ಹ್ಯಾಪಿ ಬರ್ತಡೇ: ನಟ ಆದಿತ್ಯ ನಟನೆಯ ಟಾಪ್ 5 ಸಿನಿಮಾಗಳ ಪಟ್ಟಿ ಇಲ್ಲಿದೆ.

2007ರಲ್ಲಿ ತೆರೆಕಂಡ ರೌಡಿಸಂ ಸಿನಿಮಾ ಅಂದರೆ ಡೆಡ್ಲಿ ಸೋಮ. 2005ರಲ್ಲಿ ತೆರೆಕಂಡ 'ಡೆಡ್ಲಿ ಸೋಮ' ಸಿನಿಮಾ ಉತ್ತಮ ಯಶಸ್ಸು ಕಂಡಿತ್ತು. ಬರಹಗಾರ ರವಿ ಬೆಳಗೆರೆ ಈ ಕಥೆಯನ್ನು ಬರೆದರೆ, ರವಿ ಶ್ರೀವತ್ಸ ಚಿತ್ರಕ್ಕೆ ಸಾರಥಿಯಾಗಿ ಕೆಲಸ ಮಾಡಿದ್ದರು. ಈ ಸಿನಿಮಾದಲ್ಲಿ ನಟ ಆದಿತ್ಯ  ಡೆಡ್ಲಿ ಸೋಮನ ಪಾತ್ರ ನಿರ್ವಹಿಸಿದ್ದರು. ಈ ಸಿನಿಮಾ ಸಕ್ಸಸ್ ಆದ ಕಾರಣ  ನಿರ್ದೇಶಕ ರವಿ ಶ್ರೀವತ್ಸ 'ಡೆಡ್ಲಿ ಸೋಮ ಭಾಗ 2' ಕೂಡ ಮಾಡಿದ್ದರು.  ಒಂದು ಸಭ್ಯ ಕುಟುಂಬದ ಯುವಕ ಅನಿವಾರ್ಯ ಕಾರಣಗಳಿಂದ ಹೇಗೆ ಭೂಗತ ಲೋಕಕ್ಕೆ ಹೆಜ್ಜೆಯಿಡುತ್ತಾನೆ ಎಂಬುದನ್ನು ಚಿತ್ರದಲ್ಲಿ ತೋರಿಸಲಾಗಿತ್ತು. ಸಿನಿಮಾದ ನಾಯಕಿಯಾಗಿ ರಕ್ಷಿತಾ ಅಭಿನಯಿಸಿದ್ದರು. 

2008ರಲ್ಲಿ ಬಿಡುಗಡೆಯಾದ ಎದೆಗಾರಿಕೆ  ಸಿನಿಮಾವನ್ನು ನಿರ್ದೇಶಕಿ ಸುಮನಾ ಕಿತ್ತೂರು ನಿರ್ದೇಶಿಸಿದ್ದರು.  ಈ ಚಿತ್ರದಲ್ಲಿ ಆದಿತ್ಯ ಮುಂಬೈ ಶಾರ್ಪ್ ಶೂಟರ್ ಆಗಿ ಕಾಣಿಸಿಕೊಂಡು ಸೈ ಎನಿಸಿಕೊಂಡಿದ್ದರು. ಇದು ಬರಹಗಾರ ಅಗ್ನಿ ಶ್ರೀಧರ್​​​​​​​​​​ ಬರೆದ ಕಥೆಯಾದ್ದರಿಂದ ಇದು ಕೂಡ ಯಶಸ್ವಿಯಾಗಿತ್ತು. ಈ ಸಿನಿಮಾ ಮುಂಬೈ ಅಂಡರ್ ವರ್ಲ್ಡ  ಕಥೆ ಹೊಂದಿತ್ತು. 

ಸ್ನೇಹನಾ ಪ್ರೀತಿನಾ ಚಿತ್ರದಲ್ಲಿ ದರ್ಶನ್ ಮತ್ತು ಆದಿತ್ಯ ನಾಯಕರಾಗಿ, ಲಕ್ಷ್ಮಿ ರೈ  ಮತ್ತು ಸಿಂಧು ತೊಲಾನಿ ನಾಯಕಿಯರಾಗಿ ಕಾಣಿಸಿಕೊಂಡಿದ್ದರು. ಉಳಿದಂತೆ ರಂಗಾಯಣ ರಘು, ರಾಜೀವ್, ಸಾಧು ಕೋಕಿಲ ಮೊದಲಾದವರ ತಾರಬಳಗವೇ ಚಿತ್ರದಲ್ಲಿತ್ತು. ಶಾಹುರಾಜ್ ಶಿಂಧೆ ಅವರ ನಿರ್ದೇಶನದ ಈ ಸಿನಿಮಾದಲ್ಲಿ ಶ್ರೀಮಂತ ಹುಡುಗ, ಬಡ ಹುಡುಗಿ ಹಾಗೂ ಶ್ರೀಮಂತ ಹುಡುಗಿ, ಬಡ ಹುಡುಗನ ಪ್ರೇಮಕಥೆ, ಕಿತ್ತಾಟ ತೋರಿಸಲಾಗಿತ್ತು. 

ಮೋಹಿನಿ 9886788888 ಸಿನಿಮಾದಲ್ಲಿ ಆದಿತ್ಯ ನಾಯಕಿನಾಗಿ ಹಾಗೂ ಸದಾ ನಾಯಕಿಯಾಗಿ ಕಾಣಿಸಿಕೊಂಡಿದ್ದರು. ಉಳಿದಂತೆ ಹಂಸ ನಂದಿನಿ, ರಾಜೇಶ್ ನಟರಂಗ, ಸುಹಾಸಿನಿ, ಅನು ಪ್ರಭಾಕರ್, ಕೋಮಲ್, ಅವಿನಾಶ, ಆದಿ ಲೋಕೇಶ್ ಮುಂತಾದವರು ಅಭಿನಯಿಸಿದ್ದರು. ಇದೊಂದು ದೆವ್ವದ ಕಥೆ ಆಧಾರಿತ ಸಿನಿಮಾವಾಗಿತ್ತು. 

ವಿಲನ್ ಚಿತ್ರದಲ್ಲಿ ಆದಿತ್ಯ ನಾಯಕನಾಗಿ ಮತ್ತು ರಾಗಿಣಿ ದ್ವಿವೇದಿ ನಾಯಕಿಯಾಗಿ ಅಭಿನಯಿಸಿದ್ದರು. ರಂಗಾಯಣ ರಘು, ಶೋಭರಾಜ್  ಮೊದಲಾದವರು ಸಿನಿಮಾದಲ್ಲಿ ನಟಿಸಿದ್ದು, ಎಂ.ಎಸ್ ರಮೇಶ್ ಆಕ್ಷನ್ ಕಟ್ ಹೇಳಿದ್ದರು. ಆದರೆ, ಸಿನಿಮಾ ಬಾಕ್ಷಾಫೀಸ್‌ನಲ್ಲಿ ಯಶಸ್ಸು ಕಾಣಲಿಲ್ಲ.