ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿರುವ 13 ಸಿನಿಮಾಗಳಾವವು ಗೊತ್ತಾ?

2002ರಲ್ಲಿ ತೆರೆಕಂಡ ಅನಿರುಧ್ಧ್, ರೇಖಾ ವೇದವ್ಯಾಸ್ ಹಾಗೂ ಛಾಯಾ ಸಿಂಗ್ ಲೀಡ್‌ ರೋಲ್‌ನಲ್ಲಿ ನಟಿಸಿದ್ದ 'ತುಂಟಾಟ' ಸಿನಿಮಾದ 'ಸುತ್ತ ಮುತ್ತ ಯಾರು ಇಲ್ಲ' ಎಂಬ ಹಾಡಿನಲ್ಲಿ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. 

2018ರಲ್ಲಿ ಬಿಡುಗಡೆಯಾದ ಗುರುನಂದನ್ ಹಾಗೂ ಅವಂತಿಕಾ ಶೆಟ್ಟಿ ನಟನೆಯ ರಾಜು ಕನ್ನಡ ಮೀಡಿಯಾಂ ಸಿನಿಮಾದಲ್ಲಿ ಕಿಚ್ಚ ಸುದೀಪ್ ಅವರು 'ದೀಪಕ್ ಚಕ್ರವರ್ತಿ' ಎಂಬ ಬ್ಯುಸಿನೆಸ್ ಮ್ಯಾನ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಅವರದ್ದು ಗೆಸ್ಟ್ ರೋಲ್. 

ಕನ್ನಡದ ಎವರ್‌ಗ್ರೀನ್ ಜೋಡಿ ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಮತ್ತು ಸುಹಾಸಿನಿ ಅಭಿನಯದ 'ಮಾತಾಡ್ ಮಾತಾಡು ಮಲ್ಲಿಗೆ' ಸಿನಿಮಾದಲ್ಲಿ ಸುದೀಪ್ ಅವರು ಉಗ್ರಗಾಮಿ ನಾಯಕನಾಗಿ ಕಾಣಿಸಿಕೊಂಡಿದ್ದರು. ಆ ಮೂಲಕ ವಿಷ್ಣು ಜೊತೆ ತೆರೆಹಂಚಿಕೊಂಡಿದ್ದರು. ಜೊತೆಗೆ ಈ ಚಿತ್ರದ ಎಲ್ಲಾ ಮಾಯಾ ಹಾಡಿನಲ್ಲೂ ಕಾಣಿಸಿಕೊಂಡಿದ್ದರು. ಅಂದ್ಹಾಗೆ ಈ ಸಿನಿಮಾವನ್ನು ನಾಗತಿಹಳ್ಳಿ ಚಂದ್ರಶೇಖರ್ ನಿರ್ದೇಶನ ಮಾಡಿದ್ದರು.

ಮಾಸ್ಟರ್ ಕಿಶನ್ ನಿರ್ದೇಶಿಸಿ, ನಟಿಸಿರುವ ' ಕೇರ್ ಆಫ್ ಫುಟ್ ಪಾತ್' ಸಿನಿಮಾದಲ್ಲಿ ಸುದೀಪ್ ಅವರು ಶಂಕರ್ ಎಂಬ ಒಂದು ಪುಟ್ಟ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. 2006ರಲ್ಲಿ ತೆರೆಕಂಡ ಈ ಸಿನಿಮಾ ಗಿನ್ನಿಸ್ ದಾಖಲೆ ಬರೆದಿತ್ತು. ಈ ಚಿತ್ರದಲ್ಲಿ ಜಾಕಿ ಶ್ರಾಫ್, ಮುಖ್ಯಮಂತ್ರಿ ಚಂದ್ರು, ತಾರಾ ಮೊದಲಾದವರ ತಾರಾಬಳಗವಿತ್ತು. 

2006ರಲ್ಲಿ ರಿಲೀಸ್ ಆದ ಧ್ಯಾನ್, ಶುಭಾ ಪೂಂಜಾ, ಹರ್ಷ, ಡೈಸಿ ಬೋಪಣ್ಣ ಅಭಿನಯಿಸಿರುವ 'ಜಾಕ್‌ಪಾಟ್' ಸಿನಿಮಾದ ಒಂದೇ ಒಂದು ಆಸೆ ಹಾಡಿನಲ್ಲಿ ನಾಯಕಿಯ ಜೊತೆಗೆ ಕಿಚ್ಚ ಸುದೀಪ್ ಹೆಜ್ಜೆ ಹಾಕಿದ್ದರು. 

2005ರಲ್ಲಿ ತೆರೆಕಂಡ ಮಯೂರ್ ಪಟೇಲ್ ಹಾಗೂ ಚೈತ್ರಾ ಅಭಿನಯದ ಗುನ್ನ ಸಿನಿಮಾದಲ್ಲಿ ಕನ್ನಡ ರಾಜ್ಯೋತ್ಸವಕ್ಕೆ ಬರುವ ಸೂಪರ್ ಸ್ಟಾರ್ ಸುದೀಪ್ ಪಾತ್ರದಲ್ಲಿ ಅತಿಥಿಯಾಗಿ ಕಾಣಿಸಿಕೊಂಡಿದ್ದರು. ಜೊತೆಗೆ ಒಂದು ಹಾಡಿನಲ್ಲಿಯೂ ಕಿಚ್ಚ ಕಾಣಿಸಿಕೊಂಡಿದ್ದರು.  

2009ರಲ್ಲಿ ಬಿಡುಗಡೆಯಾದ ರಾಮ್ ಗ್ರೇಸಿ ಸಿಂಗ್ ಅಭಿನಯದ 'ಮೇಘವೇ ಮೇಘವೇ' ಸಿನಿಮಾದಲ್ಲಿ ಸುದೀಪ್ ಆವರು ಆಕ್ಟರ್ ಸುದೀಪ್ ಆಗಿ ನೋ ಎಂಟ್ರಿ ಎಂಬ ಹಾಡಿನಲ್ಲಿಯೂ ಕಾಣಿಸಿಕೊಂಡಿದ್ದಾರೆ.  

2010ರಲ್ಲಿ ರಿಲೀಸ್ ಆದ ರಂಗಾಯಣ ರಘು ಹಾಗೂ ಬುಲೆಟ್ ಪ್ರಕಾಶ್ ಅವರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಐತಲಕಡಿ ಸಿನಿಮಾದಲ್ಲಿ ಸಾಕಷ್ಟು ನಟರು ಗೆಸ್ಟ್ ರೋಲ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ರವಿಚಂದ್ರನ್, ದುನಿಯಾ ವಿಜಯ್, ಜಗ್ಗೇಶ್, ವಿಜಯ್ ರಾಘವೇಂದ್ರ ಮುಂತಾದವರು ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸುದೀಪ್ ಒಂದು ಹಾಡಿನಲ್ಲಿ ಕಾಣಿಕೊಂಡಿದ್ದಾರೆ. 

2014ರಲ್ಲಿ ಬಿಡುಗಡೆಯಾದ ಪ್ರದೀಪ್, ಕನ್ನಿಕಾ ತಿವೇರಿ ಅಭಿನಯದ ರಂಗನ್ ಸ್ಟೈಲ್ ಸಿನಿಮಾದಲ್ಲಿ ಕಿಚ್ಚ ಸುದೀಪ್ ಅವರು ಸಿಸಿಬಿ ಆಫೀಸರ್ ಕೃಷ್ಣ ಎಂಬ  ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. 

2018ರಲ್ಲಿ ಬಿಡುಗಡೆಯಾದ ಧ್ರುವಾ ಶರ್ಮಾ, ರಾಗಿಣಿ ದ್ವಿವೇದಿ ಹಾಗೂ ಅಭಿನಯ ಅವರು ನಟಿಸಿರುವ 'ಕಿಚ್ಚು' ಸಿನಿಮಾದಲ್ಲಿ ಸುದೀಪ್ ಅವರು ಫಾರೆಸ್ಟ್ ಆಫೀಸರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. 

2021ರಲ್ಲಿ ರಿಲೀಸ್ ಆದ ಚಂದನ್ ಆಚಾರ್ ಹಾಗೂ ಲಾಸ್ಯ ನಾಗರಾಜ್ ಅಭಿನಯಿಸಿರುವ 'ಮಂಗಳವಾರ ರಜಾದಿನ' ಸಿನಿಮಾದಲ್ಲಿ ಕಿಚ್ಚ ಆಕ್ಟರ್ ಸುದೀಪ್ ಆಗಿ ಕಾಣಿಸಿಕೊಂಡಿದ್ದಾರೆ. 

2016ರಲ್ಲಿ ರಿಲೀಸ್ ಆದ ವಿ ರವಿಚಂದ್ರನ್  ಹಾಗೂ ಭೂಮಿಕಾ ಛಾವ್ಲಾ ಅಭಿನಯಿಸರುವ 'ಲವ್ ಯೂ ಆಲಿಯಾ' ಸಿನಿಮಾದಲ್ಲಿ ಸುದೀಪ್ ಅವರು ಅತಿಥಿ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ. 

2016ರಲ್ಲಿ ರಿಲೀಸ್ ಆದ ವಿ ರವಿಚಂದ್ರನ್ ನಿರ್ದೇಶಿಸಿ, ನಟಿಸಿ, ನಿರ್ಮಾಣ ಮಾಡಿರುವ ಅಪೂರ್ವ ಸಿನಿಮಾದಲ್ಲಿಯೂ ಕಿಚ್ಚ ಸುದೀಪ್ ಅವರು ಅತಿಥಿ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ.