ರಾಕಿಂಗ್ ಸ್ಟಾರ್ ಯಶ್ ಬಳಿಯಿರುವ ಮನೆಗಳು, ಕಾರುಗಳು, ಸಂಭಾವನೆ ಹಾಗೂ ಆಸ್ತಿ ವಿವರ ಇಲ್ಲಿದೆ.

ಬಸ್ ಚಾಲಕನ ಮಗನಾದ ಯಶ್ ಕೆಜಿಎಫ್ ಚಿತ್ರದ ಮೂಲಕ ನ್ಯಾಷನಲ್ ಸ್ಟಾರ್ ಆಗಿ ಗುರುತಿಸಿಕೊಂಡಿದ್ದಾರೆ. ತಮ್ಮ ಕಠಿಣ ಪರಿಶ್ರಮದಿಂದ ಇಷ್ಟು ಎತ್ತರಕ್ಕೆ ಬೆಳೆದಿರುವ ಯಶ್ ಅವರ ಮೊದಲ ಸಂಭಾವನೆ ನೂರುಗಳಲ್ಲಿತ್ತು. ಸದ್ಯದ ವರದಿಗಳ ಪ್ರಕಾರ, ಕೆಜಿಎಫ್ ಸರಣಿಗಳ ಬಳಿಕ ಯಶ್ ಸಿನಿಮಾವೊಂದಕ್ಕೆ 25 ರಿಂದ 30 ಕೋಟಿ ರೂ. ಸಂಭಾವನೆ ಪಡೆಯುತ್ತಾರೆ. ಇದಲ್ಲದೇ ಸಿನಿಮಾ ನಿರ್ಮಾಣಕ್ಕೂ ಅವರು ಕೈಹಾಕಿದ್ದು, ನೂರಾರು ಕೋಟಿ ಹೂಡಿಕೆ ಮಾಡಿದ್ದಾರೆ ಎನ್ನಲಾಗಿದೆ.

ಯಶ್ ಬೆಂಗಳೂರಿನಲ್ಲಿ ಆರು ಕೋಟಿ ರೂ. ಮೌಲ್ಯದ ಮನೆ ಹೊಂದಿದ್ದಾರೆ. ಜೊತೆಗೆ ಹುಟ್ಟೂರು ಹಾಸನದಲ್ಲಿ ಫಾರ್ಮ್‌ಹೌಸ್ ಸೇರಿದಂತೆ ಆಸ್ತಿ ಹೊಂದಿದ್ದಾರೆ. ಬೆಂಗಳೂರಿನ ಹೊಸಕೆರೆಯಲ್ಲಿ ವಿಶಾಲ ಮನೆ ಹೊಂದಿದ್ದಾರೆ. ಇದಲ್ಲದೇ ಗೋವಾದಲ್ಲೊಂದು ಮನೆ ಹಾಗೂ ಬೆಂಗಳೂರಿನ ತಾಜ್‌ ವೆಸ್ಟೆಂಡ್‌ನಲ್ಲಿ ಪ್ರತ್ಯೇಕ್ ರೂಮ್ ಇದೆ. 

ರಾಕಿಂಗ್ ಸ್ಟಾರ್ ಯಶ್ ಅವರ ಬಳಿ ರೇಂಜ್ ರೋವರ್ ಇವೊಕ್, ಮರ್ಸಿಡೀಸ್ ಬೆಂಜ್ ಜಿಎಲ್‌ಎಸ್, ಬಿಎಂಡಬ್ಯೂ 520ಡಿ, ಮರ್ಸಿಡೀಸ್ ಜಿಎಲ್‌ಸಿ 250ಡಿ ಕ್ಯೂಪ್, ಆಡಿ ಕ್ಯೂ 7, ಪಜೆರೋ ಸ್ಪೋಟ್ರ್ಸ್ ಕಾರುಗಳನ್ನು ಹೊಂದಿದ್ದಾರೆ.

ಕೆಜಿಎಫ್ ಸೀರೀಸ್ ಬಳಿಕ ಯಶ್ ಅವರ ರೇಂಜ್ ಬದಲಾಗಿದೆ. ಅವರು ಅನೇಕ ಕಂಪನಿಗಳ ಉತ್ಪನ್ನಗಳಿಗೆ ಬ್ಬ್ಯಾಂಡ್ ಅಂಬಾಸಿಡರ್ ಆಗಿದ್ದಾರೆ. ಅವುಗಳೆಂದರೆ ಪ್ರೀಡಂ ಆಯಿಲ್, ಪೆಪ್ಸಿ, ಮ್ಯಾಕ್ರೋವನ್, ಬಿಯರ್ಡೋ, ಸೆಲ್ಕಾನ್, ರಾಮ್ ರಾಜ್ ಕಾಟನ್ ಪಂಚೆ ಮೊದಲಾದವುಗಳಿಗೆ ಬ್ಬ್ಯಾಂಡ್ ಅಂಬಾಸಿಡರ್ ಆಗಿದ್ದಾರೆ. ಇವುಗಳಿಂದಲೂ ಕೋಟಿ-ಕೋಟಿ ಸಂಭಾವನೆ ಪಡೆಯುತ್ತಾರೆ. 

ರಾಕಿಂಗ್ ಸ್ಟಾರ್ ವಿಲ್ಲಾನ್ ಎಂಬ ಕಂಪನಿ ಸ್ಥಾಪಿಸಿದ್ದಾರೆ ಎನ್ನಲಾಗಿದೆ. ಇದರೊಂದಿಗೆ ಬಿಯಡೋ ಕಂಪನಿಯಲ್ಲಿ ಹೂಡಿಕೆ ಮಾಡಿದ್ದಾರೆಂದು ಸ್ಟಾಕ್ ಗೋ ಎಕ್ಸ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಒಟ್ಟಾರೆಯಾಗಿ ಯಶ್ ಅವರ ಬಳಿ 500 ಕೋಟಿ ರೂಪಾಯಿಗೂ ಅಧಿಕ ಮೌಲ್ಯದ ಆಸ್ತಿಯಿದೆ ಎಂದು ಅಂದಾಜಿಸಲಾಗಿದೆ.