ಮದ್ಯಪಾನ ಮತ್ತು ಧೂಮಪಾನ ವ್ಯಸನಗಳಿಂದ ದೂರವಿರುವ ಬಾಲಿವುಡ್ ನಾಯಕನಟರು

ಬಾಲಿವುಡ್ ನಲ್ಲಿ ಶಿಸ್ತಿಗೆ ಇನ್ನೊಂದೇ ಹೆಸರೇ ಅಕ್ಷಯ್ ಕುಮಾರ್. ಯಾವುದೇ ಪಾರ್ಟಿಗಳಿಗೆ ಹೋಗದ ಇವರು ಧೂಮಪಾನ ಮತ್ತು ಮಧ್ಯಪಾನದಿಂದ ದೂರವಿದ್ದಾರೆ. ತಮ್ಮ ದೇಹವನ್ನು ಸುಸ್ಥಿತಿಯಲ್ಲಿಟ್ಟುಕೊಳ್ಳಲು ಮಾರ್ಷಲ್ ಆರ್ಟ್ಸ್ ಕೂಡ ಅಭ್ಯಾಸ ಮಾಡುತ್ತಾರೆ.

ಸುಮಾರು 40 ವರ್ಷಗಳಿಂದ ಅಮಿತಾಭ್ ಬಚ್ಚನ್ ಅಲ್ಕೋಹಾಲ್ ನಿಂದ ದೂರವಿದ್ದಾರೆ. ತಾವು ನೀರು ಮತ್ತು ಲೈಮ್ ಜ್ಯೂಸ್ ಸಹಾಯದಿಂದ ಕಾರ್ಬೋನೇಟೇಡ್ ಡ್ರಿಂಕ್ಸ್ ಗಳಿಂದ ದೂರವಿರುವುದಾಗಿ ಹೇಳಿದ್ದಾರೆ. ವೆಜಿಟೇರಿಯನ್ ಆಗಿರುವ ಇವರು ಧೂಮಪಾನ ಕೂಡ ಮಾಡುವುದಿಲ್ಲ.

ಅಭೀಷೇಕ್ ಬಚ್ಚನ್ ಕೂಡ ಮಧ್ಯಪಾನದಿಂದ ದೂರವಿದ್ದಾರೆ. ಅಷ್ಟೇ ಅಲ್ಲದೇ ಯಾವುದೇ ಮಧ್ಯಪಾನದ ಜಾಹೀರಾತುಗಳಲ್ಲಿ ನಟಿಸುವುದಿಲ್ಲ ಎನ್ನುವುದು ಇವರ ನಿಯಮ.

ಶೇರ್ ಶಾಹ್ ಚಿತ್ರದ ಮೂಲಕ ಶಿಸ್ತಿನ ಸಿಪಾಯಿಯಾಗಿ ಎಲ್ಲರ ಮನಗೆದ್ದ ಸಿದ್ಧಾರ್ಥ್ ಮಲ್ಹೋತ್ರಾ ಕೂಡ ಮಧ್ಯಪಾನದಿಂದ ಅಂತರ ಕಾಯ್ಡುಕೊಂಡಿದ್ದಾರೆ.

ಬಾಲಿವುಡ್ ನ ಹ್ಯಾಂಡಸಮ್ ಹಂಕ್ ಎಂದೇ ಖ್ಯಾತಿ ಪಡೆದಿರುವ ಜಾನ್ ಅಬ್ರಾಹಂ ಕೂಡ ಮಧ್ಯಪಾನ ಮಾಡುವುದಿಲ್ಲ. ಹಲವು ಚಿತ್ರಗಳಲ್ಲಿ ಇವರು ಮಧ್ಯಪಾನ ಮಾಡುವ ದೃಶ್ಯಗಳಿದ್ದರೂ, ಈ ನಟ ಮಾತ್ರ ಅವುಗಳಿಂದ ದೂರವಿದ್ದಾರೆ.

ತಮ್ಮ ಸಮಾಜಿಕ ಕಳಿಕಳಿಗೆ ಹೆಸರುವಾಸಿಯಾಗಿರುವ ಸೋನು ಸೂದ್ ಮಧ್ಯಪಾನದಿಂದ ದೂರವಿರುವುದು ಮಾತ್ರವಲ್ಲದೇ, ಸಸ್ಯಾಹಾರಿ ಕೂಡ. ತಮ್ಮ ಉತ್ತಮ ದೈಹಿಕ ಆರೋಗ್ಯಕ್ಕಾಗಿ ಈ ರೀತಿ ಉತ್ತಮ ಹವ್ಯಾಸಗಳು ಮುಖ್ಯ ಎಂಬುದು ಸೋನುರವರ ನಂಬಿಕೆ.