ಅತ್ಯಂತ ದುಬಾರಿ ಬಂಗಲೆ ಹೊಂದಿರುವ ದಕ್ಷಿಣ ಭಾರತದ ನಟರು ಯಾರು ಗೊತ್ತಾ? ಇಲ್ಲಿದೆ ಲಿಸ್ಟ್

ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಸೌತ್ ಸಿನಿಮಾರಂಗದಲ್ಲಿ ಅತಿಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲೊಬ್ಬರು. ಸದ್ಯ ಪುಷ್ಪ 2 ಸಿನಿಮಾದ ಯಶಸ್ಸಿನ ಖುಷಿಯಲ್ಲಿರುವ ಅಲ್ಲು ಅರ್ಜುನ್ ಹೈದರಾಬಾದ್‌ನ ಜುಬಿಲಿ ಹೀಲ್ಸ್‌ನಲ್ಲಿ ಐಷಾರಾಮಿ ಮನೆ ಹೊಂದಿದ್ದಾರೆ. ಈ ಭವ್ಯ ಬಂಗಲೆಯ ಬೆಲೆ ೧೦೦ ಕೋಟಿ ರೂಪಾಯಿ. ಜೊತೆಗೆ ಅಲ್ಲು ಅರ್ಜುನ್ ಬಳಿ ಪ್ರೈವೆಟ್ ಜೆಟ್ ಇದೆ. ಮದುವೆ ಬಳಿಕ ಈ ವಿಮಾವನ್ನು ಖರೀದಿ ಮಾಡಿದ್ದರು.

ಕಾಲಿವುಡ್ ನಟ ಧನುಷ್ ದಕ್ಷಿಣ ಭಾರತದ ಅದ್ಭುತ ನಟರಲ್ಲೊಬ್ಬರು. ಕಮರ್ಷಿಯಲ್ ಹೀರೋ ಆಗಿ ತಮ್ಮದೇ ಇಮೇಜ್ ಹೊಂದಿರುವ ಧನುಷ್, ರಾಷ್ಟ್ರಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ. ಧನುಷ್ ಕಳೆದ ಎರಡು ವರ್ಷಗಳ ಹಿಂದಷ್ಟೇ ಹೊಸ ಮನೆ ಖರೀದಿಸಿದ್ದರು. ಚೈನೈನಲ್ಲಿರುವ ಧನುಷ್ ಬಂಗಲೆಯನ್ನು ಸುಮಾರು 19 ಸಾವಿರ ಚದರ ಅಡಿ ಪ್ರದೇಶದಲ್ಲಿ ನಿರ್ಮಿಸಲಾಗಿದ್ದು, ಸುಮಾರು ನಾಲ್ಕು ಅಂತಸ್ಥಿನ ಈ ಬಂಗಲೆಯಲ್ಲಿ ಹಲವು ಐಶಾರಾಮಿ ಸವಲತ್ತುಗಳಿವೆ. ಈ ಬಂಗಲೆಯ ಬೆಲೆ ಸುಮಾರು 150 ಕೋಟಿ ರೂ. ಅಂತ ಅಂದಾಜಿಸಲಾಗಿದೆ.

ಡಾರ್ಲಿಂಗ್ ಪ್ರಭಾಸ್ ಬಾಹುಬಲಿ ಸಿನಿಮಾ ಮೂಲಕ ವಿಶ್ವಾದ್ಯಂತ ಅಪಾರ ಜನಪ್ರಿಯ ಪಡೆದಿದ್ದಾರೆ. ಸದ್ಯ ಕಣ್ಣಪ್ಪ ಸಿನಿಮಾ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿರುವ ಪ್ರಭಾಸ್, ಹೈದರಾಬಾದ್‌ನಲ್ಲಿ ಐಶಾರಾಮಿ ಮನೆ ಹೊಂದಿದ್ದಾರೆ. ಈ ಬಂಗಲೆಯ ಬೆಲೆ 60 ಕೋಟಿ ರೂಪಾಯಿ. ತಮ್ಮ ಹೆಸರಲ್ಲಿ ಕೋಟ್ಯಾಂತರ ಮೌಲ್ಯದ ಆಸ್ತಿ ಹೊಂದಿರುವ ಪ್ರಭಾಸ್, ಮುಂಬೈನಲ್ಲಿ ಕೂಡ ಮನೆ ಹೊಂದಿದ್ದಾರೆ. ಅಷ್ಟೇ ಅಲ್ಲದೇ, ಪ್ರಭಾಸ್ ಬಳಿ ಪ್ರೈವೇಟ್ ಜೆಟ್ ಕೂಡ ಇದೆ.

ಟಾಲಿವುಡ್ ನಟ ಅಕ್ಕಿನೇನಿ ನಾಗರ್ಜುನ್ ಸೌತ್ ಸಿನಿಮಾರಂಗದ ಶ್ರೀಮಂತ ನಟ. 1986ರಲ್ಲಿ ತೆರೆಕಂಡ ವಿಕ್ರಮ್ ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಅವರು, ಕೇವಲ ನಟನಾಗಿ ಮಾತ್ರವಲ್ಲದೇ ಉದ್ಯಮಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. ಇವರು ಹೈದರಾಬಾದ್‌ನಲ್ಲಿ ಐಶಾರಾಮಿ ಮನೆ ಹೊಂದಿದ್ದು, ಇದರ ಬೆಲೆ 42 ಕೋಟಿ ರೂಪಾಯಿ. 3,010 ಕೋಟಿ ರೂಪಾಯಿ ಆಸ್ತಿ ಒಡೆಯರಾಗಿರುವ ಅಕ್ಕಿನೇನಿ ನಾಗರ್ಜುನ ಅವರ ಬಳಿಯೂ ಸ್ವಂತ ವಿಮಾನವಿದೆ.  

ಭಾರತೀಯ ಚಿತ್ರರಂಗದ ಸೂಪರ್ ಸ್ಟಾರ್ ರಜನಿಕಾಂತ್. 74 ವಯಸ್ಸಿನಲ್ಲೂ ಹೀರೋ ಆಗಿ ನಟಿಸುತ್ತಿರುವ ರಜಿನಿಕಾಂತ್, ಸಿನಿಮಾವೊಂದಕ್ಕೆ ಬರೋಬ್ಬರಿ 100 ಕೋಟಿಗೂ ಅಧಿಕ ಸಂಭಾವನೆ ಪಡೆಯುತ್ತಾರಂತೆ. ರಜನಿಕಾಂತ್ ಚೈನೈನ ಪೋಯಸ್ ಗಾರ್ಡನ್ ಏರಿಯಾದಲ್ಲಿ ಭವ್ಯ ಬಂಗಲೆ ಹೊಂದಿದ್ದು, ಇದರ ಬೆಲೆ 35 ಕೋಟಿ ರೂಪಾಯಿ.