ಪಿಕೆ ಟು ದಿ ಕೇರಳ ಸ್ಟೋರಿ: ಬಿಡುಗಡೆಗೂ ಮುನ್ನವೇ ವಿವಾದಕ್ಕೊಳಗಾದ ಸಿನಿಮಾಗಳ ಪಟ್ಟಿ!

ಸದ್ಯ  'ದಿ ಕೇರಳ ಸ್ಟೋರಿ' ಸಿನಿಮಾದ ಕುರಿತು ದೇಶಾದ್ಯಂತ ಪರ-ವಿರೋಧದ ಚರ್ಚೆಗಳು ನಡೆಯುತ್ತಿವೆ. ಈ ಸಿನಿಮಾ ಲವ್ ಜಿಹಾದ್ ಕಥೆ ಇರುವ ಸಿನಿಮಾ ಎಂಬ ಆರೋಪಕ್ಕೆ ಗುರಿಯಾಗಿದೆ. ಚಿತ್ರವನ್ನು ನಿಷೇಧಿಸಬೇಕು ಎಂದು ಕೆಲವರು ಆಗ್ರಹಿಸಿದ್ದಾರೆ. ಆದ್ರೆ,  'ದಿ ಕೇರಳ ಸ್ಟೋರಿ'ಗೆ ತಡೆ ನೀಡಬೇಕು ಎಂದು ಕೋರಿದ್ದ ಅರ್ಜಿಯನ್ನು ಸುಪ್ರೀಂಕೋರ್ಟ್ ವಜಾಗೊಳಿಸಿದೆ.  

ಇಮ್ರಾನ್ ಹಷ್ಮಿ ಮತ್ತು ಮಲ್ಲಿಕಾ ಶರಾವತ್ ನಟನೆಯ ಮರ್ಡರ್ ಚಿತ್ರದಲ್ಲಿ ಹೆಚ್ಚು ಬೋಲ್ಡ್ ಸೀನ್‌ಗಳಿವೆ ಎಂಬ ಕಾರಣದಿಂದಾಗಿ ಈ ಸಿನಿಮಾನ್ನು ನಿಷೇಧಿಸಬೇಕು ಎಂದು ಕೆಲವರು ಆಗ್ರಹಿಸಿದ್ದರು. ನಂತರ ಸಿನಿಮಾ ಬಿಡುಗಡೆಯಾಗಿ ಸೂಪರ್ ಹಿಟ್ ಆಗಿತ್ತು.  

ಅಮಿರ್ ಖಾನ್ ಮತ್ತು ಕಾಜೋಲ್ ನಟನೆಯ 'ಫನಾ' ಸಿನಿಮಾ ಬಿಡುಗಡೆ ಸಮಯದಲ್ಲಿ ವಿವಾದಕ್ಕೆ ಗುರಿಯಾಗಿತ್ತು.  ಚಿತ್ರದಲ್ಲಿ ಅಮಿರ್ ಖಾನ್ ನರ್ಮ್ದಾ ಅಣೆಕಟ್ಟಿನ ಎತ್ತರದ ವಿರುದ್ಧ ಧ್ವನಿ ಎತ್ತಿದ್ದರು. ಇದನ್ನು ಗಂಭೀರವಾಗಿ ತೆಗೆದುಕೊಂಡಿದ್ದ ಅಂದಿನ ಗುಜರಾತ್ ಸರ್ಕಾರ 'ಫನಾ' ಚಿತ್ರ ತೆರೆಕಾಣಲು ಬಿಡಲಿಲ್ಲ. ಜೊತೆಗೆ ಅಮಿರ್ ಖಾನ್ ಇದ್ದ ಎಲ್ಲಾ ಜಾಹೀರಾತುಗಳನ್ನು ನಿಷೇಧ ಮಾಡಿತ್ತು.  

ದೀಪಿಕಾ ಪಡುಕೋಣೆ ಹಾಗೂ ರಣವೀರ್ ಸಿಂಗ್ ಅಭಿನಯದ 'ಪದ್ಮಾವತ್' ಸಿನಿಮಾದಲ್ಲಿ ರಜಪೂತರ ಭಾವನೆಗಳಿಗೆ ಘಾಸಿಯಾಗುವ ಅಂಶಗಳಿವೆ ಮತ್ತು ಸತ್ಯವನ್ನು ತಿರುಚಲಾಗಿದೆ ಎಂಬ ವಿವಾದ ಕೇಳಿಬಂದಿತ್ತು. ಜೊತೆಗೆ ಚಿತ್ರೀಕರಣಕ್ಕಾಗಿ ಜೈಪುರದಲ್ಲಿ ನಿರ್ಮಿಸಿದ್ದ ಸೆಟ್‌ನ್ನು ಉದ್ರಿಕ್ತ ಜನರ ಗುಂಪು ಧ್ವಂಸ ಮಾಡಿತ್ತು. ಹಲವು ಅಡೆತಡೆಗಳನ್ನು ದಾಟಿ ರಿಲೀಸ್ ಆಗಿದ್ದ ಈ ಸಿನಿಮಾ ಬ್ಲಾಕ್‌ಬಸ್ಟರ್ ಆಗಿತ್ತು. 

ರಣಭೀರ್ ಕಪೂರ್ ಅವರ 'ರಾಕ್ ಸ್ಟಾರ್' ಸಿನಿಮಾದಲ್ಲಿ ಯಾವುದೇ ವಿವಾದದ ವಿಷಯಗಳು ಇರಲಿಲ್ಲ. ಆದರೆ, ಹಾಡೊಂದರಲ್ಲಿ 'ಫ್ರಿ ಟಿಬೆಟ್' ಎಂಬ ಧ್ವಜ ಇತ್ತು. ಇದರಿಂದ ಸಿನಿಮಾ ತಂಡಕ್ಕೆ ಸಮಸ್ಯೆ ಎದುರಾಗಿತ್ತು. ಕೊನೆ ಅದನ್ನು ಬ್ಲರ್ ಮಾಡಲಾಗಿತ್ತು.  

ಸಂಜಯ್ ಲೀಲಾ ಬನ್ಸಾಲಿ ಅವರ 'ರಾಮ್‌ ಲೀಲಾ' ಸಿನಿಮಾ ಕೂಡ ವಿವಾದಕ್ಕೆಒಳಗಾಗಿತ್ತು. ಜನರ ಭಾವನೆಗಳಿಗೆ ಧಕ್ಕೆ ತರುವಂತಹ ಅಂಶಗಳಿವೆ ಎಂದು ಆರೋಪಿಸಲಾಗಿತ್ತು. ಈ ಕಾರಣಕ್ಕೆ ಪ್ರತಿಭಟೆಯ ಬಿಸಿ ಕೂಡ ಅನುಭವಿಸಿತ್ತು.  'ರಾಮ್‌ ಲೀಲಾ'  ಚಿತ್ರತಂಡದ ಮೇಲೆ ಎಫ್ಐಆರ್ ಕೂಡ ಹಾಕಲಾಗಿತ್ತು. ಕೊನೆಗೆ ಸಿನಿಮಾದ ಹೆಸರನ್ನು 'ಗೋಲಿಯೋಂಕಾ ರಾಸ್ ಲೀಲಾ ರಾಮ್ ಲೀಲಾ' ಎಂದು ಬದಲಿಸಲಾಗಿತ್ತು. 

ಅಮಿರ್ ಖಾನ್ ನಟನೆಯ 'ಪಿಕೆ' ಸಿನಿಮಾವನ್ನೂ ಕೂಡ ಬ್ಯಾನ್ ಮಾಡಬೇಕೆಂಬ ಒತ್ತಾಯ ಕೇಳಿಬಂದಿತ್ತು. ಈ ಚಿತ್ರದಲ್ಲೂ ಜನರ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತರುವಂತಹ ಅಂಶಗಳಿವೆವ ಎಂದು ಆರೋಪಿಸಲಾಗಿತ್ತು. 

ವಿದ್ಯಾ ಬಾಲನ್ ನಟನೆಯ 'ಡರ್ಟಿ ಪಿಕ್ಚರ್' ಸಿನಿಮಾವನ್ನೂ ಕೂಡ ಬ್ಯಾನ್ ಮಾಡಬೇಕು ಎಂಬ ಒತ್ತಾಯ ಕೇಳಿಬಂದಿತ್ತು. ಇದರಲ್ಲಿ ಸಾಕಷ್ಟು ಇಂಟಿಮೇಟ್ ದೃಶ್ಯಗಳಿದ್ದವು. ಇದನ್ನು ಖಂಡಿಸಿ ನಟಿ ಸಿಲ್ಕ್ ಸ್ಮಿತಾ ಸಹೋದರ ಚಿತ್ರತಂಡಕ್ಕೆ ಲೀಗಲ್ ನೋಡಿಸಗ ನೀಡಿದ್ದರು. 

ಶಾಹಿದ್ ಕಪೂರ್ ಅಭಿನಯದ 'ಹೈದರ್' ಸಿನಿಮಾದಲ್ಲಿ ಭಾರತೀಯ ಸೇನೆ ಮತ್ತು ಕಾಶ್ಮೀರಿಗಳ ಚಿತ್ರಣದ ಕುರಿತು ಅಪಸ್ವರ ಕೇಳಿಬಂದಿತ್ತು. ಆದರೆ, ವಿವಾದ ನಡುವೆಯೂ ಸಿನಿಮಾ ಬಿಡುಗಡೆಯಾಗಿ ದೊಡ್ಡ ಸಕ್ಸಸ್ ಕಂಡಿತು. 

ಶಾರುಖ್ ಖಾನ್ ಮತ್ತು ದೀಪಿಕಾ ಪಡುಕೋಣೆ ಅಭಿನಯದ ಪಠಾಣ್ ಸಿನಿಮಾ ಕೂಡ ವಿವಾದಕ್ಕೆ ಗುರಿಯಾಗಿತ್ತು.  ಸಿನಿಮಾದ ಭೇಷರಂಗ್ ಹಾಡಿನಲ್ಲಿ ದೀಪಿಕಾ ಕೇಸರಿ ಬಣ್ಣದ ಬಿಕಿನಿ ಧರಿಸಿರುವುದು ಸಾಕಷ್ಟು ವಿವಾದಕ್ಕೆ ಕಾರಣವಾಗಿತ್ತು. ಚಿತ್ರವನ್ನೂ ಬ್ಯಾನ್ ಮಾಡಬೇಕೆಂಬ ಒತ್ತಾಯ ಕೇಳಿಬಂದಿತ್ತು. ಆದ್ರೆ ಸಿನಿಮಾ ಬಿಡುಗಡೆಯಾಗಿ ಹಿಟ್ ಆಯಿತು.