ಯೂಟ್ಯೂಬ್ ನಲ್ಲಿ ಅತಿ ಹೆಚ್ಚು ವೀಕ್ಷಣೆ ಮಾಡಿದ ಕನ್ನಡದ ಟಾಪ್ 10 ಚಿತ್ರಗೀತೆಗಳು

ಶರಣ್ ಮತ್ತು ಆಶಿಕಾ ರಂಗನಾಥ್ ಅಭಿನಯದ ರಾಂಬೋ ಚಿತ್ರಗೀತೆ ನೂರು ಮಿಲಿಯನ್ ವೀಕ್ಷಣೆ ಪಡೆದ ಕನ್ನಡದ ಮೊದಲ ಗೀತೆಯಾಗಿ ದಾಖಲೆಯಾಗಿದೆ.ಉತ್ತರ ಕರ್ನಾಟಕ ಶೈಲಿಯ ಈ ಗೀತೆ ರವೀಂದ್ರ ಸೊರಗಾವಿ ಮತ್ತು ಶಮಿತಾ ಮಲ್ನಾಡ್ ಧ್ವನಿಯಲ್ಲಿ ಮೂಡಿಬಂದಿತ್ತು.

ರಕ್ಷಿತ್ ಶೆಟ್ಟಿ ಮತ್ತು ರಶ್ಮಿಕಾ ಮಂದಣ್ಣ ಅಭಿನಯದ `ಬೆಳಗೆದ್ದು' ಗೀತೆ 90 ಕ್ಕೂ ಅಧಿಕ ವೀಕ್ಷಣೆ ಪಡೆದಿದೆ.ಚಿತ್ರ ಬಿಡುಗಡೆಗೂ ಮೊದಲೇ ಬಿಡುಗಡೆಯಾಗಿ ಹಿಟ್ ಆಗಿದ್ದ ಈ ವಿಡಿಯೋ ಗೀತೆ ಪ್ರೇಕ್ಷಕರ ಚಿತ್ರಮಂದಿರಕ್ಕೆ ಬರಲು ಒಂದು ಮುಖ್ಯ ಕಾರಣವಾಯಿತು.

ಸತೀಶ್ ನೀನಾಸಂ ಮತ್ತು ರಚಿತಾ ರಾಮ್ ಅಭಿನಯದ ಅಯೋಗ್ಯ ಚಿತ್ರದ ಏನಮ್ಮಿ ಏನಮ್ಮಿ ಗೀತೆ 80 ಮಿಲಿಯನ್ ಗೂ ಅಧಿಕ ವೀಕ್ಷಣೆ ಪಡೆದಿದೆ. ಅರ್ಜುನ ಜನ್ಯ ಸಂಗೀತದ ಈ ಹಾಡು ವಿಜಯ್ ಪ್ರಕಾಶ್ ಮತ್ತು ಪಾಲಕ ಮುಚ್ಚಲ್ ಕಂಠಸಿರಿಯಲ್ಲಿ ಮೂಡಿಬಂದು ಯ್ಯೂಟ್ಯೂಬ್ ನಲ್ಲಿ ಮಾತ್ರವಲ್ಲದೇ ಗಾನಾ ಆ್ಯಪ್ ನಲ್ಲಿ ಕೂಡ ದಾಖಲೆ ಮಾಡಿದೆ.

ಪುನೀತ್ ರಾಜಕುಮಾರ್ ಮತ್ತು ರಶ್ಮಿಕಾ ಮಂದಣ್ಣ ಅಭಿನಯದ ಚಂದ ಚಂದ ಗೀತೆ ಯೂಟ್ಯೂಬ್ ನಲ್ಲಿ 76 ಮಿಲಿಯನ್ ಗೂ ಅಧಿಕ ವೀಕ್ಷಣೆ ಪಡೆದಿದೆ.

ಪುನೀತ್ ರಾಜಕುಮಾರ್ ಮತ್ತು ಸಂತೋಷ್ ಆನಂದರಾಮ್ ಕಾಂಬಿನೇಶನ್ ನಲ್ಲಿ ಮೂಡಿಬಂದ ರಾಜಕುಮಾರ್ ಚಿತ್ರದ `ಬೊಂಬೆ ಹೇಳುತೈತೆ' ಗೀತೆ 75 ಮಿಲಿಯನ್ ಗೂ ಅಧಿಕ ವೀಕ್ಷಣೆ ಪಡೆದಿದೆ. ಇದು ಚಿತ್ರದ ಮೇಕಿಂಗ್ ವಿಡಿಯೋ ಆಗಿದೆ..

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಚಿಂಗಾರಿ ಚಿತ್ರದಲ್ಲಿ ನಟಿ ಭಾವನಾರ ಐಟೆಮ್ ಸಾಂಗ್ 69 ಮಿಲಿಯನ್ ವೀಕ್ಷಣೆ ಪಡೆದಿದೆ.

ಟಗರು ಚಿತ್ರದ ಶಿವಣ್ಣನ ಇಂಟ್ರಡಕ್ಷನ್ ಗೀತೆ ಟಗರು ಬಂತು ಟಗರು ಗೀತೆ ಯೂಟ್ಯೂಬ್ ನಲ್ಲಿ 60 ಮಿಲಿಯನ್ ವೀಕ್ಷಣೆ ಪಡೆದಿದೆ.ಚರಣ್ ರಾಜ್ ಸಂಗೀತ ನಿರ್ದೇಶನದ ಈ ಗೀತೆ ಅಂಥೋನಿ ದಾಸನ್ ಧ್ವನಿಯಲ್ಲಿ ಮೂಡಿಬಂದಿತ್ತು.

ದರ್ಶನ್ ಮತ್ತು ದೀಪಾ ಸನ್ನಿಧಿ ಅಭಿನಯಿಸಿದ ಚಕ್ರವತ್ರಿ ಚಿತ್ರದ ರೋಮ್ಯಾಂಟಿಕ್ ಗೀತೆ ಒಂದು ಮಳೆ ಬಿಲ್ಲು ಯೂಟ್ಯೂಬ್ ನಲ್ಲಿ 53 ಮಿಲಿಯನ್ ಗೂ ಅಧಿಕ ವೀಕ್ಷಣೆ ಪಡೆದಿದೆ..

ದರ್ಶನ್ ಮತ್ತು ತಾನ್ಯಾ ಹೋಪ್ ರ ಯಜಮಾನ ಚಿತ್ರದ ಬಸಣ್ಣಿ ಗೀತೆ 44 ಮಿಲಿಯನ್ ಅಧಿಕ ವೀಕ್ಷಣೆ ಪಡೆದಿದೆ.ಹರಿಕೃಷ್ಣ ಸಂಗೀತದ ಜೊತೆಗೆ ಹಾಡಿಗೆ ಧ್ವನಿಯಾಗಿದ್ದರು ಕೂಡ. ಯೋಗರಾಜ್ ಭಟ್ ಸಾಹಿತ್ಯ, ವಿ ಹರಿಕೃಷ್ಣ ರ ಸಂಗೀತ ಮತ್ತು ಗಾಯನ ಮತ್ತು ದರ್ಶನ್ -ತಾನ್ಯಾ ಸ್ಟೆಪ್ಸ್ ಗಮನ ಸೆಳೆದವು.

ನಂದಕಿಶೋರ್ ನಿರ್ದೇಶನದಲ್ಲಿ ಮೂಡಿಬಂದಿರುವ ಖರಾಬು ಚಿತ್ರದಲ್ಲಿ ಧೃವ ಸರ್ಜಾ ಜೊತೆ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ನಟಿಸಿದ್ದಾರೆ. ಚಂದನ್ ಶೆಟ್ಟಿ ರಚಿಸಿ, ಸಂಗೀತ ನೀಡಿ ಹಾಡಿರುವ ಖರಾಬು ಗೀತೆಯಲ್ಲಿ ಧೃವ ಭರ್ಜರಿ ಸ್ಟೆಪ್ಸ್ ಹಾಕಿದ್ದಾರೆ. ಖರಾಬು ಗೀತೆ ರಿಲೀಸ್ ಆದ ಎರಡು-ಮೂರು ತಿಂಗಳಲ್ಲಿ ಯ್ಯೂಟ್ಯೂಬ್ ನಲ್ಲಿ 50 ಮಿಲಿಯನ್ ಗೂ ಅಧಿಕ ವೀಕ್ಷಣೆ ಪಡೆದಿದೆ.