ಡಾ.ರಾಜ್ ಟು ರವಿಚಂದ್ರನ್: ಅತಿಚಿಕ್ಕ ವಯಸ್ಸಿಗೆ ಹೀರೋ ಆದ 80-90ರ ದಶಕದ ನಟರು ಯಾರು ಗೊತ್ತಾ?

ವರನಟ ಡಾ.ರಾಜ್‌ಕುಮಾರ್ ಅವರು 1954ರಿಂದ 2005ರ ವರೆಗೆ ತಮ್ಮ ಐದು ದಶಕಗಳ ಸಿನಿಜೀವನದಲ್ಲಿ 200ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಾಯಕನಾಗಿ ನಟಿಸಿದ್ದಾರೆ. ಅಣ್ಣಾವ್ರು ಮೊದಲ ಬಾರಿ ಹೀರೋ ಅಭಿನಯಿಸಿದ್ದ ಸಿನಿಮಾ 1954ರಲ್ಲಿ ತೆರೆಕಂಡ ಬೇಡರ ಕಣ್ಣಪ್ಪ. ಈ ಸಂದರ್ಭದಲ್ಲಿ ಅಣ್ಣಾವ್ರರಿಗೆ 25 ವರ್ಷ ವಯಸ್ಸಾಗಿತ್ತು.

ಡಾ.ವಿಷ್ಣುವರ್ಧನ್ ಅವರು ಕನ್ನಡ ಸಿನಿರಸಿಕರ ಹೃದಯ ಸಾಮ್ರಾಜ್ಯದಲ್ಲಿ ಸಾಹಸಸಿಂಹನಾಗಿ ಶಾಶ್ವತವಾಗಿ ನೆಲೆಸಿದ್ದಾರೆ. 1955ರಲ್ಲಿ ಶಿವಶರಣ ನಂಬೆಯಕ್ಕ ಎಂಬ ಸಿನಿಮಾ ಮೂಲಕ ಬಾಲನಟನಾಗಿ ಸಿನಿಮಾರಂಗ ಪ್ರವೇಶಿಸಿದ ವಿಷ್ಣು ದಾದಾ, 1972ರಲ್ಲಿ ಬಿಡುಗಡೆಯಾದ ನಾಗರಹಾವು ಚಿತ್ರದ ಮೂಲಕ ಹೀರೋ ಆದರು. ಈ ವೇಳೆ ಸಾಹಸಿಂಹನಿಗೆ ಕೇವಲ 21 ವರ್ಷ ವಯಸ್ಸು. 

ಶಂಕರ್‌ ನಾಗ್ ಕನ್ನಡ ಚಿತ್ರರಂಗದ ಅಪರೂಪದ ಪ್ರತಿಭೆ. ಅವರು ಕೇವಲ ನಟನಾಗಿ ಮಾತ್ರವಲ್ಲದೇ, ನಿರ್ದೇಶಕನಾಗಿ ಕೂಡ ತಮ್ಮದೇಯಾದ ಛಾಪು ಮೂಡಿಸಿದ್ದಾರೆ. ಶಂಕರ್ ನಾಗ್ 1979ರಲ್ಲಿ ತೆರೆಕಂಡ ಗಿರೀಶ್ ಕಾರ್ನಾಡ್ ನಿರ್ದೇಶನದ 'ಒಂದಾನೊಂದು ಕಾಲದಲ್ಲಿ' ಸಿನಿಮಾದ ಮೂಲಕ ನಾಐಕನಾಗಿ ಚಂದನವನ ಪ್ರವೇಶಿಸಿದರು. ಈ ಸಂದರ್ಭ ಅವರಿಗೆ 24 ವರ್ಷ ವಯಸ್ಸಾಗಿತ್ತು. 

ರೆಬಲ್ ಸ್ಟಾರ್ ಅಂಬರೀಶ್‌ ಅವರು 'ಮಂಡ್ಯದ ಗಂಡು' ಎಂದೇ ನಾಡಿಗೆ ಚಿರಪರಿತ. 1972ರಲ್ಲಿ ಪುಟ್ಟಣ್ಣ ಕಣಗಾಲ್ ಅವರ ನಾಗರಹಾವು ಸಿನಿಮಾದಲ್ಲಿ ಜಲೀಲ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಮೂಲಕ ಚಿತ್ರರಂಗ ಪ್ರವೇಶಿಸಿದ್ದರು. ಆಗ ಅವರಿಗೆ 21 ವರ್ಷವಾಗಿತ್ತು. ಆದರೆ, ಹೀರೋ ಆಗಿ ಅಭಿನಯಿಸಿದ ಮೊದಲ ಚಿತ್ರ ಅಮರನಾಥ್. ಈ ಸಂದರ್ಭ ಅವರಿಗೆ 26 ವರ್ಷವಾಗಿತ್ತು. 

ಕ್ರೇಜಿಸ್ಟಾರ್ ರವಿಚಂದ್ರವನ್ ಅವರು ಅಣ್ಣಾವ್ರ ಜೊತೆಗೆ ಬಾಲನಟನಾಗಿ ನಟಿಸುವ ಮೂಲಕ ಚಂದನವನಕ್ಕೆ ಎಂಟ್ರಿಕೊಟ್ಟರು. ಆನಂತರ ಕೆಲ ಚಿತ್ರಗಳಲ್ಲಿ ಖಳನಟನಾಗಿ ಕಾಣಿಸಿಕೊಂಡ್ರು. ಕ್ರೇಜಿಸ್ಟಾರ್ ಹೀರೋ ಆಗಿ ಕಾಣಿಸಿಕೊಂಡ ಮೊದಲ ಸಿನಿಮಾ 'ಪ್ರೇಮಲೋಕ'. ಆಗ ಅವರ ವಯಸ್ಸು 26. ಈ ಸಿನಿಮಾದ ನಿರ್ದೇಶಕ, ನಿರ್ಮಾಪಕ ಕೂಡ ಅವರೇ ಆಗಿದ್ದರು.