ಮುಂಬೈನಲ್ಲಿ ದುಬಾರಿ ಬಂಗಲೆ ಖರೀದಿಸಿರುವ ಸೌತ್ ಸೆಲೆಬ್ರಿಟಿಗಳಿವರು!

ಜ್ಯೋತಿಕಾ ಮತ್ತು ಸೂರ್ಯ ಶಿವಕುಮಾರ್ ತಮಿಳು ಸಿನಿಮಾರಂಗದ ಜನಪ್ರಿಯ ಜೋಡಿ. ಕಾಲಿವುಡ್‌ನಲ್ಲಿ ಅಪಾರ ಅಭಿಮಾನಿ ಬಳಗ ಹೊಂದಿರುವ ಇವರಿಬ್ಬರು ಮುಂಬೈನಲ್ಲಿ ಬೃಹತ್ ಬಂಗಲೆ ಖರೀದಿಸಿದ್ದಾರೆ. ಜ್ಯೋತಿಕಾ ತವರು ಮನೆ ಮುಂಬೈನಲ್ಲಿರುವ ಹಿನ್ನಲೆ ಪತ್ನಿ ಇಚ್ಛೆಯಂತೆ ಸೂರ್ಯ ಮುಂಬೈನಲ್ಲಿ ಮನೆ ಖರೀದಿ ಮಾಡಿದ್ದಾರೆ ಎನ್ನಲಾಗಿದೆ.

90ರ ದಶಕದಲ್ಲಿ ತಮಿಳು ಸಿನಿಮಾರಂಗದಲ್ಲಿ ಚಾಕಲೇಟ್ ಬಾಯ್ ಆಗಿ ಮಿಂಚಿದ್ದ ಮಾಧವನ್ ದುಬೈ ಹಾಗೂ ಚೈನೈನಲ್ಲಿ ಐಷಾರಾಮಿ ಮನೆ ಹೊಂದಿದ್ದಾರೆ. ಇದಲ್ಲದೇ ಮುಂಬೈನಲ್ಲೂ ಬೃಹತ್ ಬಂಗಲೆ ಖರೀದಿ ಮಾಡಿದ್ದಾರೆ.

ಸೌತ್ ಸಿನಿಮಾರಂಗದ ಜನಪ್ರಿಯ ನಟಿಯರಲ್ಲಿ ಕಾಜಲ್ ಅಗರ್ವಾಲ್ ಕೂಡ ಒಬ್ಬರು. ಏಕಕಾಲದಲ್ಲಿ ಪಳನಿ ಮತ್ತು ಪೊಮ್ಮಲಟ್ಟಂ ಎಂಬ ಸಿನಿಮಾಗಳ ಮೂಲಕ ತಮಿಳು ಚಿತ್ರರಂಗಕ್ಕೆ ಎಂಟ್ರಿಕೊಟ್ಟರು. ಮದುವೆ ಬಳಿಕ ನಟನೆಯಿಂದ ದೂರ ಉಳಿದಿರುವ ಕಾಜಲ್, ಮುಂಬೈನಲ್ಲಿ ಪತಿಯೊಂದಿಗೆ ಹೊಸ ಮನೆ ಖರೀದಿಸಿದ್ದಾರೆ.

ಕನ್ನಡದ ಕಿರಿಕ್ ಪಾರ್ಟಿ ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ರಶ್ಮಿಕಾ ಮಂದಣ್ಣ, ಸಾನ್ವಿ ಪಾತ್ರದ ಮೂಲಕ ಸಿಕ್ಕಾಪಟ್ಟೆ ಜನಪ್ರಿಯತೆ ಪಡೆದುಕೊಂಡರು. ನಂತರ ಕೆಲ ಕನ್ನಡ ಸಿನಿಮಾಗಳಲ್ಲಿ ನಟಿಸಿದ ರಶ್ಮಿಕಾ, ಪರಭಾಷೆಯತ್ತ ಮುಖ ಮಾಡಿದರು. ಸದ್ಯ ಟಾಲಿವುಡ್, ಕಾಲಿವುಡ್ ಹಾಗೂ ಬಾಲಿವುಡ್ ಸಿನಿಮಾಗಳಲ್ಲಿ ಮಿಂಚುತ್ತಿರುವ ಕಿರಿಕ್ ಬೆಡಗಿ, ಅಲ್ಲಿಯೇ ಸೆಟಲ್ ಆಗಿದ್ದಾರೆ. ಬೆಂಗಳೂರು ಮತ್ತು ಹೈದರಾಬಾದ್‌ನಲ್ಲಿ ಐಷಾರಾಮಿ ಮನೆ ಹೊಂದಿರುವ ರಶ್ಮಿಕಾ, ಮುಂಬೈನಲ್ಲೂ ದುಬಾರು ಫ್ಲಾಟ್ ಖರೀದಿಸಿದ್ದಾರೆ.

ತೆಲುಗು ಚಿತ್ರರಂಗದ ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಪ್ರತಿಯೊಂದು ಸಿನಿಮಾಗೂ ಬಹಳ ದೊಡ್ಡ ಸಂಭಾವನೆಯನ್ನೇ ಪಡೆಯುತ್ತಾರೆ. ಇವರ ಬಳಿ ಕೂಡ ಪ್ರೈವೆಟ್ ಜೆಟ್ ಇದೆ. ಪುಷ್ಪಾ ಸಿನಿಮಾ ಬಳಿಕ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿರುವ ಅಲ್ಲು ಅರ್ಜುನ್ ಮುಂಬೈನಲ್ಲಿ ದುಬಾರಿ ಮನೆಯನ್ನು ಖರೀದಿಸಿದ್ದಾರೆ.

ತೆಲುಗು ಸಿನಿಮಾ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಕರಾವಳಿ ಚೆಲುಗೆ ಪೂಜಾ ಹೆಗ್ಡೆ, ಕಾಲಿವುಡ್ ಸಿನಮಾಗಳಲ್ಲೂ ಅಭಿನಯಿಸಿ ಸೈ ಎನಿಸಿಕೊಂಡಿದ್ದಾರೆ. ಸೌತ್ ಸಿನಿಮಾರಂಗದಲ್ಲಿ ಟಾಪ್ ನಟಿಯಾಗಿ ಮಿಂಚಿದ ಇವರು, ಬಾಲಿವುಡ್‌ ಸಿನಿಮಾಗಳಲ್ಲೂ ಅಭಿನಯಿಸಿದ್ದಾರೆ. ಪೂಜಾ ಹೆಗ್ಡೆ ಈಗ ಮುಂಬೈನ ಐಷಾರಾಮಿ ಬಂಗಲೆಯಲ್ಲಿ ನೆಲೆಸಿದ್ದಾರೆ.