ಸಂಜನಾ ಟು ಸೋನಲ್: ಅನ್ಯಧರ್ಮಿಯರನ್ನು ಮದುವೆಯಾದ ಸ್ಯಾಂಡಲ್‌ವುಡ್ ನಟಿಮಣಿಯರಿವರು!

ಕನ್ನಡ, ತೆಲುಗು, ತಮಿಳು ಹಾಗೂ ತುಳು ಭಾಷೆಗಳಲ್ಲಿ ನಟಿಸಿ ಗಮನ ಸೆಳೆದಿದ್ದ ನಟಿ ರಮ್ಯಾ ಬರ್ನಾ, ಮುಸ್ಲಿಂ ಧರ್ಮದವರಾದ ಫಹಾದ್ ಅಲಿ ಖಾನ್ ಎಂಬುವವರ ಜೊತೆ ಶಿವಾಜಿನಗರದ ರಿಜಿಸ್ಟರ್ ಕಛೇರಿಯಲ್ಲಿ ಗೌಪ್ಯವಾಗಿ ಮದುವೆಯಾಗಿದ್ದರು. ಫಹಾದ್ ಅಲಿ ಅವರು ಶಾಸಕ ಜಮೀರ್ ಅಹ್ಮಮದ್ ಖಾನ್ ಅವರ ಸಂಬಂಧಿ. ಸ್ವಂತ ಬಿಸ್ ನೆಸ್ ಮಾಡುತ್ತಿರುವ ಫಹಾದ್, ಚಿತ್ರರಂಗದಲ್ಲೂ ತೊಡಗಿಕೊಂಡಿದ್ದರು.   

ನಟಿ ಮೇಘನಾ ರಾಜ್‌ ಹಾಫ್ ಕ್ರಿಶ್ಚಿಯನ್. ಇವರು ಹಿಂದೂ ಧರ್ಮಕ್ಕೆ ಸೇರಿದ ಚಿರಂಜೀವಿ ಸರ್ಜಾ ಅವರನ್ನು 10 ವರ್ಷಗಳ ಪ್ರೀತಿಸಿ ಮದುವೆಯಾಗಿದ್ದರು. ಈ ಜೋಡಿ  2018ರಲ್ಲಿ ಹಿಂದೂ ಹಾಗೂ ಕ್ರಿಶ್ಚಿನಯ್ ಎರಡೂ ಸಂಪ್ರದಾಯದಂತೆ ವಿವಾಹವಾಗಿತ್ತು. 

ಡ್ರಗ್ಸ್ ಪ್ರಕರಣದಲ್ಲಿ ಬಂಧಿತರಾಗಿದ್ದ ಸಂದರ್ಭದಲ್ಲಿ ಸ್ಯಾಂಡಲ್‍ವುಡ್ ನಟಿ ಸಂಜನಾ ಗಲ್ರಾನಿ ರಹಸ್ಯವಾಗಿ ಮದುವೆಯಾಗಿರುವುದು ಹೊರಬಂದಿತ್ತು. ಆದರೆ, ಆ ಸಂದರ್ಭದಲ್ಲಿ ಸಂಜನಾ ತಮ್ಮ ಮದುವೆ ವಿಚಾರವನ್ನು ಅಲ್ಲಗೆಳೆದಿದ್ದರು. ನಂತರ ತಮ್ಮ ಮದುವೆ ವಿಚಾರ ಬಿಚ್ಚಿಟ್ಟಿದ್ದರು. ಹಿಂದೂ ಧರ್ಮಕ್ಕೆ ಸೇರಿದ ಸಂಜನಾ, ಕೊರೊನಾ ಲಾಕ್‌ಡೌನ್ ಸಂದರ್ಭದಲ್ಲಿ ಮುಸ್ಲಿಂ ಧರ್ಮದವರಾದ  ಅಜೀಜ್  ಎಂಬುವವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಅಜೀಜ್ ವೈದ್ಯರಾಗಿದ್ದಾರೆ.

ದಕ್ಷಿಣ ಭಾರತದ ಖ್ಯಾತ ನಟಿ ಪ್ರಿಯಾಮಣಿ, ತಮ್ಮ ಹಲವು ವರ್ಷಗಳ ಗೆಳೆಯ ಮುಸ್ತಾಫಾ ರಾಜ್‌ ಅವರನ್ನು 2017ರ ಆಗಸ್ಟ್ ೨೩ರಂದು ಮದುವೆಯಾಗಿದ್ದರು. ಈ ನಟಿ ಇಸ್ಲಾಂ ಧರ್ಮದವರಾದ ಮುಸ್ತಫಾ ಅವರೊಂದಿಗೆ ಎಂಗೇಜ್‌ಮೆಂಟ್ ಮಾಡಿಕೊಳ್ಳುತ್ತಿದ್ದಂತೆ ಸಾಕಷ್ಟು ಟೀಕೆಗೆ ಒಳಗಾಗಿದ್ದರು. ಇದಕ್ಕೆ ಸೋಶಿಯಲ್ ಮೀಡಿಯಾ ಮೂಲಕ ಉತ್ತರಿಸಿದ್ದ ಪ್ರಿಯಾಮಣಿ, ಇಷ್ಟೊಂದು ದ್ವೇಷ, ನೆಗೆಟಿವಿಟಿ ಪ್ರತಿಕ್ರಿಯೆಯಿಂದ ಸಾಕಾಗಿ ಹೋಗಿದೆ. ಇದು ನನ್ನ ಜೀವನ. ನನ್ನ ಅಪ್ಪ-ಅಮ್ಮನಿಗೆ ಮತ್ತು ಪತಿಗೆ ಮಾತ್ರ ನಾನು ಉತ್ತರಿಸಬೇಕಿರುವುದು ಎಂದು ಹೇಳಿದ್ದರು.

2024ರ ಆಗಸ್ಟ್ 10 ಹಾಗೂ 11ರಂದು ಸ್ಯಾಂಡಲ್‌ವುಡ್ ನಟಿ ಸೋನಲ್ ಮೊಂಥೆರೋ ಹಾಗೂ ನಿರ್ದೇಶಕ ತರುಣ್ ಮದುವೆಯಾಗಿದ್ದಾರೆ. ರಾಬರ್ಟ್ ಸಿನಿಮಾ ಶೂಟಿಂಗ್ ಸಂದರ್ಭದಲ್ಲಿ ಇವರಿಬ್ಬರ ನಡುವೆ ಪ್ರೀತಿ ಚಿಗುರೊಡೆದಿತ್ತು. ಸದ್ಯ ಇವರಿಬ್ಬರು ಹೊದ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಬೆಂಗಳೂರಿನಲ್ಲಿ ಹಿಂದೂ ಸಂಪ್ರದಾಯದಂತೆ ಮದುವೆಯಾದ ಇವರು, ಮಂಗಳೂರಿನಲ್ಲಿ ಕ್ರಿಶ್ಚಿಯನ್ ಸಂಪ್ರದಾಯದಂತೆಯೇ ಮದುವೆಯಾಗಲಿದ್ದಾರೆ.