ರಿಯಲ್ ಸ್ಟಾರ್ ಉಪೇಂದ್ರ ಅವರ ಯುಐ ಸಿನಿಮಾ ಬಜೆಟ್, ಕಥೆ, ಡೈಲಾಗ್ & ಕಲಾವಿದರ ಲಿಸ್ಟ್ ಇಲ್ಲಿದೆ.

ಯುಐ ಸಿನಿಮಾವನ್ನು ಹಾಲಿವುಡ್ ಮಂದಿ ಬಳಸುವ ಟೆಕ್ನಾಲಜಿಯನ್ನು ಬಳಸಿ ನಿರ್ಮಾಣ ಮಾಡಲಾಗಿದ್ದು, ಕೆಲ ದೃಶ್ಯಗಳನ್ನು ೩ಡಿ ಬಾಡಿ ಸ್ಕ್ಯಾನ್ ಬಳಸಿ ಚಿತ್ರೀಕರಣ ಮಾಡಲಾಗಿದೆಯಂತೆ. ಹೀಗಾಗಿ, ಸಹಜವಾಗಿಯೇ ಯುಐ ಬಜೆಟ್ ಬಗ್ಗೆ ಸಿಕ್ಕಾಪಟ್ಟೆ ಚರ್ಚೆ ನಡೆಯುಯತ್ತಿದೆ. ವರದಿಗಳ ಪ್ರಕಾರ, ಉಪ್ಪಿಯವರ ಯುಐ ಸಿನಿಮಾ ಬಜೆಟ್ 100 ಕೋಟಿ ರೂಪಾಯಿ. ಸಿನಿಮಾದ ಒಂದೊಂದು ದೃಶ್ಯವನ್ನು ದುಬಾರಿ ತಂತ್ರಜ್ಞಾನ ಬಳಸಿ ಶೂಟ್ ಮಾಡಲಾಗಿದೆಯಂತೆ.

ಉಪೇಂದ್ರ ಅವರು ಯು & ಐ ಸಿನಿಮಾದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಜಗತ್ತಿನಲ್ಲಿ ಏನೆಲ್ಲಾ ಅನರ್ಥಗಳಾಗುತ್ತಿವೆ ಎಂಬುದನ್ನು ತಿಳಿಸಲು ಹೊರಟಿದ್ದಾರೆ. 2040ರ ವರ್ಷದಲ್ಲಿ ನಮ್ಮ ದೇಶ ಹೇಗಿರುತ್ತದೆ ಎಂಬುದನ್ನು ಕಲ್ಪಿಸಿಕೊಂಡು ಯುಐ ಚಿತ್ರದ ಕಥೆ ಬರೆದಿದ್ದಾರೆ. ವಿಶ್ವದಲ್ಲಿ ಸಾಕಷ್ಟು ಸಮಸ್ಯೆಗಳಿವೆ.  ಈ ಸಮಸ್ಯೆಗಳ ಪೈಕಿ ಜಾಗತಿಕ ತಾಪಮಾನ ಏರಿಕೆ, ಹಣದುಬ್ಬರ, ಎಐ, ನಿರುದ್ಯೋಗ ಹಾಗೂ ಯುದ್ಧಗಳ ಬಗ್ಗೆ ಈ ಸಿನಿಮಾದಲ್ಲಿ ಹೇಳಲಿದ್ದಾರೆ.

ಬಹುನಿರೀಕ್ಷಿತ ಯುಐ ಸಿನಿಮಾದಲ್ಲಿ ರೀಷ್ಮಾ ನಾಣಯ್ಯ ನಾಯಕಿಯಾಗಿ ನಟಿಸಿದ್ದಾರೆ. ಚಿತ್ರದ ಟ್ರೋಲ್ ಸಾಂಗ್ ಮೂಲಕವೇ ರೀಷ್ಮಾ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದ್ದಾರೆ. ಇನ್ನು ಯುಐ ವಾರ್ನಿಂಗ್ ವಿಡಿಯೋದಲ್ಲಿ ನಿರ್ದೇಶಕ ಗುರು ಪ್ರಸಾದ್ ಹೈಲೈಟ್ ಆಗಿ ಕಾಣಿಸಿಕೊಂಡಿದ್ದು, ಇವರ ಪಾತ್ರ ಹೇಗಿರಲಿದೆ ಎಂಬುದನ್ನು ಥಿಯೇಟರ್‌ನಲ್ಲೇ ನೋಡಬೇಕು. ನಿಧಿ ಸುಬ್ಬಯ್ಯ, ಅಚ್ಯುತ್ ಕುಮಾರ್, ಪ್ರಶಾಂತ್ ಸಂಬರಗಿ, ಸಾಧು ಕೋಕಿಲ, ಆರ್ಮುಗಂ ರವಿಶಂಕರ್, ಮುರಳಿ ಶರ್ಮಾ, ಕಾಕ್ರೋಚ್ ಸುಧಿ ಮುಂತಾದವರು ತಾರಾಗಣದಲ್ಲಿದ್ದಾರೆ.

ಈಗಾಗಲೇ ಬಿಡುಗಡೆಯಾಗಿರುವ ಯುಐ ಚಿತ್ರದ ವಾರ್ನರ್ ವಿಡಿಯೋದಲ್ಲಿ ಉಪೇಂದ್ರ ಅವರು 'ಇಲ್ಲಿ ದಿಕ್ಕಾರಕ್ಕಿಂತ ಅಧಿಕಾರಕ್ಕೆ ಬೆಲೆ ಜಾಸ್ತಿ' ಎಂಬ ಡೈಲಾಗ್ ಹೊಡೆದಿದ್ದಾರೆ. ಈ ಮೂಲಕ ನಾವು ಬದಲಾಗದಿದ್ದರೆ ಅಧಿಕಾರದಲ್ಲಿರುವವರು ಅಸಹಾಯಕರ ಮೇಲೆ ದಬ್ಬಾಳಿಕೆ ನಡೆಸುತ್ತಲೇ ಇರುತ್ತಾರೆ ಎಂಬುದನ್ನು ಹೇಳುವ ಪ್ರಯತ್ನ ಮಾಡಲಾಗಿದೆ. ಇದು ಪ್ರೇಕ್ಷಕರ ಗಮನ ಸೆಳೆದಿದೆ.

ಯುಐ ಸಿನಿಮಾಗೆ ಬಿ  ಅಜನೀಶ್ ಲೋಕನಾಥ್ ಸಂಗೀತ ನಿಡಿದ್ದು, ಜಿ. ಮನೋಹರನ್ ಹಾಗೂ ಕೆ.ಪಿ ಶ್ರೀಕಾಂತ್ ನಿರ್ಮಾಣ ಮಾಡಿದ್ದಾರೆ. ವೇಲು ತುಳಸಿ ರಾಮ್, ನವೀನ್ ಮನೋಹರನ್ ಸಹ ನಿರ್ಮಾಪಕರಾಗಿದ್ದಾರೆ.