Diwali 2024: ದೀಪಾವಳಿ ಹಬ್ಬದ ಸಂಭ್ರಮ ಹೆಚ್ಚಿಸುವ ಕನ್ನಡ ಸಿನಿಮಾ ಹಾಡುಗಳಿವು!

ಓಂ ಸಾಯಿಪ್ರಕಾಶ್ ನಿರ್ದೇಶನದಲ್ಲಿ ಮೂಡಿಬಂದ 'ಮುದ್ದಿನ ಮಾವ' ಚಿತ್ರದಲ್ಲಿ ಶಶಿಕುಮಾರ್, ಶೃತಿ ಮತ್ತು ತಾರಾ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರು.  ಈ ಸಿನಿಮಾದ ಹಂಸಲೇಖ ಸಾಹಿತ್ಯ ಮತ್ತು ಎಸ್.ಪಿ. ಬಾಲಸುಬ್ರಮಣ್ಯಂ ಸಂಗೀತದಲ್ಲಿ ಮೂಡಿಬಂದ 'ದೀಪಾವಳಿ ದೀಪಾವಳಿ' ಹಾಡು ಸಿಕ್ಕಾಪಟ್ಟೆ ಜನಪ್ರಿಯತೆ ಪಡೆದಿದೆ. ಅದರಲ್ಲೂ ದೀಪಾವಳಿ ಸಂದರ್ಭದಲ್ಲಿ ಈ ಹಾಡು ನೆನಪಾಗದೇ ಇರದು. ಈ ಹಾಡನ್ನು ಡಾ. ರಾಜ್‌ಕುಮಾರ್ ಮತ್ತು ಎಸ್.ಪಿ ಬಾಲಸುಬ್ರಮಣ್ಯಂ ಹಾಡಿದ್ದರು.

ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅಭಿನಯದ 'ನಂಜುಂಡಿ' ಸಿನಿಮಾದ 'ದೀಪದಿಂದ ದೀಪವಾ ಹಚ್ಚಬೇಕು ಮಾನವ' ಹಾಡು ಕೂಡ ಸಿಕ್ಕಾಪಟ್ಟೆ ಫೇಮಸ್. ಹಂಸಲೇಖ ಸಾಹಿತ್ಯ ಮತ್ತು ಸಂಗೀತದಲ್ಲಿ ಮೂಡಿಬಂದ ಈ ಗೀತೆಯನ್ನು ಮಧು ಬಾಲಕೃಷ್ಣನ್ ಮತ್ತು ನಂದಿತಾ ಹಾಡಿದ್ದರು. ಎಸ್‌.ಆರ್ ಬ್ರದರ್ಸ್ ನಿರ್ದೇಶನದಲ್ಲಿ ಮೂಡಿಬಂದ ಈ ಸಿನಿಮಾದಲ್ಲಿ ಉಮಾಶ್ರೀ, ಡೆಬಿನಾ ಬ್ಯಾನರ್ಜಿ, ಲೋಕೇಶ್, ಸಾಧುಕೋಕಿಲ, ದೊಡ್ಡಣ್ಣ ಸೇರಿದಂತೆ ಹಲವು ಕಲಾವಿದರಿದ್ದರು.

ಎಂ. ಆರ್ ವಿಠ್ಠಲ್ ನಿರ್ದೇಶನದಲ್ಲಿ ಮೂಡಿಬಂದ ನಂದಾದೀಪ ಚಿತ್ರದಲ್ಲಿನ 'ನಾಡಿನಿಂದ ಈ ದೀಪಾವಳಿ' ಹಾಡನ್ನು ಬೆಳಕಿನ ಸಂದರ್ಭದಲ್ಲಿ ನೆನಪಿಸಿಕೊಳ್ಳಲೇಬೇಕು. ಈ ಹಾಡನ್ನು ಎಸ್. ಜಾನಕಿ ಮತ್ತು ಪಿ ಲೀಲಾ ಮಧುರ ಕಂಠದಲ್ಲಿ ಹಾಡಿದ್ದರು. ಈ ಸಿನಿಮಾದಲ್ಲಿ ಡಾ.ರಾಜ್‌ಕುಮಾರ್, ಹರಿಣಿ ಮತ್ತು ಲೀಲಾವತಿ ಪ್ರಮಖ ಪಾತ್ರದಲ್ಲಿ ನಟಿಸಿದ್ದರು.

ಎಂ.ಡಿ.ಶ್ರೀಧರ್ ನಿರ್ದೇಶನದಲ್ಲಿ ಮೂಡಿಬಂದ 'ಚೆಲ್ಲಾಟ' ಚಿತ್ರದಲ್ಲಿ ಗೋಲ್ಡನ್ ಸ್ಟಾರ್ ಗಣೇಶ್ ಮತ್ತು ರೇಖಾ ವೇದಾವ್ಯಾಸ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರು.  ಈ ಚಿತ್ರದಲ್ಲಿ ವಿ. ನಾಗೇಂದ್ರ ಪ್ರಸಾದ್ ಸಾಹಿತ್ಯ ಮತ್ತು ಗುರುಕಿರಣ್ ಸಂಗೀತದಲ್ಲಿ ಮೂಡಿಬಂದ `ಪಟ ಪಟ ಪಟಾಕಿ' ಗೀತೆಯನ್ನು ಕೂಡ ದೀಪಾವಳಿ ದಿನದಂದು ಮಿಸ್ ಮಾಡದೇ ಕೇಳಲೇಬೇಕು. ಈ ಹಾಡನ್ನು ಉದಿತ್ ನಾರಾಯಣ್ ಹಾಡಿದ್ದರು.

ಅನಂತ್ ನಾಗ್, ಖುಷ್ಬೂ ನಟನೆಯ 'ಆಂಟಿ ಪ್ರೀತ್ಸೆ' ಸಿನಿಮಾದ ಸ್ನೇಹಾ ದೀಪಾವಳಿ ಎಂಬ ಹಾಡನ್ನು ಬೆಳಕಿನ ಹಬ್ಬದಂದು ನೆನಪಿಸಿಕೊಳ್ಳಬಹುದು. ಕೆ ಕಲ್ಯಾಣ್ ಸಾಹಿತ್ಯ ಹಾಗೂ ಎಲ್‌ ಎನ್ ಶಾಸ್ತ್ರಿ ಸಂಗೀತದಲ್ಲಿ ಮೂಡಿಬಂದಿದ್ದ ಈ ಹಾಡನ್ನು ಕೆ.ಎಸ್ ಚಿತ್ರ ಹಾಗೂ ಎಲ್‌ ಎನ್ ಶಾಸ್ತ್ರಿ ಹೇಮಂತ್ ಹಾಡಿದ್ದರು. ಇಂತಹ ಹಲವು ಹಾಡುಗಳಲ್ಲಿ ದೀಪಾವಳಿ ಹಬ್ಬದ ಸೊಗಡಿದೆ.