ಸಿನಿಮಾಟೋಗ್ರಫಿ, ಸ್ಟಂಟ್, ಮ್ಯೂಸಿಕ್‌ನಲ್ಲಿ ಟಾಪ್‌ನಲ್ಲಿದ್ದ ಇವರೀಗ ಸ್ಯಾಂಡಲ್‌ವುಡ್ ಡೈರೆಕ್ಟರ್ಸ್!

ಸ್ಟೇಜ್ ಡ್ಯಾನ್ಸರ್ ಆಗಿದ್ದ ಎ.ಹರ್ಷ 2004ರಲ್ಲಿ ತೆರೆಕಂಡ ಕಿಚ್ಚ ಸುದೀಪ್ ಅಭಿನಯದ ರಂಗ ಎಸ್ಸೆಸ್ಸೆಲ್ಸಿ ಸಿನಿಮಾಗೆ ಕೊರಿಯೋಗ್ರಫಿ ಮಾಡುವ ಮೂಲಕ ಸ್ಯಾಂಡಲ್‌ವುಡ್‌ಗೆ ಎಂಟ್ರಿಕೊಟ್ಟರು. ಇದಾದ ಬಳಿಕ ಮುಂಗಾರು ಮಳೆ, ವಿಷ್ಣುವರ್ಧನ, ಭರ್ಜರಿ ಸೇರಿದಂತೆ ಸುಮಾರು ಮುನ್ನೂರಕ್ಕೂ ಹೆಚ್ಚು ಚಿತ್ರಗಳಿಗೆ ಕೊರಿಯೋಗ್ರಫಿ ಮಾಡಿದ್ರು. ಗೆಳೆಯ ಸಿನಿಮಾ ಮೂಲಕ ನಿರ್ದೇಶಕರಾಗಿ ಪ್ರಮೋಟ್ ಆದ ಎ ಹರ್ಷ, ಮೊದಲ ಸಿನಿಮಾದಲ್ಲೇ ಸಕ್ಸಸ್ ಕಂಡರು. ನಂತರ  ಭಜರಂಗಿ, ಚಿಂಗಾರಿ, ವಜ್ರಕಾಯ, ಸೀತಾರಾಮ ಕಲ್ಯಾಣ, ಅಂಜನಿಪುತ್ರ, ಭಜರಂಗಿ ೨, ವೇದ ಸಿನಿಮಾಗಳಿಗೆ ಆಕ್ಷನ್ ಕಟ್ ಹೇಳಿದರು. 

2006ರಲ್ಲಿ ತೆರೆಕಂಡ ಬ್ಲ್ಯಾಕ್‌ಬಸ್ಟರ್ ಮುಂಗಾರು ಮಳೆ ಚಿತ್ರದಲ್ಲಿ ಮಾಡಿದಂತಹ  ಕ್ಯಾಮರಾ ವರ್ಕ್‌ನಿಂದ ಜನಪ್ರಿಯತೆ ಗಳಿಸಿದವರು ಕೃಷ್ಣ. ಈ ಸಿನಿಮಾದ ಸಕ್ಸಸ್‌ಗೆ ಇವರ ಸಿನಿಮಾಟೋಗ್ರಫಿ ಕೂಡ ಕಾರಣ ಅಂದರೆ ತಪ್ಪಾಗಲ್ಲ. 2014ರಲ್ಲಿ ಗಜಕೇಸರಿ ಎಂಬ ಸಿನಿಮಾ ಮೂಲಕ ನಿರ್ದೇಶನಕ್ಕಿಳಿದ ಕೃಷ್ಣ, ಚೊಚ್ಚಲ ನಿರ್ದೇಶನದಲ್ಲೇ ಬ್ಲ್ಯಾಕ್‌ಬಸ್ಟರ್ ಚಿತ್ರ ಕೊಟ್ಟರು. ಇದಾದ ಬಳಿಕ ಹೆಬ್ಬುಲಿ, ಫೈಲ್ವಾನ್ ಸಿನಿಮಾಗಳಿಗೆ ಆಕ್ಷನ್ ಕಟ್ ಹೇಳಿದ್ರು. ಸದ್ಯ ಅಭಿ‍ಷೇಕ್ ಅಂಬರೀಶ್ ಅವರ ಕಾಳಿ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳ್ತಿದ್ದಾರೆ.

ದರ್ಶನ್ ಅವರ ಪ್ರೊಡಕ್ಷನ್‌ನಲ್ಲಿ ಬಂದಂತಹ ಜೊತೆ ಜೊತೆಯಲಿ ಸಿನಿಮಾ ಮೂಲಕ ಸ್ವತಂತ್ರ ಮ್ಯೂಸಿಕ್ ಡೈರೆಕ್ಟರ್ ಆದ ವಿ ಹರಿಕೃಷ್ಣ, ಮೊದಲ ಸಿನಿಮಾದಲ್ಲೇ ಹಿಟ್ ಹಾಡುಗಳನ್ನು ನೀಡಿದರು. ದಾದ ಬಳಿಕ 'ಭೂಪತಿ' ಮೂಲಕ ಸಂಗೀತ ನಿರ್ದೇಶಕ ವಿ ಹರಿಕೃಷ್ಣ ಹಾಗೂ ದರ್ಶನ್ ಒಂದಾದರು. ಅಂದಿನಿಂದ ದರ್ಶನ್ ಯಾವುದೇ ಸಿನಿಮಾ ಒಪ್ಪಿಕೊಳ್ಳಲಿ, ಆ ಚಿತ್ರಕ್ಕೆ ವಿ.ಹರಿಕೃಷ್ಣ ಸಂಗೀತ ಇರಲೇಬೇಕು. ಚಾಲೆಂಜಿಸ್ಟಾರ್ ಸಹಾಯದಿಂದ ಡಿ ಬೀಟ್ಸ್ ಆರಂಭಿಸಿದ ಇವರು ಮ್ಯೂಸಿಕಲಿ ಟಾಪ್‌ನಲ್ಲಿರುವಾಗಲೇ ನಿರ್ದೇಶನಕ್ಕಿಳಿದರು. ಅದು ಕೂಡ ದರ್ಶನ್ ಸಿನಿಮಾಗೆ. 2019ರಲ್ಲಿ ಬಂದ ಇವರ ನಿರ್ದೇಶನದ ಯಜಮಾನ ಸಿನಿಮಾ ಸೂಪರ್ ಹಿಟ್ ಆಯಿತು. ಇದಾದ ಬಳಿಕ ಕ್ರಾಂತಿ ಸಿನಿಮಾ ನಿರ್ದೇಶಿಸಿದರು. 

ಸ್ಟಂಟ್ ನಿರ್ದೇಶಕರಾಗಿ ಭಾರತದ ಎಲ್ಲಾ ಪ್ರಮುಖ ಚಿತ್ರರಂಗದಲ್ಲಿಯೂ ಆಕ್ಷನ್ ಕಂಫೋಸ್ ಮಾಡಿರುವಂತಹ ರವಿವರ್ಮ ಅವರು ಸಂಗೊಳ್ಳಿ ರಾಯಣ್ಣ ಚಿತ್ರದ ಎಪಿಕ್ ಫೈಟ್ ಸೀಕ್ವೆನ್ಸ್‌ಗೆ ಕರ್ನಾಟಕ ರಾಜ್ಯ ಪ್ರಶಸ್ತಿ ಕೂಡ ಪಡೆದಿದ್ದಾರೆ. ಇಂಡಿಯಾದ ಟಾಪ್ ಆಕ್ಷನ್ ನಿರ್ದೇಶಕರಾಗಿರುವ ಇವರು, 2019ರಲ್ಲಿ ಶಿವಣ್ಣ ಅವರ ರುಸ್ತುಂ ಸಿನಿಮಾಗೆ ಆಕ್ಷನ್ ಕಟ್ ಹೇಳಿವ ಮೂಲಕ ನಿರ್ದೇಶಕರಾದರು. 

ರಕ್ಷಿತ್ ಶೆಟ್ಟಿ ಅಭಿನಯದ ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ ಸಿನಿಮಾದ ಬಾನಲಿ ಬದಲಾಗೋ ಹಾಡಿನಲ್ಲಿ ಬರುವಂತಹ ಇಮೇಜಿನೇಷನ್ ಸಿಕ್ಕಾಪಟ್ಟೆ ಚೆನ್ನಾಗಿತ್ತು. ಇದನ್ನು ಮಾಡಿದ್ದು ಸಚಿನ್ ಬಿ ರವಿ. ಉಳಿದವರು ಕಂಡಂತೆ ಮತ್ತು ಕಿರಿಕ್ ಪಾರ್ಟಿ ಚಿತ್ರಗಳಿಗೆ ಎಡಿಟರ್ ಹಾಗೂ ವಿಎಫ್ಎಕ್ಸ್ ಆರ್ಟಿಸ್ಟ್ ಆಗಿದ್ದಂತಹ ಇವರು 'ಅವನೇ ಶ್ರೀಮನ್ನನಾರಾಯಣ' ಚಿತ್ರದ ಮೂಲಕ ನಿರ್ದೇಶಕರಾದ್ರು. ಚೊಚ್ಚಲ ಸಿನಿಮಾದಲ್ಲೇ ಮೇಕಿಂಗ್‌ನಿಂದ ಗಮನ ಸೆಳೆದ ಇವರು, ಶಿವಣ್ಣನಿಗೆ ಅಶ್ವತ್ಥಾಮ ಎಂಬ ಸಿನಿಮಾ ಮಾಡ್ತಿದ್ದಾರೆ.

ಕೆಜಿಎಫ್ ಸಿನಿಮಾಗೆ ಸಂಗೀತ ನಿರ್ದೇಶಿಸುವ ಮೂಲಕ ಕನ್ನಡ ಚಿತ್ರರಂಗ ಮಾತ್ರವಲ್ಲದೇ, ಇಡೀ ಭಾರತೀಯ ಚಿತ್ರರಂಗದಲ್ಲಿ ಗುರುತಿಸಿಕೊಂಡವರು ರವಿ ಬಸ್ರೂರು. ಇವರ ಚೊಚ್ಚಲ ಸಿನಿಮಾ ಉಗ್ರಂ. ಇದಕ್ಕೂ ಮುನ್ನ ಸುಮಾರು ೬೨ ಸಿನಿಮಾಗಳಿಗೆ ಪ್ರೋಗ್ರಾಮರ್ ಆಗಿ ಕೆಲಸ ಮಾಡಿದ್ದರು. ಉಗ್ರಂಗೂ ಮೊದಲೇ ಕಟಕ ಎಂಬ ಹಾರರ್ ಚಿತ್ರ ನಿರ್ದೇಶನ ಮಾಡಿದ್ದರು. ಇದಾದ ಬಳಿಕ ಗಿರ್ಮಿಟ್ ಎಂಬ ಮಕ್ಕಳ ಸಿನಿಮಾ ಮಾಡಿದ್ರು. ಆದರೆ, ಅವರಿಗೆ ಅಂದಕೊಂಡಷ್ಟು ಸಕ್ಸಸ್ ಸಿಗಲಿಲ್ಲ. ಸದ್ಯ ಸಿನಿಮಾ ಇತಿಹಾಸದಲ್ಲಿಯೇ ಇದು ಮೊದಲ ಬಾರಿಗೆ ಯಕ್ಷಗಾನ ಕುರಿತ 'ವೀರ ಚಂದ್ರಹಾಸ ಎಂಬ ಯಕ್ಷಗಾನ ಕುರಿತ ಸಿನಿಮಾ ನಿರ್ದೇಶಿಸುತ್ತಿದ್ದಾರೆ.

ಕನ್ನಡ ಚಿತ್ರರಂಗದ ಜನಪ್ರಿಯ ಸಂಗೀತ ನಿರ್ದೇಶಕರಾಗಿ ಗುರುತಿಸಿಕೊಂಡಿರುವ ಅರ್ಜುನ್ಯ ಜನ್ಯ, ಸಾಕಷ್ಟು ಹಿಟ್ ಹಾಡುಗಳನ್ನು ನೀಡಿದ್ದಾರೆ. ಸದ್ಯ ಅರ್ಜುನ್ಯ ಸಿನಿಮಾ ನಿರ್ದೇಶನಕ್ಕೆ ಮುಂದಾಗಿದ್ದು, ರಿಯಲ್  ಸ್ಟಾರ್ ಉಪೇಂದ್ರ, ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಮತ್ತು ರಾಜ್‌ ಬಿ ಶೆಟ್ಟಿ ಪ್ರಮುಖ ಪಾತ್ರ ನಿರ್ವಹಿಸುತ್ತಿದ್ದಾರೆ. ಈ ಮೂಲಕ ಸಂಗೀತ ನಿರ್ದೇಶಕ ಅರ್ಜುನ ಜನ್ಯ ನಿರ್ದೇಶಕನಾಗಿ ಕನ್ನಡ ಚಿತ್ರರಂಗದಲ್ಲಿ ಹೊಸ ಅಧ್ಯಾಯ ಆರಂಭಿಸಿಲಿದ್ದಾರೆ.

ತಮ್ಮ ಅದ್ಭುತ ಹಾಸ್ಯ ನಟನೆಯಿಂದ  ಕನ್ನಡದಲ್ಲಿ ಕಾಮಿಡಿ ಕಿಂಗ್ ಎಂದೇ ಗುರುತಿಸಿಕೊಂಡಿರುವ ಸಾಧು ಕೋಕಿಲಾ ಬಹುಮುಖ ಪ್ರತಿಭೆ. ಸಂಗೀತ ನಿರ್ದೇಶಕನಾಗಿ ಸಿನಿಜರ್ನಿ ಆರಂಭಿಸಿದರೂ, ನಟನಾಗಿ ಇವರು ನಿರ್ವಹಿಸಿದ ಹಾಸ್ಯ ಪಾತ್ರಗಳು ಸಾಕಷ್ಟು ಖ್ಯಾತಿ ನೀಡಿದವು. ನಂತರ ಚಿತ್ರ ನಿರ್ದೇಶನಕ್ಕೆ ಇಳಿದು ರಕ್ತ ಕಣ್ಣೀರು, ಸುಂಟರಗಾಳಿ, ಅನಾಥರು, ಶೌರ್ಯ ಮುಂತಾದ ಚಿತ್ರಗಳಿಗೆ ಆ್ಯಕ್ಸನ್ ಕಟ್ ಹೇಳಿದ್ದಾರೆ.