ಎಪಿಸೋಡ್‌ವೊಂದಕ್ಕೆ ಕನ್ನಡ ಕಿರುತೆರೆ ನಟಿಯರ ಸಂಭಾವನೆ ಎಷ್ಟು ಗೊತ್ತಾ? ಇಲ್ಲಿದೆ ನೋಡಿ ಲಿಸ್ಟ್.

ಕಿರುತೆರೆ ನಟಿ ನಿಶಾ ಮಿಲನಾ ಗಟ್ಟಿಮೇಳ ಸೀರಿಯಲ್ ಮೂಲಕ ಕರ್ನಾಟಕದ ಮನೆಮಾತಾಗಿದ್ದಾರೆ.  ಈ ನಟಿ ಒಂದು ಎಪಿಸೋಡ್‌ಗೆ 35 ಸಾವಿರ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಸೀರಿಯಲ್‌ನಲ್ಲಿ ಬಜಾರಿಯಾಗಿ ಕಾಣಿಸಿಕೊಳ್ಳುವ ನಿಶಾ, ಮಧ್ಯಮ ಕುಟುಂಬಕ್ಕೆ ಸೇರಿದವರು. ಸದ್ಯ ಕಿರುತೆರೆಯ ಟಾಪ್ ನಟಿಯಾಗಿ ಮಿಂಚುತ್ತಿರುವ ನಿಶಾ, ಬ್ಯಾಕ್‌ಗ್ರೌಂಡ್ ನಟಿಯಾಗಿಯೂ ಕಾರ್ಯನಿರ್ವಹಿಸಿದ್ದಾರೆ. 

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಸತ್ಯ ಧಾರವಾಹಿಯಲ್ಲಿ ನಾಯಕಿಯಾಗಿ ನಟಿಸುತ್ತಿರುವ ಗೌತಮಿ ಜಾಧವ್ ಕೂಡ ಎಪಿಸೋಡ್‌ವೊಂದಕ್ಕೆ  35 ಸಾವಿರ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಸಿನಿಮಾ ಪತ್ರಕರ್ತ ಗಣೇಶ್ ಕಾಸರಗೋಡು ಅವರ ಸೊಸೆಯಾಗಿರುವ ಗೌತಮಿ, ಸತ್ಯ ಪಾತ್ರದ ಮೂಲಕ ಮನಮನ ಗೆದ್ದಿದ್ದಾರೆ.  

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ 'ಕನ್ನಡತಿ' ಸೀರಿಯಲ್ ಮೂಲಕ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿರುವ ರಂಜನಿ ರಾಘವನ್ ಒಂದು ಎಪಿಸೋಡ್‌ಗೆ 30 ಸಾವಿರ ರೂ. ಸಂಭಾವನೆ ಪಡೆಯುತ್ತಿದ್ದರು. ಸದ್ಯ ಈ ಧಾರಾವಾಃಇ ಮುಕ್ತಾಯಗೊಂಡಿದ್ದು, ರಜನಿ ಸಿನಿಮಾಗಳತ್ತ ಮುಖ ಮಾಡಿದ್ದಾರೆ. 'ಕನ್ನಡತಿ' ಧಾರಾವಾಹಿಗೆ ಕೇವಲ ಮಹಿಳಾ ಅಭಿಮಾನಿಗಳ ಮಾತ್ರವಲ್ಲದೇ ಪುರುಷ ಅಭಿಮಾನಿಗಳು ಸಾಕಷ್ಟಿದ್ದರು. 

ಮೇಘಾ ಶೆಟ್ಟಿ ಜೊತೆ ಜೊತೆಯಲಿ ಸೀರಿಯಲ್ ಮೂಲಕ ಸಾಕಷ್ಟು ಖ್ಯಾತಿಯನ್ನು ಪಡೆದರು. ಸದ್ಯ ಈ ಧಾರಾವಾಹಿ ಮುಕ್ತಾಯಗೊಂಡಿದ್ದು, ಮೇಘಾ ಶೆಟ್ಟಿ ಹಾಗೂ ನಟ ಅನಿರುದ್ಧ್ ಇಬ್ಬರು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಮೇಘಾ ಧಾರವಾಹಿಯ ಎಪಿಸೋಡ್ ಒಂದಕ್ಕೆ 40 ಸಾವಿರ ರೂಪಾಯಿ ಸಂಭಾವನೆ ಪಡೆಯುತ್ತಿದ್ದರು. ಈ ಮೂಲಕ ಅತಿಹೆಚ್ಚು ಸಂಭಾವನೆ ಪಡೆಯುವ ಕಿರುತೆರೆ ನಟಿ ಎನಿಸಿಕೊಂಡಿದ್ದರು. 

ಕಮಲಿ ಧಾರವಾಹಿ ಮೂಲಕ ಕರ್ನಾಟಕ ಜನತೆಯ ಮನಗೆದ್ದಿದ್ದ ನಟಿ ಅಮೂಲ್ಯ ಗೌಡ ಬಿಗ್ ಬಾಸ್ ಬಳಿಕ ಯಾವುದೇ ಧಾರವಾಹಿ ಅಥವಾ ಸಿನಿಮಾಗಳಲ್ಲೂ ಅಭಿನಯಿಸುತ್ತಿಲ್ಲ. ಈ ನಟಿ ಕಮಲಿ ಸೀರಿಯಲ್‌ನ ಎಪಿಸೋಡ್‌ವೊಂದಕ್ಕೆ 25 ಸಾವಿರ ರೂಪಾಯಿ ಸಂಭಾವನೆ ಪಡೆಯುತ್ತಿದ್ದರಂತೆ. ಸೀರಿಯಲ್‌ನಲ್ಲಿ ಹಳ್ಳಿ ಹುಡುಗಿಯಾಗಿ ಪ್ರೇಕ್ಷಕರ ಮನಗೆದ್ದಿರುವ ಈಕೆ, ನಿಜ ಜೀವನದಲ್ಲಿ ಸಖತ್ ಮಾಡ್ರರ್ನ್. 

ನಟಿ ಮೋಕ್ಷಿತಾ ಸದ್ಯ ಕನ್ನಡ ಕಿರುತೆರೆಯ ಟಾಪ್‌ ನಟಿಯಲ್ಲೊಬ್ಬರು. ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಪಾರು ಧಾರವಾಹಿಯಲ್ಲಿ ಮುಗ್ಧ ಯುವತಿಯಾಗಿ ಕಾಣಿಸಿಕೊಂಡಿರುವ ಇವರು, ಎಪಿಸೋಡ್‌ವೊಂದಕ್ಕೆ 20 ರಿಂದ 25 ಸಾವಿರ ರೂ. ಸಂಭಾವನೆ ಪಡೆಯುತ್ತಾರೆ.  

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಗೀತಾ ಸೀರಿಯಲ್ ಮೂಲಕ ಕರ್ನಾಟಕದ ಮನೆಮಾತಾಗಿರುವ ಭವ್ಯ ಗೌಡ, ನಿಜ ಜೀವನದಲ್ಲಿ ಸಾಕಷ್ಟು ನೋವು ಕಂಡು ನಟನೆಯಲ್ಲಿ ಖುಷಿ ಕಾಣುತ್ತಿದ್ದಾರೆ. ಭವ್ಯ ಗೌಡ ಎಪಿಸೋಡ್‌ವೊಂದಕ್ಕೆ 15 ಸಾವಿರ ರೂಪಾಯಿ ಸಂಭಾವನೆ ಪಡೆಯುತ್ತಾರಂತೆ.   

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಉತ್ತರ ಕರ್ನಾಟಕ ಭಾಷೆಯ ಸೊಗಡನ್ನು ಹೊಂದಿದ್ದ 'ಗಿಣಿರಾಮ' ಸೀರಿಯಲ್‌ನಲ್ಲಿ ನಾಯಕಿಯಾಗಿ ಮಿಂಚಿದ್ದ ನಯನಾ, ಎಪಿಸೋಡ್‌ ಒಂದಕ್ಕೆ 15 ರಿಂದ 20 ಸಾವಿರ ಸಂಭಾವನೆ ಪಡೆಯುತ್ತಿದ್ದರು. ಇವರು ಹಾಡುವುದರಲ್ಲೂ ಎತ್ತಿದ ಕೈ. ಸದ್ಯ ಈ ಧಾರವಾಹಿ ಮುಕ್ತಾಯಗೊಂಡಿದೆ.