ಕನ್ನಡ ಸಿನಿಮಾಗಳ ಹಾಡನ್ನು ಹಾಡಿರುವ ಬೇರೆ ಭಾಷೆಯ ತಾರೆಯರಿವರು: ಯಾರು ಯಾವ ಹಾಡಿದ್ದಾರೆ ಗೊತ್ತಾ?

ಜ್ಯೂನಿಯರ್ ಎನ್‌ಟಿಆರ್ ನಟನೆ ಮಾತ್ರವಲ್ಲದೇ ಡ್ಯಾನ್ಸರ್ ಹಾಗೂ ಸಿಂಗರ್ ಆಗಿಯೂ ಸೈ ಎನಿಸಿಕೊಂಡಿದ್ದಾರೆ. ಇವರು ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಹಾಗೂ ರಚಿತಾ ರಾಮ್ ನಟನೆಯ ಚಕ್ರವ್ಯೂಹ ಸಿನಿಮಾದ 'ಗೆಳೆಯಾ ಗೆಳೆಯಾ' ಹಾಡನ್ನು ಹಾಡಿದ್ದಾರೆ. ಆ ಮಮೂಲಕ ಕನ್ನಡ ಸಿನಿರಸಿಕರ ಹೃದಯ ಕದ್ದಿದ್ದಾರೆ.

ಸೌತ್ ನಟಿ ಕಾಜಲ್ ಅಗರವಾಲ್ ಅವರು ಮೊದಲ ಬಾರಿಗೆ ಪುನೀತ್ ರಾಜ್‌ಕುಮಾರ್ ಅಭಿನಯದ 'ಚಕ್ರವ್ಯೂಹ' ಸಿನಿಮಾದ 'ಅರೇ ಅರೇ ಏನಾಯ್ತು' ಹಾಡು ಹಾಡುವ ಮೂಲಕ ಸಿಂಗರ್ ಆಗಿ ಗುರುತಿಸಿಕೊಂಡಿದ್ದಾರೆ. ಇದರ ಮೇಲ್ ವರ್ಷನ್ ಅನ್ನು ಅಪ್ಪು ಹಾಡಿದ್ದರು.

ಕಾಲಿವುಡ್‌ನ ಜನಪ್ರಿಯ ನಟ ಸಿಂಬು ಅವರು ನಟನೆ ಜೊತೆ ಸಿಂಗಿಂಗ್‌ನಲ್ಲೂ ಸೈ ಎನಿಸಿಕೊಂಡಿದ್ದಾರೆ. ಇವರು ಕನ್ನಡದ ಮೇಘನಾ ರಾಜ್, ತಿಲಕ್ ಶೇಖರ್, ಶ್ರೀ ಮಹಾದೇವ್ ಅಭಿನಯದ ಇರುವುದೆಲ್ಲವಾ ಬಿಟ್ಟು ಸಿನಿಮಾ ಕುಣಿರಿ ತಕ್ಕತಾ  ಹಾಡನ್ನು ಹಾಡಿದ್ದಾರೆ.

ಕಮಲ್ ಹಾಸನ್ ಪುತ್ರಿ ಹಾಗೂ ಸೌತ್ ನಟಿ ಶೃತಿ ಹಾಸನ್ ನಟನೆ ಜೊತೆಗೆ ಗಾಯಕಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. ಇವರು ಕನ್ನಡದಲ್ಲಿ ಪುನೀತ್ ರಾಜ್‌ಕುಮಾರ್ ಅಬಿನಯಿಸಿರುವ ಪೃಥ್ವಿ ಸಿನಿಮಾದ 'ನೆನಪಿದು ನೆನಪಿದು' ಹಾಡನ್ನು ಹಾಡಿದ್ದಾರೆ.

ಕಾಲಿವುಡ್ ನಟ ಧನುಷ್ ಸೌತ್ ಸಿನಿಮಾಗಳ ಜೊತೆಗೆ ಹಿಂದಿ ಸಿನಿಮಾಗಳಲ್ಲಿಯೂ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ಇವರು ಕನ್ನಡದಲ್ಲಿ ಸೆಂಚುರಿ ಸ್ಟಾರ್ ಶಿವರಾಜ್‌ಕುಮಾರ್ ನಟನೆಯ ವಜ್ರಕಾಯ ಸಿನಿಮಾದ 'ನೋ ಪ್ರಾಬ್ಲಂ' ಹಾಡನ್ನು ಹಾಡಿದ್ದಾರೆ.

2006ರಲ್ಲಿ ತೆರೆಕಂಎ 7 o' clcok ಎಂಬ ಕನ್ನಡ ಚಿತ್ರದಲ್ಲಿ ನಟಿಸುವ ಮೂಲಕ ಸಿನಿಜೀವನವನ್ನು ಆರಂಭಿಸಿದ ನಿತ್ಯಾ ಮೆನನ್, ಇಂದು ಸೌತ್ ಸಿನಿಮಾರಂಗದ ಟಾಪ್ ನಟಿಯಾಗಿ ಜನಪ್ರಿಯತೆ ಪಡೆದಿದ್ದಾರೆ. ಕನ್ನಡದಲ್ಲಿ ಜೋಶ್, ಮೈನಾ,  ಕೋಟಿಗೊಬ್ಬ 2 ಸೇರಿದಂತೆ ಹಲವು ಚಿತ್ರಗಳಲ್ಲಿ ಬಣ್ಣಹಚ್ಚಿರುವ ಇವರು, ಕನ್ನಡದ 5 ಒಂದ್ಲಾ ಐದು ಸಿನಿಮಾದ 'ಪಾಯಸ' ಹಾಡನ್ನು ಹಾಡಿದ್ದಾರೆ.