ಬಿಗ್‌ಬಾಸ್ ಕನ್ನಡ ಸೀಸನ್ 1 ಟು 10: ದೊಡ್ಮನೆಯಲ್ಲಿ ಸದ್ದು ಮಾಡಿದ ಪಾಪ್ಯುಲರ್ ಜೋಡಿಗಳಿವರು!

ಬಿಗ್‌ಬಾಸ್‌ ಕನ್ನಡ ಸೀಸನ್ 10ರಲ್ಲಿ ನಾಲ್ಕು ಜೋಡಿಗಳು ಗಮನ ಸೆಳೆದಿದ್ದವು. ಮೊದಲು ಕಾರ್ತಿಕ್ ಮಹೇಶ್ ಹಾಗೂ ಚಾರ್ಲಿ ಬೆಡಗಿ ಸಂಗೀತಾ ಶೃಂಗೇರಿ ಸಿಕ್ಕಾಪಟ್ಟೆ ಕ್ಲೋಸ್ ಆಗಿದ್ದರು. ನಂತರ ಇಶಾನಿ ಹಾಗೂ ಮೈಕಲ್ ತಾವಿಬ್ಬರು ಪ್ರೀತಿಸುತ್ತಿರುವುದಾಗಿ ಬಹಿರಂಗವಾಗಿಯೇ ಹೇಳಿಕೊಂಡರು. ನಂತರ ಇಬ್ಬರು ಬ್ರೇಕಪ್ ಮಾಡಿಕೊಂಡರು. ದೊಡ್ಮನೆಗೆ ಎಂಟ್ರಿ ಕೊಟ್ಟಾಗಿನಿಂದಲೂ ಸ್ನೇಹಿತ್ ತಮಗೆ ನಮ್ರತಾ ಮೇಲೆ ಫೀಲಿಂಗ್ಸ್ ಇದೆ ಅಂತ ಹೇಳಿಕೊಂಡಿದ್ದರು. ಆದರೆ, ನಮ್ರತಾ ಅದಕ್ಕೆ ಒಪ್ಪಿಗೆ ಸೂಚಿಸಿರಲಿಲ್ಲ, ಸ್ನೇಹಿತ್ ಅವರದ್ದು ಒನ್ ಸೈಡೆಡ್ ಲವ್ ಆಗಿತ್ತು. ಇನ್ನು ವರ್ತೂರು ಸಂತೋಷ್ ಹಾಗೂ ತನಿಷಾ ಜೋಡಿ ಕೂಡ ದೊಡ್ಮನೆಯಲ್ಲಿ ಸಿಕ್ಕಾಪಟ್ಟೆ ಸುದ್ದಿಯಾಗಿತ್ತು. 

ಸೀಸನ್ 9ರಲ್ಲಿ ಪುಟ್ಟಗೌರಿ ಧಾರಾವಾಹಿ ಖ್ಯಾತಿಯ ಸಾನ್ಯಾ ಅಯ್ಯರ್ ಹಾಗೂ ತುಳು ನಟ ರೂಪೇಶ್ ಶೆಟ್ಟಿ ಜೋಡಿಯಾಗಿ ಸುದ್ದಿಯಾಗಿದ್ದರು. ದೊಡ್ಮನೆಯಲ್ಲಿ ಇವರಿಬ್ಬರ ಜೋಡಿ ಸಾಕಷ್ಟು ಸುದ್ದಿ ಮಾಡಿತ್ತು. ರೂಪೇಶ್ ಶೆಟ್ಟಿ ಬಿಗ್‌ಬಾಸ್ ಟ್ರೋಫಿ ಗೆದ್ದಿದ್ದರು.

ಬಿಗ್‌ಬಾಸ್‌ ಕನ್ನಡ ಸೀಸನ್ 8ರಲ್ಲಿ ದಿವ್ಯ ಉರುಡುಗ ಹಾಗೂ ಅರವಿಂದ್ ಕೆ.ಪಿ ಜೋಡಿಯಾಗಿ ಕಾಣಿಸಿಕೊಂಡಿದ್ದರು. ಈಗಲೂ ಕೂಡ ಈ ಜೋಡಿ ಪ್ರೀತಿಯಲ್ಲಿದೆ. ದಿವ್ಯ ಉರುಡುಗ ಮತ್ತೆ ಬಿಗ್‌ಬಾಸ್‌ ಸೀಸನ್ 9ರಲ್ಲೂ ಪ್ರವೀಣರಾಗಿ ಭಾಗಹಿಸಿದ್ದರು. ದಿವ್ಯಾ ಸುರೇಶ್-ಮಂಜು ಪಾವಗಡ ಕೂಡ ಈ ಸೀಸನ್‌ನಲ್ಲಿ ಜೋಡಿ ಹಕ್ಕಿಗಳಾಗಿ ಕಾಣಿಸಿಕೊಂಡಿದ್ದರು. ಈ ಪೈಕಿ ದಿವ್ಯ ಉರುಡುಗ ಹಾಗೂ ಅರವಿಂದ್ ಕೆ.ಪಿ ಸದ್ಯದಲ್ಲೇ ಮದುವೆಯಾಗುವ ಸೂಚನೆಯಿದೆ.

ಸೀಸನ್  7ರಲ್ಲಿ ದೀಪಿಕಾ ದಾಸ್ ಮತ್ತು ಶೈನ್ ಶೆಟ್ಟಿ ಜೋಡಿ ಹೆಚ್ಚು ಸದ್ದು ಮಾಡಿತ್ತು. ಬಿಗ್‌ಬಾಸ್‌ ಸೀಸನ್ ೭ರಲ್ಲಿ  ಶೈನ್ ಶೆಟ್ಟಿ ಅವರೇ ಟ್ರೋಫಿ ಮುಡಿಗೇರಿಸಿಕೊಂಡಿದ್ದರು. ಬಿಗ್‌ಬಾಸ್ ಶೋ ಮುಗಿದ ಮೇಲೂ ಈ ಜೋಡಿ ಸ್ನೇಹಿತರಾಗಿದ್ದರು. ಇವರಿಬ್ಬರ ಮದುವೆ ಬಗ್ಗೆ ಹಲವು ಸುದ್ದಿಗಳು ಹರಿದಾಡಿದ್ದವು. ದೀಪಿಕಾ ಮತ್ತೆ ಬಿಗ್ ಬಾಸ್ ಸೀಸನ್ 9ರಲ್ಲೂ ಭಾಗವಹಿಸಿದ್ದರು.  

ಬಿಗ್‌ಬಾಸ್ ಸೀಸನ್ 6ರಲ್ಲಿ ಹೆಚ್ಚು ಗಮನ ಸೆಳೆದ ಜೋಡಿಗಳು ಅಂದ್ರೆ ಮಾಡ್ರನ್ ರೈತ ಶಶಿಕುಮಾರ್ ಹಾಗೂ ಕವಿತಾ ಗೌಡ. ಇವರಿಬ್ಬರು ದೊಡ್ಮನೆಯಲ್ಲಿ ಜೋಡಿಯಾಗಿ ಕಾಣಿಸಿಕೊಂಡಿದ್ದರು. ಇದರ ಜೊತೆಗೆ ಸೋನು ಪಾಟೀಲ್ ಹಾಗೂ ಗಾಯಕ ನವೀನ್ ಸಜ್ಜು ಜೋಡಿ ಕೂಡ ಕೆಲ ದಿನಗಳು ಪ್ರೇಮಿಗಳ ಹಾಗೆ ಕಾಣಿಸಿಕೊಂಡಿದ್ದರು. 

ಸೀಸನ್ 5ರಲ್ಲಿ ಎರಡೆರಡು ಜೋಡಿಗಳು ಸದ್ದು ಮಾಡಿದ್ದರು. ಒಂದೆಡೆ ಚಂದನ್ ಶೆಟ್ಟಿ ಹಾಗೂ ನಿವೇದಿತಾ ಗೌಡ ಪ್ರಣಯ ಪಕ್ಷಿಗಳಾಗಿ ಕಾಣಿಸಿಕೊಂಡರೆ, ಮತ್ತೊಂದೆಡೆ ಜಯರಾಮ್ ಕಾರ್ತಿಕ್ (ಜೆಕೆ) ಮಾತ್ತು ಶ್ರುತಿ ಪ್ರಕಾಶ್ ಸುದ್ದಿಯಾಗಿದ್ದರು. ಯಾರ ಮೇಲೆ ಯಾರು ಆಕರ್ಷಣೆ ಹೊಂದಿದ್ದಾರೆ ಎನ್ನುವುದೇ ಗೊಂದಲವಾಗಿತ್ತು. ಸದ್ಯ ಚಂದನ್ ಮತ್ತು ನಿವೇದಿತಾ ಮದುವೆಯಾಗಿದ್ದಾರೆ.   

ಬಿಗ್‌ಬಾಸ್‌ ಕನ್ನಡ ಸೀಸನ್ ನಾಲ್ಕರಲ್ಲಿ ಭುವನ್ ಪೊನ್ನಣ್ಣ ಹಾಗೂ ಸಂಜನಾ ಪ್ರೇಮ ಪಕ್ಷಿಗಳಾಗಿ ಕಾಣಿಸಿಕೊಂಡಿದ್ದರು. ಆದರೆ, ಇವರಿಬ್ಬರ ನಡುವೆ ಪ್ರಥಮ್ ಬಂದ ಮೇಲೆ ಕಥೆಗೆ ಟ್ವಿಸ್ಟ್ ಬಂತು. ಭುವನ್ ಹಾಗೂ ಸಂಜನಾ ಅಣ್ಣ-ತಂಗಿ ಎಂದು ಹೇಳಿ ಪ್ರಥಮ್ ಇವರಿಬ್ಬರಿಗೆ ಬಹಳ ಕಾಟ ಕೊಟ್ಟಿದ್ದರು. 

ನಟಿ ಪೂಜಾಗಾಂಧಿ ಸಿನಿಮಾಗಳಲ್ಲಿ ಅವಕಾಶಗಳು ಕಡಿಮೆಯಾಗುತ್ತಿದ್ದಂತೆ ಬಿಗ್‌ಬಾಸ್ ಸೀಸನ್ 3ಕ್ಕೆ ಎಂಟ್ರಿಕೊಟ್ಟರು. ಈ ಸಂದರ್ಭ ಪೂಜಾ ಗಾಂಧಿ ಹಾಗೂ ಕ್ರಿಕೆಟ್ ಆಟಗಾರ ಅಯ್ಯಪ್ಪ ಪ್ರೇಮಿಗಳ ಹಾಗೆ ಕಾಣಿಸಿಕೊಂಡಿದ್ದರು. ಮೊದಲು ದೂರವೇ ಇದ್ದ ಈ ಜೋಡಿ ನಂತರದ ದಿನಗಳಲ್ಲಿ ಹತ್ತಿರವಾದರು. ಬಿಗ್‌ಬಾಸ್‌ ನೀಡಿದ್ದ ಚಟುವಟಿಕೆಗಳ ಮೂಲಕ ಇನ್ನಷ್ಟು ಹತ್ತಿರವಾದರು. 

ಮೊದಲನೇ ಸೀಸಸ್‌ನಲ್ಲಿ ನಡೆದಂತಹ ಪ್ರೇಮ ಪ್ರಸಂಗಗಳು 2ನೇ ಸೀಸನ್‌ನಲ್ಲೂ ಮುಂದುವರೆದಿತ್ತು. ಸೀಸನ್ ೨ರಲ್ಲಿ ನಟಿ ನೀತು ಹಾಗೂ ನಟ ಆದಿ ಲೋಕೇಶ್ ಪ್ರೇಮ ಪಕ್ಷಿಗಳಾಗಿ ಕಾಣಿಸಿಕೊಂಡಿದ್ದರು.  ಇವರಿಬ್ಬರು ಒಟ್ಟಿಗೆ ಓಡಾಡುವುದು, ಒಟ್ಟಿಗೆ ಇರುವುದು, ಸೀಕ್ರೆಟ್ ಆಗಿ ಮಾತನಾಡುವುದು ಹೆಚ್ಚಾಗಿತ್ತು. ಟ್ರೋಫಿ ಗೆಲ್ಲದಿದ್ದರೂ ಕೂಡ ಹೆಚ್ಚು ಅವಧಿ ಟಿವಿಯಲ್ಲಿ  ಕಾಣಿಸಿಕೊಂಡಿದ್ದರು.  

ಬಿಗ್‌ಬಾಸ್‌ ಕನ್ನಡ ಸೀಸನ್ ಒಂದರಲ್ಲಿ ಸದ್ದು ಮಾಡಿದ್ದ ಜೋಡಿ ಹಕ್ಕಿಗಳು ತಿಲಕ್ ಮತ್ತು ಶ್ವೇತಾ ಪಂಡಿತ್. ಇವರಿಬ್ಬರು ದೊಡ್ಮನೆಯಲ್ಲಿ ಸಿಕ್ಕಾಪಟ್ಟೆ ಕ್ಲೋಸ್ ಆಗಿದ್ದರು. ಆಗಷ್ಟೇ, ಬಗ್‌ಬಾಸ್‌ ಕಾರ್ಯಕ್ರಮ ಕನ್ನಡಕ್ಕೆ ಬಂದಿತ್ತು. ಹಲವರಿಗೆ ಈ ಕಾರ್ಯಕ್ರಮ ಅರ್ಥವೇ ಆಗಿರಲಿಲ್ಲ. ಈ ಸಂದರ್ಭದಲ್ಲಿ ತಿಲಕ್ ಮತ್ತು ಶ್ವೇತಾ ಪಂಡಿತಾ ಸಾಕಷ್ಟು ಚರ್ಚೆಯಲ್ಲಿದ್ದರು. ಇದಾದ ಬಳಿಕ ನಟಿ ಸಂಜನಾ ಗಲ್ರಾನಿ ಹಾಗೂ ತಿಲಕ್ ಜೋಡಿ ಸುದ್ದಿಯಾಗಿತ್ತು.