ನಾನು ನಿಮ್ಮ ದೊಡ್ಡ ಅಭಿಮಾನಿ, ನಿಮ್ಮ ದೃಷ್ಟಿಕೋನ ಏನು ಅಂತ ಗೊತ್ತಿದೆ: ವಿನಯ್ ಸ್ಟ್ರಾಟಜಿಗೆ ಜೈ ಎಂದ ಸಂಗೀತಾ ಅಣ್ಣ

ಬಿಗ್‌ಬಾಸ್‌ ಮನೆಗೆ ಸಂಗೀತಾ ತಂದೆ ಶಿವಕುಮಾರ್, ತಾಯಿ ಭವಾನಿ, ಅಣ್ಣ ಸಂತೋಷ್ ಹಾಗೂ ಅತ್ತಿಗೆ ಸುಚಿತ್ರಾ ಆಗಮಿಸಿದ್ದರು. ಈ ಸಂದರ್ಭ ಸಂಗೀತಾ, ನಾನು ಏನೇ ಮಾಡಿದ್ರೂ ಎಲ್ಲರೂ ವಿರೋಧಿಸುತ್ತಾರೆ. ನನಗೆ ಇದೇ ವಿಷಯಕ್ಕೆ ಬೇಸರವಾಗಿ ಅಳುತ್ತಿದ್ದೇನೆ ಅಷ್ಟೇ. ನಾನು ಕನ್ನಿಂಗ್, ನೆಗೆಟಿವ್ ಅವಕಾಶಾವವಾದಿ ಅಂತ ಹೇಳ್ತಾರೆ. ನಾನು ನೆಗೆಟಿವ್ ಆಗಿ ಕಾಣ್ತಿದ್ದೀನಾ? ನಾನು ಯಾರದಾದರೂ ಬಗ್ಗೆ ಕೆಟ್ಟದಾಗಿ ಮಾತಾಡಿದ್ನಾ? ಕ್ಯಾಪ್ಟನ್ಸಿ ಟಾಸ್ಕ್‌ನಲ್ಲಿ ಎಲ್ಲರೂ ನಮ್ರತಾಗೆ ಮತ ಹಾಕಿದ್ರು. ಆ ಜಾಗದಲ್ಲಿ ನಾನು ಇದ್ದಿದ್ದರೆ ಯಾರು ಮತ ಹಾಕುತ್ತಿರಲಿಲ್ಲ. ನಮ್ರತಾ ಅವರನ್ನು ಎಲ್ಲರೂ ಇಷ್ಟಪಡ್ತಿರೋ ಹಾಗೆ ನನ್ನ  ಯಾಕೆ ಇಷ್ಟಪಡಲ್ಲ? ನನಗೆ ಪ್ರತಿ ಸಲ ಕಳಪೆ ಕೊಡ್ತಾರೆ. ಉತ್ತಮ ಸಿಗಲಿಲ್ಲ. ನಾನು ಕಳೆದ ಬಾರಿ ಚೆನ್ನಾಗಿ ಆಡಿದ್ರೂ ಕಳಪೆ ಕೊಟ್ಟರು. ಮುಂದಿನ ವಾರವೂ ಅದೇ ಕಥೆಯಾಗುತ್ತೆ ಅಂತ ಬೇಸರಗೊಂಡರು. 

ಸಂಗೀತಾ ಪ್ರಶ್ನೆಗೆ ಉತ್ತರಿಸಿದ ಅತ್ತಿಗೆ ಸುಚಿತ್ರಾ, ನೀನು ತುಂಬಾ ಸ್ಟ್ರಾಂಗ್ ಸ್ಪರ್ಧಿ. ನಿನ್ನಿಂದ ನಾನು ಸ್ಪೂರ್ತಿ ಪಡೆದುಕೊಳ್ಳುತ್ತೇನೆ. ನೀನು ನೆಗೆಟಿವ್ ಆಗಿ ಖಂಡಿತಾ ಕಾಣಿಸುತ್ತಿಲ್ಲ. ನಿನ್ನ ಹಾರ್ಟ್ ಜೊತೆ ನಮ್ಮ ಹಾರ್ಟ್ ಕನೆಕ್ಟ್ ಆಗಿದೆ. ನೀನು ಅತ್ತರೆ ನಮಗೆಲ್ಲಾ ಬೇಸರವಾಗುತ್ತೆ. ನೀನು ಮಾಡ್ತಿರೋದು ನೆಗೆಟಿವ್ ಅಗ್ತಿಲ್ಲ. ನೀನು ನಿನ್ನ ಆಟ ಆಡುತ್ತಿದ್ದೀಯಾ. ನಿನ್ನನ್ನು ಯಾರೇ ವಿರೋಧಿಸಲಿ, ಏನೇ ಆಗಲಿ, ಎಷ್ಟೇ ಕಳಪೆ ಬರಲಿ ಅದಕ್ಕೆಲ್ಲಾ ತಲೆ ಕೆಡಿಸಿಕೊಳ್ಳಬೇಡ. ನೀನು ಪ್ರತಿ ವಾರ ಕಳಪೆ ತೆಗೆದುಕೊಂಡರು ಪರವಾಗಿಲ್ಲ. ನಿನ್ನ ಆಟ ಚೆನ್ನಾಗಿ ಆಡು ಎಂದು ಹೇಳಿದರು. ಇನ್ನು ಸಂಗೀತಾಗೆ 'ಅಣ್ಣ ಬಂದಿದ್ದಾನೆ ಅಂತ ಸ್ವಲ್ಪ ಅಳು' ಅಂತ ರೇಗಿಸಿದ್ದಾರೆ. 

ಇನ್ನು ವಿನಯ್ ಜೊತೆ ಮಾತನಾಡಿದ ಸಂಗೀತಾ ಅಣ್ಣ ಸಂತೋಷ್, ನಾನು ನಿಮ್ಮ ದೊಡ್ಡ ಅಭಿಮಾನಿ. ನಿಮ್ಮ ದೃಷ್ಟಿಕೋನ ಏನು ಅಂತ ಗೊತ್ತಿದೆ. ನೀವು ಮಾಡ್ತಿರುವುದು ಒಮ್ಮೆ ನೆಗೆಟಿವ್, ಪಾಸಿಟಿವ್ ಆಗಿ ಕಾಣುತ್ತೆ. ಈಗ ಅಗ್ರೆಶನ್ ಸ್ವಲ್ಪ ಜಾಸ್ತಿ ಆದ ಹಾಗೆ ಕಾಣ್ತಿದೆ. ನೀವು ಹಾಗೂ ಸಂಗೀತಾಳಲ್ಲೂ ಅಗ್ರೆಶನ್ ಕಾಣಿಸುತ್ತಿದೆ. ಎಲ್ಲರೂ ಟ್ರೋಫಿ ಬಗ್ಗೆ ಗಮನ ಕೊಟ್ಟಿದ್ದಾರೆ. ಎಲ್ಲರಿಗೂ ಟ್ರೋಫಿ ಬೇಕು ಅಂತ ಫೈಟ್ ಮಾಡ್ತಿದ್ದಾರೆ. ನಿಮ್ಮ ತಂತ್ರ ಚೆನ್ನಾಗಿದೆ. ಅದನ್ನು ನಾನು ಹೋಗಳಬೇಕು ಎಂದರು. 

ಸಂಗೀತಾ ಬಿಗ್‌ಬಾಸ್‌ ಬಂದಾಗ ಕಾರ್ತಿಕ್ ಬಳಿ 'ನಾನು ಇಲ್ಲಿ ಲವ್ ಮಾಡೋದಿಲ್ಲ. ನಮ್ಮ ಮನೆಯವರಿಗೆ ಇದನ್ನೇ ಹೇಳಿಬಂದಿದ್ದೇನೆ' ಎಂದಿದ್ದರು. ಅದರಂತೆ ಪ್ರತಿ ಬಾರಿಯೂ ಕಾರ್ತಿಕ್‌ಗೆ ನೀವು ನನ್ನ ಬೆಸ್ಟ್ ಫ್ರೆಂಡ್ ಅತ ಹೇಳುತ್ತಾ ಬಂದಿದ್ದರು. ಅದರಂತೆ ಅವರು ಪ್ರತಿ ಬಾರಿಯೂ ಕಾರ್ತಿಕ್‌ಗೆ ನೀವು ನನ್ನ ಬೆಸ್ಟ್ ಫ್ರೆಂಡ್ ಅಂತ ಹೇಳುತ್ತ ಬಂದಿದ್ದರು. ಇದೀಗ ತಮ್ಮ ತಾಯಿ ಬಳಿ 'ನಾನು ಯಾರ ಜೊತೆ ಆದ್ರೂ ಪೇರ್ ಥರ ಇರೋ ಥರ ಕಾಣಿಸಿದ್ನಾ? ಲವ್ ಥರ ಕಾಣಿಸ್ತಿದ್ಯಾ? ನಿಮಗೆ ತಲೆ ತಗ್ಗಿಸುವ ಹಾಗೆ ಮಾಡಿದ್ನಾ? ಅಂತ ಪ್ರಶ್ನಿಸಿದರು. ಅದಕ್ಕೆ ಅವರ ತಾಯಿ ಭವಾನಿ, ನೀನು ಲವ್ ಮಾಡೋ ಥರ ಸ್ವಲ್ಪ ಅನಿಸಿತು. ಆದರೆ, ಅದು ಲವ್ ಅಲ್ಲ. ಫ್ರೆಂಡ್‌ಶಿಪ್ ದೃಷ್ಟಿಯಲ್ಲೇ ನಾನು ನೋಡಿದೆ. ನೀನು ತಲೆತಗ್ಗಿಸುವ ಥರ ನಡೆದುಕೊಂಡಿಲ್ಲ ಎಂದದ್ದಾರೆ. 

ಸಂಗೀತಾ ಅವರ ಅಣ್ಣ 'ನೀನು ಅಷ್ಟೊಂದು ಅಳೋದು ಯಾಕೆ? ಅಂತ ಪ್ರಶ್ನಿಸಿದ್ದಾರೆ. ಅದಕ್ಕೆ ಸಂಗೀತಾ, ಎಲ್ಲರೂ ನನ್ನ ವಿರೋಧ ಮಾಡಿದಾಗ ಏನು ಮಾಡಲಿ? ಅಂದಿದ್ದಾರೆ. ಜೊತೆಗೆ ಕಾರ್ತಿಕ್ ಇಲ್ಲದೇ ನಾನು ಝೀರೋನಾ ಆಗಿ ಕಾಣಿಸುತ್ತೇನಾ ಅಂತ ಪ್ರಶ್ನೆ ಮಾಡಿದ್ದಾರೆ. ಅದಕ್ಕೆ ಅತ್ತಿಗೆ ಸುಚಿತ್ರಾ, ಖಂಡಿತಾ ಇಲ್ಲ. ನೀನು ಸ್ನೇಹವನ್ನು ನಿರೀಕ್ಷೆ ಮಾಡಿದೆ, ಅದು ನಿನಗೆ ಸಿಗಲಿಲ್ಲ ಎಂದಿದ್ದಾರೆ.

ಇಂದಿನ ಸಂಚಿಕೆಯಲ್ಲಿ ಬಿಗ್‌ಬಾಸ್ ಮನೆಗೆ ಡ್ರೋನ್ ಪ್ರತಾಪ್ ಅವರ ತಂದೆ-ತಾಯಿ ಆಗಮನವಾಗಿದೆ. ಮೂರು ವರ್ಷದ ಬಳಿಕ ಅಪ್ಪ-ಅಮ್ಮನನ್ನು ಕಂಡ ಪ್ರತಾಪ್ ಗಳಗಳನೇ ಅತ್ತಿದ್ದಾರೆ. ಪ್ರತಾಪ್ ಫೋಷಕರು ಬಂದಾಗ ಡೋರ್ ಲಾಕ್ ಆಗಿದ್ದು, ಬಿಗ್‌ಬಾಸ್ ಪ್ಲೀಸ್ ಬಾಗಿಲು ತೆಗೆಯಿರಿ ಅಂತ ಪ್ರತಾಪ್ ಅತ್ತಿದ್ದಾರೆ. ವೀಕ್ಷಕರು ಕೂಡ ಈ ಎಪಿಸೋಡ್‌ಗಾಗಿ ಕಾಯುತ್ತಿದ್ದಾರೆ.