ಮಾನಸಿಕ ಕಿರುಕುಳ, ದೌರ್ಜನ್ಯದಿಂದ ಮೊದಲ ಮದುವೆ ಮುರಿದುಕೊಂಡ ನಟಿಯರಿವರು!

ಭಾಗ್ಯಲಕ್ಷ್ಮೀ ಧಾರಾವಾಹಿಯಲ್ಲಿ ಕುಸುಮ ಪಾತ್ರದ ಮೂಲಕ ಸಿಕ್ಕಾಪಟ್ಟೆ ಜನಪ್ರಿಯತೆ ಗಳಿಸಿರುವ ಪದ್ಮಜಾ ರಾವ್, ಕುಟುಂಬಸ್ಥರ ಆಸೆಯಂತೆ 19ನೇ ವಯಸ್ಸಿಗೆ ಮದುವೆಯಾದರು. ಆದರೆ, ಈ ಮದುವೆಯಿಂದ ಅವರಿಗೆ ಸ್ವತಂತ್ರ ಸಿಗಲಿಲ್ಲ. ಹೀಗಾಗಿ, ಅವರು ಮೊದಲ ಪತಿಯಿಂದ ಡಿವೋರ್ಸ್ ಪಡೆದರು. ಈ ವೇಳೆ ಪದ್ಮಜಾ ರಾವ್ ಎರಡು ವರ್ಷದ ಗಂಡು ಮಗುವಿನ ತಾಯಿಯಾಗಿದ್ದರು. ನಂತರ ಮತ್ತೆ ಮದುವೆಯಾದರು.

ಒಂದು ಕಾಲದಲ್ಲಿ ಕನ್ನಡದ ಸ್ಟಾರ್ ನಟಿಯಾಗಿದ್ದನಟಿ ಪ್ರೇಮಾ 2006ರಲ್ಲಿ ಜೀವನ್ ಅಪ್ಪಚ್ಚು ಎಂಬುವವರನ್ನು ವಿವಾಹವಾದರು. ಇವರಿಗೂ ಕೂಡ ಈ ಮದುವೆಯಿದ ಸ್ವಾತಂತ್ರ್ಯವೇ ಇರಲಿಲ್ಲ. ಹೀಗಾಗಿ ಅವರಿಗೆ ಮದುವೆಯಾಗಿ ತಪ್ಪು ಮಾಡಿದೆ, ಆತುರದಲ್ಲಿ ನಿರ್ಧಾರ ತೆಗೆದುಕೊಂಡೆ ಅಂತ ಅನಿಸಿದೆ. 2016ರಲ್ಲಿ ತಮ್ಮ ಹತ್ತು ವರ್ಷದ ದಾಂಪತ್ಯಕ್ಕೆ ವಿದಾಯ ಹೇಳಿ ಪ್ರೇಮಾ, ಪರಸ್ಪರ ಒಪ್ಪಿಗೆ ಮೇರೆಗೆ ಬೆಂಗಳೂರಿನ ಕೌಟಂಬಿಕ ನ್ಯಾಯಾಲಯದಲ್ಲಿ ವಿಚ್ಚೇದನ ಪಡೆದರು.

ಯಶಸ್ಸಿನ ಉತ್ತುಂಗದಲ್ಲಿದ್ದಾಗಲೇ ನಟಿ ಸುಧಾರಾಣಿ, ನಟನೆಗೆ ಗುಡ್‌ಬೈ ಹೇಳಿ 1996ರಲ್ಲಿ ಮದುವೆಯಾಗಿ ಅಮೆರಿಕಾ ಸೇರಿದರು. ಆದರೆ, ಅವರಿಗೆ ಮೊದಲ ಪತಿಯಿಂದ ದಾಂಪತ್ಯದ ಸುಖ ಸಿಗಲೇ ಇಲ್ಲ. ಬದಲಾಗಿ ಪತಿ ಡಾ.ಸಂಜಯ್ ಅವರಿಂದ ಪ್ರಾಣ ಬೆದರಿಕೆ ಇತ್ತು. 1998ರಲ್ಲಿ ಅಮೆರಿಕಾದಲ್ಲಿ ಚಿತ್ರಹಿಂಸೆ ನೀಡಿದ ಡಾ.ಸಂಜಯ್‌ಗೆ ವಿಚ್ಛೇದನ ನೀಡಿ, ಭಾರತಕ್ಕೆ ಮರಳಿದ ಮೇಲೆ ಹೊಸ ಜೀವನ ಆರಂಭಿಸಿದರು. ನಂತರ ತಮ್ಮ ಕುಟುಂಬಕ್ಕೆ ತೀರಾ ಆಪ್ತರಾಗಿದ್ದ, ತಮಗೆ ಮಾನಸಿಕ ಸ್ಥೈರ್ಯ ತುಂಬಿದ್ದ ಗೋವರ್ಧನ್ ಎಂಬುವರರನ್ನ ಮದುವೆ ಆದರು.

ನಟಿ ಸರಿತಾ ಅವರು ಮೊದಲು ವೆಂಕಟಸುಬ್ಬಯ್ಯ ಎಂಬುವವರನ್ನು ಮದುವೆಯಾಗಿದ್ದರು. ಇವರಿಬ್ಬರ ನಡುವೆ ಬರೋಬ್ಬರಿ ೨೦ ವರ್ಷಗಳ ಅಂತರವಿತ್ತು. ಬಳಿಕ ಈ ದಂಪತಿ ಬೇರೆಯಾದರು. ಆನಂತರ ಮುಕೇಶ್ ಎಂಬುವವರ ಜೊತೆಗೆ ಸರಿತಾ ಎರಡನೇ ಮದುವೆಯಾದರು. ಅವರ ಕಿರುಕುಳದಿಂದ ನೊಂದ ಸರಿತಾ ಎರಡನೇ ಮದುವೆಯಿಂದಲೂ ದೂರವಾದರು.

ಕನ್ನಡದ ಅನೇಕ ಧಾರಾವಾಹಿಗಳು ಸೇರಿದಂತೆ ಸಿನಿಮಾಗಳಲ್ಲಿಯೂ ಬಣ್ಣಹಚ್ಚಿರುವ ನಟಿ ರಚಿತಾ ಮಹಾಲಕ್ಷ್ಮೀ ಕೂಡ ಪತಿಯಿಂದ ದೂರವಾಗಿದ್ದಾರೆ. ೨೦೨೩ರಲ್ಲಿ ನನ್ನ ಗಂಡ ನನಗೆ ಅಸಭ್ಯ ಮೆಸೇಜ್ ಕಳುಹಿಸುತ್ತಿದ್ದಾರೆ, ಬೆದರಿಕೆ ಕರೆ ಮಾಡುತ್ತಿದ್ದಾರೆ ಅಂತ ಪೊಲೀಸರಿಗೆ ದೂರು ನೀಡಿದ್ದರು.