Happy Birthday: ನಟಿ ರಾಗಿಣಿ ದ್ವಿವೇದಿ ನಟನೆಯ ಟಾಪ್ ಸಿನಿಮಾಗಳಿವು!

Author Sowmya Bairappa | Updated: Friday, May 24, 2024, 10:00 AM [IST]

2009ರಲ್ಲಿ 'ವೀರ ಮದಕರಿ' ಸಿನಿಮಾ ಮೂಲಕ ಸಿನಿಪಯಣ ಆರಂಭಿಸಿದ ನಟಿ ರಾಗಿಣಿ ದ್ವಿವೇದಿ, ಈವರೆಗೂ 25ಕ್ಕೂ ಹೆಚ್ಚೂ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಜೊತೆಗೆ ಕೆಲ ಹಿಂದಿ, ಮಲಯಾಳಂ, ತೆಲಗು ಮತ್ತು ತಮಿಳು ಚಿತ್ರಗಳಲ್ಲೂ ಬಣ್ಣಹಚ್ಚಿದ್ದಾರೆ. 1990ರಲ್ಲಿ ಬೆಂಗಳೂರಿನಲ್ಲಿ ಪಂಜಾಬಿ ಕುಟುಂಬದಲ್ಲಿ ಜನಿಸಿದ ರಾಗಿಣಿ, 2008ರಲ್ಲಿ ಮಾಡೆಲಿಂಗ್ ಕ್ಷೇತ್ರಕ್ಕೆ ಕಾಲಿಟ್ಟರು. ಹೈದಾರಾಬಾದ್‌ನಲ್ಲಿ ಜರುಗಿದ ಫೆಮಿನಾ ಮಿಸ್ ಇಂಡಿಯಾ ಸ್ಫರ್ಧೆಯಲ್ಲಿ ಭಾಗವಹಿಸಿ ರನ್ನರ್-ಅಪ್ ಕೂಡ ಆದರು. 2009ರಲ್ಲಿ ಮುಂಬೈನಲ್ಲಿ ಜರುಗಿದ ಫೆಮಿನಾ ಮಿಸ್ ಬ್ಯೂಟಿಪುಲ್ ಹೇರ್ ಸ್ಫರ್ಧೆ ಗೆದ್ದರು. ಕನ್ನಡದ ಬಹುತೇಕ ನಟರೊಂದಿಗೆ ತೆರೆಹಂಚಿಕೊಂಡಿರುವ ತುಪ್ಪದ ಹುಡುಗಿ, `ಶಿವ' ಚಿತ್ರಕ್ಕೆ ಸೈಮಾ ಪ್ರಶಸ್ತಿ ಕೂಡ ಪಡೆದಿದ್ದಾರೆ. ಇಲ್ಲಿ ಅವರ ನಟನೆಯ ಟಾಪ್ 5 ಸಿನಿಮಾಗಳ ಪಟ್ಟಿ ನೀಡಲಾಗಿದೆ.

Table of content

ವೀರ ಮದಕರಿ ರಾಗಿಣಿ ದ್ವಿವೇದಿ ನಟನೆಯ ಮೊದಲ ಸಿನಿಮಾ. ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ನಿರ್ದೇಶಿಸಿ, ನಟಿಸಿದ್ದ ಈ ಸಿನಿಮಾದ ತೆಲುಗಿನ ವಿಕ್ರಮಾರ್ಕುಡು ರಿಮೇಕ್. ಚಿತ್ರದಲ್ಲಿ ಸುದೀಪ್ 'ಮದಕರಿ ಮತ್ತು ಮುತ್ತತ್ತಿ ಸತ್ಯರಾಜು' ಎಂಬ ಎರಡು ಪಾತ್ರ ಮಾಡಿದ್ದರು. ಒಂದರಲ್ಲಿ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದರು. ಒನ್ನೊಂದರಲ್ಲಿ ಕಳ್ಳನ ಪಾತ್ರ ಮಾಡಿದ್ದರು. ಚಿತ್ರದಲ್ಲಿ ತುಪ್ಪದ ಹುಡುಗಿ 'ನೀರಜಾ' ಎಂಬ ಪಾತ್ರದಲ್ಲಿ ಮಿಂಚಿದ್ದು, ಸುದೀಪ್ ಹಾಗೂ ರಾಗಿಣಿ ಜೋಡಿ ಪ್ರೇಕ್ಷಕರಿಗೆ ಸಖತ್ ಇಷ್ಟವಾಗಿತ್ತು. ಜೊತೆಗೆ ಬಾಕ್ಸಾಫೀಸ್‌ನಲ್ಲೂ ಸಖತ್ ಸದ್ದು ಮಾಡಿತ್ತು.

ಹೆಚ್ಚು ಓದಿ

ತಮಿಳಿನ `ಸಿಂಗಂ' ಚಿತ್ರದ ರಿಮೇಕ್ ಆದ 'ಕೆಂಪೇಗೌಡ' ಸಿನಿಮಾ ಮೂಲಕ ಮತ್ತೊಮ್ಮೆ ರಾಗಿಣಿ ಮತ್ತು ಸುದೀಪ್ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಈ ಸಿನಿಮಾವನ್ನೂ ತಾವೇ ನಿರ್ದೇಶಿಸಿದ ಸುದೀಪ್ ಖಡಕ್ ಪೋಲಿಸ್ ಅಧಿಕಾರಿಯಾಗಿ ಮಿಂಚಿದ್ದರು. 8 ಕೋಟಿ ಬಜಟ್‌ನಲ್ಲಿ ನಿರ್ಮಿಸಿದ್ದ ಈ ಚಿತ್ರ ಬಾಕ್ಸಾಫೀಸ್‌ನಲ್ಲಿ ಸುಮಾರು 38 ಕೋಟಿ ಗಳಿಸಿ ಅದ್ಭುತ ಯಶಸ್ಸು ಕಂಡಿತ್ತು. ಈ ಚಿತ್ರದ ಮೂಲಕ ರವಿಶಂಕರ್ ಎಂಬ ನಟಭಯಂಕರ ಖಳನಾಯಕ ಕನ್ನಡಕ್ಕೆ ದೊರೆತರು.

ಹೆಚ್ಚು ಓದಿ

ಕಳ್ಳ ಮಳ್ಳ ಸುಳ್ಳ ಚಿತ್ರದಲ್ಲಿ ರವಿಚಂದ್ರನ್, ರಮೇಶ್ ಅರವಿಂದ್, ವಿಜಯ್ ರಾಘವೇಂದ್ರ ನಾಯಕರ ಪಾತ್ರದಲ್ಲಿ ಮತ್ತು ರಾಗಿಣಿ ದ್ವಿವೇದಿ, ಯಜ್ಞ ಶೆಟ್ಟಿ, ರಿಷಿಕ ಸಿಂಗ್ ನಾಯಕಿಯರ ಪಾತ್ರದಲ್ಲಿ ನಟಿಸಿದ್ದರು. ಇದು ತಮಿಳಿನಿ ರಿಮೇಕ್ ಸಿನಿಮಾ. ಇದೊಂದು ಕಾಮಿಡಿ ಎಂಟಟೈನರ್ ಸಿನಿಮಾವಾಗಿದ್ದು, ಪ್ರೇಕ್ಷಕರಿಗೆ ಬಹಳ ಇಷ್ಟವಾಗಿತ್ತು. ಈ ಸಿನಿಮಾದ 'ತುಪ್ಪ ಬೇಕೆ ತುಪ್ಪ' ಹಾಡಂತೂ ಎಲ್ಲರ ಬಾಯಲ್ಲಿ ಕೇಳಿಬರುತ್ತಿತ್ತು. ಈ ಹಾಡಿನಿಂದ ರಾಗಿಣಿ ತುಪ್ಪದ ಹುಡುಗಿ ಅಂತಲೇ ಖ್ಯಾತಿ ಪಡೆದರು.

ಹೆಚ್ಚು ಓದಿ

ಓಂ ಪ್ರಕಾಶ್ ರಾವ್ ನಿರ್ದೇಶನದ 'ಶಿವ' ಸಿನಿಮಾದಲ್ಲಿ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಮತ್ತು ರಾಗಿಣಿ ದ್ವಿವೇದಿ ಪ್ರಮುಖ ಪಾತ್ರ ನಿರ್ವಹಿಸಿದ್ದರು. ಮಕ್ಕಳನ್ನು ಮತ್ತು ವೃದ್ದರನ್ನು ಭಿಕ್ಷಾಟನೆಗೆ ದೂಡುವ ಸಮಾಜಘಾತುಕರ ವಿರುದ್ದ ಹೋರಾಡುವ ಕಥೆ ಹೊಂದಿದ್ದ ಈ ಸಿನಿಮಾ ಪ್ರೇಕ್ಷಕರ ಮೆಚ್ಚುಗೆಗೆ ಕಾರಣವಾಗಿತ್ತು. ಈ ಸಿನಿಮಾದಲ್ಲಿ ಜೂಲಿ ಎಂಬ ಪಾತ್ರ ಮಾಡಿದ್ದ ರಾಗಿಣಿ, ಸೈಮಾ ಪ್ರಶಸ್ತಿ ಕೂಡ ಪಡೆದಿದ್ದಾರೆ.

ರಾಗಿಣಿ ಐಪಿಎಸ್ ಪಕ್ಕಾ ಮಾಸ್ ಸಿನಿಮಾ. ಈ ಸಿನಿಮಾದಲ್ಲಿ ರಾಗಿಣಿ ದ್ವಿವೇದಿ ಖಡಕ್ ಪೊಲೀಸ್ ಅಧಿಕಾರಿಯಾಗಿ ಮಿಂಚಿದ್ದರು. ಚಿತ್ರದಲ್ಲಿ ರಾಗಿಣಿ ಐಪಿಎಸ್ ಅಧಿಕಾರಿಯಾಗುಗಿದ್ದರೂ ಆಕೆಯ ಮೇಲೆ ಅತ್ಯಾಚಾರ ನಡೆಯುತ್ತದೆ. ಪೊಲೀಸ್ ಅಧಿಕಾರಿ ಮೇಲೆಯೇ ಅತ್ಯಚಾರ ನಡೆಯುತ್ತದೆ ಎಂದದಾರೆ ಸಾಮಾನ್ಯ ಜನರ ಗತಿಯೇನು? ನಮ್ಮ ಕಾನೂನಿನ ಲೋಪದೋಷಗಳೇನು ಎಂಬುದನ್ನು ನಿರ್ದೇಶಕ ಆನಂದ್ ಈ ಸಿನಿಮಾ ಮೂಲಕ ತಾರ್ಕಿಕವಾಗಿ ತೋರಿಸಿದ್ದರು.