ಸ್ಯಾಂಡಲ್‌ವುಡ್‌ನ ಈ ಖ್ಯಾತ ನಟಿಯರ ಪತಿಯಂದಿರುವ ನಡೆಸುತ್ತಿರುವ ಬಿಸಿನೆಸ್ ಏನು ಗೊತ್ತಾ?

ಸ್ಯಾಂಡಲ್‌ವುಡ್‌ ನಟಿ ಶುಭಾ ಪೂಂಜಾ ಹಾಗೂ ಸುಮಂತ್ ಮಹಾಬಲ 2022ರ ಜನವರಿ 5ರಂದು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಇಬ್ಬರು ಮೂಲತಃ ಮಂಗಳೂರಿನವರೇ. ಸುಮಂತ್ 'ಜಯ ಕರ್ನಾಟಕ ಸಂಘಟನೆ'ಯಲ್ಲಿ ಗುರುತಿಸಿಕೊಂಡಿದ್ದಾರೆ. ಜೊತೆಗೆ ಉದ್ಯಮಿಯೂ ಆಗಿರುವ ಇವರು, ಬೆಂಗಳೂರಿನಲ್ಲಿ ಗ್ಯಾಸ್ ಎಜೆನ್ಸೀಸ್ ಬ್ಯುಸಿನೆಸ್ ಮಾಡುತ್ತಿದ್ದಾರೆ. 

ಕನ್ನಡದ ಚಿತ್ರರಂಗದ ಮಳೆ ಹುಡುಗಿ ಪೂಜಾ ಗಾಂಧಿ ೨೦೨೩ರ ನವೆಂಬರ್ ೨೯ರಂದು ವಿಜಯ್ ಘೋರ್ಪಡೆಯವರನ್ನು ಮದುವೆಯಾಗಿದ್ದರು. ಯಾವುದೇ ಅದ್ಧೂರಿ ಬಯಸದ ಪೂಜಾ ಗಾಂಧಿ, ಮಂತ್ರ ಮಾಂಗಲ್ಯ ಪದ್ಧತಿಯಂತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಉದ್ಯಮಿಯಾಗಿರುವ ವಿಜಯ್, ಬೆಂಗಳೂರಿನಲ್ಲಿ ತಮ್ಮದೇಯಾದ ಲಾಜೆಸ್ಟಿಕ್ ಕಂಪನಿ ಹೊಂದಿದ್ದಾರೆ. 

ನಾಗಿಣಿ ಸೀರಿಯಲ್ ಮೂಲಕ ಕರ್ನಾಟಕದ ಮನೆಮಾತಾಗಿರುವ ದೀಪಿಕಾ ದಾಸ್ 2024ರ ಮಾರ್ಚ್‌ 1ರಂದು ಗೋವಾದಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ದೀಪಿಕಾ ಪತಿ ದೀಪಕ್ ರಿಯಲ್​ ಎಸ್ಟೇಟ್​ ಡೆವೆಲಪರ್ ಹಾಗೂ ಐಟಿ ಉದ್ಯಮದಲ್ಲಿ ತೊಡಗಿಕೊಂಡಿದ್ದಾರೆ. ಮೂಲತಃ ಬೆಂಗಳೂರಿನ ರಾಜರಾಜೇಶ್ವರಿ ನಗರದವರಾದ ದೀಪಕ್, ಯುಕೆ ಹಾಗೂ ದುಬೈನಲ್ಲಿ ಸ್ಟಾರ್ಟಪ್​ ಕೂಡ ಹೊಂದಿದ್ದಾರೆ.

ವಜ್ರಕಾಯ ಬೆಡಗಿ ಶುಭ್ರ ಅಯ್ಯಪ್ಪ 2023ರ ಜನವರಿ ತಿಂಗಳಲ್ಲಿ ವಿಶಾಲ್ ಶಿವಪ್ಪ ಅವರನ್ನು ವರಿಸಿದ್ದರು. ಬೆಂಗಳೂರಿನ ಉದ್ಯಮಿಯಾಗಿರುವ ವಿಶಾಲ್, ಸಿಯುಇ ಸ್ಪೋರ್ಟ್ಸ್ ಅಕಾಡೆಮಿ ಫಾರ್ ಸ್ಕೂಲ್ಸ್ ಸಂಸ್ಥಾಪಕ. ಬಾಹುಬಲಿ ಬಾಕ್ಸರ್ಸ್ ತಂಡದ ಕೋ ಓನರ್. ಹಲವು ರೆಸ್ಟೊರೆಂಟ್‌ಗಳನ್ನು ಕೂಡ ಹೊಂದಿದ್ದಾರೆ. ಜೊತೆಗೆ ಕಾಫಿ ಉದ್ಯಮಿ ಕೂಡ ಹೌದು.

ಸ್ಯಾಂಡಲ್‌ವುಡ್ ನಟಿ ಅದಿತಿ ಪ್ರಭುದೇವ2022ರ ನವೆಂಬರ್ 28ರಂದು ಯಶಸ್ ಪಾಟ್ಲಾ ಅವರನ್ನು ಮದುವೆಯಾಗಿದ್ದರು. ರೈತರ ಕುಟಂಬದಲ್ಲಿ ಹುಟ್ಟಿ ಬೆಳೆದ ಯಶಸ್, ಕಾಫಿ ಪ್ಲಾಂಟರ್. ಇವರು ಚಿಕ್ಕಮಗಳೂರಿನಲ್ಲಿ ಕಾಫಿ ತೋಟ ಹೊಂದಿದ್ದಾರೆ.  ಸದ್ಯ ಈ ಜೋಡಿ ಮೊದಲ ಮಗುವಿನ ನಿರೀಕ್ಷೆಯಲ್ಲಿದೆ.