ಆರೋಗ್ಯ ಸಮಸ್ಯೆ ಇದ್ದರೂ, ದೇಶ-ಧರ್ಮ ಬೇರೆಯಾದರೂ ಪ್ರೀತಿಸಿ ಮದುವೆಯಾದ ಕನ್ನಡದ ನಟ-ನಟಿಯರಿವರು!

ಸ್ಯಾಂಡಲ್‌ವುಡ್‌ನ ರೋರಿಂಗ್ ಸ್ಟಾರ್ ಶ್ರೀ ಮುರಳಿ ಮತ್ತು ವಿದ್ಯಾ ಪ್ರೀತಿಸಿ ಮದುವೆಯಾದವರು. ಮದುವೆಗೂ ಮುನ್ನ ವಿದ್ಯಾಗೆ ರಕ್ತಸಂಬಂಧಿ ಕಾಯಿಲೇ ಇದ್ದು, ಮಕ್ಕಳಾಗುವುದು ಕಷ್ಟ ಅಂತ ವೈದ್ಯರು ತಿಳಿಸಿದ್ದರು. ಈ ವಿಷಯ ತಿಳಿದ ಶ್ರೀಮುರಳಿ, ನಾನು ಪ್ರೀತಿಸಿದ್ದು ವಿದ್ಯಾಳನ್ನು, ಅವಳಿಂದ ಮಕ್ಕಳಾಗಬೇಕು ಅಂತ ಬಯಸಲ್ಲ ಅಂತ ಹೇಳಿ ಅವರನ್ನು ಮದುವೆಯಾಗಿದ್ದರಂತೆ. ಈ ವಿಷಯವನ್ನು ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದಲ್ಲೂ ಹೇಳಿಕೊಂಡಿದ್ದರು. ಆದ್ರೀಗ ಈ ಜೋಡಿಗೆ ಅತೀವಾ ಹಾಗೂ ಪ್ರಿನ್ಸ್ ಅಗಸ್ತ್ಯ ಅನ್ನೋ ಮಕ್ಕಳಿದ್ದಾರೆ. 

ಕಾಮಿಡಿ ಕಿಲಾಡಿಗಳು ರಿಯಾಲಿಟಿ ಶೋ ಖ್ಯಾತಿಯ ಸಂಜು ಬಸಯ್ಯ ಹಾಗೂ ಪಲ್ಲವಿ ಕೂಡ ಪ್ರೀತಿಸಿ ಮದುವೆಯಾದವರು. ಸಂಜು ಕುಳ್ಳಗಿದ್ದು, ಪಲ್ಲವಿ ಹೈಟ್ ಆಗಿದ್ದಾರೆ. ಆರಂಭದಲ್ಲಿ ಈ ಜೋಡಿಯನ್ನು ಅನೇಕರು ಮನಸ್ಸಿಗೆ ಬಂದ ಹಾಗೆ ಮಾತಾನಾಡಿದ್ದು ಇದೆ. ಆದರೆ,  ಸಂಜು ಬಸಯ್ಯ ಹಾಗೂ ಪಲ್ಲವಿ ಬೇರೆಯವರ ಮಾತಿಗೆ ತಲೆಕೆಡಿಸಿಕೊಳ್ಳದೇ ತಮಗೆ ಪ್ರೀತಿಯೇ ದೊಡ್ಡದು ಎಂಬುದನ್ನು ಸಾಭೀತುಪಡಿಸಿದ್ದಾರೆ. 

ಕನ್ನಡ ಚಿತ್ರರಂಗದ ಹಿರಿಯ ನಟಿ ಶೃತಿ ಅವರ ತಂದೆ ಕೃಷ್ಣ ರಂಗಭೂಮಿ ಹಿನ್ನೆಲೆ ಹೊಂದಿದ್ದಾರೆ. ಅವರು ಅವಳಿ ಸಹೋದರಿಯರಾದ ರಾಧಾ-ರುಕ್ಮಿಣಿಯವರನ್ನು ಮದುವೆಯಾಗಿದ್ದಾರೆ. ಇಬ್ಬರಿಗೂ ಮಕ್ಕಳಾಗಿದೆ. ಇದುವರೆಗೂ ಶರಣ್ ಅವರಿಗಾಗಲಿ, ಶೃತಿಗಾಗಲಿ ತಮ್ಮ ನಿಜವಾದ ತಾಯಿ ಯಾರೆಂದು ಗೊತ್ತಿಲ್ಲವಂತೆ. ಈ ಬಗ್ಗೆ ಪ್ರಶ್ನೆಯೂ ಮಾಡಿಲ್ಲವಂತೆ. ಕೃಷ್ಣ ಅವರು ತಮ್ಮ ಮಡದಿಯರು, ಮಕ್ಕಳು ಹಾಗೂ ಮೊಮ್ಮಕ್ಕಳೊಂದಿಗೆ ಚೆನ್ನಾಗಿದ್ದಾರೆ. 

ನಟ ಪೃಥ್ವಿ ಅಂಬಾರ್ ಉತ್ತರ ಭಾರತದ ಪಾರುಲ್ ಶುಕ್ಲಾ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದಾರೆ. ಪಾರುಲ್ ಕನ್ನಡ ಕಲಿತು, ಪೃಥ್ವಿ ಅವರ ಮನೆಯ ಸಂಪ್ರಾದಾಯಗಳನ್ನು ಪಾಲಿಸಿಕೊಂಡು ಹೋಗುತ್ತಿದ್ದಾರೆ. ಈ ಜೋಡಿಗೆ ಒಬ್ಬಳು ಮುದ್ದಾದ ಮಗಳಿದ್ದಾಳೆ.

ಜೋಶ್ ಸಿನಿಮಾ ಖ್ಯಾತಿಯ ಸ್ನೇಹಾ ಆಚಾರ್ಯ ರಷ್ಯನ್ ಮೂಲದ ರಾಯನ್ ಎಂಬುವವರನ್ನು ಮದುವೆಯಾಗಿ, ಅಲ್ಲಿಯೇ ನೆಲಸಿದ್ದಾರೆ. ಇವರು ಕನ್ನಡದ ಅನೇಕ ಧಾರಾವಾಹಿ, ಸಿನಿಮಾಗಳು ಹಾಗೂ ರಿಯಾಲಿಟಿ ಶೋಗಳಲ್ಲೂ ಕಾಣಿಸಿಕೊಂಡಿದ್ದರು. ಡ್ಯಾನ್ಸ್ ಅಂದರೆ ತುಂಬಾ ಇಷ್ಟಪಡುವ ಸ್ನೇಹಾ, ಹಿಂದಿಯಲ್ಲಿ ಸೆಲೆಬ್ರಿಟಿ ನೃತ್ಯ ನಿರ್ದೇಶಕಿಯಾಗಿಯೂ ಕೆಲಸ ಮಾಡಿದ್ದಾರೆ. ಜೊತೆಗೆ ಕೆಲ ಹಿಂದಿ ಸಿನಿಮಾಗಳಲ್ಲೂ ಬಣ್ಣ ಹಚ್ಚಿದ್ದರು. ಕನ್ನಡ ಕಿರುತೆರೆಯ ಅತಿದೊಡ್ಡ ರಿಯಾಲಿಟಿ ಶೋ ಆದ ಬಿಗ್‌ಬಾಸ್ ಸೀಸನ್ ೬ರಲ್ಲೂ ಕಾಣಿಸಿಕೊಂಡಿದ್ದ ಇವರು, ಕುಣಿಯೋಣ ಬಾರ ನೃತ್ಯ ಕಾರ್ಯಕ್ರಮದ ನಿರೂಪಕಿಯಾಗಿದ್ದರು. 

ಗಿಚ್ಚಿ ಗಿಲಿಗಿಲಿ ರಿಯಾಲಿಟಿ ಶೋ ಖ್ಯಾತಿಯ ಪ್ರಿಯಾಂಕಾ ಕಾಮತ್ ಅವರಿಗೆ ಇನ್ನೇನು ಮದುವೆಯಾಗಬೇಕು ಅನ್ನುವಷ್ಟರಲ್ಲಿ ಆರೋಗ್ಯ ಸಮಸ್ಯೆ ಉಂಟಾಗಿತ್ತು. ನಡೆಯಲು ಆಗದೇ ಹಲವು ತಿಂಗಳುಗಳ ಕಾಲ ಹಾಸಿಗೆ ಮೇಲಿದ್ದರು. ಈ ಸಂದರ್ಭ ಪ್ರಿಯಾಂಕಾ ತಮ್ಮ ಪ್ರಿಯತಮ ಅಮಿತ್‌ಗೆ ಬೇರೆ ಮದುವೆಯಾಗುವಂತೆ ಹೇಳಿದ್ದರು. ಆದರೆ, ಅಮಿತ್ ಕೇಳಲಿಲ್ಲ. ಪ್ರಿಯಾಂಕಾ ಅವರನ್ನು ತಾವೇ ಆರೈಕೆ ಮಾಡಿ, ಅವರು ಗುಣಮುಖರಾದ ಮೇಲೆ ಮದುವೆಯಾಗಿದ್ದರು. 

ನಟ ವಿಶಾಲ್ ಹೆಗಡೆ ಅವರು ಮುಂಬೈ ಮೂಲದ ಪ್ರಿಯಾ ಅವರನ್ನು ಮದುವೆಯಾಗಿದ್ದಾರೆ. ವಿಶಾಲ್ ಕನ್ನಡದವರಾಗಿದ್ದು, ಪ್ರಿಯಾ ಮಹಾರಾಷ್ಟ್ರದವರು. ಇವರಿಬ್ಬರು 2012ರಲ್ಲಿ ಸಪ್ತಪದಿ ತುಳಿದಿದ್ದರು. ಇವರು ಹುಡುಗರು, ಅಣ್ಣ ತಂಗಿ, ಹೋಪ, ಗಣ ಸೇರಿದಂತೆ ಮುಂತಾದ ಚಲನಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಕಿರುತೆರೆಯಲ್ಲೂ ಕೂಡ ನಟಿಸಿದ್ದಾರೆ.