ರೀಲ್ ಮಾತ್ರವಲ್ಲ, ರಿಯಲ್‌ ಲೈಫ್‌ನಲ್ಲೂ ಈ ಕಿರುತೆರೆ ಕಲಾವಿದರು ಬೆಸ್ಟ್ ಫ್ರೆಂಡ್ಸ್!

ಜೀ ಕನ್ನಡದಲ್ಲಿ ಈ ಹಿಂದೆ ಪ್ರಸಾರವಾದ ಗಟ್ಟಿಮೇಳ ಧಾರಾವಾಹಿಯಲ್ಲಿ ಅಮೂಲ್ಯ ಪಾತ್ರ ಮಾಡಿದ್ದ ನಿಶಾ ರವಿಕೃಷ್ಣನ್ ಹಾಗೂ ಆದ್ಯಾ ಪಾತ್ರ ಮಾಡಿದ್ದ ಅನ್ವಿತಾ ಸಾಗರ್ ಸೀರಿಯಲ್‌ನಲ್ಲಿ ನಟಿಸುತ್ತಿರುವಾಗಲೇ ಉತ್ತಮ ಗೆಳತಿಯರಾಗಿದ್ದರು. ಧಾರಾವಾಹಿ ಮುಗಿದ ಮೇಲೂ ಬೆಸ್ಟ್ ಫ್ರೆಂಡ್ಸ್ ಆಗಿರುವ ಇವರು, ಆಗಾಗ ಒಟ್ಟಿಗೆ ಸುತ್ತಾಡುತ್ತಿರುತ್ತಾರೆ.

ಪಾರು ಸೀರಿಯಲ್‌ನಲ್ಲಿ ಪಾರು ಹಾಗೂ ಅನುಷ್ಕಾ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಮೋಕ್ಷಿತಾ ಪೈ ಹಾಗೂ ಮಾನಸಿ ಜೋಶಿ, ತೆರೆಮೇಲೆ ಬದ್ಧ ವೈರಿಗಳಾಗಿದ್ದರೂ ನಿಜ ಜೀವನದಲ್ಲಿ ಬೆಸ್ಟ್ ಫ್ರೆಂಡ್ಸ್. ಇವರು ಕೂಡ ಆಗಾಗ ಜೊತೆಯಾಗಿ ಟ್ರಿಪ್ ಹೋಗುವುದು, ರೀಲ್ಸ್ ಮಾಡುತ್ತಿರುತ್ತಾರೆ.
 

ಕಲರ್ಸ್ ವಾಹಿನಿಯಲ್ಲಿ ಪ್ರಸಾರವಾದ ಗೀತಾ ಸೀರಿಯಲ್‌ನಲ್ಲಿ ಲೀಡ್ ರೋಲ್‌ನಲ್ಲಿ ನಟಿಸಿದ್ದ ಧನುಷ್ ಗೌಡ ಹಾಗೂ ಭವ್ಯಾ  ಗೌಡ ಕೂಡ ಬೆಸ್ಟ್ ಫ್ರೆಂಡ್ಸ್. ಇವರಿಬ್ಬರು ಕೂಡ ಒಟ್ಟಿಗೆ ಟ್ರಿಪ್ ಹೋಗುವುದು ಹಾಗೂ ಪಾರ್ಟಿ ಮಾಡುತ್ತಿರುತ್ತಾರೆ. ಸದ್ಯ ಧನುಷ್ ನೂರು ಜನ್ಮಕೂ ಎಂಬ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾರೆ.

ಜೀ ಕನ್ನಡದಲ್ಲಿ ಪ್ರಸಾರವಾದ ಸೂಪರ್ ಹಿಟ್ 'ಜೊತೆ ಜೊತೆಯಲಿ' ಧಾರಾವಾಹಿಯಲ್ಲಿ ಬೆಸ್ಟ್ ಫ್ರೆಂಡ್ಸ್ ಆಗಿ ಅಭಿನಯಿಸಿದ್ದ ಮೇಘಾ ಶೆಟ್ಟಿ ಹಾಗೂ ಪ್ರಿಯದರ್ಶಿನಿ ನಿಜ ಜೀವನದಲ್ಲೂ ಉತ್ತಮ ಗೆಳತಿಯರಾಗಿದ್ದಾರೆ. ಸೀರಿಯಲ್ ಮುಗಿದ ಬಳಿಕವೂ ಇವರಿಬ್ಬರ ಸಂಬಂಧ ಹಾಗೆಯೇ ಮುಂದುವರೆದಿದೆ.

ಪಾರು ಸೀರಿಯಲ್ ಖ್ಯಾತಿಯ ಸಿದ್ದು ಮೂಲಿಮನಿ ಹಾಗೂ ಗಟ್ಟಿಮೇಳದ ವಿಕ್ರಾಂತ್ ಪಾತ್ರ ನಿರ್ವಹಿಸಿದ್ದ ಅಭಿದಾಸ್ ಕೂಡ ಉತ್ತಮ ಗೆಳೆಯರಾಗಿದ್ದಾರೆ. ಆಗಾಗ ಒಟ್ಟಿಗೆ ಟ್ರಿಪ್ ಹೋಗುವ ಈ ನಟರು, ಸೋಶಿಯಲ್ ಮೀಡಿಯಾದಲ್ಲಿ ಫೋಟೋಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ.

ಅಕ್ಕ ಸೀರಿಯಲ್ ಖ್ಯಾತಿಯ ಅನುಪಮಾ ಗೌಡ, ಲಕ್ಷ್ಮೀ ಬಾರಮ್ಮದ ಗೊಂಬೆ ಅಲಿಯಾಸ್ ನೇಹಾ ರಾಮಕೃಷ್ಣ ಹಾಗೂ ಅಗ್ನಿಸಾಕ್ಷಿ ಮಾಯಾ ಪಾತ್ರದಿಂದ ಜನಪ್ರಿಯತೆ ಪಡೆದ ಇಶಿತಾ ಗೌಡ ಕೂಡ ಕ್ಲೋಸ್‌ ಫ್ರೆಂಡ್ಸ್. ಈ ಮೂವರು ಆಗಾಗ ದೇಶ, ವಿದೇಶ ಸುತ್ತುತ್ತಿರುತ್ತಾರೆ. ಜೊತೆಗೆ ಎಲ್ಲಾ ಕಾರ್ಯಕ್ರಮಗಳಲ್ಲೂ ಒಟ್ಟಿಗೆ ಕಾಣಿಸಿಕೊಳ್ಳುತ್ತಾರೆ.