ಈ ವಾರ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮಕ್ಕೆ ಬರುವ ಅತಿಥಿಗಳು ಇವರೇ

ಅನೇಕ ಕನ್ನಡ ಚಿತ್ರಗಳಲ್ಲಿ ಪೋಷಕ ನಟನಾಗಿ, ಖಳನಾಯಕನಾಗಿ ಅಭಿನಯಿಸಿರುವ ಅವಿನಾಶ್ ಅವರು ಈ ವಾರ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮಕ್ಕೆ ಆಗಮಿಸಲಿದ್ದಾರೆ.  ನೂರಕ್ಕೂ ಹೆಚ್ಚು ಸಿನೆಮಾಗಳಲ್ಲಿ ಅಭಿನಯಿಸಿ ಸೈ ಅನಿಸಿಕೊಂಡಿರುವ ಅವಿನಾಶ್, ಕನ್ನಡ, ತೆಲುಗು, ತಮಿಳು, ಚಿತ್ರ ರಂಗದಲ್ಲಿ ತಮ್ಮ ಅದ್ಭುತ ನಟನೆ ಮೂಲಕ ಗುರುತಿಸಿಕೊಂಡಿದ್ದಾರೆ. ಇವರ ಜೀವನದ ಬಗ್ಗೆ ತಿಳಿಉಕೊಳ್ಳಲು ಪ್ರೇಕ್ಷಕರು ಕಾತರದಿಂದ ಕಾಯುತ್ತಿದ್ದಾರೆ. 

ಈ ವಾರ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮಕ್ಕೆ ಬರುವ ಮತ್ತೋರ್ವ ಅತಿಥಿ ಮಂಡ್ಯ ರಮೇಶ್.  ನಟ, ನಿರ್ದೇಶಕ ಮತ್ತು ರಂಗಕರ್ಮಿಯಾಗಿರುವ ಇವರು 1995ರಲ್ಲಿ ಜನುಮದ ಜೋಡಿ ಚಿತ್ರದಿಂದ ಚಂದನವನದಲ್ಲಿ ಪಯಣ ಆರಂಭಿಸಿದರು. ನಂತರ ಸುಮಾರು ನೂರೈವತ್ತಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಇವರು ರಂಗಾಯಣದ ಅಧ್ಯಕ್ಷರಾಗಿ ಕೂಡ ಕಾರ್ಯನಿರ್ವಹಿಸಿದ್ದಾರೆ. ಮೈಸೂರಿನಲ್ಲಿ ತಮ್ಮದೇ `ನಟನಾ' ಎಂಬ ಕೇಂದ್ರ ಆರಂಭಿಸಿ ಕರ್ನಾಟಕದಾದ್ಯಂತ ನಟನೆಯ ಮೇಲೆ ಹಲವು ವರ್ಕಶಾಪ್ ಮಾಡಿದ್ದಾರೆ. ಹಲವು ಕಿರುತೆರೆ ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ನಾಗಮಂಡಲ ಚಿತ್ರದ ನಟನೆಗಾಗಿ ಕರ್ನಾಟಕ ರಾಜ್ಯ ಸರ್ಕಾರದ ಅತ್ತ್ಯುತ್ತಮ ನಟ ಪ್ರಶಸ್ತಿ ಪಡೆದಿದ್ದಾರೆ

ಇವರಿಬ್ಬರು ಸಾಧಕರ ಕುರ್ಚಿಯಲ್ಲಿ ಕುಳಿತಿರುವ ಬ್ಲರ್ ಫೋಟೋ ಹಂಚಿಕೊಂಡಿಎರುವ ಜೀ ಕನ್ನಡ ವಾಹಿನಿ,ಇ ವೀಕೆಂಡ್ ಕುರ್ಚಿಯಲ್ಲಿ ಕುಳಿತಿರುವ ಇಬ್ಬರು ಅತಿಥಿಗಳು ಯಾರು? ಎಂದು ಹೇಳಿದೆ.  ಫೋಟೋದಲ್ಲಿ ಅವಿನಾಶ್ ಮತ್ತು ಮಂಡ್ಯ ರಮೇಶ್ ಅವರು ಸ್ಪಷ್ಪವಾಗಿ ಕಾಣುತ್ತಿದ್ದಾರೆ. 

ಹಿಂದಿನವಾರ ಡಾಲಿ ಧನಂಜಯ್ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದ ಅತಿಥಿಯಾಗಿ ಆಗಮಿಸಿದ್ದರು. ಕಾರ್ಯಕ್ರಮದಲ್ಲಿ ತಮ್ಮ ಜೀವನದ ಬಗ್ಗೆ ಪ್ರೇಕ್ಷಕರಿಗೆ ಗೊತ್ತಿರದ ಅನೇಕ ವಿಚಾರಗಳನ್ನು ಹಂಚಿಕೊಂಡಿದ್ದರು. ಡಾಲಿ ಧನಂಜಯ್  ಅವರ ಎಪಿಸೋಡ್ ಪ್ರೇಕ್ಷಕರಿಗೆ ಇಷ್ಟವಾಗಿತ್ತು.