ಬಹುಕಾಲದ ಸ್ನೇಹಿತರನ್ನೇ ಮದುವೆಯಾದ ಸೌತ್ ಸಿನಿಮಾರಂಗದ ನಟಿಯರಿವರು!

 ಸೌತ್ ಬ್ಯೂಟಿ ಕೀರ್ತಿ ಸುರೇಶ್ ಡಿಸೆಂಬರ್ ೧೨ರಂದು ತಮ್ಮ ಬಹುಕಾಲದ ಗೆಳೆಯ ಆಂಟೋನಿ ಥಟ್ಟಿಲ್ ಅವರೊಂದಿಗೆ ಬ್ರಾಹ್ಮಣ ಸಂಪ್ರದಾಯದಂತೆ ಸಪ್ತಪದಿ ತುಳಿದಿದ್ದಾರೆ. ಇವರಿಬ್ಬರು ೧೪ ವರ್ಷಗಳಿಂದ ಸ್ನೇಹಿತರಾಗಿದ್ದರು. ಬಳಿಕ ಈ ಸ್ನೇಹ ಪ್ರೀತಿಗೆ ತಿರುಗಿತು. ದುಬೈ ಮೂಲದ ಉದ್ಯಮಿಯಾಗಿರುವ ಆಂಟೋನಿ ಥಟ್ಟಿಲ್ ಕ್ರಿಶ್ಚಿಯನ್ ಕುಟುಂಬಕ್ಕೆ ಸೇರಿದವರಾಗಿದ್ದು,  ಕ್ರಿಶ್ಚಿಯನ್ ಸಂಪ್ರದಾಯದಂತೆಯೂ ಮದುವೆಯಾಗಿದ್ದಾರೆ.

ನಟಿ ಅಜಲ್ ಅಗರ್‌ವಾಲ್ ಹಲವು ವರ್ಷಗಳ ಸ್ನೇಹದ ನಂತರ ೨೦೨೦ರಲ್ಲಿ ಗೌತಮ್ ಕಿಚ್ಲು ಎಂಬುವವರನ್ನು ಮದುವೆಯಾದರು. ಇವರಿಬ್ಬರು ದೀರ್ಘಕಾಲದವರೆಗೆ ಪರಸ್ಪರ ಸ್ನೇಹಿತರಾಗಿದ್ದರು. ಬಳಿಕ ಇವರಿಬ್ಬರ ಬಾಂಧವ್ಯ ಗಟ್ಟಿಯಾಗಿ ಸ್ನೇಹ ಪ್ರೀತಿಯಾಗಿ ಬದಲಾಯಿತು. ನಂತರ 2020 ಅಕ್ಟೋಬರ್ 30ರಂದು ಮದುವೆಯಾದರು. ತಮ್ಮ ಆಳವಾದ ಸ್ನೇಹ ಹೇಗೆ ಮದುವೆಗೆ ಕಾರಣವಾಯ್ತು ಅಂತ ಕಾಜಲ್ ಅವರೇ ಹೇಳಿಕೊಂಡಿದ್ದಾರೆ.

ಮಲಯಾಳಂ ನಟಿ ಅಮಲಾ ಪೌಲ್ 2014ರಲ್ಲಿ ವಿಜಯ್ ಎಂಬುವವರನ್ನು ಮದುವೆಯಾಗಿದ್ದರು. ನಂತರ ಅವರಿಂದ ವಿಚ್ಛೇದನ ಪಡೆದ ಅಮಲಾ, ಕೊಚ್ಚಿ ಮೂಲದ ಉದ್ಯಮಿ ಜಗತ್ ದೇಸಾಯಿ ಅವರನ್ನು ಮದುವೆಯಾದರು. ಇವರಿಬ್ಬರು ಮೊದಲು ಸ್ನೇಹಿತರಾಗಿದ್ದರು. ಮೊದಲ ಪತಿಯಾದ ದೂರದ ಬಳಿಕ ತಮ್ಮ ಸ್ನೇಹಿತನನ್ನೇ ವರಿಸಿದರು.

ನಟಿ ಹನ್ಸಿಕಾ ಮೋಟ್ವಾನಿ 2023ರಲ್ಲಿ ಸೋಹೆಲ್ ಕಟುರಿಯಾ ಎಂಬುವವರನನ್ನು ಮದುವೆಯಾದರು. ಇವರಿಬ್ಬರು ಕೂಡ ಹಲವು ವರ್ಷಗಳಿಂದ ಸ್ನೇಹಿತರಾಗಿದ್ದರು. ವ್ಯಾಯಾಮ ಮತ್ತು ಆಧ್ಯಾತ್ಮಿಕತೆಯ ಬಗ್ಗೆ ಪರಸ್ಪರ ಒಲವಿದ್ದ ಈ ಜೋಡಿ, ಮದುವೆಯಾಗಲು ನಿರ್ಧರಿಸಿದರು.

ನಟಿ ಶ್ರೀಯಾ ಶರಣ್ ತಮ್ಮ ಧೀರ್ಘ ಕಾಲದ ಸ್ನೇಹಿತ ರಷ್ಯಾ ಮೂಲದ ಉದ್ಯಮಿ ಆಂಡ್ರೆ ಕೋಶ್ಚೀವ್ ಅವರನ್ನು ಮದುವೆಯಾದರು. ಈ ಜೋಡಿ ಕೂಡ ಯೋಗ ಮತ್ತು ಆಧ್ಯಾತ್ಮಿಕತೆಯ ಮೇಲಿನ ತಮ್ಮ ಪ್ರೀತಿಯಿಂದ ಒಂದಾದರು. ಇವರಿಬ್ಬರು 2018ರಲ್ಲಿ ಆಪ್ತರ ಸಮ್ಮುಖದಲ್ಲಿ ವಿವಾಹವಾದರು.