ ಡಿಸರ್ವ್ ಈಚ್ ಅದರ್ ಎಂದರು. 

ವಿನಯ್ ಮೈಮ್ ಮಾಡಿಕೊಂಡು ಅಸಭ್ಯ ಬೈಗುಳ ಬಳಸಿದರೆ ಸುಮ್ಮನೆ ಇರಬೇಕಾ? ಅವನು ಕಿತ್ತೋದ್ ನನ್ಮಗ. ಅಮ್ಮ-ತಂಗಿ ಇದ್ದಾಳೆ. ಅವನ ಯೋಗ್ಯತೆಗೆ ಹೆಣ್ಮಕ್ಕಳನ್ನು ಬಿಟ್ಟು ಮುಂದೆ ಆಡುಸ್ತೀಯಾ ಅಂತ ಕೇಳ್ತಾನೆ ಎಂದು ಕಾರ್ತಿಕ್ ವಿರುದ್ಧ ಕಿಡಿಕಾರಿದರು.  ಕಾರ್ತಿಕ್: ನಾನು ಒಂದು ಕೆಟ್ಟ ಪದವನ್ನೂ ಬಳಸಿಲ್ಲ.  ತನಿಷಾ-ಸೈಲೆನ್ಸ್‌ನಲ್ಲಿ ಕೆಟ್ಟ ಪದ ಬಳಸಿದ್ದಾನೆ ಅಂತ ಯಾವಾಗಲೂ ಹೇಳುತ್ತಾರೆ. ಸೈಲೆನ್ಸ್‌ನಲ್ಲಿ ನಾವು ಏನು ಬೇಕಾದರೂ ಫಿಲ್ ಮಾಡಿಕೊಳ್ಳಬಹುದು. ವಿನಯ್-ಪದಗಳನ್ನು ಫಿಲ್ ಮಾಡಿಕೊಳ್ತಿದ್ದೀನಾ ನಾನು? ನನಗೆ ಗೊತ್ತಾಗಲ್ವಾ? ಅವನು ಹೇಳಿದ ಎಂದರು. ಕಾರ್ತಿಕ್- ಇಲ್ಲದಿರೋದನೆಲ್ಲಾ ಹೇಳಬೇಡ. ಅದು ಮೈಮ್.. ಹೋಗಿ ನೋಡಿಕೊಳ್ಳಿ. ಬೇಡದಿರುವ ಪದಗಳನ್ನು ಉಪಯೋಗಿಸುತ್ತಿದ್ದೀರಾ. ನಾನೇನೂ ಅಂದಿಲ್ಲ. ಥರ್ಡ್ ಕ್ಲಾಸ್‌ಗಳನ್ನ ತಗೊಂಡು ಬಂದು. ಇವರ ಯೋಗ್ಯತೆಗೆ ಬೆಂಕಿ ಹಾಕ ಎಂದರು.  

ವಿನಯ್ ಆರೋಪದಿಂದ ಕಾರ್ತಿಕ್ ಭಾವುಕರಾದರು. ರೀಪ್ಲೆ ಮಾಡಿ ದಯವಿಟ್ಟು ನೋಡಿ. ನಾನೇದರೂ ಅಂದಿದ್ದರೆ ಈ ಕ್ಷಣವೇ ಹೊರಗೆ ಹೋಗೋಕೆ ರೆಡಿ. ತಂಗಿಗೆ ಇನ್ನೂ ಹೇರಿಗೆ ಆಗಿದ್ಯಾ ಅಂತ ಗೊತ್ತಿಲ್ಲ. ಇಂತಹ ಮಾತುಗಳನ್ನು ಕೇಳಿಸಿಕೊಂಡು ಹೇಗಿರಲಿ? ಪ್ರತಿ ಸಲ ಇದೇ ಆಯ್ತು. ಇಂತಹ ಜನರ ಜೊತೆ ಇಲ್ಲಿ ಬದುಕಬೇಕಾ?ಅಂತ ಕಣ್ಣೀರು ಹಾಕಿದರು.