ರಿತ್ವಿಕ್ ಮಠದ್ ಟು ನೀನಾದ್ ಹರಿತ್ಸ್: ಕನ್ನಡ ಕಿರುತೆರೆಯ ಸ್ಟಾರ್ ನಟರ ಸುಂದರ ಪತ್ನಿಯರಿವರು!

ವಿಜಯ್ ಸೂರ್ಯ ಅದೆಷ್ಟೋ ಸೀರಿಯಲ್‌ನಲ್ಲಿ ನಾಯಕನಾಗಿ ಅಭಿನಯಿಸಿದ್ದರೂ ಇಂದಿಗೂ ಅವರು 'ಅಗ್ನಿಸಾಕ್ಷಿ' ಧಾರವಾಹಿಯ ಸಿದ್ಧಾರ್ಥ್ ಆಗಿಯೇ ಹೆಚ್ಚು ಗುರುತಿಸಿಕೊಳ್ಳುತ್ತಿದ್ದಾರೆ. ಇವರು 2019ರಲ್ಲಿ ಚೈತ್ರಾ ಎಂಬುವವರನ್ನು ಕೈಹಿಡಿದಿದ್ದರು. ಚೈತ್ರಾ ಸಾಫ್ಟ್‌ವೇರ್ ಇಂಜಿನಿಯರ್ ಆಗಿದ್ದು, ಇವರಿಬ್ಬರದ್ದು ಅರೇಂಜ್ ಮ್ಯಾರೇಜ್. ವಿಜಯ್ ಅವರಂತೆಯೇ ಅವರು ಪತ್ನಿಯೂ ಡಿಂಪಲ್ ಸುಂದರಿ. ಈ ದಂಪತಿಗೆ ಓರ್ವ ಮಗನಿದ್ದಾನೆ. 

'ಗಿಣಿರಾಮ' ಧಾರಾವಾಹಿಯಲ್ಲಿ ಶಿವರಾಮ ಎಂಬ ಖಡಕ್ ಪಾತ್ರದ ಮೂಲಕ ಕಿರುತೆರೆ ವೀಕ್ಷಕರ ಮನಗೆದ್ದಿದ್ದ ನಟ ರಿತ್ವಿಕ್ ಮಠದ್, ಸದ್ಯ ನಿನಗಾಗಿ ಸೀರಿಯಲ್‌ನಲ್ಲಿ ನಾಯಕನಾಗಿ ನಟಿಸುತ್ತಿದ್ದಾರೆ. ರಿತ್ವಿಕ್ ಮೊದಲ ಕೊರೊನಾ ಲಾಕ್‌ಡೌನ್ ಸಂದರ್ಭದಲ್ಲಿ ಸುಮನ್ ಎಂಬುವವರನ್ನು ಮದುವೆಯಾದರು. ಇವರಿಬ್ಬರದ್ದು ಪಕ್ಕಾ ಅರೇಂಜ್ ಮ್ಯಾರೇಜ್. ವೃತ್ತಿಯಲ್ಲಿ ಸಾಫ್ಟ್‌ವೇರ್ ಇಂಜಿನಿಯರ್ ಆಗಿರುವ ಸುಮನ್, ಪತಿಯ ಪ್ರತಿಯೊಂದು ಹೆಜ್ಜೆಯಲ್ಲೂ ಬೆಂಬಲವಾಗಿ ನಿಂತಿದ್ದಾರೆ. 

ಪುಟ್ಟಗೌರಿ ಸೀರಿಯಲ್ ನಂತರ ಗಟ್ಟಿಮೇಳದಲ್ಲಿ ನಟಿಸಿ,ಕರ್ನಾಟಕದ ಮನೆಮಾತಾಗಿರುವ ನಟ ರಕ್ಷ್ ಗೌಡ ಅವರದ್ದು ಲವ್ ಮ್ಯಾರೇಜ್. ತಿಪಟೂರು ಮೂಲದ ಅನುಷಾ ಅವರನ್ನು 12 ವರ್ಷಗಳ ಕಾಲ ಪ್ರೀತಿಸಿ, 2019ರಲ್ಲಿ ಸಪ್ತಪದಿ ತುಳಿದಿದ್ದರು. ರಕ್ಷ್ ಹಾಗೂ ಅನುಷಾ ಪಿಯುಸಿಯಿಂದಲೇ ಕ್ಲಾಸ್‌ಮೇಟ್ಸ್. ಮುಂದೆ ಲಾ ಕೂಡ ಒಂದೇ ಕಾಲೇಜಿನಲ್ಲಿ ಓದಿದ್ದರು. 

ನಾಗಿಣಿ 2 ಸೀರಿಯಲ್‌ನಲ್ಲಿ ತ್ರಿಶೂಲ್ ಪಾತ್ರದ ಮೂಲಕ ಗಮನ ಸೆಳೆದಿದ್ದ ನಟ ನೀನಾದ್ ಹರಿತ್ಸ್ ಅವರದ್ದು ಕೂಡ ಲವ್ ಮ್ಯಾರೇಜ್. ನೀನಾದ್2022ರಲ್ಲಿ ಜೀವದ ಗೆಳತಿ ರಮ್ಯಾ ಅವರನ್ನು ಕೈಹಿಡಿದಿದ್ದು, ಇವರಿಗೆ ಬಣ್ಣದ ಲೋಕದ ನಂಟಿಲ್ಲ. ಸಿಎ ಓದಿರುವ ರಮ್ಯಾ ಅವರು ನೀನಾದ್‌ಗೆ ಕಾಮನ್ ಫ್ರೆಂಡ್ ಒಬ್ಬರ ಮುಖಾಂತರ ಪರಿಚಯವಾಗಿದ್ದರಂತೆ. 

ಸತ್ಯ ಧಾರಾವಾಹಿ ಖ್ಯಾತಿಯ ನಟ ಸಾಗರ್ ಬಿಳಿಗೌಡ 2023ರಲ್ಲಿ ಸಿರಿ ರಾಜು ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಸಿರಿ ರಾಜು ಮಾಡೆಲ್ ಕಮ್ ನಟಿ. ಜೊತೆಗೆ ಉದ್ಯಮಿ ಕೂಡ ಹೌದು. ತಮ್ಮದೇ ಈವೆಂಟ್ ಕಂಪನಿಯನ್ನು ಸಿರಿ ನಡೆಸುತ್ತಿದ್ದಾರೆ. 2018ರಲ್ಲಿ  ಇದಂ ಪ್ರೇಮಂ ಜೀವನಂ ಎಂಬ ಸಿನಿಮಾ ಅಭಿನಯಿಸುವ ಮೂಲಕ ಸ್ಯಾಂಡಲ್‌ವುಡ್‌ಗೆ ಎಂಟ್ರಿಕೊಟ್ಟ ಸಿರಿ, ಆನಂತರ ವಿಜಯ್ ರಾಘವೇಂದ್ರ ನಟನೆಯ ಎಫ್ಐಆರ್ 6 ಟು 6, ಬರ್ಬರಿಕ ಸೇರಿದಂತೆ ಕೆಲ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ವೆಬ್ ಸೀರೀಸ್‌ಗಳಲ್ಲೂ ಕಾಣಿಸಿಕೊಂಡಿದ್ದಾರೆ.