ಸೌತ್ ಸಿನಿಮಾರಂಗದಲ್ಲಿ ಅತಿಹೆಚ್ಚು ಎತ್ತರವಿರುವ ನಟ ಯಾರು ಗೊತ್ತಾ? ಇಲ್ಲಿದೆ ನೋಡಿ ಲಿಸ್ಟ್

ಕನ್ನಡ ಚಿತ್ರರಂಗದಲ್ಲಿ ಅತಿಹೆಚ್ಚು ಎತ್ತರವಿರುವ ನಟ ಹಲವರಿಗೆ ತಿಳಿದಿದೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸ್ಯಾಂಡಲ್‌ವುಡ್‌ನ ಎತ್ತರದ ನಟ. ದರ್ಶನ್ 6.3 ಅಡಿ ಎತ್ತರವಿದ್ದು, ಅವರನ್ನು ಕನ್ನಡ ಕುತುಬ್ ಮಿನಾರ್ ಎಂದೇ ಕರೆಯಲಾಗುತ್ತೆ.  

ಭಾರತ ಸಿನಿಮಾರಂಗದಲ್ಲಿ ಹಲವು ಸ್ಟಾರ್ ನಟರಿದ್ದಾರೆ. ಅದರಲ್ಲಿ ಕೆಲವರಷ್ಟೆ ಎಂಥಹಾ ಪಾತ್ರಗಳಲ್ಲಿಯೂ ಉತ್ತಮವಾಗಿ ನಟಿಸಬಲ್ಲರು. ಅಂಥಹವರಲ್ಲಿ ಒಬ್ಬರು ಕನ್ನಡಿಗ ನಟ ಸುದೀಪ್. ಅವರನ್ನು ಅಭಿನಯ ಚಕ್ರರ್ತಿ ಅಂತಲೇ ಕರೆಯಲಾಗುತ್ತೆ. ಕಿಚ್ಚ ಸುದೀಪ್ ೬.೧ ಅಡಿ ಎತ್ತರವಿದ್ದಾರೆ. ಸ್ಯಾಂಡಲ್‌ವುಡ್‌ನಲ್ಲಿ ದರ್ಶನ್ ಬಳಿಕ ಹೆಚ್ಚು ಹೈಟ್ ಇರುವ ನಟ ಸುದೀಪ್. 

ಬಾಹುಬಲಿ ಸಿನಿಮಾ ಮೂಲಕ ವಿಶ್ವಾದ್ಯಂತ ಖ್ಯಾತಿ ಪಡೆದಿರುವ ನಟ ಪ್ರಭಾಸ್. ತೆಲುಗು ಚಿತ್ರರಂಗದ ನಟರಲ್ಲಿ ಪ್ರಭಾಸ್ ಎತ್ತರದ ನಟರ ಪೈಕಿ ಮೊದಲನೇ ಸ್ಥಾನದಲ್ಲಿ ನಿಲ್ಲುತ್ತಾರೆ. ಅಂದಹಾಗೆ ಪ್ರಭಾಸ್ 6.2 ಅಡಿ ಎತ್ರರವಿದ್ದಾರೆ. 

ಟಾಲಿವುಡ್‌ನಲ್ಲಿ ಪ್ರಿನ್ಸ್ ಮಹೇಶ್ ಬಾಬು ಅವರ ಹೈಟ್ ಹಾಗೂ ಪರ್ಸಾನಾಲಿಟಿ ಇಷ್ಟಪಡುವ ಅನೇಕ ಅಭಿಮಾನಿಗಳಿದ್ದಾರೆ. ನಟ ಮಹೇಶ್ ಬಾಬು ಅವರು 6.1 ಅಡಿ ಎತ್ತರವಿದ್ದಾರೆ. 

ಬಾಹುಬಲಿ ಸಿನಿಮಾದಲ್ಲಿ ನಟ ಪ್ರಭಾಸ್ ಅವರಂತೆ ಹೆಚ್ಚು ಗಮನ ಸೆಳೆದ ನಟ ಎಂದರೆ ರಾಣಾ ದಗ್ಗುಬಾಟಿ. ಕಟ್ಟುಮಸ್ತಾದ ದೇಹ ಹೊಂದಿರುವ ಈ ನಟ 6.2 ಅಡಿ ಹೈಟ್ ಹೊಂದಿದ್ದಾರೆ. 

ಫಿದಾ ಸಿನಿಮಾ ಮೂಲಕ ಟಾಲಿವುಡ್‌ ಬಾಕ್ಸಾಫೀಸ್‌ನಲ್ಲಿ ಹೊಸ ಸಂಚಲನ ಸೃಷ್ಟಿಸಿದ ನಟ ವರುಣ್ ತೇಜ. ತೆಲುಗಿನ ಅತಿ ಎತ್ತರದ ನಟ ಎಂಬ ಖ್ಯಾತಿಯನ್ನೂ ಗಳಿಸಿದ್ದಾರೆ. ಇವರ ಎತ್ತರ 6.4 ಅಡಿ.

ತಮಿಳಿನ ಸೂಪರ್ ಸ್ಟಾರ್ ನಟರ ಎತ್ತರ ಬಹುತೇಕ 6 ಅಡಿಗಿಂತ ಕಡಿಮೆ ಇದೆ. ಆದರೆ, ಯವ ನಟ ಜೀವನ್ ತಮಿಳಿನಲ್ಲಿ ಅತಿ ಹೆಚ್ಚು ಎತ್ತರ ಇದ್ದಾರೆ. ಇವರ ಹೈಟ್ 6.2 ಅಡಿ.

ಕಾಲಿವುಡ್ ಚಿತ್ರರಂಗದಲ್ಲಿ ನಟ ಜೀವನ್ ಹೊರತು ಪಡಿಸಿದರೆ ಬಾಹುಬಲಿ ಚಿತ್ರದಲ್ಲಿ ಕಟ್ಟಪ್ಪನ ಪಾತ್ರ ನಿರ್ವಹಿಸಿದ್ದ ಸತ್ಯರಾಜ್ ಕೂಡ 6.2 ಅಡಿ ಎತ್ತರ ಇದ್ದಾರೆ. ಇವರಿಬ್ಬರು ತಮಿಳು ಚಿತ್ರರಂಗದಲ್ಲಿ ಹೆಚ್ಚು ಹೈಟ್ ಇರುವ ನಟರು.  

ಮಲಯಾಳಂ ಚಿತ್ರರಂಗದ ಹ್ಯಾಂಡ್ ಸಮ್ ನಟ ದುಲ್ಕರ್ ಸಲ್ಮಾನ್ ಅವರು 6 ಅಡಿ ಎತ್ತರ ಇದ್ದಾರೆ. ಅವರನ್ನು ಹೊರತುಪಡಿಸಿದರೆ ಮೊಮ್ಮಟಿ, ಮೋಹನ್ ಲಾಲ್ ಅವರು ಹೈಟ್ 5.9 ಅಡಿ ಇದ್ದಾರೆ.