ದರ್ಶನ್ ನಟನೆಯ ಕ್ರಾಂತಿ ಸಿನಿಮಾದ ಮೊದಲ ದಿನದ ಕಲೆಕ್ಷನ್, ರೇಟಿಂಗ್ ರಿಪೋರ್ಟ್ ಇಲ್ಲಿದೆ.

ಕ್ರಾಂತಿ ಸಿನಿಮಾದ ಮೊದಲ ದಿನಕ್ಕೆ ಅಡ್ವಾನ್ಸ್ ಬುಕ್ಕಿಂಗ್ ಅದ್ಭುತವಾಗಿತ್ತು. ಮೊದಲ ದಿನ 600ಕ್ಕೂ ಹೆಚ್ಚು ಶೋಗಳು ಭರ್ತಿಯಾಗಿದ್ದವು. ಹಾಗಾಗಿ ದರ್ಶನ್ ನಟನೆಯ ಕ್ರಾಂತಿ ಸಿನಿಮಾ ಮೊದಲ ದಿನ ಅಂದಾಜು 11 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದೆ ಎಂಬುದು ಬಾಕ್ಸಾಫೀಸ್ ಸಿನಿಮಾ ಪಂಡಿತರ ಲೆಕ್ಕಾಚಾರ. 

ಬೆಂಗಳೂರಿನಲ್ಲಿ ಬಿಟ್ಟರೆ ಸಾಂಸ್ಕೃತಿಕ ನಗರಿ ಮೈಸೂರಿನಲ್ಲಿ 'ಕ್ರಾಂತಿ' ಸಿನಿಮಾ ಫೀವರ್ ಜಾಸ್ತಿಯಿತ್ತು. ಅದಕ್ಕೆ ತಕ್ಕ ಹಾಗೆ ಶೋಗಳು, ಬುಕ್ಕಿಂಗ್ ಕೂಡ ಆಗಿತ್ತು. ಮೈಸೂರಿನಲ್ಲಿ ಮೊದಲ ದಿನ ಕ್ರಾಂತಿ ಸಿನಿಮಾ ಅಂದಾಜು 83 ಲಕ್ಷಕ್ಕೂ ಅಧಿಕ ಕಲೆಕ್ಷನ್ ಮಾಡಿದೆ. ಈ ಹಿಂದೆ ಕೆಜಿಎಫ್ 2, ಜೇಮ್ಸ್ ಸಿನಿಮಾಗಳು ಮಾತ್ರ ಮೈಸೂರಿನಲ್ಲಿ ಒಂದು ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದ್ದವು. ಇದೀಗ ಮೂರನೇ ಸ್ಥಾನದಲ್ಲಿ ಕ್ರಾಂತಿ ಸಿನಿಮಾವಿದೆ.  

ಕ್ರಾಂತಿ ಸಿನಿಮಾ ಮೊದಲ ದಿನ ಎಲ್ಲೆಡೆ ಒಳ್ಳೆಯ ರೇಟಿಂಗ್ ಪಡೆದುಕೊಂಡಿದೆ. ಗೂಗಲ್ ನಲ್ಲಿ ಕ್ರಾಂತಿ ಸಿನಿಮಾಗೆ ಮೊದಲ ದಿನ 2,500 ಬಳಕೆದಾರರು ವೋಟ್ ಮಾಡಿದ್ದು, 5ಕ್ಕೆ 4.5 ಸ್ಟಾರ್ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಜನಪ್ರಿಯ ಬುಕಿಂಗ್ ಅಪ್ಲಿಕೇಶನ್ ಬುಕ್ ಮೈ ಶೋನಲ್ಲಿ ಕ್ರಾಂತಿ ಸಿನಿಮಾ 10ಕ್ಕೆ 6100 ಮತಗಳೊಂದಿಗೆ 9.5 ಸ್ಟಾರ್ ಪಡೆದುಕೊಂಡಿದೆ. ಐಎಂಡಿಬಿಯಲ್ಲಿ ಮೊದಲ ದಿನ 1,500 ಮತಗಳನ್ನು ಪಡೆದುಕೊಂಡಿರುವ ಕ್ರಾಂತಿ, 10ಕ್ಕೆ 8.3 ಸ್ಟಾರ್ ಪಡೆದುಕೊಂಡಿದೆ. 

ಹಣಬಲ, ಬಾಹುಬಲವುಳ್ಳ ಎನ್‌ಆರ್‌ಐ ವ್ಯಕ್ತಿಯೊಬ್ಬ ಖಾಸಗಿ ಶಾಲೆಗಳ ಮೇಲೆ ಸಮರ ಸಾರುವ ಹಾಗೂ ಸರ್ಕಾರವನ್ನು ಸರ್ಕಾರಿ ಶಾಲೆಗಳ ಪರವಾಗುವಂತೆ ಮಾಡುವ ಕಥೆಯನ್ನು ಕ್ರಾಂತಿ ಸಿನಿಮಾ ಹೊಂದಿದೆ.  

ಜನವರಿ 26ರಂದು ಗಣರಾಜ್ಯೋತ್ಸವ ರಜೆ ಹಿನ್ನೆಲೆಯಲ್ಲಿ 'ಕ್ರಾಂತಿ' ಸಿನಿಮಾ ನೋಡಲು ದೊಡ್ಡ ಸಂಖ್ಯೆಯಲ್ಲಿ ಸಿನಿರಸಿಕರು ಮುಗಿಬಿದ್ದಿದ್ದರು. ಬುಕ್ಕಿಂಗ್ ಜೊತೆಗೆ ಕಲೆಕ್ಷನ್ ಕೂಡ ಜೋರಾಗಿತ್ತು.  ಆದರೆ, 2ನೇ ದಿನ ಕೆಲಸದ ದಿನವಾಗಿದ್ದರಿಂದ ಬುಕ್ಕಿಂಗ್ ಗೆ ಒಳ್ಳೆಯ ಪ್ರತಿಕ್ರಿಯೆ ಸಿಗುತ್ತಿಲ್ಲ.