ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಅಭಿನಯದ ಐದು ತಮಿಳು ಸಿನಿಮಾಗಳಿವು!

ಸಿ.ವಿ. ಶ್ರೀಧರ್ ನಿರ್ದೇಶಿಸಿ ನಿರ್ಮಾಣ ಮಾಡಿದ 'ಅಲೈಗಳ್' ಚಿತ್ರದಲ್ಲಿ ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಅವರು ನಾಯಕನಾಗಿ ನಟಿಸಿದ್ದರು. ವಿಷ್ಣು ಜೊತೆ ಚಂದ್ರಕಲಾ ನಾಯಕಿಯಾಗಿ ನಟಿಸಿದ್ದರು. ಇದು ಸಾಹಸಸಿಂಹ ನಟಿಸಿದ ಮೊದಲ ತಮಿಳು ಸಿನಿಮಾವಾಗಿದ್ದು, 1973 ರಲ್ಲಿ ತೆರೆಕಂಡಿತ್ತು.

ಡಾ.ವಿಷ್ಣುವರ್ಧನ್ ಮತ್ತು ಸುಮಿತ್ರಾ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದ 'ಮಳಳೈ ಪಟ್ಟಾಳಂ' ಸಿನಿಮಾ ಕನ್ನಡ ಮತ್ತು ತಮಿಳು ಭಾಷೆಗಳಲ್ಲಿ ಏಕಕಾಲದಲ್ಲಿ ಚಿತ್ರೀಕರಣವಾಗಿತ್ತು. ತಮಿಳಿನಲ್ಲಿ ಮಳಳೈ ಪಟ್ಟಾಳಂ ಹೆಸರಿನಲ್ಲಿ ತೆರೆಕಂಡರೆ, ಕನ್ನಡದಲ್ಲಿ ಮಕ್ಕಳ ಸೈನ್ಯ ಹೆಸರಿನಲ್ಲಿ ರಿಲೀಸ್ ಆಗಿತ್ತು. ಈ ಚಿತ್ರವನ್ನು ಆಗಿನ ಕಾಲದ ಟ್ರೆಂಡಿಂಗ್ ನಟಿ ಜೂಲಿ ಲಕ್ಷ್ಮಿ ನಿರ್ದೇಶಿಸಿದ್ದು ವಿಶೇಷ.

ರಾಜಶೇಖರ್ ನಿರ್ದೇಶನದಲ್ಲಿ ಮೂಡಿಬಂಡ 'ಎಟ್ಟಿ' ಚಿತ್ರದಲ್ಲಿ ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಮತ್ತು ವಿಜಯಕಾಂತ್ ನಾಯಕರಾಗಿ ನಟಿಸಿದ್ದರು. ಚಿತ್ರದಲ್ಲಿ ವಿಷ್ಣುವರ್ಧನ್ ಪೊಲೀಸ್ ಪಾತ್ರದಲ್ಲಿ ಮಿಂಚಿದ್ದರು. ರಾಜಶೇಖರ್ ನಿರ್ದೇಶನದ ಈ ಚಿತ್ರ 1985ರಲ್ಲಿ ರಿಲೀಸ್ ಆಗಿತ್ತು.

ಮಂತ್ರಾಲಯದ ಗುರು ರಾಘವೇಂದ್ರ ಆಧಾರಿತ ' ಶ್ರೀ ರಾಘವೇಂದ್ರ' ಚಿತ್ರದಲ್ಲಿ ರಜನಿಕಾಂತ್ ಮುಖ್ಯಪಾತ್ರದಲ್ಲಿ ನಟಿಸಿದ್ದರೆ, ಸಾಹಸಸಿಂಹ ವಿಷ್ಣುವರ್ಧನ್ ವಿಶೇಷ ಪಾತ್ರದಲ್ಲಿ ನಟಿಸಿದ್ದರು. ವಿಷ್ಣುವರ್ಧನ್ ರಜನಿ ಮೇಲಿನ ಸ್ನೇಹ ಮತ್ತು ಪ್ರೀತಿಗಾಗಿ ಈ ಪಾತ್ರದಲ್ಲಿ ನಟಿಸಿದ್ದರು.

ವಿಡುತಲೈ ಚಿತ್ರದಲ್ಲಿ ರಜನಿಕಾಂತ್ ಮತ್ತು ವಿಷ್ಣುವರ್ಧನ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರೆ, ಶಿವಾಜಿ ಗಣೇಶನ್ ವಿಶೇಷ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರ ಹಿಂದಿಯ ಕುರ್ಬಾನಿ ಚಿತ್ರದ ರಿಮೇಕ್ ಆಗಿತ್ತು. ಕೆ ವಿಜಯ್ ನಿರ್ದೇಶನದ ಈ ಸಿನಿಮಾ 1986 ಬಿಡುಗಡೆಯಾಗಿ ಸೂಪರ್ ಹಿಟ್ ಆಗಿತ್ತು.