ಮಕರ ಸಂಕ್ರಾಂತಿ 2025: ಸುಗ್ಗಿ ಹಬ್ಬದ ಮೆರಗನ್ನು ಹೆಚ್ಚಿಸುವ ಕನ್ನಡದ 5 ಹಾಡುಗಳಿವು!

ಸಾಹಸಸಿಂಹ ಡಾ.ವಿಷ್ಣುವರ್ಧನ್, ರಕ್ಷಿತಾ ಹಾಗೂ ಅನಿರುದ್ಧ್ ಜಟ್ಕರ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ 'ನೀನಲ್ಲೋ ನಾನಲ್ಲೆ' ಸಿನಿಮಾದಲ್ಲೂ 'ಸಂಕ್ರಾಂತಿ ನವರಾತ್ರಿ' ಎಂಬ ಸುಗ್ಗಿ ಸಂಭ್ರಮವನ್ನು ಬಣ್ಣಿಸುವ ಒಂದು ಹಾಡಿದೆ.

ಮಕರ ಸಂಕ್ರಾಂತಿ ಅಂದಾಕ್ಷಣ ಥಟ್ ಅಂತ ನೆನಪಾಗೋದು ಹಳ್ಳಿಮೇಸ್ಟ್ರು ಸಿನಿಮಾದ 'ಸಂಕ್ರಾಂತಿ ಬಂತು ರತ್ತೋ ರತ್ತೋ'  ಹಾಡು. ಹಂಸಲೇಖ ಸಂಗೀತ ಸಂಯೋಜನೆಯಲ್ಲಿ ಮೂಡಿಬಂದ ಈ ಹಾಡು ಸಂಕ್ರಾಂತಿ ಹಬ್ಬದ ವಿಶೇಷಗಳನ್ನು ಸಾರುತ್ತದ. ಈ ಹಾಡಿನಲ್ಲಿ ಕ್ರೇಜಿಸ್ಟಾರ್ ವಿ.ರವಿಚಂದ್ರನ್ ಹಾಗೂ ಬಿಂದಿಯಾ ಕಾಣಿಸಿಕೊಂಡಿದ್ದರು.

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅಭಿನಯದ 'ಪಾರ್ಥ' ಸಿನಿಮಾದ 'ಸಂಕ್ರಾಂತಿ ಬಂತು ಸುಗ್ಗಿ ತಂತು' ಹಾಡನ್ನು ಕೂಡ ಹಬ್ಬದಂದು ನೆನಪಿಸಿಕೊಳ್ಳಲೇಬೇಕು. ಈ ಹಾಡಿಗೆ ಗುರುಕಿರಣ್ ಸಂಗೀತ ನೀಡಿದ್ದು, ವಿ ನಾಗೇಂದ್ರ ಪ್ರಸಾದ್ ಸಾಹಿತ್ಯ ನೀಡಿದ್ದರು.

ಸಿದ್ದಲಿಂಗಯ್ಯ ನಿರ್ದೇಶನದಲ್ಲಿ ಮೂಡಿಬಂದ  'ಬಂಗಾರದ ಮನುಷ್ಯ' ಸಿನಿಮಾದಲ್ಲಿ ಪಟ್ಟಣದಿಂದ ಹಳ್ಳಿಗೆ ಬಂದು ಬೇಸಾಯ ಮಾಡಿ ಬದುಕು ಕಟ್ಟಿಕೊಳ್ಳುವ ಒಬ್ಬ ಯುವ ರೈತನ ಪಾತ್ರದಲ್ಲಿ ಡಾ.ರಾಜ್‌ಕುಮಾರ್ ಮಿಂಚಿದ್ದರು. ಈ ಚಿತ್ರ ಪರದೆಯಾಚೆಗೂ ಪರಿಣಾಮ ಬೀರಿ ಹಲವಾರು ಯುವಕರು ಕೃಷಿಗೆ ಮರಳುವಂತೆ ಮಾಡಿತ್ತು. ಈ ಸಿನಿಮಾದ 'ಹನಿ ಹನಿ ಕೂಡಿದರೆ ಹಳ್ಳ' ಎಂಬ ಸಾಹಿತ್ಯದಿಂದ ಆರಂಭವಾಗುವ ಹಾಡಿನಲ್ಲೂ ಸುಗ್ಗಿ ಹಿನ್ನೆಲೆಯಿದೆ.

2023ರ ಸಂಕ್ರಾಂತಿ ಹಬ್ಬದಂದು 'ಸಂಕ್ರಾಂತಿ ತಕಥೈ' ಎಂಬ ಹಾಡು ಬಿಡುಗಡೆ ಮಾಡಲಾಗಿತ್ತು. ಸಂಕ್ರಾಂತಿ ಹಬ್ಬಕ್ಕೆಂದೇ ರಚಿಲಾದ ಈ ವಿಡಿಯೋ ಸಾಂಗ್‌ನಲ್ಲಿ ರಮೇಶ್ ಅರವಿಂದ್, ಹರ್ಷಿಕಾ ಪೂಣಚ್ಚ, ರಾಧಿಕಾ ನಾರಾಯಣ್, ಪೃಥ್ವಿ ಅಂಬಾರ್, ರಾಧಿಕಾ ನಾರಾಯಣ್ ಮುಂತಾದವರು ಕಾಣಿಸಿಕೊಂಡಿದ್ದಾರೆ.

ಎ ಆರ್ ಮಸ್ತಾನ ನಿರ್ದೇಶನದಲ್ಲಿ ಮೂಡಿಬಂದ 'ಸಿತಾರ' ಸಿನಿಮಾದಲ್ಲೂ ಸಂಕ್ರಾಂತಿಯನ್ನೇ ಕೇಂದ್ರವಾಗಿರಿಸಿ ರಚಿಸಿದ ಹಾಡೊಂದಿದೆ. 'ಬಂತು ಬಂತು ಊರಿಗೆಲ್ಲ ಸಂಕ್ರಾತಿ ಹಬ್ಬ' ಎಂದು ಆರಂಭವಾಗುವ ಈ ಹಾಡಿನಲ್ಲಿ ನೇಹಾ ಪಾಟೀಲ್, ದಿಲೀಪ್ ರಾಜ್, ಹರೀಶ್ ರಾಜ್, ನೀತು ಶೆಟ್ಟಿ ಮುಂತಾದ ಕಲಾವಿದರಿದ್ದರು.