ದೊಡ್ಮನೆಯಲ್ಲಿ ಮೊದಲ ಬಾರಿ ವೈಲೆಂಟ್ ಆದ ಡ್ರೋನ್ ಪ್ರತಾಪ್: ಕಾರಣ ಏನು?

ಬಿಗ್‌ಬಾಸ್ ಸೀಸನ್ ೧೦ರ ಹೊಸ ಪ್ರೋಮೋ ಬಿಡುಗಡೆಯಾಗಿದೆ. ಇದರಲ್ಲಿ ತಮ್ಮ ತಂಡದವರಿಗೆ ಆರಂಭದಲ್ಲಿ ಸಮಾಧಾನವಾಗಿ ಉತ್ತರ ನೀಡುತ್ತಿದ್ದ ಡ್ರೋನ್ ಪ್ರತಾಪ್, ಮೊದಲ ಬಾರಿಗೆ ಜೋರಾಗಿ ಕಿರುಚಿ ಉತ್ತರ ನೀಡಿದ್ದಾರೆ. 

ಬಿಗ್‌ಬಾಸ್ ಪ್ರತಾಪ್ ಹಾಗೂ ಸಿರಿ ತಂಡದವರಿಗೆ ಒಂದು ಟಾಸ್ಕ್ ನೀಡಿದ್ದರು. ಈ ಸಂದರ್ಭದಲ್ಲಿ ಪ್ರತಾಪ್ ತಮ್ಮ ಗಂಧದಗುಡಿ ತಂಡದ ಉಸ್ತುವಾರಿ ವಹಿಸಿದ್ದರು. ಈ ವೇಳೆ ಪಾಯಿಂಟ್ಸ್ ನೀಡುವ ವಿಚಾರವಾಗಿ ಪ್ರತಾಪ್ ತಂಡದ ಸದಸ್ಯರು ಅಸಮಾಧಾನಗೊಂಡಿದ್ದಾರೆ. ಟಾಸ್ಕ್‌ ಮುಗಿಯುತ್ತಿದ್ದಂತೆ ಲಿವಿಂಗ್ ಏರಿಯಾಗೆ ಬಂದ ಗಂಧದಗುಡಿ ತಂಡದವರು ಪ್ರತಾಪ್‌ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. 

ಎದುರಾಳಿ ತಂಡದ ಪೌಲ್ಸ್ ಜಾಸ್ತಿಯಾಗಿದೆ. ನಮಗೆ ಪಾಯಿಂಟ್ಸ್ ಜಾಸ್ತಿ ಬರಬೇಕು ಅಂತ ತನಿಷಾ ಹೇಳಿದ್ದಾರೆ. ಇತ್ತ ಸಂಗೀತಾ ಅವನನ್ನು ಉಸ್ತುವಾತಿಯಾಗಿ ಕಳುಹಿಸಿದ್ದೆ ವೇಸ್ಟ್. ನೀನು ದಡ್ಡನಲ್ಲ, ದಡ್ಡನ ತರಹ ಆಡುತ್ತಿದ್ದೀಯಾ ಅಂತ ತಂಡದವರು ಪ್ರತಾಪ್ ಮೇಲೆ ಮುಗಿಬಿದ್ದಿದ್ದಾರೆ. 

ಸ್ಪರ್ಧಿಗಳ ಆರೋಪಕ್ಕೆ ಉತ್ತರಿಸಿದ ಪ್ರತಾಪ್,ಉಸ್ತುವಾರಿ ಅಂತ ನಿಂತ ಮೇಲೆ ನನ್ನ ತೀರ್ಮಾನವನ್ನೇ ನಾನು ಮಾಡೋದು. ಇಲ್ಲಿ ಪಾಯಿಂಟ್ಸ್ ಇದೆ. ನಾನು ಪಾಯಿಂಟ್ಸ್ ಹಾಕಿದ್ದೇನೆ. ಎಲ್ಲರೂ ಬಂದು ಮೈಮೇಲೆ ಬೀಳಬೇಡಿ ಅಂತ ಕೋಪಕೊಂಡು ಕೈಯಲ್ಲಿದ್ದ ನೋಟ್‌ಪ್ಯಾಡ್ ಎಸೆದು ಎದ್ದು ಹೋಗಿದ್ದಾರೆ. ಇತ್ತ ಇದನ್ನೆಲ್ಲಾ ನೋಡಿದ ವಿನಯ್, ನೋಡಿ ಅವನನ್ನು ಹೇಗೆ ತಿಂದುಕೊಳ್ಳುತ್ತಿದ್ದಾರೆ ಒಬ್ಬರೊಬ್ಬರು ಅಂತಿದ್ದಾರೆ. 

ಕಳೆದ ಸಂಚಿಕೆಯಲ್ಲಿ ಮನೆಯ ಕ್ಯಾಪ್ಟನ್ ಆಗಿದ್ದ ಡ್ರೋನ್ ಪ್ರತಾಪ್ ತಮ್ಮ ಜಾಣತನದಿಂದ ತಂಡದಲ್ಲಿನ ಭಿನ್ನಮತ ಶಮನ ಮಾಡಿದ್ದರು. ತಂಡವನ್ನೇ ಬಿಡಲು ಮುಂದಾಗಿದ್ದ ಕೆಲವರನ್ನು ಕನ್ವಿನ್ಸ್ ಮಾಡಿ, ತಂಡದಲ್ಲಿ ಒಗ್ಗಟ್ಟು ಮೂಡಿಸಿ, ಎರಡು ಆಟಗಳಲ್ಲಿ ಜಯ ಗಳಿಸುವಂತೆ ಮಾಡಿದ್ದರು. ಆದರೆ, ಇದೇ ಮೊದಲ ಬಾರಿಗೆ ದೊಡ್ಮನೆಯಲ್ಲಿ ಪ್ರತಾಪ್ ತಾಳ್ಮೆಯ ಕಟ್ಟೆಯೊಡೆದಿದೆ.