ದೊಡ್ಮನೆಯಲ್ಲಿ ಕದ್ದು ಮುಚ್ಚಿ ಲವ್ ಮಾಡ್ತಿದ್ದಾರಾ ತ್ರಿವಿಕ್ರಮ್-ಭವ್ಯಾ: ಕುಚುಕು ಗೆಳಯನಿಗೆ ಅನುಮಾನ

ಕುಚುಕು ಗೆಳೆಯ ರಂಜಿತ್ ಅವರು ಭವ್ಯಾ ಗೌಡ ಹಾಗೂ ತ್ರಿವಿಕ್ರಮ್ ಲವ್‌ನಲ್ಲಿದ್ದಾರೆ ಅಂತ ಅನುಮಾನ ವ್ಯಕ್ತಪಡಿಸಿ ಅದನ್ನು ತುಕಾಲಿ ಮಾನಸ ಅವರೊಂದಿಗೆ ಹಂಚಿಕೊಂಡಿದ್ದಾರೆ. ಇದನ್ನು ತ್ರಿವಿಕ್ರಮ್ ನನ್ನ ಬಳಿ ಇನ್ನೂ ಹೇಳಿಕೊಂಡಿಲ್ಲ. ಮನೆಯಿಂದ ಹೊರಹೋದ ಮೇಲೆ ಈ ವಿಷಯದ ಬಗ್ಗೆ ಮಾತಡ್ತಾನೆ ಎಂದಿದ್ದಾರೆ. ಇದಕ್ಕೆ ಪುಷ್ಠಿ ನೀಡುವಂತೆ ಕಳೆದ ಸಂಚಿಕೆಯಲ್ಲಿ ತುಕಾಲಿ ಸಂತೋಷ್ ಪತ್ನಿ ಮಾನಸಾ ಅವರಿಗೆ ಕರೆಮಾಡಿ, ತ್ರಿವಿಕ್ರಮ್‌ಗೆ ಕೆಲ ಟಿಪ್ಸ್ ನೀಡಿದ್ದರು. 

ಮಾನಸಾ: ಭವ್ಯಾ & ತ್ರಿವಿಕ್ರಮ್ ಲವ್ ಮಾಡ್ತಿದ್ದಾರೆ ಅಂತ ಕೇಳ್ಪಟ್ಟೆ, ಹಂಗೆ ಇರಬೇಕು ಅಂತ ಮಾತನಾಡುತ್ತಿದ್ದರು. 

ತುಕಾಲಿ ಸಂತು: ಮತ್ತೆ ಈ ಬಗ್ಗೆ ಏನೂ ತೋರಿಸಿಯೇ ಇಲ್ಲ. ಅವನೆಲ್ಲಿ ಲವ್ ಮಾಡ್ತಿದ್ದಾನೆ ಕಣ್ಣೊಳಗೆ ಲವ್ ಮಾಡ್ತವ್ನಾ...ಮನಸೊಳಗೆ ಲವ್ ಮಾಡ್ತವ್ನಾ..ಲವ್ ಮಾಡಿ ಅದನಾದ್ರೂ ಪರದೆ ಮೇಲೆ ತೋರಿಸೋಕೆ ಹೇಳು. 

ಮಾನಸ: ಏನು ಗೊತ್ತಿಲ್ಲಪ್ಪ ಸೀಕ್ರೇಟ್ ಆಗಿ ಅವರಿಬ್ಬರ ನಡುವೆ ಎನೋ ನಡೀತಿದೆ. ಗುಸುಗುಸು, ಪಿಸ ಪಿಸ ಅಂತಾರೆ.

ತುಕಾಲಿ ಸಂತು: ಅವರಿಬ್ಬರ ಲವ್ ಸಕ್ಸಸ್ ಆಗ್ಲಿ...ಹೋಗಿ ತ್ರಿವಿಕ್ರಮ್‌ಗೆ ಹೇಳು..ಅರ್ಥ ಆಯ್ತಾ ಎಂದರು. 

ಭವ್ಯಾ ಗೌಡ ಹಾಗೂ ತ್ರಿವಿಕ್ರಮ್ ಅವರು ಈ ಹಿಂದೆಯೇ ಬಿಗ್‌ಬಾಸ್ ಮಿನಿ ಸೀಸನ್‌ನಲ್ಲಿ ಭಾಗವಹಿಸಿದ್ದರು. ಅವಾಗಿನಿಂದಲೇ ಅವರಿಬ್ಬರು ಪರಸ್ಪರ ಪರಿಚಯ. ಆದರೆ, ಶೋ ಗ್ರ್ಯಾಂಡ್ ಓಪನಿಂಗ್ ದಿನ ತ್ರಿವಿಕ್ರಮ್ ಮೊದಲೇ ಪರಿಚಯ ಒಂದೆರಡು ಬಾರಿ ಸಿಕ್ಕಾಗ ಹಾಯ್ ಎಂದು ಹೇಳಿದ್ದಷ್ಟೇ ಎಂದಿದ್ದರು. ಆಗ ಸುದೀಪ್ ಹಾಗೂ ಶಿಶಿರ್ ಅವರ ಕಾಲೆಳೆದಿದ್ದರು. ಸದ್ಯ ಅವರಿಬ್ಬರು ದೊಡ್ಮನೆಯಲ್ಲಿ ಕ್ಲೋಸ್ ಆಗಿದ್ದು, ಉತ್ತಮ ಗೆಳೆತನ ಹೊಂದಿದ್ದಾರೆ. ಈ ಮಧ್ಯೆ 10  ವರ್ಷಗಳಿಂದ ತ್ರಿವಿಕ್ರಮ್ ಜೊತೆ ಗೆಳೆತನ ಹೊಂದಿರುವ ರಂಜಿತ್ ಅವರ ಲವ್ ಬಗ್ಗೆ ಮಾತನಾಡಿದ್ದು ಅನುಮಾನ ಮೂಡಿಸಿದೆ. 

ಲಾಯರ್ ಜಗದೀಶ್ ಬಿಗ್‌ಬಾಸ್ ಮನೆಯಲ್ಲಿ ಹಂಸಾ ಜೊತೆ ಫ್ಲರ್ಟ್ ಮಾಡುತ್ತಿದ್ದಾರೆ. ದೊಡ್ಮನೆಯಲ್ಲಿ ಎಲ್ಲರ ಜೊತೆ ಕಿರಿಕ್ ಮಾಡಿಕೊಂಡಿರುವ ಜಗದೀಶ್, ಹೆಚ್ಚು ಜಗಳವಾಡಿದ್ದು ಮಾತ್ರ ಹಂಸ ಜೊತೆ. ಆದರೆ, ಅಷ್ಠೇ ಸ್ನೇಹ ಕೂಡ ಬೆಳಸಿದ್ದಾರೆ. ಕಳೆದ ಸಂಚಿಕೆಯಲ್ಲಿ ಜಗದೀಶ್ ಲಿಪ್‌ಸ್ಟಿಕ್ ಕಲೆ ಬಗ್ಗೆ ಪ್ರಸ್ತಾಪ ಮಾಡಿದ್ದಾರೆ. ಲಿವಿಂಗ್ ಏರಿಯಾದಲ್ಲಿ ಎಲ್ಲರ ಜೊತೆ ಮಾತನಾಡುತ್ತಿದ್ದ ಹಂಸಾ ಬಳಿ ವೈಟ್ ಶರ್ಟ್ ಹಾಕಿಕೊಂಡು ಬಂದ ಜಗದೀಶ್, ತಮ್ಮ ಶರ್ಟ್ ಮೇಲೆ ಲಿಪ್‌ಸ್ಟಿಕ್ ಗುರುತಿದೆ ಅಂದರು. ಅದು ನಿಮ್ಮ ಲಿಪ್‌ಸ್ಟಿಕ್ ಕಲೆ ಎಂದರು. ಆಗ ಹಂಸಾ 'ನಿನ್ನೆ ಹಗ್ ಮಾಡಿದಾಗ ಈ ಕಲೆ ಆಗಿದ್ದ' ಎಂದರು. ಅಲ್ಲದೇ, ಬೇಕಿದ್ದರೆ ವಾಶ್ ಮಾಡಿ ಕೊಡುವೆ ಅಂದರು. 

ಕ್ಯಾಪ್ಟನ್ ಶಿಶಿರ್ ಅವರು ಈ ವಾರ ಮನೆಯಿಂದ ಹೊರಹೋಗಲು ಅನುಷಾ ಅವರನ್ನು ನೇರವಾಗಿ ನಾಮಿನೇಟ್ ಮಾಡಿಮ ಹಾಗಲಕಾಯಿ ಜ್ಯೂಸ್ ಕುಡಿಸಿದರು. ಇದಕ್ಕೆ ಆಕ್ರೋಶ ವ್ಯಕ್ತಪಡಿಸಿದ ಅನುಷಾ, ನನಗೆ ಬಕೆಟ್ ಹಿಡಿಯೋದಕ್ಕೆ ಬರಲ್ಲ ಗುರು, ನಾನು ಇರೋದೇ ಹೀಗೆ  ಎಂದು ಐಶ್ವಯಾ ಮುಂದೆ ಕೂತು ಹೇಳುತ್ತಾರೆ. ಅದನ್ನು ಸಹಿಸದ ಐಶ್ವರ್ಯಾ ಈ ವಿಷಯವನ್ನು ಶಿಶಿರ್ ಬಳಿ ಹೇಳ್ತಾರೆ. ಇದನ್ನು ಉಗ್ರಂ ಮಂಜು ಅವರು ಅನುಷಾಗೆ ಹೇಳುತ್ತಾರೆ. ಆಗ ಇನ್ನಷ್ಟು ಕೋಪಗೊಂಡ ಅನುಷಾ, ಮಗುನು ಚಿವುಟಿ, ತೊಟ್ಟಿಲ್ಲು ತೂಗುವುದು ಬೇಡ. ನೀವು ಬಕೆಟ್ ಹಿಡಿಯೋದು ಬಿಡ್ರಿ ಅಂತ ಕೂಗಾಡಿದ್ರು. ಈ ವಿಷಯವಾಗಿ ಇಬ್ಬರ ನಡುವೆ ಜೋರು ಗಲಾಟೆ ನಡೆಯಿತು. ಈ ಮಧ್ಯೆ ಉಗ್ರಂ ಮಂಜು ಸತ್ಯವೇ ನಮ್ಮ ತಾಯಿ-ತಂದೆ ...ಸತ್ಯವೇ ನಮ್ಮ ಬಂಧು-ಬಳಗ ಅಂತ ಚಪ್ಪಾಳೆ ತಟ್ಟಿದರು.