ಸ್ನೇಹಿತ್, ನಮ್ರತಾ, ವಿನಯ್ ಹೀನಾಯವಾಗಿ ಬೈಯುತ್ತಿದ್ದರೂ ತಲೆತಗ್ಗಿಸಿ ಕೂತ ಸಂಗೀತಾ-ಕಾರ್ತಿಕ್: ಉಳಿದವರು ಶಾಕ್!

ಕಳೆದ ವಾರ ನಡೆದ 'ಹಳ್ಳಿ ಟಾಸ್ಕ್‌'ನಲ್ಲಿ ವಿನಯ್ ಗೌಡ ಟೀಂ ವಿರುದ್ಧ ಸಂಗೀತಾ ಶೃಂಗೇರಿ ತಂಡ ಹೋರಾಟ ನಡೆಸಿತ್ತು. ಈ ವಾರವೂ ಅದೇ ತಂಡಗಳು ಮುಂದಯವರೆಯಲಿವೆ ಎಂದಾಗ ಸಂಗೀತಾ ತಂಡದಲ್ಲಿ ಭಿನ್ನಮತ ಏರ್ಪಟ್ಟಿತ್ತು. ಈ ಮಧ್ಯೆ ವಿನಯ್ ತಂಡದಲ್ಲಿ ವೋಟಿಂಗ್ ಮೂಲಕ ಸಿರಿ ಅವರನ್ನು ಕ್ಯಾಪ್ಟನ್ ಆಗಿ ಆಯ್ಕೆ ಮಾಡಲಾಯಿತು. ನಂತರ ಸಂಗೀತಾ ಟೀಂನಲ್ಲೂ ಹೊಸ ಕ್ಯಾಪ್ಟನ್ ಬಗ್ಗೆ ಚರ್ಚೆ ಆರಂಭವಾಯಿತು. ಈ ಸಂದರ್ಭ ಕಾರ್ತಿಕ್ ಮತ್ತು ಭಾಗ್ಯಶ್ರೀಯವರು ಮೈಕಲ್ ಪರ ವೋಟ್ ಮಾಡಿದ್ರೆ, ಡ್ರೋನ್ ಪ್ರತಾಪ್ ಪರವಾಗಿ ವರ್ತೂರು ಸಂತೋಷ್ ಹಾಗೂ ಭಾಗ್ಯಶ್ರೀ ಪರವಾಗಿ ಸಂಗೀತಾ ವಾದ ಮಂಡಿಸಿದರು. ನಂತರ ಕ್ಯಾಪ್ಟನ್ಸಿಗೆ ಮೈಕಲ್ ಹಾಗೂ ಪ್ರತಾಪ್ ವಾದ ಮಂಡಿಸಿದರು. ನಂತರ ವೋಟಿಂಗ್ ಮೂಲಕ ಪ್ರತಾಪ್ ಅವರನ್ನು ಆಯ್ಕೆ ಮಾಡಲಾಯಿತು.

ಡ್ರೋನ್ ಪ್ರತಾಪ್ ಕ್ಯಾಪ್ಟನ್ ಆಗುತ್ತಿದ್ದಂತೆ ವಿನಯ್ ಹಾಗೂ ತುಕಾಲಿ ಸಂತು ಮೈಕಲ್‌ಗೆ ನೀನು ಕ್ಯಾಪ್ಟನ್ ಆಗಬಹುದಿತ್ತು. ಮುಂದೆ ಚಾನ್ಸ್ ಸಿಗುತ್ತಾ? ಎಂದರು. ತುಕಾಲಿ ಸಂತು 'ನೀನು ಕ್ಯಾಪ್ಟನ್ ಆಗ್ತೀಯಾ ಅಂದುಕೊಂಡಿದ್ವಿ. ನೀನು ಮಾಡುವ ಸ್ಟ್ರಾಟೆರ್ಜಿ ವರ್ಕ್ ಆಗುತ್ತೆ. ಅದು ಬೇಕು ಎಂದರು. ಅದಕ್ಕೆ ಉತ್ತರಿಸಿದ ಮೈಕಲ್, ಟೀಮ್‌ಗೆ ಇಷ್ಟವಿಲ್ಲ ಎಂದರೆ ನಾನು ಏನು ಮಾಡಲಿ ಎಂದರು. 

ದೊಡ್ಮನೆಯಲ್ಲಿ ಕಳೆದ ವಾರ ನಾಮಿನೇಷನ್ ಅಸ್ತ್ರ ಡ್ರೋನ್ ಪ್ರತಾಪ್ ಪಾಲಾಗಿತ್ತು. ಈ ವಾರ ಟೀಮ್ ಕ್ಯಾಪ್ಟನ್ ಆಗಿರುವ ಪ್ರತಾಪ್, ಎರಡು ಟಾಸ್ಕ್‌ಗಳಲ್ಲಿ ಗೆಲುವು ಸಾಧಿಸಿ ಎದುರಾಳಿ ತಂಡಕ್ಕೆ ಶಾಕ್ ನೀಡಿದ್ದಾರೆ. ಐದನೇ ವಾರವೂ ನಾಮಿನೇಷನ್ ಅಸ್ತ್ರ ತಮ್ಮದಾಗಿಸಿಕೊಂಡಿರುವ ಪ್ರತಾಪ್, ಮೊದಲ ಆಟದಲ್ಲಿ ಗೆದ್ದು ಭಾಗ್ಯಶ್ರೀಯವರನ್ನು ಸೇಫ್ ಮಾಡಿದ್ದರು. ನಂತರ ಎರಡನೇ ಆಟದಲ್ಲಿ ಸಂಗೀತಾ ಅವರನ್ನು ನಾಮಿನೇಷನ್‌ನಿಂದ ಬಚಾವ್ ಆದರು. ಇದರ ಜೊತೆಗೆ ಎದುರಾಳಿ ಟೀಂನ ಸ್ನೇಹಿತ್ ಅವರನ್ನು ನಾಮಿನೇಷನ್‌ನಿಂದ ಪಾರಾಗುವುದನ್ನ ನಿರ್ಬಂಧಿಸಿದರು. 

ಇಂದು ಬಿಗ್‌ಬಾಸ್ ಸೀನ್ 10ರ ಹೊಸ ಪ್ರೋಮೋ ಬಿಡುಗಡೆಯಾಗಿದ್ದು, ಹೊಸ ಟ್ವಿಸ್ಟ್ ನೀಡಲಾಗಿದೆ. ಇದರ ಪ್ರಕಾರ, ಕಾರ್ತಿಕ್ ಮತ್ತು ಸಂಗೀತಾ ಒಂದೊಂದು ಕುರ್ಚಿಯಲ್ಲಿ ಕುಳಿತಿದ್ದಾರೆ. ಈ ಸಂದರ್ಭ ಎದುರಾಳಿ ತಂಡದ ಸ್ಪರ್ಧಿಗಳೆಲ್ಲಾ ಅವರ ಎದುರು ಬಂದು ಹೀನಾಯವಾಗಿ ಬೈಯುತ್ತಿದ್ದಾರೆ. ಅವರಿಬ್ಬರ ಆಟ, ವ್ಯಕ್ತಿತ್ವ, ಅವರ ಮಾತುಗಳ ಬಗ್ಗೆ ಕೆಣಕುತ್ತಿದ್ದಾರೆ. ಹೀಗಿದ್ದರೂ ಕೂಡ ಕಾರ್ತಿಕ್-ಸಂಗೀತಾ ಒಂದು ಮಾತನಾಡದೇ, ತಲೆಬಗ್ಗಿಸಿ ಕೂತಿದ್ದಾರೆ.  

ಕುರ್ಚಿಯಲ್ಲಿ ತಲೆತಗ್ಗಿಸಿ ಕೂತ ಕಾರ್ತಿಕ್ ಬಳಿ ಬಂದ ಎದುರಾಳಿ ತಂಡದ ವಿನಯ್ ಗೌಡ, ಫ್ರೆಂಡಾ ನೀನು...? ಜೀವನದಲ್ಲಿ ನೀನು ಒಬ್ಬ ಒಂಟಿ ಮನುಷ್ಯನಾಗಿಯೇ ಉಳಿಯೋದು ಅಂತ ಬೈದಿದ್ದರಾರೆ. ಹೀಗಿದ್ದರೂ ಕಾರ್ತಿಕ್ ಪ್ರತಿಕ್ರಿಯಿಸಿದ ಸುಮ್ಮನಿದ್ದಾರೆ. 

ಈ ಟಾಸ್ಕ್ ಸಂದರ್ಭದಲ್ಲಿ ಸ್ನೇಹಿತ್ ಗೌಡ ಒಂದು ಹೆಜ್ಜೆ ಮುಂದೆ ಹೋಗಿ ಬೈದಿದ್ದಾರೆ. ಜೊತೆಗೆ ಕಾರ್ತಿಕ್ ಗಂಡಸುತನದ ಬಗ್ಗೆಯೂ ಹೇಳಿದ್ದಾರೆ. 'ಏನೋ ಗಂಡಸುತನ? ಏನು ಮಾಡಿದೀಯಾ ಈ ಮನೆಗೆ ಬಂದು? ಮನೇಗ್ ಹೀಗಿ ಸ್ಲೋ ಮೋಷನ್‌ನಲ್ಲಿ ನಿನ್ನ ಹೊರಗಾಕಿದ್ ನೋಡು. ಆಗ ಗೊತ್ತಾಗುತ್ತೆ ಯಾರು ಅಂತ? ಇಲ್ಯಾವಳೋ ಕ್ರಶ್ ಅಂತೆ. ಮಿರರ್ ಅಲ್ಲಿ ನಿನ್ನ ಮುಖ ನೋಡಿಕೊಂಡಿದ್ದೀಯಾ? ಇದ್ಯಾವ್ದೋ ಕ್ರಾಸ್ಆದೋಳಿಟ್ಕೊಂಡು ಓಡಾಡ್ತೀಯಾ? ಅಲ್ಲೇನ್ ನನ್ ಕಾಲ್ ನೋಡ್ತೀಯಾ? ನಿನ್ ಪೊಸಿಷನ್ ಇರೋದು ಅಲ್ಲೇ ಅಂತ ಹೀನಾಯವಾಗಿ ನಿಂದಿಸಿದ್ದಾರೆ.

ಸಂಗೀತಾ ಎದರು ನಿಂತ ನಮೃತಾ ಗೌಡ, ಯಾವಳು ಬಕೆಟ್ ಹಿಡಿಯೋದು? ಕಾರ್ತಿಕ್ ಕಡೆ ತೋರಿಸುತ್ತಾ...ಅಲ್ಲಿ ಕೂತಿದಾನಲ್ಲಾ ಅವ್ನು ಬಕೆಟ್ ಹಿಡಿಯೋದು ಅಂತ ಕಿರುಚಾಡಿದ್ದಾರೆ. ಆದರೂ ಕೂಡ ಸಂಗೀತಾ ಆ ಮಾತು ಕೇಳಿಸಿಕೊಂಡು ಸುಮ್ಮನೆ ಕೂತಿದ್ದಾರೆ. ಈ ಟಾಸ್ಕ್‌ ಮುಗಿದ ಮೇಲೆ ಕಾರ್ತಿಕ್ ಮತ್ತು ಸಂಗೀತಾ ಎಲ್ಲರಿಗೂ ಉತ್ತರ ಕೊಡೋದರಲ್ಲಿ ಅನುಮಾನವೇ ಇಲ್ಲ.