Happy Birthday: ಯುವಸಾಮ್ರಾಟ್ ಚಿರಂಜೀವಿ ಸರ್ಜಾ ಅಭಿನಯದ ನೀವು ನೋಡಲೇಬೇಕಾದ ಸಿನಿಮಾಗಳಿವು!

2007ರಲ್ಲಿ ರಿಲೀಸ್ ಆದ ತೆಲುಗಿನ `ಲಕ್ಷಂ' ಚಿತ್ರದ ರಿಮೇಕ್ ವರದನಾಯಕ. ಈ ಸಿನಿಮಾವನ್ನು ಕನ್ನಡದಲ್ಲಿ ಸಾಯಿಕುಮಾರ್ ಸಹೋದರ ಪಿ ಅಯ್ಯಪ್ಪ ಶರ್ಮಾ ನಿರ್ದೇಶಿಸಿದರು. ಈ ಚಿತ್ರದಲ್ಲಿ ಸುದೀಪ್ ವರದ ನಾಯಕನ ಪಾತ್ರದಲ್ಲಿ ನಟಿಸಿದ್ದರೆ, ಚಿರಂಜೀವಿ ಸರ್ಜಾ ಸುದೀಪ್ ತಮ್ಮನ ಪಾತ್ರದಲ್ಲಿ ನಟಿಸಿದ್ದರು. ಈ ಸಿನಿಮಾ ಕನ್ನಡದಲ್ಲಿ ಕೂಡ ಒಳ್ಳೆಯ ಪ್ರತಿಕ್ರಿಯೆ ಪಡೆಯಿತು. 

ಲವ್ ಗುರು ಖ್ಯಾತಿ ಪ್ರಶಾಂತ್ ರಾಜ್ ನಿರ್ದೇಶನದಲ್ಲಿ ಮೂಡಿಬಂದ 'ವಿಜಿಲ್ ' ಚಿತ್ರದಲ್ಲಿ ಚಿರಂಜೀವಿ ಸರ್ಜಾ ಜೊತೆ ಪ್ರಣೀತಾ ಸುಭಾಷ್ ನಾಯಕಿಯಾಗಿ ನಟಿಸಿದ್ದರು. ಒಬ್ಬ ಪಿಜ್ಜಾ ಡೆಲಿವರಿ ಯುವಕ ಒಂದು ಬಂಗಲೆಗೆ ಪಿಜ್ಜಾ ಡೆಲಿವರಿಗೆ ಹೋದಾಗ ನಡೆಯುವ ಘಟನೆಗಳನ್ನು ಈ ಸಿನಿಮಾದಲ್ಲಿ ಹೆಣೆಯಲಾಗಿತ್ತು. 

ಓಂ ಪ್ರಕಾಶ್ ರಾವ್ ನಿರ್ದೇಶನದ ಹಾರರ್ ಸಿನಿಮಾ 'ಚಂದ್ರಲೇಖಾ'. ಈ ಚಿತ್ರದಲ್ಲಿ ಚಿರು ಜೊತೆ ಶಾನ್ವಿ ಶ್ರೀವಾತ್ಸವ್ ನಾಯಕಿಯಾಗಿ ನಟಿಸಿದ್ದರು. ಆತ್ಮಹತ್ಯೆ ಮಾಡಿಕೊಳ್ಳಲು ಯತ್ನಿಸುವ ಮೂವರು ವ್ಯಕ್ತಿಗಳ ಜೊತೆ ಒಂದು ಯುವತಿ ಒಂದು ಬಂಗಲೆ ಸೇರಿದಾಗ ನಡೆಯುವ ಭಯಾನಕ ಘಟನೆಗಳು ಚಿತ್ರದ ಕಥೆಯಾಗಿತ್ತು. ಈ ಚಿತ್ರಕ್ಕೆ ಪ್ರೇಕ್ಷಕರಿಂದ ಮೆಚ್ಚುಗೆ ವ್ಯಕ್ತವಾಗಿತ್ತು.

ಕೆಂ.ಎಂ.ಚೈತನ್ಯ ನಿರ್ದೇಶನ, ಯೋಗೀಶ್ ದ್ವಾರಕೀಶ್ ನಿರ್ಮಾಣ ಮಾಡಿದ್ದ 'ಆಟಗಾರ' ಚಿತ್ರದಲ್ಲಿ ಚಿರಂಜೀವಿ ಸರ್ಜಾ, ಮೇಘನಾ ರಾಜ್ ಸೇರಿದಂತೆ ಹಲವು ಪ್ರಮುಖ ಕಲಾವಿದರು ನಟಿಸಿದ್ದರು. ರೋಮ್ಯಾಂಟಿಕ್ ಥ್ರಿಲ್ಲರ್ ಕಥೆ ಹೊಂದಿದ್ದ ಆಟಗಾರ ಸಿನಿಮಾ ಒಳ್ಳೆಯ ಪ್ರತಿಕ್ರಿಯೆ ಪಡೆದಿತ್ತು. 

ಕೆಂ.ಎಂ.ಚೈತನ್ಯ, ಯೋಗೀಶ್ ದ್ವಾರಕೀಶ್ ಮತ್ತು ಚಿರಂಜೀವಿ ಸರ್ಜಾ ಕಾಂಬಿನೇಶನ್‌ನಲ್ಲಿ ಮೂಡಿಬಂದ 'ಅಮ್ಮಾ ಐ ಲವ್ ಯು' ಚಿತ್ರದಲ್ಲಿ ನಿಶ್ಚಿಕಾ ನಾಯ್ಡು ನಾಯಕಿಯಾಗಿ ನಟಿಸಿದ್ದರು. ಸಾವು ಬದುಕಿನ ನಡುವೆ ಹೋರಾಟ ನಡೆಸುತ್ತಿರುವ ತಾಯಿಯ ಪ್ರಾಣ ಉಳಿಸಲು ಮಗ ಪಡುವ ಕಷ್ಟಗಳೇ 'ಅಮ್ಮ ಐ ಲವ್ ಯು' ಚಿತ್ರದ ಕಥಾನಕ.