ಗೆಳೆಯ ಟು ವೇದಾ: ಎ ಹರ್ಷ ನಿರ್ದೇಶನದ ಸೂಪರ್ ಹಿಟ್ ಸಿನಿಮಾಗಳ ಪಟ್ಟಿ ಇಲ್ಲಿದೆ

ಎ ಹರ್ಷ ನಿರ್ದೇಶನದ ಮೊದಲ ಸಿನಿಮಾ. ಈ ಚಿತ್ರದಲ್ಲಿ ಪ್ರಜ್ವಲ್ ದೇವರಾಜ್ ಜೊತೆ ತರುಣ್ ಚಂದ್ರ ಕೂಡ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ದುನಿಯಾ ವಿಜಿ ಮತ್ತು ಪೂಜಾ ಗಾಂಧಿ ಅತಿಥಿ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಇಬ್ಬರು ಕಾಲೇಜು ಸ್ನೇಹಿತರು ಉದ್ಯೋಗವನ್ನರಸಿ ಬೆಂಗಳೂರಿಗೆ ಬರುತ್ತಾರೆ. ನಂತರ ಬೆಂಗಳೂರಿನ ಎರಡು ಪರಸ್ಪರ ವಿರುದ್ಧ ಮಾಫಿಯಾ ಗ್ಯಾಂಗ್‌ಗಳಲ್ಲಿ ಸೇರುತ್ತಾರೆ. ನಂತರ ಈ ಇಬ್ಬರು ಪರಸ್ಫರ ಹೇಗೆ ಕಾದಾಟಕ್ಕೆ ನಿಲ್ಲುತ್ತಾರೆ ಮತ್ತು ಅದರ ಅಂತ್ಯವೇನು ಎಂಬದನ್ನು ಚಿತ್ರ ನಿರೂಪಿತ್ತು. 2007ರಲ್ಲಿ ಮೂಡಿಬಂದ ಈ ಸಿನಿಮಾ ಸೂಪರ್ ಹಿಟ್ ಆಗಿತ್ತು. 

ಬಿರುಗಾಳಿ ಚಿತ್ರದಲ್ಲಿ ನಟ ಚೇತನ್ ಕುಮಾರ್ ನಾಯಕನಾಗಿ ಹಾಗೂ ಸಿತಾರಾ ವೈದ್ಯ, ಚರಿಷ್ಮಾ ಭಾರದ್ವಾಜ್ ನಾಯಕಿರಾಗಿ ನಟಿಸಿದ್ದರು. ಇದು ಎ ಹರ್ಷ ನಿರ್ದೇಶನದ ಎರಡನೇ ಸಿನಿಮಾವಾಗಿದ್ದು, ತ್ರಿಕೋನ ಪ್ರೇಮಕಥೆ ಹೊಂದಿತ್ತು. ಬಿರುಗಾಳಿ ಚಿತ್ರದಲ್ಲಿ ಹಚ್ಚಿ (ಚೇತನ್) ಅನಾಥನಾಗಿದ್ದು, ಸ್ಲಂನಲ್ಲಿ ವಾಸಿಸುತ್ತಿರುತ್ತಾನೆ. ಜೊತೆಗೆ ಆತ ರೌಡಿಗಳ ಜೊತೆಗೆ ಕೆಲಸ ಮಾಡುತ್ತಾ ಅವರ ಆಜ್ಞೆಗಳನ್ನು ಪಾಲಿಸುತ್ತಿರುತ್ತಾನೆ. ಈ ನಡುವೆ ಹಚ್ಚಿಗೆ ಒಂದು ಹುಡುಗಿಯ ಮೇಲೆ ಪ್ರೀತಿಯಾಗುತ್ತದೆ. ಆದರೆ, ಆತನ ಬಾಸ್ ಮಗಳು ಕೂಡ ಹಚ್ಚಿಯನ್ನು ಇಷ್ಟಪಡುತ್ತಿರುತ್ತಾಳೆ. ಹೀಗಾಗಿ ಅವನು ತನ್ನ ಜೀವನವನ್ನು ಬದಲಾಯಿಸಿಕೊಳ್ಳಲು ಪ್ರಯತ್ನಿಸುತ್ತಾನೆ. ಈ ಸಂದರ್ಭ ಅವನು ಹೇಗೆ ಹಲವಾರು ಸವಾಲುಗಳನ್ನು ಎದುರಿಸುತ್ತಾನೆ ಎಂಬುದು ಚಿತ್ರದ ಕಥೆಯಾಗಿತ್ತು. 

ಎ ಹರ್ಷ ನಿರ್ದೇಶನದಲ್ಲಿ ಮೂಡಿಬಂದ ಭಜರಂಗಿ ಚಿತ್ರದಲ್ಲಿ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಜೊತೆ ಐಂದ್ರಿತಾ ರೇ ನಾಯಕಿಯಾಗಿ ನಟಿಸಿದ್ದರು. ಈ ಚಿತ್ರ ಬಾಕ್ಸಾಫೀಸಿನಲ್ಲಿ ಒಟ್ಟು 54 ಕೋಟಿ ಹೆಚ್ಚು ಗಳಿಸುವುದರ ಜೊತೆಗೆ 2013ರಲ್ಲಿ ತೆರೆಕಂಡ ಬ್ಲಾಕ್ ಬ್ಲಸ್ಟರ್ ಚಿತ್ರವಾಗಿ ಗುರುತಿಸಿಕೊಂಡಿತು. 2021ರಲ್ಲಿ ಭಜರಂಗಿ ಸಿನಿಮಾದ ಸೀಕ್ವೆಲ್ ಕೂಡ ಬಿಡುಗಡೆಯಾಗಿ ಪ್ರೇಕ್ಷಕರಿಂದ ಮೆಚ್ಚುಗೆ ಪಡೆಯಿತು.  

ಎ ಹರ್ಷ ಹಾಗೂ ಶಿವರಾಜ್‌ಕುಮಾರ್ ಕಾಂಬಿನೇಷನ್‌ನಲ್ಲಿ ಮೂಡಿಬಂದ ಸಿನಿಮಾ ವಜ್ರಕಾಯ. ಚಿತ್ರದಲ್ಲಿ ಮೂವರು ನಾಯಕಿಯರಿದ್ದರೂ ಅಮ್ಮ-ಮಗ, ಸೆಂಟಿಮೆಂಟ್‌ಗೆ ಒತ್ತು ನೀಡುವ ಮೂಲಕ ಎ ಹರ್ಷ ಪ್ರೇಕ್ಷಕರ ಗಮನ ಸೆಳೆದಿದ್ದರು. ಈ ಸಿನಿಮಾ ಕ್ಲಾಸ್‌ಗೂ ಸೈ ಮಾಸ್‌ಗೂ ಜೈ ಅನ್ನುವಂತಿತ್ತು. ಒಟ್ಟಿನಲ್ಲಿ ವಜ್ರಕಾಯ ಸಿನಿರಸಿಕರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿತ್ತು.

ಅಂಜನಿಪುತ್ರ ಸಿನಿಮಾದಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಹಾಗೂ ರಶ್ಮಿಕಾ ಮಂದಣ್ಣ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಇದೊಂದು ತುಂಬು ಕುಟುಂಬದ ಕಥೆ. ನಾವು ಯಾರ ತಂಟೆಗೂ ಹೋಗುವುದಿಲ್ಲ ನಮ್ಮ ಕುಟುಂಬದ ತಂಟೆಗೆ ಬಂದರೆ ಸುಮ್ಮನೇ ಇರುವುದಿಲ್ಲ ಎಂಬ ಮಾತು ಈ ಚಿತ್ರಕ್ಕೆ ಚೆನ್ನಾಗಿ ಹೊಂದಿಕೊಳ್ಳುತ್ತೆ. ಸಮಾಜದ ಮುಂದೆ ಮುಖವಾಡ ಹಾಕಿಕೊಂಡು ಮೋಸ ಮಾಡುತ್ತಿದ್ದ ಖಳನಾಯಕನನ್ನ ಹೇಗೆ ನಾಶ ಮಾಡುತ್ತಾನೆ ಎನ್ನುವ ಸಿಂಪಲ್ ಕಥೆಯೇ 'ಅಂಜನಿಪುತ್ರ'.

ಸೀತಾರಾಮ ಕಲ್ಯಾಣ ಸಿನಿಮಾದಲ್ಲಿ ನಿಖಿಲ್ ಕುಮಾರಸ್ವಾಮಿ ಹಾಗೂ ಡಿಂಪಲ್ ಕ್ವೀಲ್ ರಚಿತಾ ರಾಮ್ ಪ್ರಮುಖ ಪಾತ್ರದಲ್ಲಿ ನಟಿಸಿದದರು. ಇಂದುಒಂದು ಫ್ಯಾಮಿಲಿ ಸಿನಿಮಾವಾಗಿದ್ದು, ಅಮ್ಮ ಮಗಳ ಸೆಂಟಿಮೆಂಟ್, ತಂದೆ ಮಗನ ಬಾಂಧವ್ಯ, ನಾಯಕ ನಾಯಕಿಯ ಲವ್ ಸ್ಟೋರಿ, ಗೆಳೆಯರ ಜೊತೆಗಿನ ಕೀಟಲೆ, ಆಗಾಗ ಆಕ್ಷನ್, ಬೇಕಾದಷ್ಟು ಡೈಲಾಗ್ಸ್ ಎಲ್ಲದರಿಂದ ಕೂಡಿತ್ತು. ಸಿಟಿ ಹುಡುಗ ಆರ್ಯ (ನಿಖಿಲ್) ತನ್ನ ಸ್ನೇಹಿತನ ಮದುವೆಗೆಂದು ಹಳ್ಳಿಗೆ ಬರುತ್ತಾನೆ. ಅಲ್ಲಿ ನಾಯಕಿ ಗೀತಾ (ರಚಿತಾ ರಾಮ್) ಮೇಲೆ ಪ್ರೇಮ ಉದಯಿಸುತ್ತದೆ. ಆದರೆ ಗೀತಾ ಮಾತ್ರ ತಾನು ತಂದೆ ತೋರಿಸಿದ ಹುಡಗನನ್ನೇ ಮದುವೆಯಾಗುದಾಗಿ ಹೇಳಿ ಸ್ನೇಹಿತರಾಗಿ ಇರೋಣ ಎನ್ನುತ್ತಾಳೆ. ಹೀಗೆ ನಡೆಯುವಾಗ ನಾಯಕ ಮತ್ತು ನಾಯಕಿಯ ಕುಟುಂಬಗಳ ಮಧ್ಯೆ ಹಳೆಯ ವೈರತ್ವ ಇರುವ ವಿಷಯ ಬೆಳಕಿಗೆ ಬರುತ್ತೆ. ಇವೆಲ್ಲದರ ಮಧ್ಯೆ ನಾಯಕ ಹೇಗೆ ತನ್ನ ಪ್ರೀತಿ ಮತ್ತು ಕುಟುಂಬವನ್ನು ನಿಭಾಯಿಸುತ್ತಾನೆ ಎನ್ನುವುದು ಚಿತ್ರದ ಮೂಲ ಕಥೆ.

ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅಭಿನಯದ 125ನೇ ಸಿನಿಮಾ ವೇದಾ. ಚಿತ್ರದಲ್ಲಿ ಶಿವಣ್ಣನಿಗೆ ಗಾನವಿ ಲಕ್ಷ್ಮಣ್ ನಾಯಕಿಯಾಗಿ ಅಭಿನಯಿಸಿದ್ದು, ಅದಿತಿ ಸಾಗರ್ ಮಗಳ ಪಾತ್ರದಲ್ಲಿ ಅದ್ಭುತವಾಗಿ ನಟಿಸಿದ್ದರು. ಮಗಳ ಮೇಲೆ ನಡೆದ ದೌರ್ಜನ್ಯಕ್ಕೆ ಅಪ್ಪ ಸೇಡು ತೀರಿಸಿಕೊಳ್ಳುವ ಕತೆ 'ವೇದ' (ಶಿವಣ್ಣ)ನದ್ದು. ಆದರೆ, ಈ ಸೇಡು ತೀರಿಸಿಕೊಳ್ಳುವ ಪ್ರಕ್ರಿಯೆಯಲ್ಲಿ ಮಗಳನ್ನು (ಅದಿತಿ) ತೊಡಗಿಸಿಕೊಳ್ಳುತ್ತಾನೆ ವೇದ. 'ಅನುಮತಿ ಇಲ್ಲದೆ ಮೈಮುಟ್ಟಿದವನ ಮೈ-ಕೈ ಮುರಿಯಲು ಮಹಿಳೆಯರಿಗೆ ಯಾರ ಅನುಮತಿಯೂ ಬೇಕಿಲ್ಲ' ಎಂಬುದು ವೇದನ ನಂಬಿಕೆ, ಅದೇ ನಂಬಿಕೆಯನ್ನು ಮಗಳಲ್ಲಿಯೂ ಬಿತ್ತಿರುತ್ತಾನೆ. ಈ ಸಿನಿಮಾ ಕಥೆ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿತ್ತು.