ನಂಬಿ ಕುರಿ ಆದೆವು: ಹಣದ ವ್ಯವಹಾರದಲ್ಲಿ ಬಿಗ್‌ಬಾಸ್ ಸ್ಪರ್ಧಿಗಳ ಅಸಮಾಧಾನ

ತನಿಷಾ ತಮ್ಮ ಗೆಳೆಯ ಎನ್ನುವ ಕಾರಣಕ್ಕೆ ಕಾರ್ತಿಕ್ ಅವರಿಗೆ 4,300 ರೂಪಾಯಿ ನೀಡಿ ಅವರನ್ನು ಖರೀದಿ ಮಾಡಿದ್ದರು. ತುಕಾಲಿ ಸಂತು ಅವರನ್ನು ಕೇವಲ 1,000 ರೂಪಾಯಿ ಖರೀದಿ ಮಾಡಿದ್ದಾರೆ. ಕಾರ್ತಿಕ್‌ಗೆ ಹೆಚ್ಚು ಹಣ ನೀಡಿರುವ ಬಗ್ಗೆ ತುಕಾಲಿ ಸಂತುಗೆ ಅನುಮಾನ ಮೂಡಿದೆ. ಹೀಗಾಗಿ, ಕಾರ್ತಿಕ್‌ಗೆ ಎಷ್ಟು ಹಣ ನೀಡಲಾಗಿದೆ ಎಂಬುದನ್ನು ತಿಳಿದುಕೊಳ್ಳಲು ಬಯಸಿದ ತುಕಾಲಿ ಸಂತು, ತನಿಷಾ ಬಳಿ ಕೇಳಲು ತೆರಳಿದ್ದಾರೆ. ಆದರೆ, ಅದಕ್ಕೆ ತನಿಷಾ ಅವಕಾಶ ಮಾಡಿಕೊಟ್ಟಿಲ್ಲ. ಹೀಗಾಗಿ ತುಕಾಲಿ ಸಂತು ಇ ಬಗ್ಗೆ ವಿನಯ್ ಜೊತೆ ಚರ್ಚೆ ನಡೆಸಿದ್ದಾರೆ. ಒಂದು ಟೀಂ ಎಂದಾಗ ಯಾರ ಬಳಿ ಎಷ್ಟು ಹಣವಿದೆ ಎಂಬುದು ಗೊತ್ತಾಗಬೇಕು. ಇಲ್ಲದಿದ್ದರೆ ಏನು ಪ್ರಯೋಜನ. ನಾನು ಆಟವಾಡಲ್ಲ ತನಿಷಾ ಜೊತೆ ಸೇರಿ ಕುರಿ ಆದೆವು ಅನಿಸುತ್ತಿದೆ ಅಂತ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.   

ಕಳೆದ ಸಂಚಿಕೆಯಲ್ಲಿ ನಡೆದ ಮೂರು ಟಾಸ್ಕ್‌ಗಳ ಪೈಕಿ ಮೂರು ಟಾಸ್ಕಗಳನ್ನು ನೀಡಿದ್ದರು. ಇದರಲ್ಲಿ ಎರಡು ಟಾಸ್ಕ್‌ಗಳನ್ನು ಸಂಗೀತಾ ತಂಡ ಗೆದ್ದುಕೊಂಡಿದೆ. ತಾವು ಚೆನ್ನಾಗಿ ಆಡಿದ್ರೂ ಸಂಗೀತಾ ಪಾಯಿಂಟ್ಸ್ ಕೊಡುತ್ತಿಲ್ಲ ಅಂತ ಮೈಕಲ್ ಅವರು ಜಗಳವಾಡಿದ್ದಾರೆ. ಜೊತೆಗೆ ನೈತಿಕತೆ ಬಿಟ್ಟು ಆಟ ಆಡಿದ್ದೀರಾ ಅಂತ ಪ್ರಶ್ನಿಸಿದ್ದಾರೆ. ಇನ್ನೊಂದು ಕಡೆ ಸಂಗೀತಾ, ನಾಚಿಕೆಯಾಗಬೇಕು ಅಂತ ವಾದ ಮಾಡಿದ್ದಾರೆ. ಕೊನೆಯಲ್ಲಿ ಸಂಗೀತಾ ಬಾತ್ರೂಮ್ ಬಳಿಯಿರುವ ಸೋಫಾ ಮೇಲೆ ಕುಳಿತು ಒಬ್ಬಂಟಿಯಾಗಿ ಕಣ್ಣೀರು ಹಾಕಿದ್ದಾರೆ. 

ಬಿಗ್‌ಬಾಸ್‌ ಮನೆಯಲ್ಲಿ ಸಂಗೀತಾಗೂ ಹಾಗೂ ಮೈಕಲ್‌ಗೂ ಆಗಿ ಬರೋದಿಲ್ಲ. ಅವರಿಬ್ಬರು ಈಗಾಗಲೇ ಸಾಕಷ್ಟು ಬಾರಿ ಕಿತ್ತಾಡಿಕೊಂಡಿದ್ದಾರೆ. ಇದನ್ನು ಗಮನಿಸಿದ್ದ ವಿನಯ್‌, ತಂಡ ರಚನೆಯಾಗುವಾಗಲೇ ಸಂಗೀತಾಗೂ, ಮೈಕಲ್‌ಗೂ ಆಗಿ ಬರೋದಿಲ್ಲ. ಒಂದೇ ತಂಡದಲ್ಲಿ ಹೇಗೆ ಆಡುತ್ತಾರೋ ಏನೋ ಅಂತ ಹೇಳಿದ್ದಂತೆ. ಅದರಂತೆಯೇ ಇದೀಗ ಮೈಕಲ್ ಸಂಗೀತಾ ವಿರುದ್ಧ ತಿರುಗಿಬಿದ್ದಿದ್ದಾರೆ.  

ಬಿಗ್‌ಬಾಸ್ ಎರಡು ತಂಡದ ಮಾಲೀಕರಾದ ತನಿಷಾ ಮತ್ತು ಸಂಗೀತಾಗೆ ಬಿಗ್‌ಬಾಸ್‌ ತಲಾ ೧೧ ಸಾವಿರ ಪಾಯಿಂಟ್‌ಗಳನ್ನು ನೀಡಿದ್ದರು. ಈ ಪಾಯಿಂಟ್ ಉಪಯೋಗಿಸಿ ಅವರಿಬ್ಬರು ನಾಲ್ಕು ಸದಸ್ಯರನ್ನು ಖರೀದಿ ಮಾಡಬೇಕಿತ್ತು. ಯಾವುದೇ ತಂಡಕ್ಕೆ ಸೇರ್ಪಡೆಯಾಗದ ಓರ್ವ ಆಟಗಾರ, ಎರಡೂ ತಂಡಗಳಿಂದ ಹೊರಗುಳಿದಂತೆ. ಟಾಸ್ಕ್‌ ಗೆಲ್ಲುವ ತಂಡ ಪಾಯಿಂಟ್ಸ್ ಗಳಿಸುತ್ತಾ ಹೋಗುತ್ತದೆ. ಆ ಪಾಯಿಂಟ್‌ಗಳನ್ನು ಆಟಗಾರರೊಂದಿಗೆ ಮಾಲೀಕರು ಹಂಚಿಕೊಳ್ಳಬಹುದು. ವಾರದ ಕೊನೆಯಲ್ಲಿ ಅತೀ ಹೆಚ್ಚು ಪಾಯಿಂಟ್ಸ್ ಹೊಂದಿರುವ ಒಬ್ಬ ಮಾಲೀಕ ಹಾಗೂ ಅತೀ ಹೆಚ್ಚು ಪಾಯಿಂಟ್ಸ್ ಪಡೆದಿರುವ 3 ಆಟಗಾರರು ಕ್ಯಾಪ್ಟನ್ಸಿ ಟಾಸ್ಕ್‌ಗೆ ಆಯ್ಕೆಯಾಗುತ್ತಾರೆ.  

ಅದರಂತೆ ಸಂಗೀತಾ ಅವರು ತಮ್ಮ ತಂಡ ಸೇರಿದ ನಮ್ರತಾಗೆ 1,000, ಮೈಕಲ್‌ಗೆ 2,300, ಅವಿನಾಶ್‌ ಶೆಟ್ಟಿಗೆ 1,350 ಹಾಗೂ ಡ್ರೋನ್ ಪ್ರತಾಪ್‌ಗೆ 1,800 ಪಾಯಿಂಟ್ಸ್ ನೀಡಿದರು. ತನಿಷಾ ತಮ್ಮ ತಂಡದ ವರ್ತೂರು ಸಂತೋಷ್‌ಗೆ 1,000, ವಿನಯ್‌ಗೆ 1,500, ತುಕಾಲಿ ಸಂತುಗೆ 1,000, ಕಾರ್ತಿಕ್‌ಗೆ 4,300 ನೀಡಿದ್ದರು. ಸಿರಿ ಅವರು ಯಾವುದೇ ತಂಡಕ್ಕೆ ಸೇರ್ಪಡೆಯಾಗಿರಲಿಲ್ಲ.