ಇವರೇ ನೋಡಿ ಇಡ್ಲಿಯನ್ನು ತುಂಬಾ ಇಷ್ಟಪಡುವ ನಟ-ನಟಿಯರು!

ಮಲಯಾಳಂ ಸಿನಿಮಾರಂಗ ಜನಪ್ರಿಯ ನಟರಾಗಿರು ದುಲ್ಕರ್ ಸಲ್ಮಾನ್ ಅಪಾರ ಅಭಿಮಾನಿ ಬಳಗ ಹೊಂದಿದ್ದಾರೆ. ಅವರ ಸಿನಿಮಾಗಳು ಸದಾ ವಿಭಿನ್ನತೆಯಿಂದ ಕೂಡಿರುತ್ತವೆ. ಮಾಲಿವುಡ್ ನಟರಾಗಿದ್ದರೂ ದಕ್ಷಿಣ ಸಿನಿಮಾರಂಗದ ಎಲ್ಲಾ ಭಾಷೆಯ ಪ್ರೇಕ್ಷಕರಿಂದ ಮೆಚ್ಚುಗೆ ಗಳಿಸಿರುವ ಇವರಿಗೆ ಇಡ್ಲಿ ಅಂದರೆ ಸಖತ್ ಇಷ್ಟವಂತೆ. ಸಂದರ್ಶನವೊಂದರಲ್ಲಿ ಇಡ್ಲಿ ಅಥವಾ ಚಪಾತಿ ಅಂತ ಕೇಳಿದ್ದಕ್ಕೆ ಅವರು ಇಡ್ಲಿ ಎಂದು ಉತ್ತರಿಸಿದ್ದರು. 

ಬಾಲಿವುಡ್ ನಟಿ ಹಾಗೂ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ ಓದಿದ್ದು ಬೆಂಗಳೂರಿನಲ್ಲಿಯೇ. ಈ ವಿಚಾರ ಹಲವರಿಗೆ ತಿಳಿದಿಲ್ಲ. ಅನುಷ್ಕಾಗೂ ಇಡ್ಲಿ ಸಾಂಬಾರ್ ಅಂದರೆ ಸಿಕ್ಕಾಪಟ್ಟೆ ಇಷ್ಟವಂತೆ. ಸಂದರ್ಶನವೊಂದರಲ್ಲಿ ಈ ಬಗ್ಗೆ ಹೇಳಿಕೊಂಡಿರುವ ಅನುಷ್ಕಾ, ಅದರಿಂದಾಗುವ ಪ್ರಯೋಜನಗಳನ್ನು ಹೇಳಿಕೊಂಡಿದ್ದರು. 

ಬಾಹುಬಲಿ ಸರಣಿ ಚಿತ್ರಗಳ ಮೂಲಕ ಜಗತ್ತಿನಾದ್ಯಂತ ಅಭಿಮಾನಿಗಳನ್ನು ಸಂಪಾದಿಸಿರುವ ಪ್ರಭಾಸ್ ಅವರಿಗೆ ಆಹಾರದ ಬಗ್ಗೆ ವಿಶೇಷ ಕಾಳಜಿಯಿದೆ. ಅವರ ಸಿನಿಮಾ ಸೆಟ್‌ಗೆ ಪ್ರತಿದಿನ ಮನೆಯಿಂದಲೇ ಊಟ ಬರುತ್ತದೆ. ಪ್ರಭಾಸ್ ಅವರಿಗೆ ಇಡ್ಲಿ ಅಂದರೆ ಸಖತ್ ಇಷ್ಟವಂತೆ. ಅವರು ಮಧ್ಯರಾತ್ರಿ 12 ಅಥವಾ 1 ಗಂಟೆಗೆ ಇಡ್ಲಿ ಕೊಟ್ಟರೂ ತಿನ್ನುತ್ತೇನೆ ಅಂತ ಹೇಳಿದ್ದಾರೆ. 

ದೀಪಿಕಾ ಪಡುಕೋಣೆ ಕೂಡ ಕರ್ನಾಟಕ ಮೂಲದವರು. 2006ರಲ್ಲಿ ರಿಯಲ್ ಸ್ಟಾರ್ ಉಪೇಂದ್ರ ಅಭಿನಯದ `ಐಶ್ವರ್ಯ' ಚಿತ್ರದ ಮೂಲಕ ಸಿನಿಪಯಣ ಆರಂಭಿಸಿದರು. ನಂತರ ಅದೇ ವರ್ಷ ಶಾರುಖ್ ಖಾನ್ ಅಭಿನಯದ `ಓಂ ಶಾಂತಿ ಓಂ' ಚಿತ್ರದ ಮೂಲಕ ಬಾಲಿವುಡ್ ಪ್ರವೇಶಿಸಿದರು. ಬಳಿಕ ಬಾಲಿವುಡ್‌ನ ಬಹುಬೇಡಿಕೆಯ ನಟಿಯಾಗಿ ಬೆಳೆದ ಇವರಿಗೂ ಇಡ್ಲಿ ಅಂದರೆ ಇಷ್ಟವಂತೆ. ಈ ಬಗ್ಗೆ ಅವರೇ ಸ್ವತಃ ಹೇಳಿಕೊಂಡಿದ್ದಾರೆ. 

ನಟಿ ಅದಿತಿ ರಾವ್ ಹೈದರಿಬಾಲಿವುಡ್ ಮತ್ತು ದಕ್ಷಿಣ ಭಾರತದ ಸಿನಿಮಾಗಳಲ್ಲಿ ಅಬಿನಯಿಸಿ ಫೇಮಸ್ ಆಗಿದ್ದಾರೆ. ಇತ್ತೀಚೆಗಷ್ಟೇ ಕಾಲಿವುಡ್  ಸಿದ್ಧಾರ್ಥ್ ಅವರನ್ನು ಮದುವೆಯಾಗಿರುವ ಈ ನಟಿಗೆ ಕೂಡ ಇಡ್ಲಿ ಸಿಕ್ಕಾಪಟ್ಟೆ ಇಷ್ಟವಂತೆ. ಬೆಳಿಗ್ಗೆ ತಿಂಡಿಗೆ, ಮಧ್ಯಾಹ್ನ ಊಟಕ್ಕೆ ಹಾಗೂ ರಾತ್ರಿ ಊಟಕ್ಕೆ ಹೀಗೆ ಮೂರು ಹೊತ್ತು ಇಡ್ಲಿಯನ್ನೇ ತಿನ್ನಬಲ್ಲೇ ಅಂತ ಅವರು ಹೇಳಿಕೊಂಡಿದ್ದಾರೆ. 

 ಡಿಸೆಂಬರ್ 12ರಂದು ತಮ್ಮ ಬಹುಕಾಲದ ಗೆಳೆಯ ಆಂಟೋನಿ ಥಟ್ಟಿಲ್ ಅವರೊಂದಿಗೆ ಸಪ್ತಪದಿ ತುಳಿದಿರುವ  ಸೌತ್ ಬ್ಯೂಟಿ ಕೀರ್ತಿ ಸುರೇಶ್ ಕೂಡ ಸಾಕಷ್ಟು ಅಭಿಮಾನಿಗಳನ್ನು ಹೊಂದಿದ್ದಾರೆ. ಇವರಿಗೆ ದೋಸೆ ಅಂದರೆ ಬಲು ಇಷ್ಟವಂತೆ. ಇವರು ಕೂಡ ಸಂದರ್ಶನವೊಂದರಲ್ಲಿ ದೋಸೆ ಮೇಲೆ ತಮಗಿರುವ ಪ್ರೀತಿಯನ್ನು ಹೇಳಿಕೊಂಡಿದ್ದರು.