ಅಭಿಮಾನಿಗಳಿಗಾಗಿ ಕೋಟ್ಯಾಂತರ ರೂಪಾಯಿಯ ಜಾಹೀರಾತು ತಿರಸ್ಕರಿಸಿರುವ ನಟ-ನಟಿಯರಿವರು!

ಬ್ರ್ಯಾಂಡ್‌ಗಳು ಸಹಜವಾಗಿ ಹೆಚ್ಚು ಫೇಮ್ ಪಡೆದಿರುವ ನಟ, ನಟಿಯರ ಹಿಂದೆ ಬೀಳುತ್ತವೆ. ಅದರಲ್ಲೂ ಯಶ್ ಅಂತ ಸ್ಟಾರ್ ನಟರನ್ನು ದೊಡ್ಡ-ದೊಡ್ಡ ಕಂಪನಿಗಳೇ ಅರಸಿ ಬರುತ್ತವೆ. ಈ ಹಿಂದೆ . ಯಶ್‌ಗೆ ಕೋಟಿ-ಕೋಟಿ ಆಫರ್ ನೀಡಿ ಪಾನ್ ಮಸಲಾ ಹಾಗೂ ಎಲೈಚಿ ಸಂಸ್ಥೆಯೊಂದು ಬ್ರ್ಯಾಂಡ್ ಅಂಬಾಸಿಡರ್ ಆಗುವಂತೆ ಕೇಳಿತ್ತು. ಆದರೆ, ಯಶ್ ಈ ದುಬಾರಿ ಮೌಲ್ಯದ ಜಾಹೀರಾತನ್ನು ತಿರಸ್ಕರಿಸಿದ್ದರು. 'ಕೆಜಿಎಫ್' ಚಿತ್ರದ ನಂತರ ನಟ ಯಶ್ ಅಪಾರ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಹಾಗಾಗಿ ಯಶ್, ತಮ್ಮ ಅಭಿಮಾನಿಗಳು ಹಾಗೂ ಜನರ ಆರೋಗ್ಯದ ದೃಷ್ಟಿಯಿಂದ ಪಾನ್ ಮಸಾಲ ಜಾಹೀರಾತನ್ನು ಕೈ ಬಿಟ್ಟಿದ್ದಾರೆ ಎಂದು ಟ್ಯಾಲೆಂಟ್ ಮ್ಯಾನೆಜ್ಮೆಂಟ್ ಏಜೆನ್ಸಿ ಬಹಿರಂಗ ಪಡಿಸಿತ್ತು. ಪಾನ್ ಮಸಲಾ ಕಂಪನಿ ಯಶ್‌ಗೆ ಈ ಸರಣಿ ಜಾಹೀರಾತು ಒಪ್ಪಂದಕ್ಕೆ​ 10 ರಿಂದ 99 ಕೋಟಿವರೆಗೂ ಆಫರ್ ನೀಡಿತ್ತು. ಆದರೆ, ರಾಕಿಂಗ್ ಸ್ಟಾರ್ ಯಶ್ ಅದನ್ನು ಮುಲಾಜಿಲ್ಲದೆ ತಿರಸ್ಕರಿಸಿದ್ದರು. ರಾಕಿ ಭಾಯ್ ತೆಗೆದುಕೊಂಡ ನಿರ್ಧಾರಕ್ಕೆ ಜನರಿಂದ ಸಿಕ್ಕಾಪಟ್ಟೆ ಮೆಚ್ಚುಗೆ ವ್ಯಕ್ತವಾಗಿತ್ತು.

ನ್ಯಾಚುರಲ್ ಬ್ಯೂಟಿ ಸಾಯಿ ಪಲ್ಲವಿ ದಕ್ಷಿಣ ಭಾರತದಲ್ಲಿ ಸಿಕ್ಕಾಪಟ್ಟೆ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಈ ನಟಿ ಸಿನಿಮಾ ಕಥೆಗಳ ಆಯ್ಕೆ, ಡಿ ಗ್ಲಾಮರಸ್ ರೋಲ್, ಸರಳತೆ, ನೋ ಮೇಕಪ್ ಲುಕ್‌ನಿಂದಲೇ ಪ್ರೇಕ್ಷಕರ ಮನಗೆದ್ದಿದ್ದಾರೆ. ಸಾಯಿ ಪಲ್ಲವಿ ಈ ಹಿಂದೆ ೨ ಕೋಟಿ ರೂ. ಸಂಭಾವನೆಯ ಫೇರ್‌ನೆಸ್ ಕ್ರೀಮ್ ಜಾಹೀರಾತನ್ನು ತಿರಸ್ಕರಿಸಿದ್ದರು. ಪ್ರತಿಯೊಬ್ಬರು ಅವರನ್ನು ಅವರು ಪ್ರೀತಿಸಲು ಕಲಿಯಬೇಕು. ಈ ಕ್ರೀಮ್‌ಗಳೆಲ್ಲಾ ಕೆಲಸ ಮಾಡಲ್ಲ. ನಾನು ಎಂದಿಗೂ ಅಭಿಮಾನಿಗಳಿಗೆ ತಪ್ಪು ಮಾಹಿತಿ ನೀಡಲ್ಲ ಎಂದಿದ್ದರು. 

The new season follows Reena (played by Deepa Balu), who has transitioned from an intern to a full-fledged doctor. Now, she juggles mentorship duties, complex patients, and unresolved matters of the heart with Arjun (portrayed by Charukesh), the hospital owner's son.

Heart Beat Season 2 is streaming exclusively on JioHotstar starting May 22, 2025. 

ಟಾಲಿವುಡ್ ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಅವರು ತಮ್ಮ ಸಿನಿಮಾ ವಿಚಾರದಲ್ಲಿ ಎಷ್ಟು ಯೋಚಿಸುತ್ತಾರೋ, ಅಷ್ಟೇ ತಾವು ಅನುಮೋದಿಸುವ ಬ್ರ್ಯಾಂಡ್‌ಗಳ ಬಗ್ಗೆಯೂ ಹೆಚ್ಚು ಗಮನ ವಹಿಸುತ್ತಾರೆ. ರಿಯಲ್ ಲೈಫ್‌ನಲ್ಲಿ ಮಹೋನ್ನತವಾದ ಕೆಲಸ ಮಾಡಿ ಜನರಿಂದ ಮೆಚ್ಚುಗೆ ಗಳಿಸಿರುವ ಅವರು, ಈ ಹಿಂದೆ ದುಬಾರಿ ಸಂಭಾವನೆ ಸಿಗುವ ಜಾಹೀರಾತು ತಿರಸ್ಕರಿಸಿದ್ದರು. ಪಾನ್ ಮಸಾಲ ಜಾಹೀರಾತಿಗಾಗಿ ಅಲ್ಲು ಅರ್ಜುನ್‌ಗೆ ದುಬಾರಿ ಸಂಭಾವನೆ ಆಫರ್ ನೀಡಲಾಗಿತ್ತು. ಆದರೆ, ಅವರು ಎರಡನೇ ಯೋಚನೆ ಮಾಡದೇ ಆ ಆಫರ್ ರಿಜೆಕ್ಟ್ ಮಾಡಿದ್ದರು. ವೈಯಕ್ತಿಕವಾಗಿ ನಾನು ತಂಬಾಕು ಉತ್ಪನ್ನ ಸೇವಿಸಲ್ಲ. ಅಭಿಮಾನಿಗಳು ಕೂಡ ಸೇವಿಸಬಾರದು. ಆಮೇಲೆ ಅದುವ್ಯಸನವಾಗುತ್ತದೆ ಎಂದು ಹೇಳಿದ್ದರು. 

ನಟ ಪ್ರಭಾಸ್ ಖ್ಯಾತಿ ಟಾಲಿವುಡ್ ಮಾತ್ರವಲ್ಲ, ದೇಶ-ವಿದೇಶಗಳಿಗೂ ಹಬ್ಬಿದೆ. ಬಾಹುಬಲಿ ಸಿನಿಮಾ ಬಳಿಕ ಪ್ರಭಾಸ್ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗಮನ ಸೆಳೆದಿದ್ದಾರೆ. ಅಭಿಮಾನಿ ಬಳಗ, ಮಾರುಕಟ್ಟೆ ಮೌಲ್ಯ, ತನ್ನ ಪ್ರಭಾವದ ಬಗ್ಗೆ ಚೆನ್ನಾಗಿ ತಿಳಿದಿರುವ ಪ್ರಭಾಸ್ ಜಾಹೀರಾತುಗಳನ್ನು ಅಳೆದು ತೂಗಿ ಆಯ್ಕೆ ಮಾಡುತ್ತಾರೆ. ಪ್ರಭಾಸ್ ಅನೇಕ ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ದು, ಜಾಹೀರಾತು ಕಂಪನಿ ಮತ್ತು ವಸ್ತುಗಳ ಬಗ್ಗೆ ತುಂಬಾ ಸೆಲೆಕ್ಟೀವ್ ಆಗಿದ್ದಾರೆ. ಪ್ರಭಾಸಗ್‌ಗೆ ಈ ಹಿಂದೆ ಹಲವು ಐಷಾರಾಮಿ ಬ್ರ್ಯಾಂಡ್‌ಗಳು ಬರೋಬ್ಬರಿ ೧೫೦ ಕೋಟಿ ರೂ. ಆಫರ್ ನೀಡಿದ್ದವು. ಇದರಲ್ಲಿ ಎಲೆಕ್ಟ್ರಾನಿಕ್ ಆಂಡ್ ಎಫ್ಎಂ ಸಿಜಿ ಪ್ರಾಡಕ್ಟ್‌ಗಳನ್ನು ಪ್ರಮೋಟ್ ಮಾಡಲು ಬಹುಕೋಟಿ ಮೊತ್ತವನ್ನು ಆಫರ್ ಮಾಡಿದ್ದವು. ಆದರೆ, ಪ್ರಭಾಸ್ ಈ ಆಫರ್ ಅನ್ನು ರಿಜೆಕ್ಟ್ ಮಾಡಿದ್ದರು. 

ಬಾಲಿವುಡ್ ನಟರಾದ ಅಜಯ್ ದೇವಗನ್, ಶಾರುಖ್ ಖಾನ್, ಅಕ್ಷಯ್ ಕುಮಾರ್ ಪಾನ್ ಮಸಲಾ ಜಾಹೀರಾತುಗಳಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಎಲ್ಲರಿಗೂ ತಿಳಿದೇ ಇದೆ. ಪಾನ್ ಮಸಲಾ ಕಂಪನಿಗಳು ಕೂಡ ದೊಡ್ಡ ಮೊತ್ತದ ಸಂಭಾವನೆ ನೀಡಿ, ಸ್ಟಾರ್ ನಟರಿಗೆ ಆಫರ್ ನೀಡುತ್ತವೆ. ಇದೀಗ ಪಾನ್ ಮಸಲಾ ಕಂಪನಿಯೊಂದು ಅನಿಲ್ ಕಪೂರ್‌ಗೆ 10 ಕೋಟಿ ಆಫರ್ ನೀಡಿದೆ. ಆದರೆ, 10 ಕೋಟಿ ಆಸೆಗೆ ಬೀಳದ ಅನಿಲ್ ಕಪೂರ್, ಸಮಾಜದ ಒಳಿತಿಗಾಗಿ ನಟಿಸಲ್ಲ ಅಂತ ಹೇಳಿದ್ದಾರೆ. ದೇಶದ ಯುವಕರ ಮೇಲೆ ಪಾನ್ ಮಾಸಲಾ ಪರಿಣಾಮ ಬೀರುತ್ತದೆ. ಹೀಗಾಗಿ, ಇಂತಹ ಜಾಹೀರಾತಿನಲ್ಲಿ ನಟಿಸಲ್ಲ ಅಂತ ರಿಜೆಕ್ಟ್ ಮಾಡಿದ್ದಾರೆ.