ಎರಡು, ಮೂರು ಬಾರಿ ಮದುವೆಯಾದ ದಕ್ಷಿಣ ಭಾರತದ ಖ್ಯಾತ ತಾರೆಯರಿವರು!

ಟಾಲಿವುಡ್ ನಟ ಅಕ್ಕಿನೇನಿ ನಾಗಾರ್ಜುನ ಮೊದಲು ರಾಮನಾಯ್ಡು ದಗ್ಗುಬಾಟಿ ಮಗಳು ಲಕ್ಷ್ಮೀ ದಗ್ಗುಬಾಟಿ ಜೊತೆ ಮದುವೆಯಾಗಿದ್ದರು. ಇದು ಪಕ್ಕಾ ಆರೇಂಜ್ಡ್ ಮದುವೆಯಾಗಿತ್ತು. ಬಳಿಕ ಇವರಿಬ್ಬರ ಮಧ್ಯೆ ಮನಸ್ತಾಪ ಬಂದು ದೂರವಾದರು. ಈ ವೇಳಗಾಗಲೇ ನಾಗಚೈತನ್ಯ ಜನಿಸಿದ್ದರು. ಆನಂತರ ನಾಗಾರ್ಜುನ ಅವರು 1992ರಲ್ಲಿ ಅಮಲಾ ಅವರನ್ನು ಪ್ರೀತಿಸಿ ಮದುವೆಯಾದರು. ಇವರಿಬ್ಬರಿಗೆ ಅಖಿಲ್ ಎಂಬ ಮಗನಿದ್ದಾನೆ. 

ಕನ್ನಡ, ತೆಲುಗು, ತಮಿಳು ಸಿನಿಮಾರಂಗಗಳಲ್ಲಿ ಹೆಸರು ಮಾಡಿರುವ ನಟಿ ಜೂಲಿ ಲಕ್ಷ್ಮೀ ಮೂರು ಬಾರಿ ಮದುವೆಯಾಗಿದ್ದಾರೆ. ಮೊದಲು ಭಾಸ್ಕರನ್ ಎಂಬುವವರ ಜೊತೆ ಮದುವೆಯಾಗಿದ್ದ ಲಕ್ಷ್ಮೀಗೆ ಐಶ್ವರ್ಯಾ ಎಂಬ ಮಗಳಿದ್ದಾಳೆ. ಆನಂತರ ಈ ದಂಪತಿ ನಡುವೆ ಮನಸ್ತಾಪ ಮೂಡಿ ಬೇರೆಯಾದರು. ಬಳಿಕ 1975ರಲ್ಲಿ ಮೋಹನ್ ಶರ್ಮಾ ಎಂಬುವವರನ್ನು ಮದುವೆಯಾದ್ರು. 1980ರಲ್ಲಿ ಈ ಸಂಬಂಧ ಅಂತ್ಯವಾಯಿತು. ನಂತರ ನಿರ್ದೇಶಕ ಎಂ ಸವಿಚಂದ್ರನ್ ಎಂಬುವವರನ್ನು ಪ್ರೀತಿಸಿ ಮದುವೆಯಾದರು. 

ಬಹುಭಾಷಾ ನಟ ಕಮಲ್ ಹಾಸನ್ ಅವರು 1978ರಲ್ಲಿ ನೃತ್ಯ ಕಲಾವಿದೆ ವಾಣಿ ಗಣಪತಿ ಅವರನ್ನು ಮದುವೆಯಾಗಿದ್ದ ಕಮಲ್ ಹಾಸನ್, ಬಳಿಕ ಅವರಿಗೆ ವಿಚ್ಚೇದನ ನೀಡಿ 1788ರಲ್ಲಿ ಸಾರಿಕಾ ಅವರನ್ನು ಮದುವೆಯಾದರು. ಆನಂತರ ನಟಿ ಗೌತಮಿ ಜೊತೆ ಕಮಲ್ ಹಾಸನ್ ಅವರು ರಿಲೇಶನ್‌ಶಿಪ್‌ನಲ್ಲಿದ್ದರು. ಇಬರಿಬ್ಬರು ಮದುವೆಯಾಗಿರಲಿಲ್ಲ. 2016ರಲ್ಲಿ ಅಧಿಕೃತವಾಗಿ ಈ ರಿಲೇಶನ್‌ಶಿಪ್ ಅಂತ್ಯವಾಯಿತು. 

ದಕ್ಷಿಣ ಭಾರತದಲ್ಲಿ ಸಿನಿಮಾಗಳಲ್ಲಿ ನಟಿಸಿ ಹೆಸರು ಮಾಡಿರುವ ರಾಧಿಕಾ ಶರತ್ ಕುಮಾರ್ ಅವರು, 1985ರಲ್ಲಿ ಪ್ರತಾಪ್ ಪೋತಾನ್ ಎಂಬುವವರನ್ನು ಮದುವೆಯಾಗಿದ್ದರು. 1986ರಲ್ಲಿ ಈ ಸಂಬಂಧ ಮುರಿದು ಬಿತ್ತು. ನಂತರ ೧೯೯೦ರಲ್ಲಿ ರಿಚರ್ಡ್ ಹಾರ್ಡಿ ಅವರನ್ನು ಮದುವೆಯಾದರು. ಈ ಜೋಡಿಗೆ ರಯಾನೆ ಹಾರ್ಡಿ ಎಂಬ ಮಗಳಿದ್ದಾಳೆ. ಬಳಿಕ 1992ರಲ್ಲಿ ಅವರಿಗೂ ವಿಚ್ಚೇದನ ನೀಡಿ, 2001ರಲ್ಲಿ ನಟ ಶರತ್ ಕುಮಾರ್ ಅವರನ್ನು ಮದುವೆಯಾಗಿದ್ದಾರೆ. ಈ ಜೋಡಿಗೆ ರಾಹುಲ್ ಎಂಬ ಮಗನಿದ್ದಾನೆ. 

ಕನ್ನಡ, ತೆಲುಗು, ತಮಿಳು, ಮಲಯಾಳಂ ಮತ್ತು ಹಿಂದಿ ಭಾಷೆಯ ಚಿತ್ರಗಳಲ್ಲಿ ಅಭಿನಯಿಸಿ ಸೈ ಎನಿಸಿಕೊಂಡಿರುವ ಪ್ರಕಾಶ್ ರಾಜ್, 1994ರಲ್ಲಿ ಲಲಿತಾ ಕುಮಾರಿ ಅವರನ್ನು ಮದುವೆಯಾಗಿದ್ದರು. ಈ ದಂಪತಿಗೆ ಇಬ್ಬರು ಪುತ್ರಿಯರಿದ್ದು, ಇವರ ಪುತ್ರ ಸಿದ್ದು 5 ವರ್ಷದವನಿದ್ದಾಗ 2004ರಲ್ಲಿ ಫಾರ್ಮ್ ಹೌಸ್‌ ಕಟ್ಟಡದಿಂದ ಆಕಸ್ಮಿಕವಾಗಿ ಆಯ ತಪ್ಪಿ ಬಿದ್ದು ಸಾವನ್ನಪ್ಪಿದ್ದಾರೆ. ಪುತ್ರ ನಿಧನ ಹೊಂದಿದ ಬಳಿಕ ಪ್ರಕಾಶ್ ರಾಜ್, ಮೊದಲ ಪತ್ನಿಯಿಂದ ದೂರಾದರು.  2010ರ ಆಗಸ್ಟ್ 24ರಂದು ನೃತ್ಯ ಸಂಯೋಜಕಿ ಪೋನಿ ವರ್ಮಾ ಅವರೊಂದಿಗೆ ವಿವಾಹವಾದರು. ಈ ದಂಪತಿಗೆ 2015ರಲ್ಲಿ ಗಂಡು ಮಗು ಜನಿಸಿದ್ದು, ಮಗನಿಗೆ ವೇದಾಂತ್ ಎಂದು ನಾಮಕರಣ ಮಾಡಿದ್ದಾರೆ.

ಟಾಲಿವುಡ್ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಮೂರು ಮದುವೆಯಾಗಿದ್ದಾರೆ. 1997ರಲ್ಲಿ ನಂದಿನಿ ಎಂಬುವವರ ಜೊತೆ ಆರೇಂಜ್ಡ್ ಮ್ಯಾರೇಜ್ ಆದರು. ಇಬ್ಬರ ನಡುವೆ ಹೊಂದಾಣಿಕೆ ಬಾರದ ಕಾರಣ ೨008ರಲ್ಲಿ ಬೇರ್ಪಟ್ಟರು. ನಂತರ 2001ರಲ್ಲಿ ನಟಿ ರೇಣು ದೇಸಾಯಿ ಜೊತೆ ಡೇಟ್ ಮಾಡಲು ಆರಂಭಿಸಿದರು. 2004ರಲ್ಲಿ ಈ ಜೋಡಿಗೆ ಅಕಿರಾ ನಂದನ್ ಎಂಬ ಮಗ ಹುಟ್ಟಿದ. ಒಟ್ಟು ಎಂಟು ವರ್ಷಗಳ ಕಾಲ ರೇಣು ಹಾಗೂ ಪವನ್ ಕಲ್ಯಾಣ್ ಲಿವ್‌ ಇನ್ ರಿಲೇಷನ್‌ಶಿಪ್‌ನಲ್ಲಿದ್ದರು. ಆಮೇಲೆ 2009ರಲ್ಲಿ ಮದುವೆಯಾದ ಈ ಜೋಡಿ, 2010ರಲ್ಲಿ ಮತ್ತೆ ಆದ್ಯಾ ಎಂಬ ಮಗಳನ್ನು ಪಡೆದರು. ಬಳಿಕ ಇಬ್ಬರ ನಡುವೆ ಮನಸ್ತಾಪ್ ಬಂದು  2012ರಲ್ಲಿ ದೂರಾದರು. ಕೊನೆಗೆ 2013ರಲ್ಲಿ ಅನ್ನಾ ಅವರನ್ನು ಪವನ್ ಮದುವೆಯಾಗಿದ್ದು, ಇವರಿಬ್ಬರಿಗೆ ಇಬ್ಬರು ಮಕ್ಕಳಿದ್ದಾರೆ.

ನಾಗಾರ್ಜುನ ಅಕ್ಕಿನೇನಿ ಅವರ ಮೊದಲ ಪತ್ನಿ ಪುತ್ರ ನಾಗಚೈತನ್ಯ ಅವರು ಖ್ಯಾತ ನಟಿ ಸಮಂತಾ ರುತ್‌ ಪ್ರಬು ಅವರನ್ನು  2017ರಲ್ಲಿ ಪ್ರೀತಿಸಿ ಮದುವೆಯಾಗಿದ್ದರು. ಆದರೆ, ಜೋಡಿ 2021ರಲ್ಲಿ ಪರಸ್ಪರ ಬೇರೆಯಾಗಿತ್ತು. ಇತ್ತೀಚೆಗಷ್ಟೇ ನಾಗಚೈತನ್ಯ ಅವರು ಶೋಭಿತಾ ಧುಲಿಪಾಲ ಎಂಬುವವರನ್ನು ಮದುವೆಯಾಗಿದ್ದಾರೆ.