ಕನ್ನಡದ ಕಣ್ಮಣಿ ಪುನೀತ್ ರಾಜ್‌ಕುಮಾರ್ ಬಳಿಯಿದ್ದ ದುಬಾರಿ ಕಾರುಗಳ ಪಟ್ಟಿ ಇಲ್ಲಿದೆ.

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಆಡಿ ಕ್ಯೂ7 ಲಕ್ಸುರೀಯಸ್ ಎಸ್‌ಯುವಿ ಕಾರನ್ನು ಹೊಂದಿದ್ದರು. ಆಡಿ ವಾಹನ ತಯಾರಕ ಸಂಸ್ಥೆಯು ಭಾರತಕ್ಕೆ ನೀಡಿದ ಕಾರುಗಳಲ್ಲೇ ಈ ಕಾರು ದೊಡ್ಡ ಗಾತ್ರದ ಎಸ್‌ಯುವಿಯಾಗಿದೆ. 69 ಲಕ್ಷ ರಪಾಯಿಂದ ೮೧ ಲಕ್ಷ ರೂಪಾಯಿಗಳ ಎಕ್ಸ್ ಶೋರೂಂ ಬೆಲೆ ಪಡೆದುಕೊಂಡಿರುವ ಆಡಿ ಕ್ಯೂ7 ಕಾರು, 248 ಬಿಹೆಚ್‌ಪಿ ಶಕ್ತಿಯನ್ನು ಹಾಗೂ 370 ಎನ್‌ಎಂ ಟಾರ್ಕ್ ಅನ್ನು ಉತ್ಪಾದಿಸುವ 2.0 ಲೀಟರ್ 4 ಸಿಲಿಂಡರ್ ಎಂಜಿನ್ ಹೊಂದಿದೆ. ಈ ಕಾರನ್ನು ಬಾಲಿವುಡ್ ಖ್ಯಾತ ನಟರಾದ ಆಸಿಫ್ ಆಲಿ, ದೀಪಿಕಾ ಪಡುಕೋಣೆ, ಪ್ರಿಯಾಂಕಾ ಚೋಪ್ರಾ, ಹನಿ ಸಿಂಗ್ ಸೇರಿದಂತೆ ಹಲವರು ಹೊಂದಿದ್ದಾರೆ. 

ಅಪ್ಪು ಆಡಿ ಬ್ರ್ಯಾಂಡ್‌ನ ಎಸ್‌ಯುವಿ ಮಾತ್ರವಲ್ಲದೇ, ದುಬಾರಿ ಬಿಎಂಡಬ್ಲ್ಯೂ ಬ್ರ್ಯಾಂಡ್‌ನ ಎಕ್ಸ್ 6 ಕಾರನ್ನು ಕೂಡ ಹೊಂದಿದ್ದರು. ಇದರ ಬೆಲೆ ೯೪ ಲಕ್ಷ ರೂಪಾಯಿಯಿಂದ ಆರಂಭವಾಗುತ್ತದೆ. ಪುನೀತ್ ಬಳಿಯಿರುವ  ಬಿಎಂಡಬ್ಲ್ಯೂ ಬ್ರ್ಯಾಂಡ್‌ನ ಎಕ್ಸ್ 6 ಕಾರು 3.0 ಲೀಟರ್ ವಿಎ ಪೆಟ್ರೋಲ್ ಇಂಜಿನ್ ಹಾಗೂ ಡಿಸೇಲ್ ಇಂಜಿನ್ ಒಳಗೊಂಡಿದೆ.  

ಸ್ಯಾಂಡಲ್‌ವುಡ್‌ ರಾಜಕುಮಾರನ ಬಳಿಯಿದ್ದ ದುಬಾರಿ ಕಾರುಗಳಲ್ಲಿ ಜಾಗ್ವಾರ್ ಕೂಡ ಒಂದು. ಜಾಗ್ವಾರ್ ಎಕ್ಸ್ಎಫ್‌ನ ಎಕ್ಸ್ ಶೋರೂಂನ ಬೆಲೆ ಆರಂಭವಾಗೋದು 49 ಲಕ್ಷ ರೂಪಾಯಿಗಳಿಂದ. ಭಾರತದಲ್ಲಿ ಜಾಗ್ವಾರ್ ಎಕ್ಸ್ಎಫ್‌ ಕಾರನ್ನು ಕೇವಲ ಮೂರೇ ಆವೃತ್ತಿಗಳಲ್ಲಿ ಖರೀದಿಸಬಹುದಾಗಿದ್ದು, ಇದು 2.0 ಲೀಟರ್ ಡಿಸೇಲ್ ಇಂಜಿನ್ ಹಾಗೂ 8 ಸ್ಪೀಡ್ ಸ್ವಯಂಚಾಲಿತ ಗೇರ್‌ಬಾಕ್ಸನ್ನು ಒಳಗೊಂಡಿದೆ. 

ಪುನೀತ್ ರಾಜ್‌ಕುಮಾರ್ ಬಳಿ 80 ಲಕ್ಷ ರೂಪಾಯಿ ಬೆಲೆಬಾಳುವ ಬಿಳಿ ಕಲರ್ ರೇಂಜ್‌ ರೋವರ್ ವೋಗ್‌ ಎಸ್‌ಯುವಿ ಕೂಡ ಇತ್ತು. ಈ ಎಸ್‌ಯುವಿಯೂ 2,993 ಸಿಸಿಯ 6 ಸಿಲಿಂಡರ್‌ಗಳ ಡಿಸೇಲ್ ಇಂಜಿನ್‌ಬ ಹೊಂದಿದ್ದು, ಈ ಇಂಜಿನ್‌ಗಳು 3750 ಆರ್‌ಪಿಎಂನಲ್ಲಿ 255 ಬಿಹೆಚ್‌ಪಿ ಶಕ್ತಿಯನ್ನು ಮತ್ತು 1750 ಆರ್‌ಪಿರಂನಲ್ಲಿ 600 ಎನ್‌ಎಂ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. 

ಅಪ್ಪು ತಮ್ಮ ಮಡದಿ ಅಶ್ವಿನಿಯವರಿಗೆ 2019ರ ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆಯಂದು ಲ್ಯಾಂಬರ್ಗಿನಿ ಉರುಸ್ ಅನ್ನು ಉಡುಗರೆಯಾಗಿ ನೀಡಿದ್ದರು. ಅಪ್ಪು ತಮ್ಮ ಪ್ರೀತಿಯ ಪತ್ನಿಗಾಗಿ ಖರೀದಿಸಿದ ನೀಲಿ ಬಣ್ಣದ ಎಸ್‌ಯುವಿಯೂ ವಿಶ್ವದಲ್ಲೇ ಅತಿ ಶಕ್ತಿಶಾಲಿ ಹಾಗೂ ಬಹುಬೇಗ ಚಲಿಸುವ ಎಸ್‌ಯುವಿಯಾಗಿದೆ. 

ಪುನೀತ್ ಬಳಿ ಇಂಡಿಯನ್ ಸ್ಕೌಟ್ ಎಂಬ ದುಬಾರಿ ಬೆಲೆಯ ಬೈಕ್ ಇತ್ತು. ಇದರ ಎಕ್ಸ ಶೋರೂಂ ಬೆಲೆ ಭಾರತದ ಮಾರುಕಟ್ಟೆಯಲ್ಲಿ 13.45 ಲಕ್ಷ ರೂಪಾಯಿಗಳಾಗಿವೆ. 1131 ಸಿಸಿ ಲಿಕ್ವಿಡ್ ಕೂಲಡ್ ಇಂಜಿನ್ ಹೊಂದಿರುವ ಈ ಬೈಕ್ 8,100 ಆರ್‌ಪಿಎಂನಲ್ಲಿ 100 ಬಿಹೆಚ್‌ಪಿ ಶಕ್ತಿಯನ್ನು ಹಾಗೂ 5,900 ಆರ್‌ಪಿಎಂನಲ್ಲಿ 97.7 ಎನ್‌ಎಂ ಟಾರ್ಕ್‌ನ್ನು ಉತ್ಪಾದಿಸುತ್ತದೆ.